أفتـــــــــــــــــونا مأجــــــــــــــــــــــورين ..

[أخو دلال]

بيق سلام من أخو دلال :)

الحمدلله على كل حال .. الحمدلله اللي عطانا صحة ووقت بهالصيفية الحلوة اللي تابعنا فيها أنشطة كروية مختلفة .. فبعد مشاهدة ختام الدوري الاسباني في بداية العطلة بخاتمته المثيرة بين الغريمين البرشا والريال تابعنا كاس كوبا أميركا اللي كانت قمة في كل شيء عدا توقيت المباريات اللي يخلي الواحد يجطل بالدوام أحيانا :d: وفي نفس الوقت استمتع البعض منا بمشاهدة كأس العالم للشباب واللي اختتمها الارجنتين بفوز كبير بالبطولة.. وتابعنا أيضا كأس أمم آسيا التي كانت وللأسف خالية من كل شيء الا من متعة الاخضر ومتعة متابعة فارس عوض و عامر عبدالله الذي لم يحالفه التوفيق في النهائي .. فالبطولة كانت باردة جدا ورديئة المستوى وضعيفة جدا من ناحية الحضور الجماهيري حتى القنوات الفضائية اللي حاولت تحمي البطولة كقناة الكاس أو القنوات الفضائية الخليجية الاخرى لم تستطع لعدم وجود أحداث تساعد في اشعال البطولة ولو اعلاميا .. وهانحن نتابع هذه الايام استعدادات الفرق الاوروبية لدورياتها المحلية على القنوات المختلفة ..

السؤال الذي يطرح نفسه الان ونحتاج له اجابة هو كيف سيكون توزيع دوريات هذه السنة على القنوات؟؟ وما هي اخر الاخبار بخصوص اسعار الاشتراكات؟؟ وهل اتضحت الصورة بشكل نهائي على حقوق النقل ام لا زالت الصورة غامضة ؟؟

اتمنى ان اجد اجابة موثوقة ومن مصادر معروفة لأن الحديث كثر مؤخرا والاشاعات تلوكها الالسن والى الان ضايعين في الطوشة صراحة :d:

وبيق سلام من أخو دلال مرة ثانية :)

[سيد النوادي]

الدوري الانجليزي على الشوتايم

والدوري الاسباني والايطالي على الجزيرةالرياضية

وفيه بعض المباريات الدوري الايطالي على art

هذا الي اعلمه :noo:

[الدعيــ ( 1 ) ــع]

هلا أخو دلال ..

لازم تشترك بالـ showtime والـ art إذا أنك ناوي تتابع أفضل 3 دوريات في العالم ..
الإنجليزي ، الإسباني ، والإيطالي .. بالإضافة إلى دوري أبطال أوروبا ..

ما عندي خلفية عن الأسعار .. وحاولت أدوّر على السريع في موقع showtime بس مالقيت شي ..

http://www.showtimearabia.com/Default_en_gb.aspx

بس اللي متأكد منه أن الأسعار غالية شوي ..

وبمناسبة استفسارك .. أحب أستفسر :d: :d:
عن جهاز رسيفر توصله بانترنت سريع .. ويفك لك شفرة أي قناة تبيها :fghty:
سواءً كانت قنوات showtime أو art ..
إذا فيه أحد جرّبه هنا .. ياليت يعطينا معلومات عنه ..
كم سعره ؟؟ وويقطّع وإلا ما يقطّع ؟؟ ووش سرعة الاتصال المطلوبة ؟؟

[Abo-Bandar-15]

الانجليزي شوتايم 2100 ريال عدا مباريات الفرق الكبيره تنقلها ارتي مع تسجيل بعض المباريات
اسباني وايطالي الجزيره 145ريال
الابطال والسعودي ار تي 600ريال

المصدر انا متصل عليهم

[ماجد الناصر]

مايبيلها قناة زكيه زكريا متعوده دايمن على كل شيئ :angel: ويقال فيه حركات عن طريق الدي س ال تفتح فيه جميع القنوات المشنفره
:kany: :kany:

[سامي19]

اللي يبي معلومات عن الرسيفر الي يفك شفرات يجيني خاص

[الذيب وبس]

صبحهم بالخير :magkiss: ,,

الحين ليه رسيفر فك شفرات ومدري وشو ,, العرض الي مقدمته الشوتايم رخيص جدا ,, اعتقد ما يتعدى ال 250 ,, يعني لو اشتريت السيرفر اقل شيئ تلقاه ب500 هذا غير الشفرات الي تتغير كل فترة :kany:

[ثــامـر]

اعتقد ما يتعدى ال 250

شهريا التسلاب ؟؟

[أخو دلال]

بيق سلام من أخو دلال :)

سيد النوادي..

