بـــــرونـــو أقــنـيــلـلــو !!

[abo wdee3]

سلامو عليكم .. مساء الفل ع الكل ,, بدون مقدمات أبسدح لكم هالقصة .. بس من الحين اللي مستعجل وإلا ماله خلق .. لا يقرأ الكلام اللي ماله علاقة بقصتنا واللي مكتوب بالأسود .. وإلا لا يقرأ الموضوع من الأساس .. أصلاً الشرهة مهيب عليكم .. الشرهة علي أنا اللي كاتب لكم موضوع :d:




ترا أمزح والله .. وحياكم الرب :magkiss: .. وإن شاء الله تستفيدون وتستمتعون بهالقصة .. يعني تستمتفيدون مرة وحدة :jhgy: .. بس تراني صادق اللي مستعجل ينقز الكلام اللي بالأسود وقد أعذر من أنذر :d:



.
.
.
.
.


المكان :

أمام أحد قصور الأفراح .. شفت لا منك حطيت باب النساء بوجهك ؟ أبد على حجاجك الإيمن طال عمرك تحت هاك البرحية - تم تحديد الموقع بالتفصيل من باب تحري الدقة , والدقة مع المهزوم رروح :d: -


الزمان :

الثانية صباحاً .. من يوم الثالث والعشرين غرة تموز جولاي -عطيتكم التاريخ بالتفصيل من باب تحري الدقة أيضاً , ورضاؤونا هدفكم :d: - دار هالحوار بين " محمد" و "خالد " اللي من سنييين ما شافوا بعض والتفاصيل بالنشرة :d: :



..



محمد : بالخير .. سلام عليكم .. مساك الله بالخير .

خالد : وعليكم السلا..اام والرحمة هلااااا .

محمد : خالد عبدالملك خالد الشيهاني , صح وإلا لا هههه

خالد : يا مرحبااا.. إيه الله الله صحيح ما شاء الله الذاكرة كم ميقا هههههههههه

محمد : هههههههههههههههههههه

خالد : كيف الحال وشلونك وش مسوي

محمد : بخير الله يسلمك .. إيه ذاكرة شباب يالشايب خخخخ

خالد : ههههههههه الله يقطع شيطانك ما عقلت إلى الحين انت .. وبعدين إذا أنا شايب أنت وش تصير ؟

محمد : هههههههههههههههه أمزح يا رجال .. وشلونك انت وش أخبارك ؟

خالد : ههههههههه بخير جعلك بخير .. الدامر وإلا ؟

محمد : محمد الدامر يا شايب ههههههههه .. تعال خلنا نسلم عليك ما سلمنا عليك زين لأني كنت مشبه وقلت خلني أتأكد هو أنت أنت ما غيرك هههههههه .

خالد : هههههههههه إيه ولله ما سلمنا عليك زين بالحضن يابني هههههههه .

بخخخ وش هالدلاااخة , أجل توهم مسلمين على بعض ويسلمون مرة ثانية :d: ؟ عاد من زين هالسلام اللي يبي يجي الحين ؟ أترك لكم الحُكم صراحةً :d: :



محمد : هلابك كيف الحال وشلونك

خالد : هلا وشلونك كيف الحال

محمد : وشلون الاهل والاخوان

خالد : وشلون من يعز عليك

الاثنين جميع :d: : بخير الله يسلمك !!

..


بخخخخ الله من العجلة :d: , ويا حبنا للسلام بعد .. المفروض ما ياخذ جوائز نوبل للسلام إلا حنا .. أكثر ناس تسلم بالعالم :d: .. يعني واحد أمس شايفه تلقاني أسلم عليه خدادي وتبويس وزححمة :jhgy: .. هذي تهون عند الحركة البااايخة اللي تصير يوم العيد .. ليلة العيد تلقاني جالس مع أهلي وإخواني وإلا عيال عمي وإلا خوالي وإلا اللي هو .. المهم إني جالس معهم طول الليل ضحك وسواليف وتفقيع وجيه بالطراطيع .. وبس يطلع الصبح وكل واحد يطق ثوب العيد .. أقوم أسلم عليهم واحد واحد وكيف الحال ووشلونك كني لك سنة ما شفتهم !! :d: من جد دلاخة لا تضاهيها دلاخة إلا دلاخة موظفين المطار !! هذي سالفة واحد من الشباب لعبوا عليه الخطوط وركبوه طيارة رايحة لأمريكا بدل كندا !! عاد المسكين أكل تراب وبهذلوه هالأمريكيــان :d: .. البلا إن اسمه أسامة المسكين .. والأمريكان لو سمعوا هالإسم ترتعد فرائصهم .. مع إني ما أدري وشي هالفرائص المهم إنها ترتعد :d: الشاهد إن الرجال تبهذل بهذلة الضعيف الله لا يوريكم اللي شافه .. ويوم راح للسفارة السعودية الموقرة قالوا له اليوم عندنا اجازة تعال يوم الخميس !! سالفة طويلة وأنتم مالكم بالطويلة وإلا :d: ؟

الموهم لا أكثر عليكم هرج ترا إن مسكت بكم خط والله ما يردني ولا باب الحارة :d: خلونا نرجع لسالفة خالد ومحمد ونرجع ورا بالـ " زمانات " :d: قبل تقريباً " عشرييييييين سنة " <<< على قولة الفنان القدير محمد الصومالي :d:


..


المكان :

مواقف وحدة من هالكليات


الزمان :

العاشرة من صباح يوم الثالث والعشرين غرة - أهم شي هالغرة ولو إنها ما تجي إلا بأول الشهر بس نجيبها غصب :d: - تشرين البقعاء الرمثاء والجمل الموافق :

23 / 7 / 2007


.

.

.

.



خالد : هييييه هييييييه لحظة لحظة هييييييييه

زيد : وش يبي ذاا ؟

محمد : أنا قايل له إننا بنروح لمقهى

زيد : أما عاد ؟ مالك داعي والله

محمد : يا رجال وش أسوي له نشب لي .. وبعدين أزين خله يحاسب عنا خخخخخخخخخ

زيد : أوص أص .. هلا بو خلود .. خوي يا زقرت ؟

خالد : قدام .. بس وش إسمه .. بوكي ناسيه بالسيارة حقت " البدر "

زيد : منهو " البدر " ؟ المهم شفني .. إذا بتخليه بكيفك بس أخاف يجي تفتيش وإلا شي خبرك مشددين هاليومين

خالد : بالله ؟ زين أجل يالله ثواني وجاي .. عساني الحق " علي " قبل لا يروح بس


..


محمد : خخخخخخ أجل تفتيش هههههههههههههههههههههه وبعدين منهو " علي" ذا ؟

زيد : هههههههههههههههه هذا " علي البدر " ياخي وش فيك أنت خخخخخخخخ

محمد : ههههههههههههههههههههههههههههه إي والله علي البدر ذا شكله أشهر من محمد عبدو خخخخ

زيد : ههههههههه تقوله صادز .. وبعدين صادز ذا يبي يجي بدون بوكه ؟ ترا ما خليته يجي معنا إلا عشان الحساب ويبي يجي بدون بوكه ؟ إلا لو يجي بوكه ويجلس هو كان فلة خخخخخ .. وشو ذا ؟؟ .. يرحم أمك طلعه ترا أبكسره والله

محمد : ياخوي روق المنقا أنت وهالشنب يا طعس .. أنت تدري لو تبي " توشوش " واحد ضفيت طبلة إذنه بشنبك ؟ طيب تدري إنك لو تلعب " تلفون خربان " على الشنب ذا يمديك تصير طقاقة من كثر الطبول اللي تبي تطلعها ؟ وبعدين ياخي إكبرر .. إنت إلى الحين على فارس مهدي وطقته ؟ خخخ إسمع ذي اغنية بنت كلب إسمها " أمبريلا " .. اسمع دقتها بس بنت كللللب .

زيد : أي بنت كلب على تبن بس .. المشكلة لو يسمعك أحد تتكلم على شكلي يقول بس اللي يتكلم زينب العسكري خخخ ما يدرون إن وجهك يقطع الرزق .

محمد : بخخ منب رادن عليك إلا إذا كبرت وتعديت مرحلة فارس وزينب .. إسمع بس .


..


ههههههههههههههههههه أما فارس مهدي وزينب تووحفة ذا :d: .. زيد هذا يقرب لمحمد , طععس توه جاي من الديرة بكرتونه .. ديرتهم إسمها الأرطاوي والرقاص .. أو وحدة من هالثنتين :d: , وملككككككككع .. يقولون مرة وقفته دورية قاطعن إشارة .. يوم نزل يكلم العسكري .. سأله العسكري وراك قاطع الاشارة ؟ قال ياخي الشارع فاضي ما فيه أحد .. يعني تبينا نعبد هالاشارة ؟! قال العسكري أجل إركب معنا الله لا يهينك هذي فيها حجز 24 ساعة ! قاله زيد لا والله مستعجل خلها يومن ثـاني :d: .. قال أقول لبق سيارتك زين وإمش إركب لا تخليني أركبك بالقوة ! قاله زيد الله يرحم والديك سماح هالمرة مشني وأبدعيلك وأوعدك ما تتكرر .. قال العسكري ليش وأنت ما حليت الواجب عشان أسامحك ؟ هذا نظام مهب لعب .. قال زيد تكفا يا طويل العمر الله يرحم والديك ويقلب هالخطوط اللي ببدلتك نجوم الخليج :d: .. قال العسكري ياخي انت ما تفهم ؟ الظاهر إنك تبي نتعامل معك بأسلوب ثاني ! قال زيد طيب يا اللحية الغانمة وش أنت من لحية ؟ العسكري عاد عطاه نظرة خلته يرفع المنديل الأبيض :d: ومن الخوف شوي ويعترف إنه هو اللي كسر لمبة " جامع الأرطاوي والرقاص الكبير " أو أحدهما :d: .. ثم قال للعسكري طيب عندك شريط وإلا أجيب معي واحد :d: ؟ << عاد هذي من عندي هههههههه .. زيد هاك اليوم ما نكبه إلا إنه كان معه واحد من إخوياه يحب يتفلسف لدرجة إنهم يقولون إنه مرة قد قال لأخوياه " اللاعب الفنان لازم تتوفر فيه ميزتين , التثبيت والكونترول " :d: الصراحة أنا أعرف أسوي كنترول بس الثثبيت ما اعرف أثبت إلا بـ " كراك" فما أدري هل انا فتيت يا إما لآآ :d: .. يا شين الفلسفة بس .. وياهي تتوفر عندنا وبعنف .. خصوصاً بعض المعلقين لا جاك يتكلم لغة عربية وهو يالله يفك الحرف ! << من قال الحربي :d: ؟ .. وإلا لا جاك لاعب سلتوح ما معه متوسطة ويتكلم لغة عربية ويتفلسف .. مثل الأخ الموقر سعد الحارثي تحمس هاك اليوم وهو يتكلم فصحى وطاح له بمطب ابن كللب :d: الأخ يتكلم عن حادث صار له يوم إنه صغير .. ويبي يقول القيادة وهو متعود يقول السواقة .. تدرون وش قال ؟ قال السـيـاقـة ههههههههههههههههههههههههه :d: هالبطة يذكرني لعبه بلعب واحد من الشباب لا جته كورة مسك لك خط الييين ما يطلع بها برا .. وإلا بأحسن الاحوال يصقع بمدافع ويطيح :d: إلين ما طاح له يوم بمدافع ما يدخل مع الباب .. يدلعونه البعير :d: .. بس يا ناس وش بعير ؟ هذا أصلاً المفروض ما يخلونه يركب البعير عشان ما يكسر ظهره :d: .. يا شيخ يقولون لك إنه قعد شهرين ما ياكل إلا نخالة وما " نَـفَـق " ولا جاه شي ولا أوجعه بطنه حتى << تسمع بالنخالة يا نصاااب :d: .. المهم وهو اللي يصقع به .. وما بقى إصابة بالعالم إلا وجته -اخبار اصابتك يالقفل (rambo) - .. والبعير ما جاه ولا مخش كالعادة :d: .. المسكين خويي صار ما يقدر يمشي .. لكن أبوه مواصل قصدي واصل وقدر يدبر له علاج على حساب الحكومة .. عاد وهو يتعالج بأمريكــيــا ضيع جوازه الدلخ :d: .. وراح للسفارة قال لهم ضيعت جوازي .. قالوله شطبنا تعال يوم الخميس ! قال اليوم الخميس يا مسلمين !! قالو له منتب أحسن من اللي قبلك :d: رح وتعال يوم الخميس ! قال طيب وش الحل الحين ؟ قالوا الحل تعطينا مقفاك وترجع يوم الخميس !! قال طيب ولا تعرفون " علي البدر ؟" :d: .. قالوا لا والله ما نعرفه .. أنت راجعنا يوم الخميس ويصير خير !

