|= دوريات المرور .. حرام عليكم .. وياعيباااه يالبلدية .. ماحدث لي اليوم في المدينة =|

[الزعيـALZAEEMـم]

= = =



السلام عليكم ورحمة الله وبركاتة ..


مدري وش أقولكم صباح الخير ولا مساء الليل ..

ماتصدقون قد إيش منقهر انا من الدوريات اليوم ..

أبقولك قصتي من البداية ..

طال عمركم .. أنا كنت ماشي مع أهلي أبوديهم لبيت خالي !! ا

المهم وكان معي الوالدة وخالتي وبنتها الصغيرة تقريبا 4 سنوات ..

وأنا ماشي دخلت بطريق مظلم وهو الطريق الوحيد اللي يودي على الدائري من جهة الحارة اللي أنا فيها .

مدري وش صار إلا أنا طاب بحفرة تقريبا 2 ونص (( عبارة عن صبة راعي عمارة حافر ومخليها ماحط األمونيوم ولا شي يعني اللي يجي يطيح على طول )) .. وأسمع صرااااخ أهلي والسيارة أحس شوي بتفنجر .. مثل الطيارة إذا هبطت تسمع لها صوت مدري من وين يجي .. وأحاول أطفي السيارة ماقدرت مع الربكة ماركزت إني معشق على الـ D ومايمديني أطفي السويتش إلا لما يكون على الـ p المهم السيارة 3 أرباعها طايحة ماعدا الكفر اللي ورا .. المهم مدري وش صار لقيت نفسي برة السيارة وأهلي داخل وطلعتهم .. و مع زحمة الناس وقرفهم اللي يقولك سلامات ولسه ما إنتهى الحادث .. ناس مدري وش تبي .. طيب تعال وساعدني .. المهم طلعت اهلي وجا واحد راعي جمس ماقصر عطاني جمسه وقال رح ود أهلك وتعال .. ووديتهم ورجعت للموتر اللي توقعت إنه يبي ينفجر .. المهم إتصلت على الدوريات ..

أنا : السلام عليكم

هو : هلا

أنا : طال عمرك أنا طايح بحفرة أبي لي ناقلة أو ونش عشان أرفعه ..

حولني على واحد ثاني ..

أنا:: الووووو

هو نعم

أنا : أبي ونش

المهم مالكم بالطويلة عطاني رقم واحد قالي إتصل عليه وشف عنده ولا لا

قلتله مو أنت لازم تجي .. قالي وينك أنت .. قلت عن المطار 3 كيلو .. قالي بعيد .. قلتله طيب تعال . قال أتصل وحاول معه هو صاحب سطحه .. صكيت السماعة في وجهه ....

المهم بالصدفة تجي دوريتين من جنب السيارة من نفس الشارع يعني ماتتصورون ياجماعة شلون هذ الموقف خلاني أطرطع وأنجن .. ويرتفع ظغطي ..

مرت الدورية الأولى قامو يطااااااالعون فيا .. قلت يالحبيب وقف .. ويطالع ويروح .. والثاني وراه أقول ياخي وقف يالحبيب يالأخو والله مافي إلا قوة سحب سيفونات ,, حسبي الله عليهم .. حسبي الله عليهم .. حرام الراتب اللي ياخذونه ..

وبعدين شوارع المدينة .. أقسم بالله قلة حيا حفرة بوسط طريق سريع .. ماعمرها صارت ..


وبعدين ماقصروا عيال الحلال جابو ونش وشال السيارة وكلهم قالو لاتسكت أنت رابع واحد يطيح وآخرها أمس طايح وايت ماء ...


آخ بس يالقهر ممووب قاهرني إلا الدوريتين اللي جاية آآخ لو إني مصورهم ..


تراي مأتش ومرتفع ظغطي ومدري وش كاتب بالموضوع .. لكن ما أقول إلا حسبي الله على البلدية اللي مخلية راعي العمارة يلعب بالشارع لعب وعلى الدوريات اللي ياخذون رواتبهم حرام .. وبعض اللي جو يتفرجون تقول تلفزيون على السيارة .

فمان الله


= = =

[alkateb]

صاااااااااادق والله . .

الله يكون في عونك وعونا مع ذا الدوريات ، اكثر شي يقهر ، في جدة يقعد تحت المظلة طويل الشارب ويهرج بالتليفون ، والي يقطعون والي حادث وهو لا حس ولا خبر.!