الدوري الانجليزي على الشوتايم

والدوري الاسباني والايطالي على الجزيرةالرياضية

وفيه بعض المباريات الدوري الايطالي على art

هذا الي اعلمه

الدوري الانجليزي كامل عالشوتايم طيب واللي يقولون المباريات القوية بتنقل عالارت هل هم صادقين والا مجتهدين؟؟

الجزيرة مقدور عليها ورخيصة صراحة مع ان ما يهمني عليها الا الدوري الاسباني والا الايطالي عومة وثقيل طينة :d:


الدعيع..

وبمناسبة استفسارك .. أحب أستفسر

أستفسر يا بعدي استفسر وحنا وش فاتحين هالموضوع له الا عشان تجي وتستفسر :d: :d:


أزرق اللون..

الانجليزي شوتايم 2100 ريال عدا مباريات الفرق الكبيره تنقلها ارتي مع تسجيل بعض المباريات
اسباني وايطالي الجزيره 145ريال
الابطال والسعودي ار تي 600ريال

المصدر انا متصل عليهم

الجزيرة سهلة .. الارت اشتراكي الى اخر السنة .. الشوتايم ول عليهم تو متش صراحة .. ما فيه تخفيض ما فيه بروموشن .. بعدين ياليت توضح لي سالفة مبارايات الفرق الكبيرة اللي بتنقلها الارت .. من هي هالفرق وهل تنقل مبارياتهم مباشرة والا تسجيل بعدين ؟؟


ماجد..

مايبيلها قناة زكيه زكريا متعوده دايمن على كل شيئ ويقال فيه حركات عن طريق الدي س ال تفتح فيه جميع القنوات المشنفره

وشو زكية زكريا .. الا قل اسعار كرة القدم وحقوق نقلها ارتفعت ارتفاع غير طبيعي الله يكفينا الشر ..


سامي 19..

الا انت اللي ليش ما تجينا عام اريح لنا واريح لك :d:


الذيب وبس..

الحين ليه رسيفر فك شفرات ومدري وشو ,, العرض الي مقدمته الشوتايم رخيص جدا ,, اعتقد ما يتعدى ال 250 ,, يعني لو اشتريت السيرفر اقل شيئ تلقاه ب500 هذا غير الشفرات الي تتغير كل فترة

راي حلو جدا لكن 250 ريال شهريا ترى موب شوي وانا اخوك على بعض الناس ..


أبو توتا..



شهريا التسلاب ؟؟

شفت شلون .. يعني سنويا 3000 .. ولو اشترك الواحد 8 شهور اللي هي مدة الدوري تقريبا 2000 ريال :eek:


وبيق سلام من أخو دلال مرة ثانية :noo:

[El Blanco]

من ناحية الدوري الإسباني و الإيطالي فـ ((الجزيرة الرياضية)) تكفيك و تقريباً بـ (120) ريال سنوياً و هذا حسب الوكيل الجديد ..


الدوري الإنجليزي بإمكانك متابعة أقوى المباريات على شبكة ((art)) و ذلك عبر قنوات الأندية التي تأتي مجاناً مع الباقة الرياضية الرئيسية و قنوات حليب السعودية بمبلغ (600) ريال سنوياً للتجديد و لا أعرف كم سعر الإشتراك الجديد و أعتقد أنه قريب من هذا السعر ,, يأتي مجاناً مع قنوات (سبورت) قنوات أقوى أربعة أندية إنجليزية و هي (مانشستر) و (أرسنال) و (ليفربول) و (تشلسي) و هي تنقل مباريات الفرق التابعة لها مباشرة في الدوري و أيضاً الكأس أعتقد و بالتالي هي تمثل الدوري الإنجليزي الحقيقي و لا أظنّ بأنّ أحداً سيترك مباراة لليفربول و يتابع مباراة لمانشستر سيتي و ميدلزبرة أضف لذلك أنّ المبارايات التي تجمع أقوى أربعة فرق في الدوري ستكون عبر القنوات الأربع و هذا شيء ممتاز إذا أغفلنا أنّ النقل سيكون باللغة الإنجليزية بالتأكيد ,, يضاف لهذه القنوات قناتي (برشلونة) و (ريال مدريد) و لا أعلم هل ستنقل مباريات الفريقين في الدوري الإسباني أم لا ,, أمـََّـا إذا أردت المتعة الكبرى فعليك الإشتراك بـ ((شوتايم)) فهي توفر أفضل و أكبر تغطية للدوري الإنجليزي و باستديوهات مبتكرة و طرق نقل عالمية و بأصوات معلقين عرب و سعر الإشتراك تقريباً (2800) ريال سنوياً ..