خخخخخخخخخ مشاكل هالسفارة والله :d: .. إلا حنا وش جابنا هنا ؟ قايل لكم لا تخلوني أمسك بكم خط لكن مشكلتكم ما تحبون اللي ينصحكم :d:

خلونا بس نرجع لمحمد وخالد نشوف وش صار عليهم :


.

.

.

.


خالد : ياخي غريبة هالدنيا .. كم صار لنا متخرجين الحين ولا قد شفت أحد من العيال أبد ! وقبل اسبوع تقريباً شفت " البدر " واليوم أشوفك سبحان الله

محمد : منهو بدر ؟ ما أعرفه والله !

خالد : علي .. علي البدر .. إلا يا رجال منتب تعرفه بس إلا تعرفه زين بعد .. دارس معنا ! عموماً عاش من شافك والله .. وش هالصدفة تصير للمعرس أنت ؟

محمد : عاشت أيامك , لا والله بس العروس يعرفونها الأهل وأنا جاين أباخذهم , أنت اللي وش جابك .. من وين طلعت ؟ خخخخخخخ

خالد : ههههههههههههههه والله مثلك جاي آخذ أهلي , أجل أعرست ما شاء الله ولا تعزمنا ولا شي يالهيس هههههه

محمد : ههههههه لا ولله بس خبرك هالدنيا تفرق حبايب .. ووين أبلقاك عشان أعزمك ؟ وهذا أنت بعد أعرست ولا عزمتنا ههههههه

خالد : من يقوله ؟ ما أعرست ولا شي .. بصراحة أنا جاي أبرجع وحدة متفق مع زوجها اللي هو يصير مديري بالعمل أوديها وأجيبها .. وكل شهر يعطيني المقسوم , وهالست المصون شكلها تبي تسهرنا وحنا ورانا دوامات .. بس دام زوجها المدير فهي تساهيل إن شاء الله هههههههههه

محمد : لحظة لحظة وشو ؟ أفااا !! وليش طيب ؟ عسى ما عليك قاصر بس ؟

خالد على مضض :d: : لا لا مستورة يالله لك الحمد وشلونك أنت بس ؟ وشلون العيال من تشوف من ما تشوف ؟

محمد : أبد والله منب أشوف احد كلن لاهي بدنياه , اللي اشوفه ولد خالتي وبالسنة حسنة بعد

خالد : زيد ؟ هههههههههه يا حليله وش اخباره وش سوا وين راح ؟

محمد : ههههههه اي والله زيد حبيب , اتجه للتدريس وماشية اموره .. هناك بالديرة .. الا خلنا من زيد وعبيد .. انت وش صاير عليك .. ياخي شوفتك ما اعجبتني !


خالد : خلها على الله يا رجال

محمد : آمنا بالله بس صحيح .. وش اللي صاير لك .. شو عدا ما بدا ؟ معقولة هذا خالد اللي كان معنا بالكلية ؟ ياخوي والله يالله عرفتك !

خالد : شف يابو حميد أنت منتب غريب وأنا اخوك .. باختصار .. الدنيا لعبت بي لعب .. تخرجت عقبكم بسنتين بنسبة مثل وجهي .. ولا حصلت لي فيها وظيفة زينة على قد طموحي هاك الوقت .. والوالد توفى الله يرحمه .. وهو توفى من هنا والعالم بدت تنحش عني من هنا .. ما خليت مكان ما رحت له ولا باب إلا وطقيته .. ولا خليت احد إلا وكلمته ومهنا فايدة .. هذا غير مرض الوالدة الله يقومها بالعافية .. يعني انسدت بوجهي الدنيا وقعدت عاطل باطل على الله ثم على اللي يجيني من إخواني ..واخواني الشهادة لله ما قصروا لكن أنا مليت من هالحالة .. عيال اخواني ما شاء الله الحين متوظفين وماشين بحياتهم وأنا عجزت أسوي شي ينفعني .. عقبها قررت أشوف لي أي شغلة وبأي راتب اسم اني اللي اشتغل وأسوي شي بس .. وبديت أعتمد على نفسي وظبطت أوضاعي والحين الحمدلله لي ثلاث سنين على وظيفتي ذي .. هذا غير إني أتسبب بهالموتر عسى الله يرزقنا ونجمع لنا كم قرش أتلاحق بهن عمري ويمكن نلقى لنا بنت الحلال بعد .. أبو حميد يالله أنا جماعتي خلصوا عن إذنك توصينا شي ؟

محمد : أبد سلامتك .. بس إمسك هذا كرتي دق علي بأي وقت وخلنا نشوفك

خالد : على خير إن شاء الله .. فرصة سعيدة

محمد : الله يسلمك فمان الله.

..


:cry: :cry: :cry:


والله مسكين هالخالد قطع قلبي :( البلا والله مهب منه .. البلا من هالنحس اللي كان يمشي معه اللي اسمه " علي البدر " :d: على فكرة علي ذا له سالفة بعد ودي أقولها لكم قبل لا أكمل لكم القصة ومنب مطول واقسم بالله :d: هذا سلمكم الله مرة كان عنده مشكلة بالكلية ودخل على مكتب العميد وشرح له وضعه .. العميد طلب منه يصور بعض الاوراق من مكتب السكرتير ويرجع له .. يوم رجع ودخل المكتب قال له العميد خير ؟ قال له علي أنا علي البدر !! قال العميد وإذا علي ؟ يعني تدخل كذا بدون ما تطق الباب ؟ :d: قال يا طويل العمر أنا كنت قبل شوي عندك ! قال العميد وتكذب بعد ؟ وش اسمك أنت ؟ أنت طالب عندنا ؟ قال علي إيه طال عمرك أنا علي البدر طالب بالمستوى الرابع قبل شوي جيتك بخصووو .. ويقاطعه العميد وقال له بس بس برا يا قليل الادب .. رح تعلم الادب قبل لا تجي تتعلم عندنا بالكلية !! :d: عاد علي الذكي وش سوا :d: ؟ طلع ورجع مرة ثانية طق الباب يحسب إن العميد بينساه ويوم شافه العميد قال له أنا ما قلتلك اطلع برا ؟ أنت الظاهر تبي ننادي لك الأمن ؟ :d: عاد المسكين " علي " ما لبث أن قفلت أخلاقه - << " ما لبث أن" هذي بس عشان تعرفون إننا ما نلعب (himo) - قفلت أخلاقه من الكلية وقرر يروح أمريكا يكمل دراسته .. عاد وهو بأمريكا المسكين ضاع جوازه << ياخي مشكلتك تسمع بتسلسل الاحداث :d: .. ويوم راح للسفارة .. قالوا له مافيه سكرنا تعال يوم الخميس !! عاد سالفته طويلة هو ..وأنا حالف ما أطول :d:




المهم نرجع لأخويانا .. دارت بين الإثنين اتصالات بعد هاللقاء تطورت إلى لقاءات وجلسات رجعوا فيها أيام الصبا ..


* خالد بعد خمس سنوات من الانظباط والاخلاص بالعمل .. تمشكل مع مديره -زوج الست المصون :d:- وتقعد له المدير اإين ما مل وقدم استقالته ..


* خالد ما لقى قدامه إلا إنه يقبل بعرض محمد .. محمد كان قد عرض -<< عاد والله تبطون كلكم على " كان قد " ولو إني أحس إنها خطا علي :d: - على خالد وظيفة حلوة وأقل تعب من اللي كان يشتغل فيها .. والأهم إنه يبي يكون تحت إدارته وكان خالد يرفض بحجة إنه مرتاح بالحال اللي كان عليها ..

*ومشت أمور خالد عال العال .. بعد كم سنة تزوج خالد .. وين الشربات يا ولدد ؟ :d: وحضر زواجه محمد وزيد وكم واحد من هاك الشلة الضالة :d: , أهم شي بالعرس إن علي البدر حضر :d: ,, علي تعرف على الشباب واحد واحد ,, لكن المسكين ما احد تذكره :d: بعدها بكم شهر علي طلع من بيتهم وإختفى في ظروف غامضة :d:



انتهى ..





ما يستفاد من القصة :



- اعرف من تمشي معه .. ومن تثق فيه .. ومنهو فعلاً تقدر تقول عنه " صديق " ..


- بهالدنيا والله لا أبوك ولا أمك ولا إخوانك -ولو كثروا- ينفعونك .. ما نافعك إلا نفسك .. انتبه تلهيك الدنيا عن نفسك وتصير خالد جديد ..

- وبعدين الى متى يا شباب ؟ هاه إلى متى وحنا نصيح عليكم <<< واحد تحمس مع النصايح :angel:


- إذا ناوي تضيع جوازك بامريكا لا تضيعه الا يوم الربوع ليلة الخميس لاسباب بعدين تعرفها :d:




..



* على فكرة علي البدر ذا واحد اشك يمر يوم ما يكتب رد بالشبكة وتعرفونه كلكم لكن للأسف ما احد يذكره الا انا ما ادري ليش ههههههههه .. الموضوع برمت ابوه اهداء للسر الكوني العجيب والحبيب اللبيب اللي من القلب دايم قريب : علي البدر :love: ..

ترا عشان ما تزعل بس , ولا انت لك الرمة والموضوع لباقي الشباب يا شين :d:


* آآآآخر شي :d: .. ترا اسم الموضوع ماله أي علاقة بالموضوع .. لكن الصراحة إني توهقت ما أدري وش أحط موضوع .. قلت مالي إلا أبو العثرات أستشيره << " دكتور فيل " حقي :d: .. عاد هو قال لي بالحرف : حط لك اسم حــلــو :angel: ..


السموحة طولنا عليكم .. من القلب شكراً لكل من وصل بالقراءة لهالحرف ولو هو علي :d: .. وكل عام وانتم بخير ..


:noo:

[Il Fenomeno]

هههههههههههههههههههه :d: :angel: :d: ،،

هههههههههههههههههههه :d: :angel: :d: ،،

الله يقطع ابليسك يا خبل :d: ،،

صراحة قصة استفدت منها الكثير ومن اليوم ورايح منب مكلم علي البدر أبد :d: ،،

تصدق عاد يبو وديع مره جيت لمحل كمبيوتر ابشري سيديات وشفته بالمحل وسلمت عليه ، ويوم رجعت للبيت لقيت قارئ السيديات خربان :jhgy: :d: ،،

يقولون أنه فتح مطعم كبير :d: ، ويوم رحت للمطعم ابشوف وش عندهم لقيت كل شيء بالزعتر :angel: ، رز بالزعتر ، همرقر بالزعتر ، فطيرة بالزعتر ، سندويشه زعتر ، فول بالزعتر :jhgy: ،،

ياليت تكمل موضوعك وتحذر الاعضاء عن محمد الدوسري استاذ علي البدر :p :angel: ،،

ســـــلام :noo:

[[[ SaMi ]]]

و عليكم السلام و رحمة الله و بركاته ..

انت يبيلك رجعه يالمنسم :d:

[السـامـر]

الله يعطيك العافيه :)

قصه رائعه ومايستفاد اروع :magkiss:

[نايف 15]

هههههههههههههههههههههههه :d: :d:
أبو وديع تصدق لو أقولك اني ما أقرأ سطرين إلا وأنا منجضع من الضحك :d:


هاه ماقلتي تصدق أو لا ؟ :angel:

بسم الله ما شاء الله ئـصـّــه أوي أوي بطرانه ,,
محمد أحب أهديك وسام حق المنسمين .. هذاك اللي عليه صورة مدرعم من برا :d:

أقول تعال تعال نقتبص :kany:


أمام أحد قصور الأفراح .. شفت لا منك حطيت باب النساء بوجهك ؟ أبد على حجاجك الإيمن طال عمرك تحت هاك البرحية - تم تحديد الموقع بالتفصيل من باب تحري الدقة , والدقة مع المهزوم رروح :d: -

ياولد لا يكون قصدك قصر البابطين :angel:
لاتقولي وش دراك ,, أكيد أنك كنت مع خالد ومحمد ..؟
لا لا أنا أقولك السالفة .. ذاك اليوم كنت على طريق خريص , المهم طرت علي بوفية الدمشقية (rambo)
وأروح وأطلب لك عربي على كيف كيفك ..
وبعدها دزيت للمكان المعروف للأكل : قصر البابطين شارع القراطيس :d:




تعال خلنا نسلم عليك ما سلمنا عليك زين لأني كنت مشبه وقلت خلني أتأكد هو أنت أنت ما غيرك هههههههه .