والله ان الشعب السعودي هم رجال الامن بلا شرطة بلا كلام فاظي.؟ :slv:

والله يوم قلت سالفة الدوريتين طرطعت من جد..!
الله يعينك ..!

[بيروتي الهلال]

حسبي الله ونعم الوكيل فيهم وبأمثالهم ، لا حول ولا قوة إلا بالله العلي العظيم .

ألف ألف ألف سلامة غليك يا غالي إنت وأهلك ، وإن شاء الله يكونوا بخير وعافية .

والله نصيحة يا غالي ما تسكت ، وحاول توصلها لأكبر راس فيهم .

{ الساكت عن الحق ، شيطان أخرس }

فسمي بالرحمن واتوكل ، ولا تخاف من أحد .

حسبنا الله ونعم الوكيل فيهم .

تمنياتي لك بدوام الصحة والعافية :)

[alkateb]

لاتسكت، اسعى انت وحاول .. والتوفيق من الله..
ولو وصلت للأمير سلمان ترا غيرك كثير وصلوله.! >>>> كنه يبالغ شوي.! :d:

الله يعنيك

[الزعيـALZAEEMـم]

ياشيخ لو أشتكي اللحين يمكن عيال عيالي ياخذون حقي ..

يجيب الله مطر ..

والله يسلمكم ياحبيابي من كل مكروه ...

[[ TaReQ ]]

اول شي حمدلله على سلامتك وسلامة الاهل

عادي حاليا توقيع اي شي من دوريات من مسؤلين من مستشفيات يعني مستشفيات يرفضون بعض الاحيان استقبال مرضى فمبالك بدوريات بناس جحلط الشره على الي موظفهـم انا واحدن أخذت ثلاث مخالفات ظلم في ظلم لكن وش تسوي عسكري ماحد يقدر يفتح فمه بكلمـه عليه ،،

حسبي الله ونعم الوكيــل

[اغراب]

دوريتنا اكبر همهم يخلصون دفتر المخالفات وبس
او يسوون نفسهم نظاميين على قلة سنع

[ماجد الناصر]

بتشتكي اشتك لله وحده هو نعم المشتكى والله يغير الحال :(

[go gunners]

هلا بالزعيم :( :(
أول شيء الحمد لله على سلامتكم ..
ثاني شيء أنت اللي صارك شيء سهل .. وينك عني الي انصدموا اهلي وبغو يتفحمون لا من شاف ولا من دري ..لا دوريات مروا علينا ولا ناس تخدمك .. مايجونك إلا وقت الحاجه نبي واسطه وطقتها :( :( :( ..
لكن نقول كلمتنا المشهورة .. عرب جرب :( ..

[دلوعة نجد]

الحمد الله على سلامتك وعلى سلامة اهلك :) ..

لا تستغرب هالاشكال كل شي جايز والله في هالوقت..

لا تخليهم في حالهم روح اشتكي عليهم :jeng: ..

[مهد كــ القدم ــرة]

اي و الله و انا اخوك

شوارعنا قلة حيا

و البلدية بالمدينة ما عندك أحد

الله يسامح الحصين الخدمة لجماعته و تعرف مين اقصد

كوبريين جدد بالخالدية تخدم طقته



و باقي الشوارع ما عندك أحد !!


تذكر كبري السلام و هو أكبر الكباري و أجددها يوم طاح جزء منه :slv:

[3z Alz3eem]

أولا : الحمد لله على السلامـــــه

ياشيخ لو أشتكي اللحين يمكن عيال عيالي ياخذون حقي ..

يجيب الله مطر ..

^
^
صدقــــت

يعنــي ردد ياليل مطووولكـ

[الهلالي عالمي]

اول شي حمدلله على سلامتك وسلامة الاهل

عادي حاليا توقيع اي شي من دوريات من مسؤلين من مستشفيات يعني مستشفيات يرفضون بعض الاحيان استقبال مرضى فمبالك بدوريات بناس جحلط الشره على الي موظفهـم انا واحدن أخذت ثلاث مخالفات ظلم في ظلم لكن وش تسوي عسكري ماحد يقدر يفتح فمه بكلمـه عليه ،،

حسبي الله ونعم الوكيــل

[سلف ودين]

الحمدلله على سلامتك وسلامة أهلك ياوائل

الباقي كله يهون دام مافيه إصابات بالأراوح

وبالنسبة للبلدية والمرور هالشيء متعودين عليه وماهوب جديد عليهم عشان أقدر أعلق
لكن ما أقول إلا حسبنا الله ونعم الوكيل

والحمدلله على السلامة مرة ثانية ،،

[الزعيـALZAEEMـم]

قاعد أكتب رد طوله مترين .. إلا يفصل الكمبيوتر ..


