ام سعيد وجارتهم المصريه ( منفوحه - البطحا ) ترى مب خط البلده

[نوااااااااف11]

السلام وعليكم

يالله حيهم :fghty:

وكل عام ونتم بخير رمضان جا :kany:

ترى معليش فيه لهجه مصريه عشان كذا حبيت الفت الانتباه :yuupy:
ولد حسنين في ظروف غامظه في بلدة دمنهور خلف حراج بن قاسم في حي عامر
بالاخوان العرب والمقيمين والمنحاشين المتخلفين من الاقامه والجوازات وغيره من الجريات والجاليات
ترعرع حسنين في احضان والديه فأبوه مدرس رياضيات ويدرس خصوصي بعد العصر وامه
عنايات ممرضه في احدى المستوصفات الاهليه القاطنه خلف معارض الشفا :d: وبينما وصل عمر حسنين الى السادسه من عمره قام ابوه ودخله مدرسه بمنفوحه عشان يصير رجال
ويتعلم وبدا حسنين يدرس ويختلط باالاولاد اللي معه عاد نص فصله معيدين وكسالى والبعض كبير بعمره يعني ربع الفصل دشير والباقي جحلط (himo)
حسنين كان راسه كبير ويفهم بسرعه من اول سنه يوم وصل رابع ط صار توب في الدشاره ويعرف
يذب ويقلب بالكلام وصار عنده اصدقاء يورونه الحمام وشلون يقلب :d: << طراه القفل
كان ابو حسنين توه داخل العماره بيروح لشقته ومافيه اصنصير لان العماره معوقه فيها ميول
فصعب انهم يركبون الاصنصير وصل الشقه تعبان من الدرج لان شقتهم في الدور الثالث وكان الدرج حق العماره بين كل درجه ودرجه كيلو عشان تمغط رجلك لاخر شي :confused:
فتح الباب ابو حسنين ودخل وصك الباب وراه ونطل شنطته اللي يحط فيها مذكراته وكانت
ريحتها تفوح من البيض المسلوق (( العن شي ريحة بيض مسلوق بارد )) :zael:
يحلفون ان الشنطه تقول له يرحم والديك فكني تراك ذبحتني بريحتك تراني منب ثلاجه :yuupy:

فصخ ابو حسنين ثوبه وطبعا كان لابس صروال بجامه احمر تحت الثوب عاد صروال احمر
تحت ثوب ابيض مدري وش بيطلع :d:

ابو حسنين : يام حسنين هاتي ميه سخنه وأألعي الشراب احسن واللهي رقلي متورمه وبالمره
ونتي قايه اندهي لحسنين عاوز اموصلو ودانو وهاتي معاك كباية ميه :jhgy: << كل هذا طلب
ام حسنين : ايوه يابو حسنين فريره والميه تحت رقولك

جت ام حسنين جابت قدر وربصت رجلين ابوحسنين وقامت تدلك اصابعه وابوحسنين يقول
بالراحه يام حسنين ايه ده ياوليه :zael:
ام حسنين : الله قرى ايه انتا كبرت ولا ايه يابوحسنين :qw:
ابوحسنين حط يده على صلعته : كبرت ايه ياوليه دنا لسا شباب وحديد (himo)
ام حسنين : تعالا كدا حط عينك بعيني :love:
ابوحسنين : اهو :love:
جلسوا يطالعون في بعض وام حسنين تتخيل انها سندريلا اللي بالتيتانيك وابو حسنين تسنه بدا يخور
ويدخل جو الا ولدهم حسنين طاب(ن) عليهم

حسنين : بتعملوا ايه :d:

ابوحسنين قفلت معه : ايه ياواد ماتختشيش مش تخبط عالباب ياواد :amle:

ام حسنين : سيبك منو دا عيل موش عارف حاقه :qw: << تنرحم
يالله ياواد روح نام انا وابوك عندنا شغل :kayf:

ابوحسنين : شغل ايه يام حسنين :slv: ايه يام حسنين :jeng: مايصحش تنطئي الكلام ده اودام الواد :lkj:

ام حسنين : الله يابوحسنين وهو يعني حيفهم حاااااقه :love:

حسنين : ايوه انا كبرت ياماما امال :sheto: << اعنبو الا انت دافوره يومك تعرف وشوله تخرب << قلب عليهم

ابوحسنين: تعالا يواد ايه اللي انتا بتعرفه :amle:

حسنين : دنا بهزر يابابا :N:

قام حسنين وراح لغرفته قبل مايتصفق وفي الصباح الباكر قام حسنين عشان يروح المدرسه
شاف صديقه سعيد ((سعيد ولد اسمراني وعنده اخو اكبر منه من ابوه اسمه صالح ))
مالكم بالطويله :angel: << دهن عود جديد يقالك فاصل اعلاني
حسنين : ازيك ياسعيد :jhgy:
سعيد: الحمدالله بخير وش اخبارك انت
حسنين: والله زفت
سعيد: ليش عسى ماشر وصلوا المدرسه ودخلوا الصف
بعد ماطلعوا حلف سعيد على حسنين انه يتغدا عندهم في البيت
حسنين انحرج قال اوكى ابتغدى عندك قام سعيد دخل حسنين المجلس
وتجي ام سعيد وتشوف حسنين
ام سعيد : هلا بولدنا حسنين وشلونك ونا امك عساك طيب ماشالله وش هالحمار والبياض
الله يخلف عليك ياسعيد غاد(ن) تسنك نيقاتيف عنده (rambo)
حسنين توهق الدافور: الحمدالله ياعمتي انا تمام التمام ازيك وازاي الولاد :jhgy:
سعيد : يمه وشفيتس لاتفشلينا مع الولد :confused:
ام سعيد: ورى ماتعض لك على شحمه :amle:
ام سعيد : ونا امك ياحسنين سلمني على امك وقل لها لازم تزورني باتسر
حسنين : ان شاء الله ياعمتي حبأأ أأولها
جابو الغدا وتغدوا بعد ماخلصوا غسلوا يدينهم بصابون (( ممسك)) لحد يقول وشو ممسك
بعدها راح حسنين لبيتهم وسعيد جلس يطالع التلفزيون جت عنده امه
ام سعيد: والله انك كبرت في عيني ياسعيد هذولي الاصدقاء اللي يفتحون النفس ونا امك مب عليان ولد سوير
كود انك تصير مثل هالحسنين ان شالله :jhgy:
سعيد : يمه تراه مصري عشان كذا صاير ابيض احمر :slv:
ام سعيد: ايه مايخالف صر مصري وشفيهم المصاريه لحمتهم ماتقطعها السكين :love:
مرت الايام وكانت ام سعيد رايحه للمستوصف اللي بحارتهم وشافت ام حسنين جايه هي ولدها حسنين
طبعا عرفت انها ام حسنين من ولدها وتنشب لها
ام سعيد: السلام وعليكم مسيك بالخير
ام حسنين : اهلين اختي ازيك انتي مين
ام سعيد: (هو) ماقال لتس ولدتس حسنين ان ام سعيد تسلم عليتس
ام حسنين : اااه افتكرت هو أألي انو اتغدا عندوكو متشكره واللهي يام سعيد
ام سعيد : وش هالحتسي يام حسنين هذا ولدنا اذا ماشالته الارض تشيله عيونا
ام حسنين: ربنا يخليكي ويعمر بيتك ياحـء ياكريم والنهارده لازم تزورينا يام سعيد

يوم جت الساعه 6 المغرب ام سعيد مولمتن زمزميات شاهي وقهوه عشان تروح لام حسنين

طرررن طررررن :angel: << ام سعيد ترن الجرس

جت حسنيه وفتحت الباب اول ماشافتها صرخت حسنيه ماما الحئي :q: << تحسب ام سعيد طراره
ام حسنين : مين ام سعيد يا اهلا وسهلا تفضلي ربنا يحييكي في مطرحك
ام سعيد: هلا بام حسنين الله يحييتس
ام سعيد : ماشالله هالبنت بنتس
ام حسنين : ايوه دي بنتي البكر واسمها حسنيه
ام سعيد: ماشالله الله يحفظها ويخليها
ام سعيد: حسنيه بنتي وراتس مبعده تعالي عندي ونا امتس
حسنيه كانت حلوه وشعرها اشقر وجسمها شي ماشالله << لحد يصدق
جت حسنيه جلست جنب ام سعيد وتجلس ام سعيد تلمس شعرها ماشالله لا اله الا الله
وش هالجمال وش هالبياض :kello:
ام حسنين خافت على بنتها :amle: : بنت ياحسنيه يالله اومي شوفي دروسك
قامت حسنيه وطلعت من غرفة الحريم :sheto:
ام سعيد: ماشالله كم عمرها الماخوذه
ام حسنين : ايه ماخوذه أأصدك حسنيه . ام سعيد : ايه حسنيه
ام حسنين : عمرها 18
ام سعيد : الله يخليها لتس ويرزقها بالزوج الصالح
ام حسنين : امين يارب من بؤك لباب السما

ام سعيد حطت البنت براسها (himo)

خلصت الزياره وراحت ام سعيد لبيتها وفصخت عباتها شافت ولدها الكبير صالح جالس
يتقهوي لحاله
ام سعيد: هلا بولدي صالح وشلونك ونا امك
صالح : قام وحب راس امه
ام سعيد: ونا امك ياصالح ربي بيحقق امنيتك ون شالله بتشوف الحلم اللي انت محلم فيه
صالح : خير يمه بشري
ام سعيد : لقيت لك عروس تقول للقمر انزل واجي بدالك ونفس اللي تبي ونا امك
شعرها اشقر (( اتعب ياصالح )) بيضا طويله جسمها عود ريحان
صالح : قام يسرح في الخيال وش اسمها يمه
ام سعيد : اسمها حسنيه
صالح : وشو
ام سعيد : وشفيك ونا امك اسمها حسنيه
صالح: عاد وراها حسنيه
ام سعيد: عشانها مصريه ونا امك بعدين وش عليك انت من اسمها اياه ومشاعل والجسم
مشاخل تقول سنارة سمك لافي وجه ولا في مرقد :jhgy:
صالح : ومصريه بعد
ام سعيد : ايه مصريه وشفيها حمرن بيضا ازين من هالشيف للي حولك
وعشان يصيرون عيالك وش زينهم لاطلعوا على امهم
صالح : انتي شايفه كذا يمه
ام سعيد : ايه شايفتن سذى ونص


بعد كم يوم كان صالح طالع عند باب بيتهم وشاف حسنيه وهي بتركب مع ابوها يوصلها للجامعه
هو بس شافها جته ام الركب في قلبه
ماتوقع انها بها الجمال والقوام :love: :love: <<والله يانت تسمع بالقوام