دوري الأبطال الأوروبي سيكون على شبكة ((art)) و بالتالي الإشتراك في هذه الشبكة يضمن لك مشاهدة ثلاث بطولات من أقوى البطولات للأندية في العالم و هي مونديال الأندية و دوري الأبطال الأوروبي و أهم مباريات الدوري الإنجليزي بالإضافة لكأس إيطاليا و دوري حليب السعودية و مباريات المنتخبات الودية البرازيل و الأرجنتين و إنجلترا و غيرها الكثير ..

الإشتراك بالجزيرة الرياضية يعني هذا الموسم المتعة اللامتناهية فبإمكانك مشاهدة أقوى دوريين في العالم و هما (الإسباني) و (الإيطالي) بالإضافة لكأس إنجلترا و وصولاً لـ ((بطولة أمم أوروبا 2008)) للمنتخبات في الصيف و بالتأكيد مبلغ (120) ريال سنوياً مبلغ زهيد مقارنة بهذه البطولات الحصرية و أضف لذلك أهم مباريات (الدوري البرتغالي) و (بطولة ليبرتادوريس القارية) و غير ذلك الكثير ..



نقطة أخيرة: الإشتراك بـ ((شوتايم)) يعني الحصول على ((قنوات الجزيرة)) مجاناً و بالتالي لا تحتاج للإشتراك بـ ((قنوات الجزيرة)) ..



هذا بإختصار :d: اللي عندي و اعذرنا على القصور ,, الله يوفق الريال و الهلال ...

[سامي19]

الجزيرة سهلة .. الارت اشتراكي الى اخر السنة .. الشوتايم ول عليهم تو متش صراحة .. ما فيه تخفيض ما فيه بروموشن .. بعدين ياليت توضح لي سالفة مبارايات الفرق الكبيرة اللي بتنقلها الارت .. من هي هالفرق وهل تنقل مبارياتهم مباشرة والا تسجيل بعدين ؟؟

اخو دلال اذا تعرف لك احد موظف في سامبا خله يشترك لك بإسمه لان الشوتايم تقدم لموظفي سامبا تخفيض قوي ، الظاهر ياصل لـ 40 % ماني متأكد ، اما بالنسبه للرسيفر اللي يفك التشفير انا قلت على الخاص لانه وانا اخوك في ناس اندر ايج وماودك ندلهم على شي همن لاسمح الله يستخدمونه في (الوشسمه) :d: ، وحنا ونا خوك اوب ناقصين ذنوب يالله ان تعفو عنَا بس .

[ثــامـر]

شفت شلون .. يعني سنويا 3000 .. ولو اشترك الواحد 8 شهور اللي هي مدة الدوري تقريبا 2000 ريال

لا ومن الشين على مااظن مب انت تختار المده يعني يـ 6 شهور يـ سنه .. والمقصود شهريا 200 انهم يقصدونه عليك (طبعا كلامي مب اكيد 100% )

ويانواف الجابر قنوات الانديه ماتنقل مبارايات انديتها بالدوري يعني هالمعلومه غلط 100%

سامي19 الراجحي مايقدمون تخفيضات :jhgy:

[سمسم 9]

البريمر ليج ع الشوتايم بـ 2100 ريال .. وعلى ما أعتقد أنه يجي هدية معه اشتراك في الجزيرة +1 ,, +2 .. الي تنقل الدوري الاسباني والدوري الايطالي

إذا كنت تبحث عن المتعة والدوري الاقوى عندك دوري ابطال اوربا الشامبيونز ليج على ARt باقة الرياضة سعرها 740 ريال تقريبا يوم كان عليها عرض لكن اتوقع زادوا 100 ريال الحين .