على العموم الله يسلمكم .. وبعدوينكم إن شاء الله !!



شوارعنا قلة حيا

و البلدية بالمدينة ما عندك أحد

الله يسامح الحصين الخدمة لجماعته و تعرف مين اقصد

كوبريين جدد بالخالدية تخدم طقته



و باقي الشوارع ما عندك أحد !!


تذكر كبري السلام و هو أكبر الكباري و أجددها يوم طاح جزء منه

إيييييييييه لاتقلب المواجع .. الحصين هذا أكبر منب قايل بالمدينة ... نصاب آكل حقوق الناس .. لازم ياكل من أرضك يعني لازم يقولك 5 أمتار عن الشارع 3 أمتار مواقف .. مترين طوارئ ... نصااااااااااااب

[قرقو]

سلاام

اول شي الحمد لله على سلامتك وسلامه اهلك هذا اهم شي والا الحديد بداله حديد :)

ثاني شي حقين القطاع الامني مو كلهم بس بعضهم حدث ولا حرج انا قد صارت لي سالفه العن من سالفتك قد ذكرتها بالمنتدى قبل كذا

حقين الدوريات مستحيل يوقف عندك الا اذا جاه امر من الضابط هذا اللي اعرفه

قد صارت لواحد من اخوياي نفس سالفتك طاح بحفره وراح يشتكي على المقاول اللي مسويها قالوا له خل سيارتك لاتصلحها ومو جاي دورك قبل 7 سنوات :yuupy:

والحمد لله على سلامتك انت واهلك اهم شي :)

["wolf"]

الحمد لله عالسلامة وسلامت اهلك
ومانقول الا حسبنا الله ونعم الوكيل عليهم



كود الله يهديهم ولاتوصل شكوى لسلمان ولا مسؤؤل ويصيروون رجاجيل

[حبي سدير]

رد رد ياليل ماطولك

[برنسيسة الهلال]

حمدلله على سلامتك أنت وأهلك..
لوأنا مكانك أحتسبه عند الله !اذا أشتكيت بتضيع وقتك بدون أي فايده!!!ماعندك أحد!
تحياااااااتي

[[[ SaMi ]]]

و عليكم السلام و رحمة الله و بركاته

محاكيك من المدينة و الله يا شوارع ترفع الضغط و حصين منحط :slv:
يا رجل فيه حواري الواحد لا دخلها ما يصدق انه بالمدينة ..

طريق المطار اللي بعد الدوار من يوم ما عرفته و هو حفريات !!
قسم بالله ما اذكر اني مريت منه بدون ما يكون فيه حفريات ..

اخرها الاسبوع اللي راح انواع الحفريات ..
بس تصدق قهرتني .. ليش ما اخذت لوحة الدوريات ؟

و الله يجزى راعي الجمس خير ..

[عاشق 15الفيلسوف]

والله ودك ذا الموقف يصير مع المرور والبلديه
:lkj: :lkj: :lkj: :lkj: :lkj: :lkj:

[شلهوبي&موهوبي]

الحمدلله على سلامتك وسلامت أهلك ,,

[sh3oo0o0ol]

على كل حال الحمدلله على سلامتكم :rolleyes:

ووالله ثم والله لا انت اول واحد وولا راح تكون آخر واحد :( يشتكي اذا بتشكتكي

احنا القليل عندنا النظام عندهم اعوذ بالله فيه لامبالاه وعدم مسؤليه للاسف :(



لكن ما انصحك تشتكي وتتعب نفسك تدري ليه ؟


لانك راح تكون كوره كل واحد يشوتك للثاني ( هذا الواقع واسئل مجرب )

وآخرتها بتجلس في البيت وتتحسف على الوقت اللي ضيعته معهم

[alzaeemoon]

الحمدلله على سلامتكم




الحفرة لاتكون اللي عند إشارة المطار لأني شفت وايت طايح فيها قبل 3أيام تقريبا :eek:


أما الشوارع خلك ساكت بس :ignor:

[[ AbU tUrKi ]]

حمد لله على سلامتك وسلامة الاهل

وماتشوفون شر

وفي الحديد ولا في العبيد

حبيت اقول لك شئ يالغالي

الشكوى لغير الله مذلة

وانت تبي تشتكي على حكومة الله يعينك عاد

[Abdulmajeed]

بتشتكي اشتك لله وحده هو نعم المشتكى والله يغير الحال :(

[()مــشــمــشــ()]

سلامات والله ماتشوفون شررر

والله احس ان فيني غبنننننننننننننننننننه :lkj:
ماكن الا الموقف صار علي :slv:

بس تدري
خذ العلم
سو برقية للامير عبدالعزيز بن ماجد امير منطقة المدينه - كنك من المدينه -
لاتسوي معروض وتروح الاماره
لان اكيد ان للعسكر عيال عم فيها ومن ثم مهيب واصلة له
ولو انك ترفق بالبرقية اسم العسكر ومقر مراكزهم
يااااااااااحبيبي
اجل ابشر ان حقك جاك

والف سلامة عليكم مرة ثانية

[sh3oo0o0ol]

سو برقية للامير عبدالعزيز بن ماجد امير منطقة المدينه

ظنك توصل وانا اخوك ؟ :(

[()مــشــمــشــ()]

8
8
8
8

البرقية تووووووووووووصل دايركت على امير المنطقة
وانا لي تجربة شخصية مع الامير عبدالعزيز بن ماااجد

[الزعيـALZAEEMـم]

الحفرة لاتكون اللي عند إشارة المطار لأني شفت وايت طايح فيها قبل 3أيام تقريبا


إيه انا طحت بعد الوايت لكن .. مادريت إلا بعد ماطحت :cry:

= = =

أنا ودي أشتكي لكن .. للأسف ماعندي لوحة السيارتين حقت الدورية

لو كنت أعرفها كان منذ مبطي مشتكي ..

ورحت قدمت شكوى مع إثنين طاحوا قبلي .. لكن قالو يوم السبت تعال

[()مــشــمــشــ()]

8
8
8

ياابن الحلال لاتطرد وراااهم
والله منتب ماخذ حقك منهم

ارفع برقية
اسمعني

[الزعيـALZAEEMـم]

برقية وين أوديها ..

[()مــشــمــشــ()]

ماتعرف ترفع برقيه؟ :nrey:
ياللهوووووووووول

طيب اعلمك
تروح ياحبيبي اي مركز بريد
وقوله
ابي ارفع برقيه للامير عبدالعزيز بن ماجد
وطبعا البرقية تكون مختصرة
لأن الحرف الواحد بـ نص ريال
واكتب كلامك بورقة
وركز على الاساسيات
ولاااااااااتنسى تحط ارقامك

وعط الموظف الورقة وتلقاه يعد الاحرف قدامك وتعطيه الفلوس وبسسسس

[الزعيـALZAEEMـم]

أح الحرف الواحد بنص ..

يالهوي !!

خويي يتأتأ .. شكله إذا كتب برقية يبي يخسر ماحوّشه للدهر يا عصمان !!


- - - - -

شكلي أباخذ بنصيحة من قال الشكوى لغير الله مذلة !!

تسلم بؤك يامشمش !!

[()مــشــمــشــ()]

الله يسلمك :)

[مجد البطولات]

الله يكون في عونك

والله أكثر الشرطة دشير مجمعة ولا يفقهون والله قهررررررررررررر


أنت قل فيه قسيمة ويجون يتراكضون عليك :n: :n:

[حبلوص]

لاجديد على الدوريان والمرور والبلديه

<<<ترى ابد ماعند بيتهم حفريه ن 9شهور حقت صرف صحي وانتم با لكرامه بغيت اطيح فيه عشرين الف مره



والحمدالله على السلامه يا الغالي
وماتشوف شر انت واهلك
:)

[ksa_hilali]

أسوأ القطاعات الأمنية هم رجال المرور والشرطه

فلا تعامل ولا لباقه ولا احترام ولا عمل متقن

[إبراهيمـ]

اقول ’’ الحمدلله على سلامتكـ وسلامة أهلكـ ’’ والباقي حديد في حفرهـ :angel:


اما بتشتكي مو نافعكـ شي وخذها مني ’’


بس حطوا صبهـ والا علامة على ان في حفرهـ ’’