راح طاير يصايح يمه يمه جت امه وشفيك ونا امك قال وش صار بموضوع حسنيه
قالت ياولدي والله للحين مافتحت الموضوع تبي احاسيها اليوم !!
صالح : ايه اليوم لايجي احد ويلقطها ثم اصير عنتر ثاني
من بكره راحت ام سعيد لام حسنين تجس نبضها
جلسوا يسولفون قالت ام سعيد: ام حسنين بنتس مخطوبه
ام حسنين : لا مش مخطوبه
ام سعيد قلبها : طيب اها لو يخطبها احد تزوجونها
ام حسنين : طبعا اذا كان شاب مناسب وبيخاف ربنا

ام سعيد : انا بخطبها لولدي صالح مسمي ومصلي ولاهوب يتتن ولاشي
وحبوب مره وكريم وموظف في البلديه وراتبه زين هاه وش قلتي
ام حسنين فاقتن خشتها ابنك صالح عمره كام
ام سعيد: توه بعز شبابه واصل الثلاثين

ام حسنين : حشاور ابوها وارد لك خبر يام صالح دحنا مش حن لائي احسن منكم واللهي

ام سعيد : شوي وتزغرد خخخخ خذت بعضها وطست لبيتها

حسنيه كانت تسمع كلامهم اول ماطلعت ام سعيد جت لمها تصيح :cry:

ايه ياماما عاوزه تخلصي مني :cry:

ام حسنين : بعد الشر ياماما مين أأل كذا

حسنيه : انا موش عاوزه اتقوزه ياماما موش عاوزه دي موش حلو ووحش :cry:

ام حسنين مرفعتن حواجبها :amle: ايه ياماما انتي كبرتي خلاص ولازم تتقوزي وبعدين صالح شاب كويس
وبيشتغل وحيعيشك احلى عيشه يابنت
وحؤول لابوك عشان اكلم ام سعيد
حسنيه حاضر ياماما


من بكره دقت ام حسنين على ام سعيد عشان تقولها تفضلوا الله يحييكم


جا يوم الخميس وكان صالح قايم بدري عشان يضبط نفسه لان حسنيه اشترطت انها تشوفه قبل الملكه

راح صالح لحمام سونا في البطحا وجلس ساعتين والهندي يفرك في جسمه وخاصه وجهه لعل وعسى يزين
شوي وتخف القشعات اللي بوجهه بعدين طلع من السونا ومر الحلاق وضبط وجهه شوي وشخص وخذ امه
وراحوا لبيت ام حسنين

كان ابو حسنين في استقبالهم دخلت ام سعيد عند الحريم وصالح حب راس عمه ابوحسنين وجلسوا
بالمجلس وكان صالح يتراقل من رهبة الموقف وبدا يعرق والكريم اللي على وجهه بدا يسيح
شوي وست الحسن والجمال حسنيه داخلتن بطوفرية عصير جت قدام صالح وقالت السلام وعليكم
صالح من الربكه ماقدر يستوعب جا يبي يرد السلام قال والسلام وعليكم

حسنيه حست انه مرتبك وقاعد بها خخخ حطت العصير عنده وجلست قباله عشان يشوفون بعض
صالح جلس يناظر السيقان المبرومه من تحت شوي ويرفع عينه فوق ويحط عينه بعينها
بعدين نزل عينه شوي واول ماقامت تمشي طالعه من المجلس طق لها برنت في راسه (himo)

طبعا الشوفه خلصت وكل واحد رضا بالثاني وتمت الملكه بينهم وصاروا نسايب قام صالح وشرى لها جوال وشريحه عشان يقدر يكلمها ايام الملكه :jhgy:
طبعا هو ماعمره كلمها ابد واول ماعطاها الشريحه علمها رقمه عشان تتصل عليه يوم جا بالليل وصالح
جالس على اعصابه يحتريها تدق بس عطته اشكل ماتصلت
قام صالح واتصل عليها ودار الحوار الاتي

صالح : الو السلام وعليكم
حسنيه : وعليكم السلام مين على الخط
صالح : :lkj:
انا صالح
حسنيه : اه صالح ازيك وازاي امك
صالح : الحمدالله كلهم بخير انتي كيفك وكيف اهلك
حسنيه : الحمدالله كلهم بيسلمو عليك

صالح يوم وصل هنا ربط فرامل لان الحتسي اللي عنده خلص ماعاد يدري وش يقول

صالح: حسنيه وش تبين نحلي لون الغرفه :jhgy:
حسنيه : الله ياصالح انت مكلمني عشان تؤول لي ايه لون الغرفه :slv:
دنا كنت فاكراك حتؤولي عاوزه تسافري فين شهر العسل :kello:

صالح : شهر العسل ان شالله بنقضيه في مزرعتنا بالخرج :angel:

حسنيه : ايه مزرعتنا :confused: انتا بتهزر ياصالح عاوز تبيتني في مزرعه موش كفايه اني رضيت فيك
ونتا وحش وكمان حتفسحني في مزرعه يابخيل
صالح: قفلت معه يوم قالت له انت وحش لانه حس انه انجرح :slv: :slv: :slv: << عاد وجهه كله جروح
حسنيه : انا عاوزه شهر العسل يكون في مصر عشان اشوف ارااايبي :love:
صالح : انا ماعندي جواز وماعمري سافرت براا ولا في حياتي ركبت طياره
حسنيه : يعني ايه ياصالح مافيش شهر عسل ولا حاقه طب تصبح على خير

سكر الخط صالح وجلس يفكر قال اللي هذا اوله وش بيصير تاليه الله يهديتس يايمه طيرتيني بالعجه
معتس الحين وش بيفكنا من هالمصاريه دام انك بالبر خلص عمرك قبل يجون عيال :confused:

مايستفاد

1_ ياكثر الامهات اللي يدرعمون ويوهقون عيالهم في زواجات مستعجله

2_ مدري ليش الولد اذا خطب يسألون عنه والبنت قليل جدا اللي يسأل عنها ولا تقول
ملاك نازل من السما

3_ مثل ماهم يسئلون عنك اذا جيت تخطب انت برضو رح اسأل عن البنت من خلال جيرانهم
اذا كنت حريص

4_ ياكثر العوانس عندنا واذا جيت تخطب انفضوا عفشك تسنك جاي بتسرق بنتهم

5_ على كذا مااينلام الشباب اذا فكر يتزوج اجنبيه

6_ مشكلة الاجنبيه انها مو مثل بنت الديره تفهمك وتفهمها وعاداتكم وحده

7_ الجمال مب كل شي بالبنت

8_ مع السلامه

[صلاح أحمد السليماني]

والله عزيزي الموضوع كبير ومتشعب أوي :angel:

لكن بقولك شي احيانا الاجنبية تكون افضلمن بنات ديرتك اذا احسنت الاختيار ....

او ممكن بنات ديرتك افضلاذا احسنت الاختيار ......

طبعا لو تلاحظ في كِلا الحالتين لازم تحسن الاختيار ...<=-=-=مسوي جاب شي جديد :angel:

بالتوفيق لك عزيزي ولاتحرمنا من ابداعك :magkiss: ...

[Dr. 2'S]

عوداً حميداً يامُقلعنـا :)

حسنين كان راسه كبير ويفهم بسرعه من
اول سنه يوم وصل رابع ط صار توب في الدشاره ويعرف
يذب ويقلب بالكلام وصار عنده اصدقاء يورونه
الحمام وشلون يقلب << طراه القفل
ههههههههههههههههههههههه
ههههههههههههههههاااي :angel: :angel:

جلسوا يطالعون في بعض وام حسنين تتخيل انها سندريلا
اللي بالتيتانيك وابو حسنين تسنه بدا يخور
ويدخل جو الا ولدهم حسنين طاب(ن) عليهم
حسنين : بتعملوا ايه
ابوحسنين قفلت معه : ايه ياواد ماتختشيش مش تخبط عالباب ياواد

:d: ابو حسنين مغببببببر من أيام السبعينـات :angel:
أجل خبط الباب :angel: :angel:

حسنين : ايوه انا كبرت ياماما امال
<< اعنبو الا انت دافوره يومك تعرف وشوله تخرب << قلب عليهم

لو أنه منطـم كان سمعنـا تصريحـات ناريـة :ignor:



بعد ماطلعوا حلف سعيد على حسنين انه يتغدا
في البيت
حسنين انحرج قال اوكى ابتغدى عندك قام سعيد دخل حسنين المجلس
وتجي ام سعيد وتشوف حسنين
ام سعيد : هلا بولدنا حسنين
وشلونك ونا امك عساك طيب ماشالله وش هالحمار والبياض
الله يخلف عليك ياسعيد غاد(ن) تسنك نيقاتيف عنده
اما عاااد نيقتيف :d:



ام سعيد: والله انك كبرت في عيني ياسعيد هذولي الاصدقاء
اللي يفتحون النفس ونا امك مب عليان ولد سوير
ههههههههههههههه
تنحـب و الله أم سعيد


جت حسنيه وفتحت الباب اول ماشافتها صرخت حسنيه ماما الحئي << تحسب ام سعيد طراره
ههههههههههههههههههههههههههههههههه
هههههههههههههههههههههههههه
ههههههههههههههههههههههههه
هههههههههههههههههههههههههههه
ههههههههههههههههههههههه طراره هههههههههههههههههههه
ههههههههههههههههههههههههه


حسنيه كانت حلوه وشعرها اشقر وجسمها شي ماشالله << لحد يصدق

بهالسطر ماسويت خير
يانواف بأبناء هالشبكـة :fghty: :fghty:


ام سعيد : انا بخطبها لولدي صالح مسمي
ومصلي ولاهوب يتتن ولاشي
وحبوب مره وكريم وموظف في البلديه وراتبه زين هاه وش قلتي
ام حسنين فاقتن خشتها ابنك صالح عمره كام
ام سعيد: توه بعز شبابه واصل الثلاثين

ههههههههههههههه ماعندها وقـت أم سعيد


حسنيه حاضر ياماما

بعد ذي ماعندها وقـت .. شكلها ترللي :d:


وست الحسن والجمال حسنيه داخلتن بطوفرية عصير

ياقدمهـا حسنيه ههههههههههههههههههااي مو قلت لكم هالعايلة
من أيام السبعينـات ..
العالم تدخل الحين وأيدينها فاضيه ولا صينية حلا وذي بعصير

قفلت معه يوم قالت له انت وحش لانه حس انه انجرح
<< عاد وجهه كله جروح

ههههههههههههههههه
هههههههههههههه
ههههههههههههههههههههههههااي ياربيّ يالربط :angel:


2_ مدري ليش الولد اذا خطب يسألون عنه
والبنت قليل جدا اللي يسأل عنها ولا تقول
ملاك نازل من السما

أنا أقولك ..
يمكن الأم أو الأخت لما تخطب ما تخطـب إلا إذا ما شفت على البنت عيـب !