وعندك دوري ابطال الخليج حصري على Art اللي بيشارك فيه الهلال

والمباريات الاستعدادية للفرق الأوربية الشهيرة : ميلان , تشلسي , يوفنتوس , الانتر , مانشستر .....الخ كلها على Art

وعندك الجزيرة الرياضية تنقل الليجا الاسبانية والكالتشيو الايطالي بسعر 112 ريال سعودي

تحياتي

[El Blanco]

يانواف الجابر قنوات الانديه ماتنقل مبارايات انديتها بالدوري يعني هالمعلومه غلط 100%

:jhgy:
هذا الكلام لقيته بإعلان الأوائل في الجريدة و أكدوا على الكلام هذا الشركة نفسهم و غير هذا و ذاك الآن تقدر تشوف أيّ مباراة ودية للأندية الأربعة في قنوات الأندة نفسها يعني خدمة فل أوبشن ,, بس يبغالي أنتظر بداية الدوري أشوف هل بينقلون مباريات الدوري فعلاً أو كانت نصبة و حلت على روسنا :slv: لأني أعرف إن قنوات ((ريال مدريد)) و ((برشلونة)) تتشفر وقت مبارياتها عشان تنقل المباريات للمشتركين على الأوروبي ,, بالتوفيق للجميع ,, الله يوفق الريال و الهلال ...

[ثــامـر]

مادري سابقا قنوات الانديه ماتنقل مبارايات فرقها .. لكن اذا الحين تغير مادري !! تلقى الاوائل الدلوخ يحسبون مادام انه قناة النادي فهي تنقل مبارايات النادي بدون ماياخذون ملعومة اكيده .. والمبارايات الوديه ماظنها دليل قاطع ..
لكني شبه متاكد انهم مب ناقلينها

[أخو دلال]

نواف الجابر ولا يهونون الشباب طبعا :d:

شف بخصوص قنوات الاندية اللي موجود حاليا قناة المان والبرشا وتشيلسي واحيان نادرة الريال ولا هي تبث كل الوقت اوقات معينة فقط يعني المان غالبا من 6 مساء الى 11 بالليل ثم تشيلسي شوي واحيان البرشا تكون على ارت 5 وتشيلسي على ارت 6 او العكس .. بخصوص نقل المباريات اعتقد ما ينقلونها لايف واكبر دليل جولة المان الاسيوية الاخيرة ما كانت تنقلها قناة المان لايف بل كانت تنقل على ارت 2 او 3 وبعدين بالمساء يعيدونها على قناة المان .. وامس مباراة الريال مع هانوفر الودية ما نقلتها قناة الريال .. فاذا الوديات ما نقلتها قنوات الاندية لايف تعتقد بينقلون الدوري لايف :req: الشيء الثاني وشو قناة ليفربول ؟؟ انا مشترك بكل قنوات الارت وما عندي شيء اسمه قناة ليفربول :yuupy: الشيء الثالث وشو دوري حليب السعودية :yuupy:


سامي 19 ..

اخو دلال اذا تعرف لك احد موظف في سامبا خله يشترك لك بإسمه لان الشوتايم تقدم لموظفي سامبا تخفيض قوي ، الظاهر ياصل لـ 40 % ماني متأكد ، اما بالنسبه للرسيفر اللي يفك التشفير انا قلت على الخاص لانه وانا اخوك في ناس اندر ايج وماودك ندلهم على شي همن لاسمح الله يستخدمونه في (الوشسمه) ، وحنا ونا خوك اوب ناقصين ذنوب يالله ان تعفو عنَا بس

للاسف ما اعرف احد بسامبا :( بس تعال وشو ذا الرسيفر شكله يوسع الصدر .. بس مدري يجيب قناة المجد والا ما يجيبها :d:

[El Blanco]

شف بخصوص قنوات الاندية اللي موجود حاليا قناة المان والبرشا وتشيلسي واحيان نادرة الريال ولا هي تبث كل الوقت اوقات معينة فقط يعني المان غالبا من 6 مساء الى 11 بالليل ثم تشيلسي شوي واحيان البرشا تكون على ارت 5 وتشيلسي على ارت 6 او العكس
صدقت ,, حالياً يمكن ما فيه وقت معين لكلّ قناة أمــَّــا مستقبلاً فعلى حسب كلامهم بتكون قنوات خاصة بما معناه: بتكون فيه قناة خاصة لكلّ نادي و يكون بثها في أيّ وقت و ما تتغير ..