يمكن صارت معي مرتين :d:
مره سلمت على واحد وكنا مشبهين على بعض , المهم يوم تأكدنا من هوية بعض سلمنا ثاني مرة :d: ..
والثانية قلتها عن الشكه على قولات أبو العثرات :d:
لا وبعض مرات يجونك بعض الشيبان ويقولون لك :
من أنت ولدلـّـه هاااااااااهـ ؟ ألحق حبني .. :d:



قال زيد طيب يا اللحية الغانمة وش أنت من لحية ؟ العسكري عاد عطاه نظرة خلته يرفع المنديل الأبيض

:angel: :angel:
أبو وديع ياخي ماتدري وش كثر وقفت هنا :d:
ياخي مدري ليش تذكرت واحد من الشباب إذا انحرج حط أقرب منديل ويسوي نفسه يمسح فمه :d: وهو فااااااقع ضحك :angel:
وإذا ماعنده منديل نزل راسه وقعد يلف راسه يمين ويسار تقول يدور فقع :d: وبرضوا تحصله فاااااقع ضحك خخخخخخخخخخخخ ,,



بعدين تعال أنت ووجهك .. صح الحين منهو علي البدر ذا :d: :d:
لايغرك ذاك اليوم قلت لك سلم لي على علي البدر :angel:


ما يستفاد من القصة :

أبو وديع صدقني مافي أفضل من فايدة الضحك وتدليك عضلات البطن :d:




- اعرف من تمشي معه .. ومن تثق فيه .. ومنهو فعلاً تقدر تقول عنه " صديق " ..

صدقت يبو حميد ..
والحمد لله الأصدقاء اللي فيهم خير واجد ..



- بهالدنيا والله لا أبوك ولا أمك ولا إخوانك -ولو كثروا- ينفعونك .. ما نافعك إلا نفسك .. انتبه تلهيك الدنيا عن نفسك وتصير خالد جديد ..

أبوك وأمك وأخوانك يساعدونك ببداية الطريق , وبعدين أنت اللي تكوّن نفسك بنفسك ,,
وأهم شي ان الواحد مايعتمد على غيرهـ وينسى نفسه , وإذا راح غيرهـ صار بموقف محرج !!


..
..
..
..
..



أبو وديع أنا أبي طلب واحد منك ..
أنت مبدع ولا تقطع ;)



أبو وديع أحبك يالمروح :magkiss:

[حبي سدير]

الله يعطيك العافيه

[محمد الهلالي]

لحوووووووووووووول رديت رد طويل بس راح حسبي الله على موبايلي :slv: :slv:

المهم اهلين وسهلين ابو وديع << روق الحين :d:

اخبرك لك شهر وانت تقول بتنزل موضوع واخيرا نزلته مابغيت :jhgy:


هالبطة يذكرني لعبه بلعب واحد من الشباب لا جته كورة مسك لك خط الييين ما يطلع بها برا

يعني انا بطه :amle: << لعبه كذا عشان كذا يجيه شد دايم :jhgy:

انا صراحه ملاحظ هالايام تجيبون طاريي بمواضيعكم كثير لعامل الجذب وانا ترى ماراح انفعكم ولا راح ابقى لكم دايم فالله الله اعتمدوا على نفسكم :jhgy:

ويامشرفين ثبتوا له موضوعه تكفون الرجال له 9 شهور ينتظر موضوعه ينزل والحمدلله نزله وسماه بعد :d: :d:

سلام

<< يارب ينزل الرد يارب :(

[Abdulmajeed]

معليش والله ما قريت شئ ..




< موفر مخه للدراسة :jhgy:

[9_15]

اصبر ياملحوس :kany:

ابروح افطر وابرجعلك

لي عودة :kany:

[DieGo]

هههههههههههههههههههههههههه
والله انها رابع مره اقرا موضوعك

[هلالي اكاديمي]

هههههههههههه الله ياخذ ابليسك يا ابو الود :d:


وش ذا العفش المنكوب والحال المكروب الي عايش فيه هالايام :d:
ما تنلام .. توك مخلص الصيفي وحضنتك الدراسه بعدها بأسبوع بس :angel:





الثانية صباحاً

اييييييييييييييه هههههههههههه واقول وش فيهم ساعه يسلمون على بعض وكيفك ووش لونك (rambo)


المفروض ما ياخذ جوائز نوبل للسلام إلا حنا

هههههههههههههههه والله يا كوفي عنان ما يصف جنب السعوديين بالسلام .. وكيف لو شاف سلام الحريم عندنا هههههه ست بوسات على اليمين وخمس على اليسار ووحده بالخشم >>> هذي ماني متأكد منها :d:



خلونا بس نرجع لمحمد وخالد نشوف وش صار عليهم


مدري ليه تذكرت برنامج مو معقول حق الكاميرا الخفيه (( يله نشوفها مع بعض )) :d:




انتهى ..


لا يا شيخ مالك دااااعي كمل كمل :d:
يا زين خرابيطك بس .. أجل انتهى !! والله لو انك كاتب تفسير ابن كثير على هالكلمه :angel:




اما خالد هذا كسر خاطري ذكرني فيني بالمستقبل (( بعد طولة العمر للوالد )) احس ان نهايتي بسيارة اكد فيها وامسك طريق الدمام الرياض :req:


بس صدقت الاصدقاء من صدقوك مو الي يضحكوا معاك طول الوقت ويسولفوا لك .. بس بالاخير ماهم بنافعين ولا هم بمقدرين الخوه مثل القفل والعياذ بالله :angel:



* آآآآخر شي .. ترا اسم الموضوع ماله أي علاقة بالموضوع .. لكن الصراحة إني توهقت ما أدري وش أحط موضوع .. قلت مالي إلا أبو العثرات أستشيره << " دكتور فيل " حقي .. عاد هو قال لي بالحرف : حط لك اسم حــلــو ..

هههههههههههههههههههه هههههههههههههههههههههههه
هههههههههههههههههههههههههههههههههه انت تشوف التصاميم بالمدرج وكل بعد مباراة الشعب يسأل عنه يبون يحكمون عليه قال هههه :d:

بعدين دكتور فيل العثرات :d: ما وفق في مسأله اختيار الاسم .. حاول تمر على هذيك الدبا اوبرا خلها تعطيك اسم يكسر البومات الفيفتي سنت :angel:



بعدين اكتب مواضيع في اوقات اكون موجود على طول .. مو يوم اني في العزله الرسميه :kany:

يسلم لي هالديات ابو الود .. لا عدمنا سواليفك يا معفّن .. يله تقلع :d:

[شلاخ بن كذيبان]

ههههههههههههههههههههههههههههههههههاااااااااااااااااااااااااااااااااااااااي

الله يرج ابليسك ياشيخ

والله اني تبطحت عالكيبورد على هالصبح

أما علي البدر والسفارة خخخخخخخخخخخخخخخخخخخخخخخخخ :d:

والله اني رحمته

مشكور خيي ابو وديع

[أبوحمـــ15ـــــــــــد]

ههههههههههههههههههههههه خبلللل .. أنا من يوم قريت موضوع إيتو وأنا داري أن عندك طاقة كتابية عديمة الجدوى* ..

وباخلٍ علينا بكل هذا يا أبا وديعٍ ؟؟ ربنا يهديك يابني ..

ما علمتنا ، علي البدر نجح في أمريكا ولا استقعدوا له السفارة في العمارة ورجع ؟؟

وبعدين ماعلمتنا ليش المدير زعل على خالد ؟؟ تسذا من الباب للطاقة ؟؟ أم أن وراء الأكمة ما وراءها ؟؟ << ياااااوك والله ياتبطي يامهند :d:

الله يعافيك أبووديع على هالموضوع الرايق ..

_____
* تراني أحسبها مدحة بس طلعت العكس للأسف :d:

[Abo-Bandar-15]

ههههههههههههههههههههههه خبلللل .. أنا من يوم قريت موضوع إيتو وأنا داري أن عندك طاقة كتابية عديمة الجدوى* ..

وباخلٍ علينا بكل هذا يا أبا وديعٍ ؟؟ ربنا يهديك يابني ..

ما علمتنا ، علي البدر نجح في أمريكا ولا استقعدوا له السفارة في العمارة ورجع ؟؟

وبعدين ماعلمتنا ليش المدير زعل على خالد ؟؟ تسذا من الباب للطاقة ؟؟ أم أن وراء الأكمة ما وراءها ؟؟ << ياااااوك والله ياتبطي يامهند :d:

الله يعافيك أبووديع على هالموضوع الرايق ..

_____
* تراني أحسبها مدحة بس طلعت العكس للأسف :d:

[abo wdee3]

حيهم حيهم ..

تافاريس :magkiss: :



[CENTER][SIZE=3][COLOR=Black]هههههههههههههههههههه :d: :angel: :d: ،،

هههههههههههههههههههه :d: :angel: :d: ،،

الله يقطع ابليسك يا خبل :d: ،،

صراحة قصة استفدت منها الكثير ومن اليوم ورايح منب مكلم علي البدر أبد :d: ،،

تصدق عاد يبو وديع مره جيت لمحل كمبيوتر ابشري سيديات وشفته بالمحل وسلمت عليه ، ويوم رجعت للبيت لقيت قارئ السيديات خربان :jhgy: :d: ،،



منهو ذا علي البدر ؟؟ :d: ..

يقولون أنه فتح مطعم كبير :d: ، ويوم رحت للمطعم ابشوف وش عندهم لقيت كل شيء بالزعتر :angel: ، رز بالزعتر ، همرقر بالزعتر ، فطيرة بالزعتر ، سندويشه زعتر ، فول بالزعتر :jhgy: ،،

ايه بس منهو ذا الي تقول :d: ؟ يا عزيزي أنت من اليوم قاعد تتكلم عن شخص مجهول اللي فهمته منك إ،ه يحب الزعتر بس :d:


ياليت تكمل موضوعك وتحذر الاعضاء عن محمد الدوسري استاذ علي البدر :p :angel: ،،

ههههههههههههههههه الله يهديك بس يابو حميد من وين تجيب هالاسماء مدري :d: ,,

وحياك يا غالي وكل عام وانت بخير ..



الكناري الأزرق :

حياك أبوي وبانتظار عودتك ..


السامر الولهان :

الله يعافيك ومنور حبيبي ..



ولي رجعة باذن الله لنايف والقفل وباقي الفئة الضالة :d: ..


ويامشرفين ثبتوا له موضوعه تكفون الرجال له 9 شهور ينتظر موضوعه ينزل والحمدلله نزله وسماه بعد

يا رجال زين ما يقفلونه بس :d: ..

[Il Capitano]

طيب و برونو وش صار عليه :jhgy: :jhgy: :jhgy:



قمة التنسيم

لا تقطع يا مرجوج :d:


سلامون

[Nesta 13]

...

[Nesta 13]

هههههههههههههههههـ .. !!

والله انكـ مبنشر .. :d:

أجل السفآره وعلي البدر .. :jhgy:

يعني تستمتفيدون

انآ ابغى تفسير لهـ الكلمة .. :amle:

هذي تهون عند الحركة البااايخة اللي تصير يوم العيد .. ليلة العيد تلقاني جالس مع أهلي وإخواني وإلا عيال عمي وإلا خوالي وإلا اللي هو .. المهم إني جالس معهم طول الليل ضحك وسواليف وتفقيع وجيه بالطراطيع .. وبس يطلع الصبح وكل واحد يطق ثوب العيد .. أقوم أسلم عليهم واحد واحد وكيف الحال ووشلونك كني لك سنة ما شفتهم !!

هـ الحركة مآلهآ حل ابدآ .. :d:

عجزت ادوور لهآ حل يمين يسآر .. مآ لقيت .. :d:


إي والله علي البدر ذا شكله أشهر من محمد عبدو

غطى ع القفل يآ شيخ .. :d:

بعدين علي ذآ ... وش سآلفة اهله .. ؟ :amle:

يوم نزل يكلم العسكري

وزينب العسكري فـ كل مكآن .. :amle: < < فآهم غلط .. :jhgy:

العمر الله يرحم والديك ويقلب هالخطوط اللي ببدلتك نجوم الخليج

خخخخخخخخخخخخـ .. الله يرج عدوكـ .وربي موتني ضحكـ،... :d: :d:

ما يستفاد من القصة :

ذكرتني أول بـ كتآب الحديث ومآ يستفآد من الحديث .. :angel:

- اعرف من تمشي معه .. ومن تثق فيه .. ومنهو فعلاً تقدر تقول عنه " صديق "

والله انكـ، صآدز .. لكن الأصدقآء الموجودين فيهمـ الخير عندي .. :)

- بهالدنيا والله لا أبوك ولا أمك ولا إخوانك -ولو كثروا- ينفعونك .. ما نافعك إلا نفسك .. انتبه تلهيك الدنيا عن نفسك وتصير خالد جديد ..

بآآلعكس بيفيدوونكـ، اهلكـ أول نآس .. !! لكن نهآية المشوآر انت تكملة .. ;)

حط لك اسم حــلــو

اسمح لي بآآآيخ .. :d:

//
//

أحييكـ، والله ... !! :)

...
..
.
:magkiss:

[ابوسعد الهلالي]

موضوعك لحسه يابرونو :angel: اقصد يابو وديع ..