4_ ياكثر العوانس عندنا
واذا جيت تخطب انفضوا عفشك تسنك جاي بتسرق بنتهم

بالفعـل ..
من طلبات ع استغـال تقول ماصدقـوا ع الله :d:

6_ مشكلة الاجنبيه انها مو
مثل بنت الديره تفهمك وتفهمها وعاداتكم وحده

صـادق :yes: ..


7_ الجمال مب كل شي بالبنت

أهم نقـطة .. أصلاً غالبيـة الجميلات وأنا أختـك فشلـت زواجتهـن للأسف ..
_ وهنا بنتفرع لمشكلـة أخرى لو نذكر الأسبـاب :yes: _

عوداً حميداً نواف من جديـد ..
وفقدتك السـاحة :yes: ..

[ماجد الناصر]

حسنين وطمنهور :angel: :kany: :angel:

[الفيضان الهلالي]

الحمد لله على السلامة نوااااف انا قلت وين نواف مقاطع الشبكة لايكون آثار خروج منتخب فيتنام من كاس آسيا له دور :jhgy:

ولكموووووووو :)

[برستيج]

هلا نواف


الله والعالم انك كنت ضايع .. :d:


المهم ..

وش هو (( ممسك )) .. ؟؟ .. (rambo)


فوق يالشين .. (himo)

[||+[[ الكاســر ]]+||]

الموضوع ذا عايز كباية شاي وقلسه وتكاية :angel: ..

موضوع بطـل يا " نـواااف " :yes: ..
بس وش صـار على حسنيـن :amle: ..

[العاتي]

ههههههههههههههههههههههههههههههههههههههه

الله يقطع شيطانك .. أجل من دمنهور ..!!

يالله أنك تحيي مقلعنا ..

طـيب صالح ما ثارت قريحته الشعرية وقال قصيده يوم شاف القوام :jhgy: .. :angel:


وأنت بصحة وسلامة والله يجعلنا ممن يلحق بهذا الشهر الكريم .. :rolleyes:







مايستفاد

1_ ياكثر الامهات اللي يدرعمون ويوهقون عيالهم في زواجات مستعجله


ايه والله يا كثرهم .. دارين انكم تبون تفرحون بـ عيالكم .. بس ترى زمان أول تغير ..! ;)




2_ مدري ليش الولد اذا خطب يسألون عنه والبنت قليل جدا اللي يسأل عنها ولا تقول
ملاك نازل من السما



والله أنك صادق .. ، يعني ممكن يقولون لك حنا ما تقدمنا لها إلا وحنا عارفين أخلاقها ..!! طـيب وش بيضركم لو سألتو قبل لا توهقون الولد ..!!



3_ مثل ماهم يسئلون عنك اذا جيت تخطب انت برضو رح اسأل عن البنت من خلال جيرانهم
اذا كنت حريص


تبع النقطة الثانية .. :jhgy:



4_ ياكثر العوانس عندنا واذا جيت تخطب انفضوا عفشك تسنك جاي بتسرق بنتهم


ههههههههههه حلوهـ نفضوا عفشك .. ، ياخي المفروض الكل ينفض عفش الثاني ذا زواج موب لعبه .. يعني المفروض البنت ينفض عفشها .. والولد بعد ..



5_ على كذا مااينلام الشباب اذا فكر يتزوج اجنبيه

والله ما عرفنا لك ... الحين تقول أسألوا عن البنت .. ولا تبي يسألون عن الولد .. وفي النهاية خربتها وقلت ما ننلام أننا نتزوج من الخارج .. :amle: :jhgy: ما كذب اللي سمّاك مقلع !!

الحين يسألون ولا يتزوجون أجنبيه .. خلنا نرسي على بر ..!! :angel:




6_ مشكلة الاجنبيه انها مو مثل بنت الديره تفهمك وتفهمها وعاداتكم وحده

لا حول ولا قوة الا بالله .. بس ياخي مو كل اجنبية زي كذا .. ، يعني وش فيها لا دخلت على طويلة العمر .. ولقيتها ماسكه كاس بيره بيدها .. << طرى له الالمانيات .. :d: وش رايك في الانوثه بس :qw:

لا والله .. لا أجنبية إلا إذا كانت أخلاق ومتفهمه .. ولا سعودية .. إلا إذا كانت أخلاق ومتفهمه ..!! هذا زواج .. يعني بقابل خشتها كل أبو دايم .. :slv:




7_ الجمال مب كل شي بالبنت

صحيح الجمال موب كل شيء في البنت .. ،، بس جزء رئيسي .. ،، ويكفينا حديث الرسول عليه الصلاة والسلام .. تنكح المرأة لأربع .. الخ الحديث ..




8_ مع السلامه


صحيح كثير من الازواج ما يقولون مع السلامة إذا طلعوا من البيت :jhgy: :angel:


طـيب يا ادعشري :magkiss: .. لا تقطع فينا مرهـ ثانية .. ترى فقدناك في الساحه ..

مع السلامة .. بس قبل لا أطلع .. يا ليت تشرح لنا معنى ممسك .. !! :d:


تشاو :noo:

[ابوسعد الهلالي]

ولكم باك ياعديلي << على قولة ابو اقواس :angel:

اول شي اهنيك على الخط الجديد اللي خشيت فيه باللهجه المصريه :asno:

ثاني شي وينك غاطس يقولون حايسينك في الدوام :d:

ثالث شي كل يوم تخش بايميل جديد :fghty:

وبعدين يخوي موضوعك توصيف بيت (rambo) المفروض تحط عنوان كلمه او كلمتين لان "البعره تدل على البعير" وكفى (himo)

اهنيك والجميع بقرب الشهر الكريم نسأل الله ان يبلغنا اياه وان تعتق فيه رقابنا من النار ..

