.. ليش كل هذا صار ..

[عنود الصيد]

السلام عليكم ..


مدري وش فيني هالايام مدهرة اكتب بالكورة , مع انها مهيب عوايدي بس اللي صار مو شويه .. يخلي جدتي ( الله يرحمها )تقول رايها معكم :jhgy:

المهم .. فيما انا اتابع المباراة المشئومة تذكرت موقف صار لي ومنه بتفهمون وش اللي صار .. لأنه فعلا مثله ..:yuupy:


المهم أنا بيوم من الأيام وحدة من زميلاتي طلبت مني أقدم معها بالاذاعه المدرسيه قصيدة وطنيه طويله وعلى شكل حوار بيني وبينها( بمناسبة اليوم الوطني) ,
البنت هاذي طموحه وتحب الشعر ومتعودة على هالموقف ( انها تقول قصائد حافظتها وقدام العالم ) المهم انها الحت علي اني اشارك معها رغم اني ماقد سويتها , ووافقت وحفظت القصيدة زين , حتى اني سمعتها عليها ..

وفي الاذاعه بالبدايه كنت اقدم الاذاعه وناسية القصيدة يوم جاء وقتها قالت زميلتي يالله .. قلت وش يالله , قالت نلقيها (انا انهبلت ماعاد اذكر شيء منها ) وأنا اللي أفرك واخليها لحالها تلقيها (rambo)
وهي المسكينه تلخبطت .. بس عدت على خير .. :)


بتقولون وش وجه الشبه .. يعني ناصر الجوهر مثلي .. والله اني حاسه باللي هو فيه :(


يعني وافق على مهمة مهوب قدها ولا عمره جربها( مدرب للمنتخب بكاس العالم), ويمكن يكون غير مقتنع بنفسه فيها( غير واثق ) لكنه استمر .. ويوم جاء وقت الجد( وصار قدام هالعالم) تلخبطت اوراقه وأرتبك وخلى اللاعبين لحالهم (حيث انه ماصار يوجههم ولا يحاول وقت المبارة انه يسوي شيء ) ..



انا اقول ان هذا هو السبب بنسبة 50 بالميه :rolleyes:


وبس :yuupy:

صح ان الموضوع ينقال بجملة وحدة ( وهو ان المدرب مهوب قد المهمة) بس اني فاضيه وودي اهرج :angel:


تــحياتي ,

[هاوي الهلال]

هاااياات

اهلين عنود ...

بالتاكيد المدرب ماهو قد هالمسؤليه ..

وخلنا واقعيين لو المدرب الحين كان اجنبي وعالمي بعد
ماكان مداه رجع لاهله ؟؟؟؟

المشكله ماهي في الجوهر

لكن العله اكبر من كذا ..

اللي خلاه يدرب المنتخب في هالبطوله ظلمه ..

ولو رجعنا شوي

لكاس اسيا ..
بنشوف ان التغيير ماكان فني بعد مباراة اليابان .. قد ماكان نفسي

اما التاهل .. جاء بشق الانفس لكاس العالم
وساهم فيها منتخب البحرين بفوزه على ايران

اما كاس الخليج ..
فاز فيها المنتخب بصعوبه
ومستوى ... ضعبف

يعني المنتخب مع الجوهر ماقدم شئ ..

وكان الانتصار بمجهود اللاعبين

لكن في كاس العالم

لازم مدرب
فاهم
وعنده خبره ...

ماهي مجرد مجاملات
ولاهي مكان للتكريم



بااياات
خالد

[ميلاد]

كلام رائع:yes:

كنت اقول البنات مالهم بالكوره بس انتي حسنتي صورتهم شوي:yes:


يوسف(himo)

[الأولاني]

والله الجوهر فضحته كاميرا الحدث

بصراحة وانا اتفرج طبعا ماراح تتابع او تستمتع بكورة وابداع الماكينة اللي فرمت الأخضر ولما جاء الخامس قلت خل اشوف الجوهر وش بيقول وفعلا القناة كانت مركزة فقط على ناصر الجوهر من الاحتياطيين ومرة يتقدم وبعدين يرجع ومن ثم يفتح مذكرته قلت بس الحين بيقلب الخطة فوق تحت وستغل التغييرين اللي دخلهم وتخيلي 20 دقيقة وهو يقول