ذكرتني بسوالف مدرعم اذا حشش ..

اذا جيت تكتب مره ثانيه لاتكتب وانت كامخ اكتب اذا فاز البارشا بس عشان نفهم :d:

تشاااااااااااو :noo:

[برستيج]

هلا بو وديع


ياخي احد قايلك اننا ناقصين صداااااااااااااااااع انت وموضوعك .. :angel:


فوق يا بطل .. (himo)

[العاتي]

هــلا بأبو وديع*

وش هالموضووووع هههههههههههههههه

ياخي دوختنا . .

أحلى شيء ما يستفاد من القصه .. مع إني ما أشوف بالقصة شيء يستفاد منها :d:

أول شيء .. صدقت فيها لازم الواحد يعرف من يمشي معه . . :yes:

ثاني شيء شكلك تحمست مرهـ وخانك التعبير .. وياكثر ما يخون المبدعين ..

هم بيساعدونك أول الطريق والباقي عليك الله يعافيك .. :cool:

بصراحه قصة تدوخ لكن طلعنا منها بفايده غير الصداع :d:

لا تقطع فينا خلك قريب ..


مع السلامة :noo:
ـــــــــــــــــــــــــــــــــــــــــــــــ
* في رواية أخرى أبو برونو .. :magkiss: :angel:

[هلالي حتى الموت $]

موضوووع هادف وفكاهي ومضحك ومنسم بنفس الوقت يا منسم انت .. :d: والصديق ترى على فكرة اهم شي في الحياة بعد الوالدين فلازم يتم اختياره بعناية .. ;)

ولا انسى اهنيك على المووووضوع وفعلا كان حلووو :d:

ويعطيك العافية ونستنا وغيرت لنا عن جو الدراسة والكتب الجديدة :d:

[Bluagrana Magic]

ابووووديع رووووعه هالحكايه ،،،


اتحفنا بجديدك،،،


ونبي احلى من كذا ،،،

[قلبها ازرق]

اجل منزل قصه ياابو وديع :d: وش فيها الساحه اغلبها قصص وروايات :angel:
من قصة نوااااف وحسنيه حيث القصص الرومانسيه :angel:
و الكناري والدحمي حيث القصص الكوميدي :angel:
والناقد والبانوراما حيث قصص الرعب :angel:
وابو سعد ورجال امننا حيث قصص حقوق الانسان <<ماعرفت نوع القصه :angel:
وانت وبرونو اقنيللو حيث قصة البرازيلي الجميل :d:

. بس تراني صادق اللي مستعجل ينقز الكلام اللي بالأسود وقد أعذر من أنذر :d:
بالعكس والله نصيحه مني انقزوا القصه واقروا اللي بالاسود والله اني مت ضحك ياابو وديع على الاسود :d: :d:
الزمان :
الثانية صباحاً .. من يوم الثالث والعشرين غرة تموز جولاي
ابو وديع ابي اقولك سالفه وهي برا الموضوع مثل اللي بالاسود :d: والله اني قريت الزمان مية مره وضحكت تذكرت سالفه لي هنا :d: مره كنت بمنتدى مستشفى التقنيه <<من كثر مواضيع مشاكل الاجهزه تخيلته مشفى :jhgy:
المهم ولا لك بالطويله :d: فيه تصميم راايق وشفته ومكتوب عليه بيت شعر او شيء زي كذا ومكتوب عليه ( كل الشهور تموز ) انا هنا قلت تموز هاذي قد مرت علي المهم اني عجزت اعرفه :angel: وبس اتردد على هالتصميم قلت خن اسأل وش معني تموز لاني عارفه نفسي ماانام الا لما اعرفه :d: يوم رد قال تموز شهر :angel: حسيت وجهي طاح على طول تذكرت خواتها شباط ونيسان واب :d: عاد انا جيت ابي ارد عليه بس عشان ارد اعتبار وجهي :jhgy: كنت بكتب لو سمحت يااخوي مايجوز استعمال الاشهر هاذي لانها مهيب سنه مؤكده :d:

هذي تهون عند الحركة البااايخة اللي تصير يوم العيد .. ليلة العيد تلقاني جالس مع أهلي وإخواني وإلا عيال عمي وإلا خوالي وإلا اللي هو .. المهم إني جالس معهم طول الليل ضحك وسواليف وتفقيع وجيه بالطراطيع .. وبس يطلع الصبح وكل واحد يطق ثوب العيد .. أقوم أسلم عليهم واحد واحد وكيف الحال ووشلونك كني لك سنة ما شفتهم !!
هههههههههههههه :d: :d: :d: عاد لو تشوف سلام الحريم وخاصه القصمان يجي الليل وماخلصنا صوت البوسه واصل لاخر الشارع :d: عاد حنا بالذات عايله الله باليها بسلام بمناسبه و بدون مناسبه <<حست انه مرض :jhgy:
نرجع للموضوع
علي البدر
اما البدر والعميد سالفته سالفه :d: :d:
على فكره ياابووديع تراو رحت وكتبت بقوقل ( علي البدر ) وطلع لي سمر علي البدر :d: <<نغزه تبيك تعلمه من هو علي البدر بس لايكون مثل تموز :d:
ما يستفاد من القصة :
ههههههههه اجل مايستفاد انا ماقريت القصه تبيني اقرا مايستفاد :angel: بس جزاك الله خير ونفع بك :angel:

* آآآآخر شي .. ترا اسم الموضوع ماله أي علاقة بالموضوع .. لكن الصراحة إني توهقت ما أدري وش أحط موضوع .. قلت مالي إلا أبو العثرات أستشيره << " دكتور فيل " حقي .. عاد هو قال لي بالحرف : حط لك اسم حــلــو :angel:
يعني افهم من كذا ان ابو العثرات الله يحفظه تخصصه طب بيطري <<اجل فيل :d:
وعلى طاري الاسم الحلو احد يدز للاسطوره ينزل لنا صور شخصيه لبرونو :angel:

عوافي ياابو وديع ع القصه اللي استـمـفدنا :angel: منها وضحكنا جدن كثيرات :d:
ومره ثانيه اكتب قصه اي قصه خربط بس اهم شيء كثر من الاسود :d:
اخر تعليق والله :d:
اجل تقول للقفل :
يا رجال زين ما يقفلونه بس :d: ..
ماادري ليه تذكرت البنات اللي بيبعدن عنهن العين لما نقولها حليتي تقول زين اخذ اقل درجه وانت مثبت :d:
<<الكيبورد يصيح :jhgy:

[حبلوص]

:d: :d: :d: :d:


الفقه الضاله مشكله هل الايام :d:




برب


ولي رجعه ان شاء الله :d:

[الفارس المعصب]

حبيت اقولك اني قريت الموضوع كله :kany:

اما العميد والله لو اني مكان علي البدر كان خربتها معه وخليته من جد ينسى :d: :d:

ابو وديع موضوعك حلو ياحلو :magkiss:

لاتصدق :d:

[عاشق العثرات]

من و انا زغير :kello: << وخرو عنه :d:
كنت اسمعهم يقولون السلك العسكري .. السلك الدبلوماسي ..
فكنت اتوقع ان السلك العسكري .. مثله مثل سلك المسجل اللي يجلدني به مدرس القرآن الله لا يمسيه بالخير :d: ( مع العلم اني كنت اتصور ان السلك العسكري اشد قسوه وإيلاما ً ( ادرس ادرس يابوحمد :d: ) من الدبلوماسي ) ..

اما بعد ..

فنهيب بالسادة القراء ان يتركوا الخزعبلات ( لا اليوم مبدّع صراحه ) اللي في المقدمه اعلاه ويقرون اللي كتبته ادناه .. الا على طاري ادناه واعلاه .. ويمينه ويسراه ياخي انا استغرب من هالخطابات .. اعلاه وادناه ويمناه ويسراه .. ما ناقص الايقول .. لاجاك حرف T اطلع اعلاه وخذ فوقاه تحتاه ثم تبي تجيك الاشاراه إذا ولعت خضرااااه .. اطلع ييميناه :d: :d: :d:

اما بعد اما بعد ..

هالمره نبي نقتبس من كتابات الخبل الابل << طراه ان بعض الكتاب يبي يخليها سجع بالملعونه واختها :d: .. ابا وديعــن قدس الله شنباته اللي كنها شنبات هتلر ايام عزه :d:


والدقة مع المهزوم رروح

ههههههههههههههههههههههههههه وآخر واحد حارس :d: :d:



الصراحة أنا أعرف أسوي كنترول بس الثثبيت ما اعرف أثبت إلا بـ " كراك" فما أدري هل انا فتيت يا إما لآآ

هههههههههههههههههههههههههههههههههههه

وش تقرب لك هالذبه يابو وديع ههههههههه طراه ذبتك وذبتي .. وكل واحد يحافظ على ذبته رجاءا كرما وفضلا رجاءا رجاءا :d: .. ترى لا ضاعت ذبتك يابو وديع وقاموا يتداولونها الناس مسنجريا لا تجي وتقول لي وين ذبتي ؟ ابقول لك ان فيه واحد الله يمسيه بالخير ناوي يرسلها لواحد الله لا يمسيه بخير ويقول له وش تقرب لك هالذبه :d: :d: :d: :d: <<< ترى هالبرقراف :d: :d: مشفر تشفير 162 بت .. وهذا النظام من التشفير مستخدم في كافة مواقع البنوك العالمية والمحليه :d: فاللي بيقدر يفك هالشفره يعلمني من الحين اروح اكنسل حسابي في الاهلي اون لاين وفي يو اس بنك :d: :d:


محمد : خالد عبدالملك خالد الشيهاني , صح وإلا لا هههه

محمد عبدالملك الشيباني ..

محمد الدامر يا شايب ههههههههه

الدامر يعني الداسر ..
والداسر هي التصريف الثالث لـ الدوسري :d: :d: :d: :d:


البلا إن اسمه أسامة المسكين .. والأمريكان لو سمعوا هالإسم ترتعد فرائصهم .. مع إني ما أدري وشي هالفرائص المهم إنها ترتعد

هههههههههههههههههههههههههههههههههههه الفرائص هذي يعلمك عنها ابو حمد .. تراه ماخذ دورة يوم انه في " امريكه " في علم الفرائص والعصاعص :d: :d: :d:

العاشرة من صباح يوم الثالث والعشرين غرة - أهم شي هالغرة ولو إنها ما تجي إلا بأول الشهر بس نجيبها غصب - تشرين البقعاء الرمثاء والجمل الموافق :

هههههههههههههههههههههههههههههههههههههههههههههههه
لالا يابو وديع فاتت علي هذي والله ما علمتك عنها ..

غغلط عليك يابووديع .. كاتب غرة تشرين !!!
غرة هذي اصلا ما تجي الا مع حزيران هههههههههههه خل عنك انا ما قد سمعتها الا مع حزيران وانت بكيفك :d: :d: << شكله مروح هالشهر من اسمه لأنه حزيران من محزر ههههههههه او تحس انه واحد وده يروح لسويسرا .. بس الظاهر انه ابطوا عليه بالجواز :d: او انهم حشروه في الامقريشن حق السويسريين ههههههههههههههههه :d: << ايضا مشفر :angel:

وإلا لا جاك لاعب سلتوح ما معه متوسطة ويتكلم لغة عربية ويتفلسف ..

ههههههههههههههههههه من قال سامي الجابر هههههههههههههههههههههههه
خلك صريح يابووديع لا تخاف الا من ربك .. وشو ترى راس مالها بيجيك الناطق الرسمي بإسم نادي الهلال ووكيل الله في ارضه واقوى واحد .. ويقول لك ..حكمت المحكمة الهلاليه عليك حضوريا .. قصدي حكمت مجلس ادارة مجلة نبض الهلال بأنك منتب هلالي .. ويسري القرار اعلاه على المتهم ادناه من تاريخ صدوره وامشوا معي يمناه ياويلي ويلاه .. ونبي نقول جميعا : كش عليك ترى منتب هلالي :d: :d: ..
اللهم صلي على محمد ( صلى الله عليه وسلم ) رفعت الجلسة :d: :d:





* آآآآخر شي .. ترا اسم الموضوع ماله أي علاقة بالموضوع .. لكن الصراحة إني توهقت ما أدري وش أحط موضوع .. قلت مالي إلا أبو العثرات أستشيره << " دكتور فيل " حقي .. عاد هو قال لي بالحرف : حط لك اسم حــلــو

ههههههههههههههههههههههههههههههههههههههههههههه ..
بس ترى خبرك عتيق منيب فيل .. نحفت شوي :d: << ياشين اللي حده غصب واحد :d: :d:


عاد الموضوع شيّق :d: وإبداع لا يضاهيه إبداع .. ومامن لياقه زود والا تسان اقتبست زياده ..
لكن على ماقال .. لا صار الموضوع عسل لا تقتبسه كله :d:

والسلام عليكم ورحمة الله وبركاته :d:

[هلالـ أزرق ـي و أبيض]

هههههههههههههههههههههههههههههههه

الله يرجك رجا مبرحا

قصه رائعه جدا

[قانون الجاذبيه]

هههههههههههههههههههههههه

:d: :d:

[FaHooDe]

ابو وديع والله انك داري عني اني فاضي وماعندي شي وناطل لي الموضوع على جنب تقول ثرو بالدوري الياباني ولاعب سلقه يركض وراها وينفرد بالباب !!