تحيتي لك يامقلعنا :noo:

[بيروتي الهلال]

الحمد لله على سلامتك ، و وجود معنا يا أخي الفاضل .

تجسيد القصة رائع وبوجود التأثرات الجميلة أضافت هاجس الجمال بها ...

وعلى العموم اللهجة المصرية مع احترامي لجميع اللهجات ما أحب أسمعها لأن عشت 5 سنين جامعة في الأسنكدرية وطفشت من شعبها حركاتهم .


تحياتي لك يا غالي :)

[شموخ]

يعطيك العافيه وما قصرت موضوع حلو والله..


1_ ياكثر الامهات اللي يدرعمون ويوهقون عيالهم في زواجات مستعجله

صدقت والله.. :yes:

2_ مدري ليش الولد اذا خطب يسألون عنه والبنت قليل جدا اللي يسأل عنها ولا تقول
ملاك نازل من السما

بالعكس ما يخطبون البنت الأ بعد ما يفصفصونها من جميع النواحي.. :d:


3_ مثل ماهم يسئلون عنك اذا جيت تخطب انت برضو رح اسأل عن البنت من خلال جيرانهم
اذا كنت حريص

طيب وإذا ما بينهم وبين جيرانهم علاقه وش يسوي :angel:


4_ ياكثر العوانس عندنا واذا جيت تخطب انفضوا عفشك تسنك جاي بتسرق بنتهم

أكيد تقعد ببيت أهلها أحسن من أن تأخذ واحد ما يناسبها...

5_ على كذا مااينلام الشباب اذا فكر يتزوج اجنبيه ..

بعضهم ينلامون لأني أعرف بعض أقاربي تزوج من برا والحجه أنهم ما يستطعون على مصاريف السعوديه رغم أن المتعارف عندنا أن المهر ما يتجاوز 50 ألف وحفل الزواج على أهل البنت وبعض مقتنيات البيت البنت هي اللي تشتريهن ورغم كذا يتزوجون من برا وكل سنه يدفع مبلغ وقدره للذهاب الى زيارة أهلها غير السياره المحمله لأهلها واضف إلى ذلك استقدام أهلها للعمره والحج على حسابه وهنا تجد الفرق بين البنت السعوديه وغيره وأنا لا أعمم..

والنكته أن بعضهم يقول أريدها بضياء وحلوه ويقول لأمه أبي اتنقاها على عيني وعند زواجه من أجنيه نتوقع أنها ملكة جمال ولكن نفاجأ بالعكس تماماً ..
ومن المفارقات أن بعض الشباب يرفض الزواج من سعوديه من أم أجنبيه ونفاجأ بعد فتره بزواجه من أجنبيه...

وأنا أؤمن بأن لا فرق بين عربي ولا أعجمي إلا بالتقوى فما الفائده إذا تزوج أجنبيه أو سعوديه وهي على غير تقوى وكذلك الرجل..
فهناك بعض الأجانب أفضل من مئات أبناء هذا الوطن وهناك شباب عندنا يزينون ثقلهم ألماساً.. :yes:


ولك شكري ..

[ZORO]

يعطيك العافية يا غالي :)

( راح صالح لحمام سونا في البطحا وجلس ساعتين والهندي يفرك في جسمه وخاصه وجهه لعل وعسى يزين )

:d: :d: :d:

مسألة اختيار الأهل ممكن تكون جيدة في الماضي
لكن في الوقت الحاضر والانفتاح العجيب خلقت نوع من الارتباك بين الجنسين
يعني في الوقت الحاضر هاجس الأهل هو راحة البنت وعيشها معززة مكرمة
وهاجس البنت الحنان والكرم ( وعدم الخيانة )

هذه بعض من كم من الاحتياجات الشخصية للفتاة
وحالات الطلاق الكثيرة في مجتمعنا يكون لعدم التفاهم

وياما تكون قصص حب طويلة تنتهي بالزواج لفترة ويحدث الطلاق .
خطوة التقدم لزواج ليس مشروع يا تصيب أو تخيب

ممكن للمقتدر ما تفرق معه .
لكن الشقيان ( عمليا - نفسيا ) حيذوق الويل ان لم يدرسها صح .


تحياتي :noo:

[حبلوص]

حجز ولي رجعه



بررررررررررب :d:

[الفارس المعصب]

بأحط اسمي في الصفحة الاولى مع اعضاء الشرف :kany: :kany:

وراح ارجع بأذن الله

اشتقنالك ياحلو :magkiss:

[دلوعة نجد]

ههههههههههههههههههههههههههههههه..
هههههههههههه..

مايستفاد

1_ ياكثر الامهات اللي يدرعمون ويوهقون عيالهم في زواجات مستعجله
اي والله ياكثرههم ((في العجله الندامه وفي التاني السلامه))<<< الظاهر انها دعاية لا تسرع يابابا ههههههه :angel: ..


2_ مدري ليش الولد اذا خطب يسألون عنه والبنت قليل جدا اللي يسأل عنها ولا تقول
ملاك نازل من السما

:req: يمكن لان تصير ام الولد حاطه عينها عليها من زمان وتراقب كل تصرفاتها..