ماعليه شباب احسن احسن خلك معه معليش حلوه يا دوخي خلك معه معليه ياشباب :(

الأغرب من ذلك ان المنتخب الشبيه مع اداء منتخب المانيا واللي لعبنا معه ماباراة ودية كان منتخب الدنمارك وهدفهم كان بالراس والأغرب اننا نص اللي لعبوا في تلك المباراة استبعدوا بينما المانيا لعبت مع الكويت وهو القريب من اداءنا بوقت قصير من بداية المونديال وبالتشكيل نفسه اللي لعبنا فيه باستثناء دايسلر المصاب وفازوا سبعة وهذا يسمونه التخطيط السليم مايحتاج خبير يبله بس ناس تفهم كورة على الأقل

[شقراوي]

قلبتي المواجع :cry:

يا ناس والله اني شف المباراه اكثر من مره

المشكله في مواصفات اللاعب السعودي.

لا يجيد الاحتكاك:(

[سفير الحزن]

عنود الصيد


<p align="center"><embed width="495" height="145" src="http://saferal7zen.jeeran.com/3anood1.swf"></p>


ما ادري شو بقول .... لك

بس انتِ ذكرتي موقف صار ايام الأذاعه بالمدرسه .. وهذا الموقف إستشهدتي فيه على حالة المنتخب مع مدربنا الكبير (( ناصر الجوهر ))

انا بقول كلمتي الخاصه ..
المدرب قد يكون له نسبه في ما حدث في مبارة المانيا ..
لكن لا ننسى الاعبين ودورهم في بث الروح الحماسية للعب
انا ما شفت المبارة كامله لكن شفت بعض التقاعس من الاعبين ....(( بعض الكتاب ذكر أن بعضهم يتمتعون برحله في ارض الملعب ..... تصوير لما كان عليه بعض الاعبين وتصرفاتهم في البارة وكأنهم في رحله وليس في كاس العالم وخدمة الوطن ))


ما نقول الا أن المانيا قويه وليست بصيد سهل لأعضم الفرق ....
وإنشاء الله يكون الجاي أحسن من اللي فات ....


نتأمل خير في لعيبتنا وفي مدربينا (( والتوفيق من الله سبحانه ))


سفير الحزن
بو فهد

[عنود الصيد]

@أهلين هاوي الهلال ,

اي والله انك صادق :( واحسن شيء من اللي قلته اني فهمت وش يقصدون بالمجاملات واللي اسمعها من الكل :)
والله يعينهم يقولون الزياني الحين معهم بس ( بالسر) , وان شاءالله بيكون فيه فايدة ..


@أهلين ميلاد ,
لاتقول الا خير .. اللي عندنا ( مجرد اجتهادات) .. والا تحليلها مخلينه لكم اهم شيء عندنا النتيجه :D

@أهلين مشرفنا الأولاني ,
( ماعليه شباب احسن احسن خلك معه معليش حلوه يا دوخي خلك معه معليه ياشباب:( )
:(:(
أشوى اني ماشفته وهو كذى .. والا باتكدر اكثر :(
يارب يوفقه المباراة الجاية وتتحسن الصورة شوي :(

@أهلين مشرفنا شقراوي ,
<<=== من قدي قاعد يرد علي مشرفين :D

المواجع ان ماقلبتها انا بيقلبها غيري :(
بس وشلون تبيهم يحتكون مع ( هالبعارين ) .. الله لايلومهم ..


@أهلين وسهلين والله بسفير الحزن ,

<<== مهوب لـلله بس عشان التوقيع :p

والله شكلي باسنتر في منتدى الجمهور , تواقيع ومشرفين يردون علي ( وناسه :D )


بعد أذنك يعني تراي حطيته توقيع لي .. ومشكووووور جدددا :)


أما بالنسبة للاعبين وتقاعسهم وقت المباراة , يقال ان اللاعبين بينهم مشاكل وكل واحد يناول للثاني من غير نفس .. ( كذا سمعت) واحس انه هو اللي حاصل فعلا ..
ياليت المرات الجايه يتركون عنهم هالشغل ويستعيذون من الشيطان ..
ويحاولون يصلحون لو شوي من اللي راح :(

وألف شكر للجميع على الرد :)

[هلالي واقعي]

تفائلي يا عنود برضا تكر وناصر الجوهر تراهم من احسن من جاءوا الى الكره السعوديه