الزبده موضوع زاحف انا اشهد انه من كثر الزحف بدى يندفن بالارض

كعادتي المتميزه والبايخه تعلقيات متفرقه " يالله يا رب انك تجمعهن بليله وحده "

- ذا علي البدر يذكرني بواحد من العيال الله يستر علينا وعليه , والله معنا بالجلسه ونسولف معه يسكت شوي نقول وين فلان ما جا اليوم (himo)

- وزيد هذا مسليكاتي كبير وانسان يصرف بريال ويدور الي يبي ويذكرني بواحد اخر من العيال " غير علي البدر " يا شيخ لو تسولف معه يرفع بجوك فوق واذا قربت تخلص من السالفه حطمك وجلس يضحك بوجهك " ياما وياما باغي اخليه يزحف "

-انا اعرف واحد يقال له محمد الدامر لايكون هو بس :req:

- والله يا صديقي اسم الموضوع اكثر شي جذبني جذبا شديدا

- المفروض تخلي الناس يقرون الي بالاسود ويسحبون على الازرق .

- والله يرجك مع سالفه العسكري مسكه فيها خط واقراه اربع مرات " لاني بنص السالفه افهي وارجع , خبرك الهنود اثروا علينا " وفي النهايه تقطعها يا داج !! عيب كملها الرجاجيل تحمسوا واسحب على الموضوع
ادري انك ماودك تخش بموضوع وتطلع من موضوع وتطلع مخيط المواضيع كلها وماتدري وشو الموضوع الي تبي تتكلم عن بالاساس

- وانا اتفق معك بالفوائد الاخويا وقت الضيق " الصديق وقت الضيق " وانا بصراحه مع زكرت مثلك وشرواك وزاحفين بس مشكلتهم مايعرفون ينامون زين !!

تحياتي لك يا ابو وديع واذا لك موضوع ثاني قل لي عليه علشان اضحك شوي خبرك الهنود هبلوا بي عيال اللذينا " والله لافقع وجه كومار "

[شلهوب توب]

هههههههههههههههههههههههههه
ههههههههههههههههههههههههه
:d: :d: :d: :d: :d: :d: :d: :d: :d:
الله يقطع ابليسك :d: :d: :d: :d:

والله لو اني مب متعيجز كان شفتني اسوي اقتباسات وضحك ورجه :angel:



تحياتي ,,,
خـــالــد ,,,
:noo:

[بيروتي الهلال]

القصة مثيرة ، والله يكثر ّ من الـ هههههههههههههههههههه في الموضوع :nrey:

تحيتي لك يا غالي :)

[abo wdee3]

مرحب مرحب .. ومبارك الشهر على الجميع ..


نايف 15 :magkiss: << ترا البوسة للرقم مهب لك :p

هههههههههههههههههههههههه
أبو وديع تصدق لو أقولك اني ما أقرأ سطرين إلا وأنا منجضع من الضحك

هههههههههه طيب ورا ما قريت الموضوع وأنت منجضع أحسن لك :d: ..


هاه ماقلتي تصدق أو لا ؟

لا :d: " بِـل" اصبعك ودق سيفين بدون نخلة بحلقك عشان اصدق :d: ..



بسم الله ما شاء الله ئـصـّــه أوي أوي بطرانه ,,
محمد أحب أهديك وسام حق المنسمين .. هذاك اللي عليه صورة مدرعم من برا

لا فكنا تكفا من الأوسمة مليانين :d: ان كانك تبي عطيناك :d: .. ويالله نقتبص :amle:



ياولد لا يكون قصدك قصر البابطين
لاتقولي وش دراك ,, أكيد أنك كنت مع خالد ومحمد ..؟
لا لا أنا أقولك السالفة .. ذاك اليوم كنت على طريق خريص , المهم طرت علي بوفية الدمشقية
وأروح وأطلب لك عربي على كيف كيفك ..
وبعدها دزيت للمكان المعروف للأكل : قصر البابطين شارع القراطيس

هههههههههههههههه عرفت المكان عرفته :d: .. لا مهب هناك .. بس هناك تدري وش ودك تصير ؟ ودك تصير " بس " :d: والله يالبساسة بهاك الشارع عايشة :d: المشكلة انها بجيييييحة ؛؛ يعني يجيك البس يحتريك عند السيارة الين ما ترمي قراطيسك :req: واذا رميت له قرطاسة فاضية سوالك حرة " لا اخلاقية " اعلمك عنها بعدين :d: ..



لا وبعض مرات يجونك بعض الشيبان ويقولون لك :
من أنت ولدلـّـه هاااااااااهـ ؟ ألحق حبني ..

هههههههههههههههههه وشلون ؟ يعني الشايب يقولك زي كذا وينحاش عشان تلحقه :jhgy: ..


أبو وديع ياخي ماتدري وش كثر وقفت هنا
ياخي مدري ليش تذكرت واحد من الشباب إذا انحرج حط أقرب منديل ويسوي نفسه يمسح فمه وهو فااااااقع ضحك
وإذا ماعنده منديل نزل راسه وقعد يلف راسه يمين ويسار تقول يدور فقع وبرضوا تحصله فاااااقع ضحك خخخخخخخخخخخخ ,,

نايف يرحم امك لا عاد تحرجونه ذا :d: ..


بعدين تعال أنت ووجهك .. صح الحين منهو علي البدر ذا
لايغرك ذاك اليوم قلت لك سلم لي على علي البدر

علي البدر :req: مدري كن هالاسم مارن علي :d: ..


أبو وديع صدقني مافي أفضل من فايدة الضحك وتدليك عضلات البطن

الحمدلله يعني ضحكنا هالخشيشة الكريمة أهم شي :d: ..


أبوك وأمك وأخوانك يساعدونك ببداية الطريق , وبعدين أنت اللي تكوّن نفسك بنفسك ,,
وأهم شي ان الواحد مايعتمد على غيرهـ وينسى نفسه , وإذا راح غيرهـ صار بموقف محرج !!

كلام كبير .. اكبر كلام بالعالم روووح تستاهل :d: ..


أبو وديع أنا أبي طلب واحد منك ..
أنت مبدع ولا تقطع

تسلم .. وغالي والطلب رخيص ..


أبو وديع أحبك يالمروح

عاد هذي مشكلتك .. انصحك تراجع نفسك :d: ..


وحياك حبيبي :kello:

.

.


.

.


محمد الهلالي :

لحوووووووووووووول رديت رد طويل بس راح حسبي الله على موبايلي

المهم اهلين وسهلين ابو وديع << روق الحين

اخبرك لك شهر وانت تقول بتنزل موضوع واخيرا نزلته مابغيت

هههههههههههههههههههه خلاص ياخي درينا ان اتصالك موبالي ترا بكل موضوع تعلمنا :angel: ..

هلا بك والله وابشرك نزلنا ابوه :d: ..


انا صراحه ملاحظ هالايام تجيبون طاريي بمواضيعكم كثير لعامل الجذب وانا ترى ماراح انفعكم ولا راح ابقى لكم دايم فالله الله اعتمدوا على نفسكم

هههههههههههههه عاد يالقفل عشان ما تصدق عمرك بس .. تدري أنت تجي بالموضوع زي ايش ؟ زي المعمول والبايسن وداناو اذا طلعو بطاش ما طاش :d: يعني كذا جاي فوق البيعة :d: .. إلا على طاري هالخرابيط ياخي ليش طاش ما يعرفون يسوون دعايات ؟ بالله يابو حميد عمرك قد شفت احد ياكل معمول ويدز ببايسن ؟ :d:

ومشكور على التوصية :d: ومنور حبيبي :magkiss: ..

.

.

.

.

مجيد الهلالي :


معليش والله ما قريت شئ ..

< موفر مخه للدراسة

ليش يلعن اوم القهر يا شيخ :d: .. ابد خذ راحتك بس ترا مهب لازم ترد على كل موضوع ما قريته وتعتذر من راعيه :d: ..

.

.

.

.

9هلالي15 :

اصبر ياملحوس

ابروح افطر وابرجعلك

لي عودة

أنت فطورك مشكلة :d: .. طيب ترا لازم توقف فطور بكرا صيام يالطيب ..

.

.

.

.

دييقو :

هههههههههههههههههههههههههه
والله انها رابع مره اقرا موضوعك

هههههههههههههه حياك قلبي .. بس ترا ان قريته مرة ثانية منب مسؤول عن العواقب ان انهبلت والا جاك شي :d: ..

ومنور حبيبي :magkiss: ..

.

.

.

.

أبو كدم :

هههههههههههه الله ياخذ ابليسك يا ابو الود


وش ذا العفش المنكوب والحال المكروب الي عايش فيه هالايام
ما تنلام .. توك مخلص الصيفي وحضنتك الدراسه بعدها بأسبوع بس

ههههههههههههههههه يعني تبي تقهرني :d: ؟ يا عزيزي على الأقل انا انسان أسوي شيء بالحياة وأحس إن لي قيمة كطالب علم :d: أما أنت جالس كذا عطالي بطالي عالة على المجتمع أكبر شي تسويه بحياتك تجمع قطة اخوياك وتلعب على القفل :d: يعني الصراحة ما أدري وشلون متحمل الراحة اللي أنت فيها , من جد راحة قااااتلة :d:


هههههههههههههههه والله يا كوفي عنان ما يصف جنب السعوديين بالسلام .. وكيف لو شاف سلام الحريم عندنا هههههه ست بوسات على اليمين وخمس على اليسار ووحده بالخشم >>> هذي ماني متأكد منها

ههههههههههههههههههههه اما بالخشم :d:


هههههههههههههههههههه هههههههههههههههههههههههه
هههههههههههههههههههههههههههههههههه انت تشوف التصاميم بالمدرج وكل بعد مباراة الشعب يسأل عنه يبون يحكمون عليه قال هههه

يا قاهرهم يا برونو :d:


بعدين دكتور فيل العثرات ما وفق في مسأله اختيار الاسم .. حاول تمر على هذيك الدبا اوبرا خلها تعطيك اسم يكسر البومات الفيفتي سنت

ههههههههههههههههههههه خلاص أجل الموضوع الجاي ابستشير أوبرا اللي من تطلع ؟ اكيد قلبها ازرق :d: ..


يسلم لي هالديات ابو الود .. لا عدمنا سواليفك يا معفّن .. يله تقلع

هههههههههههه الله يسلمك .. ونورت يالمصنق :magkiss: ..


.

.

.

.

شلاخ بن كذيبان :

ههههههههههههههههههههههههههههههههههاااااااااااااااااااااااااااااااااااااااي

الله يرج ابليسك ياشيخ

والله اني تبطحت عالكيبورد على هالصبح

أما علي البدر والسفارة خخخخخخخخخخخخخخخخخخخخخخخخخ

والله اني رحمته

مشكور خيي ابو وديع

العفو وحياك يا غالي :magkiss: .. يا خوفي بس يطلع هالكلام فقش لأن اسمك ما يطمنش :d: ..

.

.

.

.

أبو أحـــ15 ـــمد : :p

ههههههههههههههههههههههه خبلللل .. أنا من يوم قريت موضوع إيتو وأنا داري أن عندك طاقة كتابية عديمة الجدوى*

هههههههههههههههههههههههههههههههههه الله يلعن شيطانك .. عزيزي ابو حمد تشريفك للموضوع اسعدني وأقض مضجعي* :d:

ما علمتنا ، علي البدر نجح في أمريكا ولا استقعدوا له السفارة في العمارة ورجع ؟؟

وبعدين ماعلمتنا ليش المدير زعل على خالد ؟؟ تسذا من الباب للطاقة ؟؟ أم أن وراء الأكمة ما وراءها ؟؟ << ياااااوك والله ياتبطي يامهند

ابو التحجييير :d: علي هين سالفته استهبال باستهبال كلها .. اما خالد ومديره فبالله وش ترجي من واحد يخلي اهله يروحون لعرس مع غريب وانت عارف ان الحريم ما يروحون لعرس الا " وه بس " :d: ؟؟ ,, ابو حمد طرا على بالي سؤال أثناء انغماسي في نثر هذه الحروف بين يدتاك ** :d: : قد دخلت دنيا :d: ؟؟ << يصرف الملعون سالفة خالد :d: ..


وحياك الرب يابو حمد يا كبير :love: ..

ـــــــــــــــــــــــــــــــــــــــ

* لا يُعرف معناها ولكن حسيت انها تناسب المقام والزمان :d: ..