3_ مثل ماهم يسئلون عنك اذا جيت تخطب انت برضو رح اسأل عن البنت من خلال جيرانهم
اذا كنت حريص
طبعا لازم تروح تسال على البنت ولا يغرك الشكل (من برى الله الله ومن جوا يعلم الله) :yes:

4_ ياكثر العوانس عندنا واذا جيت تخطب انفضوا عفشك تسنك جاي بتسرق بنتهم
بس في النهايه ماراح يندم الا هم ((العوانس))
بس يمكن صلت استخاره وماارتاحت يعني تكون خيره لها اذا ماتزوجت :)

5_ على كذا مااينلام الشباب اذا فكر يتزوج اجنبيه
البعض ماينلام الظروف هي اللي حدته على هذا الشي..
والبعض..لا تعليق :ignor: :ignor: ..
ومثل ماقالت اختي لافرق بين عربي ولا اعجمي الا بالتقوى..

6_ مشكلة الاجنبيه انها مو مثل بنت الديره تفهمك وتفهمها وعاداتكم وحده
صح .. احس حياتهم راح تكون صعبه على مايتاقلمون
والبنت طبعا لازم تشوف اهلها يعني لازم السفريات تشتغل ويالله..

7_ الجمال مب كل شي بالبنت
طبعا المظهر الخارجي مهوب كل شي اهم شي الاخلاق..
ياما بنات وبنات نسخه من القمر لكن من وراهم بلااااوي سودا..

الله يهدي بناتنا وبنات المسلمين ويحفظهم ويصلحهم ويخليهم اعين ترجيهم..
اللهم امييين..

صراحه قصه روووووعه :asno: :yes: ..
حسنين له مستقبل زاااهر :yes:
عودا حميدا لاحلى شبكه :mad: :mad: ..
والحمدالله على السلامه..

عوافي..(نوااااااف 11)..

[الفارس المعصب]

صراحه قصه حلوه يامقلع :kany:

بالله ماعندك صورة حسنيه :love: :d: :d:

اما السروال الاحمر على الثوب :angel:

لاتقاطع يامقلع :magkiss:

[شلهوب توب]

يه بدك اأول :angel:

انت زي العسل :magkiss:





تحياتي ,,,
خـــالــد ,,,
:noo:

[الــصــاروخ]

[/QUOTE]

وكل عام ونتم بخير رمضان جا :kany:

ترى معليش فيه لهجه مصريه عشان كذا حبيت الفت الانتباه :yuupy:
[/QUOTE]

وانت بخير :kello:

اشوى انك لفت الانتباه بدري :angel:

ام سعيد حطت البنت براسها (himo)

ههههههههههههههههههههههههههههههههههـه

هذي خططهن المدروسه بعنايه مطلقة :d:
والضحيه .. :angel:


صالح : ومصريه بعد



الله يعينه هع هههههههههههههههههههههههـع :love:


صالح يوم وصل هنا ربط فرامل لان الحتسي اللي عنده خلص ماعاد يدري وش يقول


هذا اللي اوله , ينعاف تاليه :angel:


صالح: حسنيه وش تبين نحلي لون الغرفه :jhgy:



ابو الاسلوب ياشيخ اجل على طول بيبداء بغرفة النوم :kello: :d:


الله يعافيكـ اخوي نواااااف على الموضوع الفرفوش :magkiss:

الا لايكون صاير لكـ شي حول الموضوع :d:

[sh3oo0o0ol]

يخرب بيتك على هيك موزوع > > > يسمع بالمصاريا :jhgy:

عوافي حبيبي ع الموضوع

( بس تراك خليتني اقرا وما افهم :d: )

[بنت عتيبه]

ولد حسنين في ظروف غامظه في بلدة دمنهور








أجل وُلد في ظروف غآمضه خخخ






طرررن طررررن :angel: << ام سعيد ترن الجرس



ذكرتني بزمآن أول أيآم مآكنآ نلعب حريم :d:






1_ ياكثر الامهات اللي يدرعمون ويوهقون عيالهم في زواجات مستعجله




تبعاا للقصـه التي ذكرتهاا أعتقد أن سبب إستعجآل ألأم أن ولدهآ
صآلح تجآوز الثلآثين من عمرهـ, وهو مآ بعد تزوج :d:

الإختيآر لا بد أن يتم عن قنآعه تآمه من قبل الشآب وعدم إنخضآع للأهل ولا بأس
بتدخل الأم المحمود وليس الضآر .



2_ مدري ليش الولد اذا خطب يسألون عنه والبنت قليل جدا اللي يسأل عنها ولا تقول
ملاك نازل من السما



البنت كذلك لا تُخطب إلا بعد مآ يُسأل عنهآ




4_ ياكثر العوانس عندنا واذا جيت تخطب انفضوا عفشك تسنك جاي بتسرق بنتهم



لأنهاا عآنسـه تقبل بأي شآب يتقدم لهاا بلا سؤآل عنه .. !! قد تكون عنوستهآ أرحم من
زوآجهآ برجل لا يخآف الله فيها



5_ على كذا مااينلام الشباب اذا فكر يتزوج اجنبيه



لسـبب أن أهل البنت يسألون عن الولد ويدققون في كل شي يفكر الشآب أنه يتزوج أجنبيه ..!!