** أي يدينك :d: ..



ولي عودة باذن الله إلا إن حبسني حابس << ناوي يلحق على فطور 9هلالي15 :angel: ..


..

[الهلالي عبووود]

:angel:

أرجــك الله ,,


:angel: :angel:

[العـــاشق]

موضوع شيق :d:

اصبر ارد عليك بعد الفطور :d: :d:
















يعطيك العافيه ابا وديع :magkiss:

بس عندي عده مهي عده حرمه حقت الطلاق :d: ولا عده سكاريب وابوجلمبو :d: لا عده استفسارات

ماقلتلنا علي لقوه ولالا؟؟ وخالد الى الحين مرتاح مع محمد ولا خربت بينهم؟؟ زيد ومحمد باشر عليهم خالد ولالا لانك ماوضحت هالامر؟؟ :d: ووش معنى على مضض؟؟ وليه مافيه شخصيات نسائيه؟؟ ولا القناة الاولى قصوها :d:


حط لك اسم حــلــو
هههههههههههههه كفو والله :kany: :d:


ما يستفاد من القصة :

اي مايستفاد جمعت لك كلمتين حافظينها من طلعنا على الدنيا :d:




وهذا ومع السلام عليكم ورحمه الله وبركاته :kany:

[مجد البطولات]

هههههههههههههههههههههههههه


الله يقطع بليسك


مشكور

[نوااااااااف11]

سلامو عليكم .. مساء الفل ع الكل ,, بدون مقدمات أبسدح لكم هالقصة .. بس من الحين اللي مستعجل وإلا ماله خلق .. لا يقرأ الكلام اللي ماله علاقة بقصتنا واللي مكتوب بالأسود .. وإلا لا يقرأ الموضوع من الأساس .. أصلاً الشرهة مهيب عليكم .. الشرهة علي أنا اللي كاتب لكم موضوع
الحين هذي قصه ولامسلسل :d:
الله يحييك يابو وديع والله مدري وشوله مقتبس هالكلام اللي فوق كله :d:
بس الشرهه مب عليك على اللي رايحن يقتبس

ويا حبنا للسلام بعد .. المفروض ما ياخذ جوائز نوبل للسلام إلا حنا .. أكثر ناس تسلم بالعالم .. يعني واحد أمس شايفه تلقاني أسلم عليه خدادي وتبويس وزححمة

هههههههههههههههههههههههههههه :d:
والله انك صادق واحيانا تنحرج ماتدري الا هو ساحب وجهك ببراطمهي
و انواع الامراض تخيل تحب واحد فيه عنقز والعنقز معدي بيشب وجهك بعد ساعه
مافيه احسن من سلام الباكستانيه كل واحد يحط لحيته فوق كتف الثاني :d:

ديرتهم إسمها الأرطاوي والرقاص .. أو وحدة من هالثنتين , وملككككككككع .. يقولون مرة وقفته دورية قاطعن إشارة .. يوم نزل يكلم العسكري .. سأله العسكري وراك قاطع الاشارة ؟ قال ياخي الشارع فاضي ما فيه أحد .. يعني تبينا نعبد هالاشارة ؟

ههههههههههههههههههههههههههههههه :d:
الله يلعن ابليسك يالارطاوي اجل بيعبد الاشاره ولو انت منحرف :d:

ابو وديع يعطيك العافيه
ومبارك عليك الشهر

[! S A U D !]

حيوه حيوه ،، يابو وديع انا حلقي اليوم مطنشر :d:

يعني مشكور على الموضوع ،، ومن قدك ثبتوه مع انك ماتستاهل :cool:

اذا لقيت لي وقت انا فيه فــآضي اتصل على التخصصي يجهزون لك سرير لاني مالي اي مسؤوليه اذا جاك شي من الكلام الي ابقوله :d:

سلملم

[عاشق الهلال حسون]

فـعـلاً موضوع لايمت للعنوان باي رابط يعني :angel: :angel:

حي الله ابو وديع .. :d: <<< يالبى قلبه ياناس ابو وديع هذا الانسان الي دايم فله :jeng: :d:

وشلونك طال عمرك الشهر عليك مباركـ .. وكل عام وانت بخير ..

كيف حال الشايب والاهل طيبيين .. << مثال حي لكثرة السلامات .. طبعا حائز على اربع جوائز نوبل للسلام :d:

نبدأ في قرائة سريعةِ على الموضوع الرايـق :angel: :::: !؟

سلامو عليكم .. = خطأ عليك يابو وديع لازم تكتب السلام صح ياحبيب قلبي :jeng: << تعرف رمضان وتمسك طوااعـ هـ :cool:

بس من الحين اللي مستعجل وإلا ماله خلق .. لا يقرأ الكلام اللي ماله علاقة بقصتنا واللي مكتوب بالأسود = كنت أحسبك صادق اثاري الموضوع كله من جمبها << أفحمتك صح :angel: أبوكـ يالتحطيم :angel:

ترا أمزح والله .. وحياكم الرب = ياخي حسيت انك على نياتك .. شكلك رحمتنا على طول .. يعني من بعد ما كرشتنا .. سمحت لنا اننا نناظر موضوعك .. شكر من الاعماق لابو وديع :d:

والدقة مع المهزوم رروح = قويـه .. أهنيــك .. بصراحه قويه .. وشلونك بعد وش اخبارك ياله حيه :angel: :angel:

دار هالحوار بين " محمد" و "خالد " = طبعا من هالكلام قلت ان هذولا الاثنين ابطال القصه لكن عرفت بعدين انهم دور الكومبارس في القصه والبطل كان يوم الخميس بصراحه اهني فيك خداع المشاهد .. لان هذي حركات المخرجين الكبار " حقون " هوليود :asno: :angel: :angel:

والتفاصيل بالنشرة = برضوا قويه .. أهنيكـ .. بصراحه قويه .. وشلونكـ طال عمركـ :d:

بالخير .. سلام عليكم .. مساك الله بالخير =
بالخير : كلمة استخدمت في نطاق يعني بدال ياء المناداه
سلام عليكم : يعني السلام عليكم :d:
مساك الله : يعني موسيت باذن الله :d:
بالخير : أممم ... أبو سبحه حمراء (بـسـ .... ) :ignor:

وعليكم السلا..اام = يعني القصه كوم وحركت النقاط الي بين الحرفين كوم ثاني .. حسيت اني قاعد اشوف فمه يوم انفتح .. شكله متمحس وهو يسلم :angel:

خالد عبدالملك خالد الشيهاني = كل هذا ومشبهه :d:

محمد الدامر : ونعم والله وسبعة انعام :kany:

إيه ولله ما سلمنا عليك زين بالحضن يابني = هذا من زمان ماشافك ويقول كذا اجل لو انه تاكي معك امس وش صار :d: .. الا ع الطاري وش الاخبار ان شاءلله طيب ..!

أترك لكم الحُكم صراحةً = لاتعليق .. وسيتم تعليق لماذا لم نعلق << يالحسه :jeng:

بخخخخ الله من العجلة , ويا حبنا للسلام بعد = << لان هذا تعليقي :d: ياخي نفس التفكير يابو وديع قلوبنا عند بعض يالخسيس يالدنيء يالواطي << ماعرف اموون :angel:

.. المفروض ما ياخذ جوائز نوبل للسلام إلا حنا .. أكثر ناس تسلم بالعالم .. يعني واحد أمس شايفه تلقاني أسلم عليه خدادي وتبويس وزححمة .. هذي تهون عند الحركة البااايخة اللي تصير يوم العيد .. ليلة العيد تلقاني جالس مع أهلي وإخواني وإلا عيال عمي وإلا خوالي وإلا اللي هو .. المهم إني جالس معهم طول الليل ضحك وسواليف وتفقيع وجيه بالطراطيع .. وبس يطلع الصبح وكل واحد يطق ثوب العيد .. أقوم أسلم عليهم واحد واحد وكيف الحال ووشلونك كني لك سنة ما شفتهم !! من جد دلاخة لا تضاهيها دلاخة إلا دلاخة موظفين المطار !! = << كلام بالاسود لاتقرونه :angel:

تعال يوم الخميس !! = أنا من هاللحظه شكيت ان يوم الخميس هو البطل :d:

باب الحارة = لاحظت تأثرك فيه يا أبضاي :d: .. الله محيي أصلكـ :angel:

الفنان القدير محمد الصومالي = ياخي ما هضمته :req:

مواقف "وحدة" من هالكليات = كيف ;) حلوهـ !!؟

أنا قايل له إننا بنروح لمقهى = استغفر الله .. لاتعليق :d:

أما عاد ؟ = أما ثمود << سامج :angel:

مالك داعي = مالك معاذ << سخيف ياغبي :jeng:

خوي يا زقرت ؟ = خابرها .. خوي ياشنب .. او خوي يابطل .. بس باب الحاره له تأثيره :d:

بس وش إسمه = ياخي أنت دقيق في الحوار :d:

منهو " البدر " ؟ = أسأل "حقون" المصيف :d: .. بس البدر ذا الجندي المجهول شكله في ذا القصه .. !

ياخوي روق المنقا أنت وهالشنب يا طعس = تذكرت عطاء بن ابي رباح (himo) :d:

يقول بس اللي يتكلم زينب العسكري = :jeng: أسمح لـي :amle:

ههههههههههههههههههه أما فارس مهدي وزينب تووحفة ذا .. زيد هذا يقرب لمحمد , طععس توه جاي من الديرة بكرتونه .. ديرتهم إسمها الأرطاوي والرقاص .. أو وحدة من هالثنتين , وملككككككككع .. يقولون مرة وقفته دورية قاطعن إشارة .. يوم نزل يكلم العسكري .. سأله العسكري وراك قاطع الاشارة ؟ قال ياخي الشارع فاضي ما فيه أحد .. يعني تبينا نعبد هالاشارة ؟! قال العسكري أجل إركب معنا الله لا يهينك هذي فيها حجز 24 ساعة ! قاله زيد لا والله مستعجل خلها يومن ثـاني .. قال أقول لبق سيارتك زين وإمش إركب لا تخليني أركبك بالقوة ! قاله زيد الله يرحم والديك سماح هالمرة مشني وأبدعيلك وأوعدك ما تتكرر .. قال العسكري ليش وأنت ما حليت الواجب عشان أسامحك ؟ هذا نظام مهب لعب .. قال زيد تكفا يا طويل العمر الله يرحم والديك ويقلب هالخطوط اللي ببدلتك نجوم الخليج .. قال العسكري ياخي انت ما تفهم ؟ الظاهر إنك تبي نتعامل معك بأسلوب ثاني ! قال زيد طيب يا اللحية الغانمة وش أنت من لحية ؟ العسكري عاد عطاه نظرة خلته يرفع المنديل الأبيض ومن الخوف شوي ويعترف إنه هو اللي كسر لمبة " جامع الأرطاوي والرقاص الكبير " أو أحدهما .. ثم قال للعسكري طيب عندك شريط وإلا أجيب معي واحد ؟ << عاد هذي من عندي هههههههه .. زيد هاك اليوم ما نكبه إلا إنه كان معه واحد من إخوياه يحب يتفلسف لدرجة إنهم يقولون إنه مرة قد قال لأخوياه " اللاعب الفنان لازم تتوفر فيه ميزتين , التثبيت والكونترول " الصراحة أنا أعرف أسوي كنترول بس الثثبيت ما اعرف أثبت إلا بـ " كراك" فما أدري هل انا فتيت يا إما لآآ .. يا شين الفلسفة بس .. وياهي تتوفر عندنا وبعنف .. خصوصاً بعض المعلقين لا جاك يتكلم لغة عربية وهو يالله يفك الحرف ! << من قال الحربي ؟ .. وإلا لا جاك لاعب سلتوح ما معه متوسطة ويتكلم لغة عربية ويتفلسف .. مثل الأخ الموقر سعد الحارثي تحمس هاك اليوم وهو يتكلم فصحى وطاح له بمطب ابن كللب الأخ يتكلم عن حادث صار له يوم إنه صغير .. ويبي يقول القيادة وهو متعود يقول السواقة .. تدرون وش قال ؟ قال السـيـاقـة ههههههههههههههههههههههههه هالبطة يذكرني لعبه بلعب واحد من الشباب لا جته كورة مسك لك خط الييين ما يطلع بها برا .. وإلا بأحسن الاحوال يصقع بمدافع ويطيح إلين ما طاح له يوم بمدافع ما يدخل مع الباب .. يدلعونه البعير .. بس يا ناس وش بعير ؟ هذا أصلاً المفروض ما يخلونه يركب البعير عشان ما يكسر ظهره .. يا شيخ يقولون لك إنه قعد شهرين ما ياكل إلا نخالة وما " نَـفَـق " ولا جاه شي ولا أوجعه بطنه حتى << تسمع بالنخالة يا نصاااب .. المهم وهو اللي يصقع به .. وما بقى إصابة بالعالم إلا وجته -اخبار اصابتك يالقفل - .. والبعير ما جاه ولا مخش كالعادة .. المسكين خويي صار ما يقدر يمشي .. لكن أبوه مواصل قصدي واصل وقدر يدبر له علاج على حساب الحكومة .. عاد وهو يتعالج بأمريكــيــا ضيع جوازه الدلخ .. وراح للسفارة قال لهم ضيعت جوازي .. قالوله شطبنا تعال يوم الخميس ! قال اليوم الخميس يا مسلمين !! قالو له منتب أحسن من اللي قبلك رح وتعال يوم الخميس ! قال طيب وش الحل الحين ؟ قالوا الحل تعطينا مقفاك وترجع يوم الخميس !! قال طيب ولا تعرفون " علي البدر ؟" .. قالوا لا والله ما نعرفه .. أنت راجعنا يوم الخميس ويصير خير !