أعتقد أن قلـه تكآليف الزوآج و سرعته ولقدره الشآب على إختيآر الفتآهـ
بنفسه وكذلك لبحثه عن الجمـآل الظآهري فقط .. !! هو الدآفع الحقيقي





6_ مشكلة الاجنبيه انها مو مثل بنت الديره تفهمك وتفهمها وعاداتكم وحده



:yes:







7_ الجمال مب كل شي بالبنت


:yes:




إستفهآم .. ؟

صآلح أكبر من سعيد وأمهم ( أم سعيد) ..!! :d:
مفروضآ تصير أمهم ( أم صآلح ) لأن صآلح أكبر من سعيد :d:

وإذآ قلت أن سعيد أخو لصآلح من الأب طيب وش دخل أم سعيد ( زوجـه الأب )
في إختيآرها حسينه كزوجـه لـ صآلح .. !! :d:

لاا يقرى صآلح القـصه وبعيدن يعفجك :d:







8_ مع السلامه



أٌهنئك نوااف 11 على براعتك في إتقانك للهجـه المصريه وكذلك على القصه الفُكآهيه الرآئـعه ..
وكل عـآ م وأنت بخير و مــ ع آلسسسلآمـه

[@@برشلونة@@]

مشكوووووررررر يعطيك العافية......... :yes:

[حبلوص]

:d:



بااااااااااك رجعت هع :d:





قصه ولافي الخيال :d:
اجل حسنيه :d:






والمستفدااااااااااات احلى واحلى :d:





برب

[نوااااااااف11]

صلاح احمد السليماني :angel:



والله عزيزي الموضوع كبير ومتشعب أوي

لكن بقولك شي احيانا الاجنبية تكون افضلمن بنات ديرتك اذا احسنت الاختيار ....

او ممكن بنات ديرتك افضلاذا احسنت الاختيار ......

نعم نعم اذا احسنت الاختيار بس وشلون تبي تحسن لو ان فيها
حسنات كان ماتطلقت العالم فيبقى الزواج شختك بختك :d:

منور



د. ريم

عوداً حميداً يامُقلعنـا

الله يسلمك :angel:


ابو حسنين مغببببببر من أيام السبعينـات
أجل خبط الباب
هههههههه
هو فيه كلمه عندهم غير بيخبط :d:

أهم نقـطة .. أصلاً غالبيـة الجميلات وأنا أختـك فشلـت زواجتهـن للأسف ..

تقريبا لكن اغلبهم نجحوا بزواجاتهم الثانيه

عوداً حميداً نواف من جديـد ..
وفقدتك السـاحة

ماتفقدين غالي
نورتي ريم




ماجد الناصر

حسنين وطمنهور

ههههههههههههههه

هلا ماجد وش اخبار طارق التايب :d:


الفيضان الهلالي

الحمد لله على السلامة نوااااف انا قلت وين نواف مقاطع الشبكة لايكون آثار خروج منتخب فيتنام من كاس آسيا له دور

ولكموووووووو

الله يسلمك ياعسل هههههههههههههه
وش فيتنامه يالفيضان بس والله قدعان وصلوا الدور الثاني :angel:

نورت ياحلو



برستيج

هلا نواف


الله والعالم انك كنت ضايع .. :d:


المهم ..

وش هو (( ممسك )) .. ؟؟ .. (rambo)


فوق يالشين ..
(himo)

هلا برستيج

اما ضايع :d:

وش اخبارك انت عساك طيب

الممسك هذاك اللي يجي كتله وحده ودايم تلقاه منتشر
في مغاسل الصناعيه :req:

منور برستيج


||+[[ الكاســر ]]+||

هلا بالكاسر

ياخي عاجبني اسمك من بعيد تسنه بوابة بس خل عنك مميز :d:


الموضوع ذا عايز كباية شاي وقلسه وتكاية ..

موضوع بطـل يا " نـواااف " ..
بس وش صـار على حسنيـن


تسلم حبيبي وخذ راحتك لو تبي تحشش عادي :angel:

حسنين ياطويل العمر كبر وصار رجال وصار يشخص عند اقاربه

انهم مناسبين سعوديين لكن بعد كذا انت مخمخ اول واذا وصلنا حسنين يصير خير :d:


العاتي


ههههههههههههههههههههههههههههههههههههههه

الله يقطع شيطانك .. أجل من دمنهور ..!!

يالله أنك تحيي مقلعنا ..

طـيب صالح ما ثارت قريحته الشعرية وقال قصيده يوم شاف القوام ..


وأنت بصحة وسلامة والله يجعلنا ممن يلحق بهذا الشهر الكريم ..

هلا بالعاتي الله يحييك

الا صالت قرريحته وطرش في الشارع :d:


طـيب يا ادعشري .. لا تقطع فينا مرهـ ثانية .. ترى فقدناك في الساحه ..

مع السلامة .. بس قبل لا أطلع .. يا ليت تشرح لنا معنى ممسك .. !!

ابشر ولايهمك وتسلم ماتفقد عزيز ياحلو

ممسك ارجع لردي على برستيج :d:

[محمد الهلالي]

ياخي موضوعك طوييييييييييل كثيرا :d:

بالله علمني كيف اسوي مواضيع مثلك :jhgy:

موضوعك يتكلم عن الزواج وكله مصاريه وانا اكره شيئين بالدنيا الزواج والمصاريه والحين انت صرت الثالث دامك جايبهم هنا :angel:


فلو سمحت بليز فكنا من المصاريه يكفي ماشفت منهم :q:

وموضوعك حلو مثلك << ماقراه :d:

بس لاعاد تجيب طاريني ترى ابو اقواس هو راعي الحمام مهوب انا :jhgy:

سلام

[abo wdee3]

ههههههههههههههههههههه

أضحك الله سنك يا هذا ..

ولكم باك ولك وحشة يا شين ..

ويا لبيه يا حسنية شكلها ازين من برونو خخخخخخخخخ

والزاج ترا مهب لعب ونا اخوك << هذا يسونه اثراء الموضوع خخخخخ


وبانتظار جديدك كل دايم .. لا تطول علينا