خخخخخخخخخ مشاكل هالسفارة والله .. إلا حنا وش جابنا هنا ؟ قايل لكم لا تخلوني أمسك بكم خط لكن مشكلتكم ما تحبون اللي ينصحكم = لاتقرونه بالاسود .. بس ابو وديع مادري .. من الي حاسب :angel: .. كيـف الحال أن شاءلله بخير .. يالله حيـه .

واليوم أشوفك سبحان الله = خنقتني العبره بغيت اصيح :d:

آمنا بالله بس صحيح .. شو اللي صاير لك .. شو عدا ما بدا ؟ معقولة هذا خالد اللي كان معنا بالكلية ؟ = هذا النص مسروق من نص العقيد ابو شهاب (himo)

أبد سلامتك .. بس إمسك هذا كرتي دق علي بأي وقت وخلنا نشوفك = فعلاً الدنيا لسـى بخير :d:

والله مسكين هالخالد قطع قلبي البلا والله مهب منه .. البلا من هالنحس اللي كان يمشي معه اللي اسمه " علي البدر " على فكرة علي ذا له سالفة بعد ودي أقولها لكم قبل لا أكمل لكم القصة ومنب مطول واقسم بالله هذا سلمكم الله مرة كان عنده مشكلة بالكلية ودخل على مكتب العميد وشرح له وضعه .. العميد طلب منه يصور بعض الاوراق من مكتب السكرتير ويرجع له .. يوم رجع ودخل المكتب قال له العميد خير ؟ قال له علي أنا علي البدر !! قال العميد وإذا علي ؟ يعني تدخل كذا بدون ما تطق الباب ؟ قال يا طويل العمر أنا كنت قبل شوي عندك ! قال العميد وتكذب بعد ؟ وش اسمك أنت ؟ أنت طالب عندنا ؟ قال علي إيه طال عمرك أنا علي البدر طالب بالمستوى الرابع قبل شوي جيتك بخصووو .. ويقاطعه العميد وقال له بس بس برا يا قليل الادب .. رح تعلم الادب قبل لا تجي تتعلم عندنا بالكلية !! عاد علي الذكي وش سوا ؟ طلع ورجع مرة ثانية طق الباب يحسب إن العميد بينساه ويوم شافه العميد قال له أنا ما قلتلك اطلع برا ؟ أنت الظاهر تبي ننادي لك الأمن ؟ عاد المسكين " علي " ما لبث أن قفلت أخلاقه - << " ما لبث أن" هذي بس عشان تعرفون إننا ما نلعب - قفلت أخلاقه من الكلية وقرر يروح أمريكا يكمل دراسته .. عاد وهو بأمريكا المسكين ضاع جوازه << ياخي مشكلتك تسمع بتسلسل الاحداث .. ويوم راح للسفارة .. قالوا له مافيه سكرنا تعال يوم الخميس !! عاد سالفته طويلة هو ..وأنا حالف ما أطول = معليش ياعيال أسود لحد يقراه :o

وإختفى في ظروف غامضة = :d: :d: :d:

ترا اسم الموضوع ماله أي علاقة بالموضوع = طيب وش صار حل ذا اللغز :angel: :angel:

عاد هو قال لي بالحرف : حط لك اسم حــلــو = كبير يادووك :d:

ولو هو علي = قصدك علي البدر <<< ياحمار لاعاد تذب :angel:

ابو وديع كله كوم وتوقيعك ذا اللحسه كوم ثاني :req:


وكانت هذه قرائتي السريعه للموضوع الرايق "حقونك" ..

دمت يابو وديع ياحبيب البي :magkiss:

[abo wdee3]

مرحبن بوم ..


هلال 11 :

طيب و برونو وش صار عليه



قمة التنسيم

لا تقطع يا مرجوج


سلامون

برونو مال امه دخل بالسالفة , زيه زي القفل اللي هو بحد ذاته زي البايسن بطاش ما طاش :d: ..
حياك ابوي منور ..


.
.
.

عاشق الذيب سام 6 :

هههههههههههههههههـ .. !!

والله انكـ مبنشر ..

أجل السفآره وعلي البدر ..

هههههههههههههه تشوف انت ؟

تستمتفيدون يعني تستمتعون و تستفيدون ..

اسمح لي بآآآيخ ..

//
//

أحييكـ، والله ... !!

هههههههههههه ليه بايخ ياخي :d: ؟ انت ما تعرف شكلك اساليب الجذب , يعني بالله عليك لو مسمي الموضوع عبدالعزيز الجنوبي مثلاً احد يبي يقبل عليه :d: ؟
وحياك قلبي منور ..

.
.
.
.

أبو سعد الهلالي :

موضوعك لحسه يابرونو اقصد يابو وديع ..

ذكرتني بسوالف مدرعم اذا حشش ..

اذا جيت تكتب مره ثانيه لاتكتب وانت كامخ اكتب اذا فاز البارشا بس عشان نفهم

تشاااااااااااو

هلا والله بو سعد منور ..
وبعدين يعني على اساس منتب ملحوس انت خلقة يوم انك تقول لحستنا :d: .. من شاف خربطتك انت وبريستيج وسواليف المداعبة ومدري ايش غسل يدينه منكم وقال يالله حسن الخاتمة :p ..
وبالنسبة لمدرعم عادي ياخي الحشيش لغة الشعوب :d: ..
ويارب يفوز الازرق والبارسا بكرا عشان نفلها ونلحسكم مرتن ثانية :d: ..
حياك يا غالي ..


.
.
.
.


هلا بو وديع


ياخي احد قايلك اننا ناقصين صداااااااااااااااااع انت وموضوعك ..


فوق يا بطل ..

ههههههههههههههههههههه لا والله منتب ناقصين , انا لو مشرف وعندي عضو مثل فهد بن سعيد مدري وش اسمه والله ما انام :d: ..
ومنور حبيبي ومشكور على الـ " شـقـلـة " :d: ..

.
.
.
.

العاتي : يا حياتي :kany:

وش هالموضووووع هههههههههههههههه

ياخي دوختنا . .

أحلى شيء ما يستفاد من القصه .. مع إني ما أشوف بالقصة شيء يستفاد منها

أول شيء .. صدقت فيها لازم الواحد يعرف من يمشي معه . .

ثاني شيء شكلك تحمست مرهـ وخانك التعبير .. وياكثر ما يخون المبدعين ..

هم بيساعدونك أول الطريق والباقي عليك الله يعافيك ..

بصراحه قصة تدوخ لكن طلعنا منها بفايده غير الصداع

لا تقطع فينا خلك قريب ..

هههههههههههههههه معليش دوخناك بس اهم شي انك استفدت بان المبدعين دايم يخونهم التعبير , وهذا اللي كنت ناوي اوضحه من خلال الموضوع والحمدلله وصلك :angel: ..
وابشر يا خلفهم , حياك ابوي منور ..

.
.
.
.

هلالي حتى الموت دولار :

موضوووع هادف وفكاهي ومضحك ومنسم بنفس الوقت يا منسم انت .. والصديق ترى على فكرة اهم شي في الحياة بعد الوالدين فلازم يتم اختياره بعناية ..

ولا انسى اهنيك على المووووضوع وفعلا كان حلووو

ويعطيك العافية ونستنا وغيرت لنا عن جو الدراسة والكتب الجديدة

الله يسلمك ..
منسم ومبنشر ياخي وين عايشين انتم ؟ الحين طلعت كلمات جديدة ترا افتح اقرب قاموس تلقى " مطشم , مهرقل , متستس " يعني فيه كذا مصطلح ما يخلي الواحد يطلع " تيوبلس " :d: ..
وموفق بدراستك حياك ابوي نورت :magkiss: ..

.
.
.
.

بلاوقرانا ماجيك :

ابووووديع رووووعه هالحكايه ،،،


اتحفنا بجديدك،،،


ونبي احلى من كذا ،،،

الرائع مرورك .. والتحفة وجودك .. والحلو طلتك .. يالله فارق :d: ..

ههههههههههههههههه حياك حبيبي نورت والله ..

.
.
.
.

قلبها ازرق

انا قررت ان مافيه امل اصير مدرس , لأن اذا صرت مدرس لازم اصحح , واذا صححت يبون يطلعون لي تحف مثلك ما ادري وش يكتبون :d: فلذلك ابحاول افك الطلاسم وراجع باذن الله ..
لا وابشرك رحمتكم كلكم ياللي قريتوا هالموضوع لأني من اليوم اسحب بكم وعلى بالي انكم مستانسين ما دريت انها من جد لحسة مخ :angel: ..


لي عودة لردك ولباقي الردود , يا شيخ لو احبي حبيان راد على قاضي المحكمة راااد الله لا يعوق بشر :d:

سلام ..

[ذيب أبانمي]

علي البدر هذا تسني شايف اسمه في موقع طرب توب :amle:


ياخي انت شخص مفيد في المجتمع ,, أجل عندك عطلة أسبوع واحد فقط تقضيه في شغل العاطلين بشيء مفيد (himo)

والله أنك أحسن أبو وديع في الشبكة :d:

السؤال اللي يطرح نفسه مدري يجمع نفسه كم جلست شهر وأنت تكتب هالموضوع :amle:


يا قميل يالاردني :magkiss:

[abo wdee3]

باك ومعليش طولنا عليكم :kello: ..


قلبها :

اجل منزل قصه ياابو وديع وش فيها الساحه اغلبها قصص وروايات
من قصة نوااااف وحسنيه حيث القصص الرومانسيه
و الكناري والدحمي حيث القصص الكوميدي
والناقد والبانوراما حيث قصص الرعب
وابو سعد ورجال امننا حيث قصص حقوق الانسان <<ماعرفت نوع القصه
وانت وبرونو اقنيللو حيث قصة البرازيلي الجميل

ههههههههههههههههههههههههههههههههههههههههههههه :d:
والله مدري بس معروف ان الحياة قصص وتجارب ترا :d: ..


بالعكس والله نصيحه مني انقزوا القصه واقروا اللي بالاسود والله اني مت ضحك ياابو وديع على الاسود

شكراً على الدعاية البايخة :d: اجل انقزوا القصة ؟ طيب قولي لا تنقزون شي كل الموضوع رهيب دامك منصبة منصبة نصبي زين :d:


ابو وديع ابي اقولك سالفه وهي برا الموضوع مثل اللي بالاسود والله اني قريت الزمان مية مره وضحكت تذكرت سالفه لي هنا مره كنت بمنتدى مستشفى التقنيه <<من كثر مواضيع مشاكل الاجهزه تخيلته مشفى

خخخخخخخخخخخخخخ الله يلعن ابليس .. يالله يالله فهمت عليك :d:



المهم ولا لك بالطويله فيه تصميم راايق وشفته ومكتوب عليه بيت شعر او شيء زي كذا ومكتوب عليه ( كل الشهور تموز ) انا هنا قلت تموز هاذي قد مرت علي المهم اني عجزت اعرفه وبس اتردد على هالتصميم قلت خن اسأل وش معني تموز لاني عارفه نفسي ماانام الا لما اعرفه يوم رد قال تموز شهر حسيت وجهي طاح على طول تذكرت خواتها شباط ونيسان واب


ههههههههههههههههههههههههههههههههههههههه الله ياخذتس قروية :d: .. لا لا معروفه الاشهر ذي عندك مثلاً ( اباط حارس تشرين ) كل الاشهر ذي معروفة :d:


عاد انا جيت ابي ارد عليه بس عشان ارد اعتبار وجهي كنت بكتب لو سمحت يااخوي مايجوز استعمال الاشهر هاذي لانها مهيب سنه مؤكده

ههههههههههههههههههههههههههههههههههههههههههههههههههههههههههه :d: :d:
لا لو انا منك كان قلت بدعة .. ابد كل شي جديد وما يعجبك قولي بدعة :d: واللي يعجبك سنة مؤكدة :d: ..


هههههههههههههه عاد لو تشوف سلام الحريم وخاصه القصمان يجي الليل وماخلصنا صوت البوسه واصل لاخر الشارع عاد حنا بالذات عايله الله باليها بسلام بمناسبه و بدون مناسبه <<حست انه مرض

خخخخخخخخخخ الله يعينكم .. اي والله بعض الاحيان يقلب مرض ترا :d:


اما البدر والعميد سالفته سالفه
على فكره ياابووديع تراو رحت وكتبت بقوقل ( علي البدر ) وطلع لي سمر علي البدر <<نغزه تبيك تعلمه من هو علي البدر بس لايكون مثل تموز

سمر :d: ؟؟ ايه هو انا موصيه يبيع بمحل حطب لي اسمه " ابو عيسى للحطب الفاخر " :angel: ..
ترا هالكلام موجه له مهب لتس :d: عاد منهو هو الله اعلم :d:


ههههههههه اجل مايستفاد انا ماقريت القصه تبيني اقرا مايستفاد بس جزاك الله خير ونفع بك

عاد وش اسوي كل القصص فيها ما يستفاد يعني صار لازم تحط ما يستفاد عشان اللي ما يفهم من الموضوع نحاول نفهمه غصبن على دين امه وش نبي ناصل له حنا ووشلونك انتي بس :d: ؟



يعني افهم من كذا ان ابو العثرات الله يحفظه تخصصه طب بيطري <<اجل فيل
وعلى طاري الاسم الحلو احد يدز للاسطوره ينزل لنا صور شخصيه لبرونو

ههههههههههههههههههههههههههههه :d:
لا ابو العثرات طبيب جراح :love: .. و د. فيل هذا انسان اصلع غبي يطلع بالتلفزيون ويحل مشاكل الناس على بال امه يبي يغطي على البرنامج حق رسلئلكم ما ادري ايش :angel: اللي كان يجي عقب المغرب ويقدمه الشيخ المسند الله يشفيه ويمده بالصحة والعافية ويطول لنا بعمره :love: ..
وبرونو ما شاء الله مكتسح مواضيع الصور حتى مصورينه وهو يتمسوك .. خنة حيلي العبدالسلام والعنقري الله لهم :d: ..

عوافي ياابو وديع ع القصه اللي استـمـفدنا منها وضحكنا جدن كثيرات
ومره ثانيه اكتب قصه اي قصه خربط بس اهم شيء كثر من الاسود
اخر تعليق والله
اجل تقول للقفل : يا رجال زين ما يقفلونه بس ..

ماادري ليه تذكرت البنات اللي بيبعدن عنهن العين لما نقولها حليتي تقول زين اخذ اقل درجه وانت مثبت
<<الكيبورد يصيح

يعني انا بنت ؟ :amle:

<< شف الحمار :d:
الله يعافيك ويخليك لعين ترجيك .. نورتي الموضوع والله ..


.
.
.


حبلوص :

الفقه الضاله مشكله هل الايام




برب


ولي رجعه ان شاء الله

حياك ابوي .. بس اعترف وش قصدك بالفئة الظالة (rambo)
نورت وتراني احتريك هاه ؟ :d:

.
.
.


الفارس المعصب :

حبيت اقولك اني قريت الموضوع كله

اما العميد والله لو اني مكان علي البدر كان خربتها معه وخليته من جد ينسى

ابو وديع موضوعك حلو ياحلو

لاتصدق

ابو خلود يا حياتي والله :d: .. الله يحلي ايامك ونورت حبيبي :magkiss: ..
مرة ثانية لا ... بالتحيات خلنا نستانس ياخي :d: ..


برب ولي باك مع رد حضرة القاضي -من زماااان :d: - ابو العثرات طيب الله ثراه :d: ولباقي الردود ..

[اخبارك طال عمرك]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
كيف حالك إن شاء الله دائما بخير ؟
شـكــ وبارك الله فيك ـــرا ...
ألف مبروك .. لقد سعدت بهذا الخبر
وختاما ً الله يرجك

[Abo azoooz]

ههههههههههههههههههههههههههههههههههههههههه

يعطيك العافيه ...

[ابو راشد]

والله انك عورت راسي

[abo wdee3]

مرحبن من جديد .. بقلوب ملؤها الإيمان نقول كل عام وأنتم بخير :d: << ضاربتن فيوزاته مع الصيام :( ..

طولنا عليكم :kello: لكن انتم قلوبكم كبير وتسامحون :love: والا ؟



عاشق العثرات :

مولاي وروحي في يدهـ .. قد ضيعها سلمت يدهـ :love:

يا هلا ويا مرحباً بأحلى أحد :love: .. ولي قاسيييييييييييم هات لعمك ابو هنادي أحلى نفس أرقيله .. الله محيي الرجال وأحلى فيلسوف والله ..


من و انا زغير << وخرو عنه
كنت اسمعهم يقولون السلك العسكري .. السلك الدبلوماسي ..
فكنت اتوقع ان السلك العسكري .. مثله مثل سلك المسجل اللي يجلدني به مدرس القرآن الله لا يمسيه بالخير ( مع العلم اني كنت اتصور ان السلك العسكري اشد قسوه وإيلاما ً ( ادرس ادرس يابوحمد ) من الدبلوماسي ) ..

ههههههههههههههههههههههههههههههههههههههههه :d: :d: :d:
الله يرجك ياشيخ :angel: .. أنت الوحيد اللي بالعالم اللي جرب كل أنواع الضرب بالمدرسة :d: على الأقل حنا كنا ننجلد على اشياء محترمة , يعني مثلاً صافق لك مدرس كف -<< ترا ما قد سواها ابد :d: - وإلا متكلم عليه كلام جامد لكن أنت على الطالعة والنازلة مجلود خنة حيلي والله :d: .. وبالنسبة للتخيلات حقت يومك زغير ترا انا بعد كان عندي افكار غبية , خذ مثلاًُ كنت أفكر بنفسي وأقول ليش ما يسوون فلوس كثير ويوزعون على العالم ؟ بدل ما يسوون الا فلوس شوي ويقطرون علينا :angel: ؟؟ بعدين عاد شرح لي ابو طريقي انهم يسوون معادلة بين الذهب والقروش وسواليف ما فهمت منها الا انهم ما يمديهم يسوون فلوس كثير ويوزعونها على العالم :angel: وسلامتك يا غالي :) ههههههههههههههههههههههههههههههه :angel:

اما بعد ..

كلاكيت اول مرة :d:


فنهيب بالسادة القراء ان يتركوا الخزعبلات ( لا اليوم مبدّع صراحه ) اللي في المقدمه اعلاه ويقرون اللي كتبته ادناه .. الا على طاري ادناه واعلاه .. ويمينه ويسراه ياخي انا استغرب من هالخطابات .. اعلاه وادناه ويمناه ويسراه .. ما ناقص الايقول .. لاجاك حرف T اطلع اعلاه وخذ فوقاه تحتاه ثم تبي تجيك الاشاراه إذا ولعت خضرااااه .. اطلع ييميناه

ههههههههههههههههههههههههههههههههههههههههههههههههههه :angel: لا لا ابو العثرات اليوم متجللللللللي :kany: .. ويحاااه ويحاه منك يا أخاه :d:


اما بعد اما بعد ..

كلاكيت ثاني مرة :d:


هالمره نبي نقتبس من كتابات الخبل الابل << طراه ان بعض الكتاب يبي يخليها سجع بالملعونه واختها .. ابا وديعــن قدس الله شنباته اللي كنها شنبات هتلر ايام عزه

ههههههههههههههههههههههههههههههههههههههه :d: :d:
بالنسبة للشنب فتراك خالفت الواقع تماماً :d: انا عكس هتلر مدري ليش :d: يعني طالع تقل فلبيني مرهم على هالشنب اللي يزحف على جنب :d:


ههههههههههههههههههههههههههه وآخر واحد حارس

بغيت اقولها بيني وبينك , لكن كني قد قريتها من اول فقلت بلاها تكتب لك كلمة ثمن ينط عليك واحد مثل مهند يقول : قلوووودي قلوودي :angel:


وش تقرب لك هالذبه يابو وديع ههههههههه طراه ذبتك وذبتي .. وكل واحد يحافظ على ذبته رجاءا كرما وفضلا رجاءا رجاءا .. ترى لا ضاعت ذبتك يابو وديع وقاموا يتداولونها الناس مسنجريا لا تجي وتقول لي وين ذبتي ؟ ابقول لك ان فيه واحد الله يمسيه بالخير ناوي يرسلها لواحد الله لا يمسيه بخير ويقول له وش تقرب لك هالذبه <<< ترى هالبرقراف مشفر تشفير 162 بت .. وهذا النظام من التشفير مستخدم في كافة مواقع البنوك العالمية والمحليه فاللي بيقدر يفك هالشفره يعلمني من الحين اروح اكنسل حسابي في الاهلي اون لاين وفي يو اس بنك

هاه :confused:

هههههههههههههههههههههههههههههههههه :d: :d: وش تقول يالـمنتب صاحي ؟؟
وبعدين ياخي ما بيننا ذبات .. دحنا خوات :d:


محمد عبدالملك الشيباني ..

الشيباني البقمي والله :d: وش شيبانيه ؟؟ لا تعقدني تكفا تراني قعدت ساعتين افكر وش احط اسامي لهالشباب اللطيف :d:


الدامر يعني الداسر ..
والداسر هي التصريف الثالث لـ الدوسري

ههههههههههههههههههههههههههههههههههههههههههههههههههه :angel: يعني غصب هي ؟؟ غصب :d:
طيب الدواسر والا الدواسرة :d: :d: ؟؟


هههههههههههههههههههههههههههههههههههههههههههههههه
لالا يابو وديع فاتت علي هذي والله ما علمتك عنها ..

غغلط عليك يابووديع .. كاتب غرة تشرين !!!
غرة هذي اصلا ما تجي الا مع حزيران هههههههههههه خل عنك انا ما قد سمعتها الا مع حزيران وانت بكيفك << شكله مروح هالشهر من اسمه لأنه حزيران من محزر ههههههههه او تحس انه واحد وده يروح لسويسرا .. بس الظاهر انه ابطوا عليه بالجواز او انهم حشروه في الامقريشن حق السويسريين ههههههههههههههههه << ايضا مشفر

هههههههههههههههههههههههههههههههههههههههههههههههههههههه :angel:
شكلي الموضوع الجاي أبمنع التشفير :d: .. بس من جد هالأشهر عليها أسماء مدري وش تبي ؟ بس كيف اسم ابو عصام ؟ شوكت ههههههههههههههههههههههههههههههه :angel: والله طاح من عيني لك صهري :d: شوووكت ؟ ليييش ؟ :d: وإلا الإخت الثانية حقت الفران (rambo) معجبها اسم عرفان :d:
بس حلو التشديد على الغاء حقت غلط هههههههههههههههههههههه ياخي كذا الجلي ولا بلاش :angel:

ههههههههههههههههههه من قال سامي الجابر هههههههههههههههههههههههه
خلك صريح يابووديع لا تخاف الا من ربك .. وشو ترى راس مالها بيجيك الناطق الرسمي بإسم نادي الهلال ووكيل الله في ارضه واقوى واحد .. ويقول لك ..حكمت المحكمة الهلاليه عليك حضوريا .. قصدي حكمت مجلس ادارة مجلة نبض الهلال بأنك منتب هلالي .. ويسري القرار اعلاه على المتهم ادناه من تاريخ صدوره وامشوا معي يمناه ياويلي ويلاه .. ونبي نقول جميعا : كش عليك ترى منتب هلالي ..اللهم صلي على محمد ( صلى الله عليه وسلم ) رفعت الجلسة

هههههههههههههههههههههههههههههههههههههههههههههههههههههههههههههههههههههههههههههههههههههه :d: :d: :d: الله يلعنك يا اديموس :d: والله يا ضحكت ضحك على هالمقطع وكل ما قريته أضحك .. يخرب بيت ابو مخك ياشيخ :angel:

واضررررررررررب يا شنب :angel:

يقولك قاضيان في النار وقاض في الجنة .. بس مجالس ادارات المجلات ذولي وش ملتهم ؟ :angel:


عاد الموضوع شيّق وإبداع لا يضاهيه إبداع .. ومامن لياقه زود والا تسان اقتبست زياده ..
لكن على ماقال .. لا صار الموضوع عسل لا تقتبسه كله

ههههههههههههههه :d: :d: الله يسلمك ويخليك .. والله كلامك ذا يكفيني وزود ..



والسلام عليكم ورحمة الله وبركاته

وعليكم السلام .. يا غالي :angel:

هذا والله يا بعدي الرد اللي أزين من الموضوع .. روح الله يزيدك شرف مثل ما نورت موضوعي الكريم :kello:

ودمت لنا :love:


وراجعين (himo)

[&azo0oz&]

اجل برونو (rambo)

[&&هلالي ارسنالي&&]

الله يعطيك العافية