بخصوص نقل المباريات اعتقد ما ينقلونها لايف واكبر دليل جولة المان الاسيوية الاخيرة ما كانت تنقلها قناة المان لايف بل كانت تنقل على ارت 2 او 3 وبعدين بالمساء يعيدونها على قناة المان ..
على كلامهم انّ المباريات في الدوري بتكون منقولة لكلّ نادي على قناته و الجولة الآسيوية الخاصة بمانشسترأعتقد و إذا مو واهم كانت مباشرة بس مو متأكد و أذكر مرة كنت طفشان في الليل و جالس أفر على القنوات و مريت على قناة تشلسي و ألقى مباراة لتشيلسي أظنها جديدة و الدليل معاهم مالودا و أعتقد كانت مباشر بس نصبر بداية الدوري و نشوف ..





الشيء الثاني وشو قناة ليفربول ؟؟ انا مشترك بكل قنوات الارت وما عندي شيء اسمه قناة ليفربول
إلاّ فيه قناة ليفربول بس أنا مقطوع عن الأوائل لي فترة و ما شيكت هل هي إختفت مثل قناة ريال مدريد أو لا بس أكيد إن كان فيه مع بداية القنوات قناة ليفربول ..





الشيء الثالث وشو دوري حليب السعودية
ما تعرف دوري حليب السعودية :d: حط على قنوات سبورت 7 و 8 و 9 و بتعرفه :req: دوري ((الكرة السعودية بملعبك)) و مدني رحيمي و ماجد عبدالله :mad: قصدي الدوري السعودي ياخي من أول و أنا أدور على هالكلمة و مضيعها :d: :d:


الصراحة ياخي الواحد لو بيلحق ورا القنوات و اشتراكاتها بيتعب لكن أفضل حل ـ برأيي ـ إشترك بـ (شوتايم) و (art) و كذا تكون مشترك بثلاث شبكات و بتشوف أقوى بطولات و دواري العالم في بيتكم و ما تحتاج لا لـ ((أبوعلي)) و لا لـ ((أبو طربوش)) و الله من وراء القصد <<< أخس يالعالم :d: بالتوفيق لك ,, الله يوفق الريال و الهلال ...

[أخو دلال]

الصراحة ياخي الواحد لو بيلحق ورا القنوات و اشتراكاتها بيتعب لكن أفضل حل ـ برأيي ـ إشترك بـ (شوتايم) و (art) و كذا تكون مشترك بثلاث شبكات و بتشوف أقوى بطولات و دواري العالم في بيتكم و ما تحتاج لا لـ ((أبوعلي)) و لا لـ ((أبو طربوش)) و الله من وراء القصد

راي سديد طال عمرك .. بس تعرف وش اللي مخليني اتردد ان اغلب مباريات الدوري الانجليزي النهار وانا ما اطلع الا المغرب من الدوام فاحيان احس اشتراكي ماله داعي << شقراوي يموت عالريال :d:

الا تعال مصطفى الاغا هالسنة بيعطينا ملخص زي العام عن البريمر والا بيعطونه الشوتايم عصية الذهب :d:

[أخو دلال]

أبشركم شباب قناة المان الحين ناقلة "عالهواء" مباراة المان والانتر الودية فنقول يارب تنقل الدوري بعد عالهواء ونفتك من الشوتايم ..

بالمناسبة رونالدو مستلج هو وروني .. وروني سجل هدف التقدم في الدقيقة 18 وفيه واحد مع الانتر مستلج بعد اسمه سوازو وتو سجل التعادل في الدقيقة 22 ..

مباراة حلوة صراحة :)

[هلالي نعام]

يشباب انا لدي سؤال

طيب اللي رسيفره مافيه فتحتة بطاقات وش يسوي

انتظركم

[spanish eyes]

الرسيفر هو دريم بوكس

سعر الاشتراك شبه الموحد في دول الخليج هو 400 ريال سنويا بس اول ما تشتري الجهاز يعطونك تخفيص فيطلع لك الاشتراك 200 ريال اول سنة بس

يفتح باقة الشوتايم+الاوربت+الاي ار تي +الاوربت+النوفا+..... (مشفر)

بالمختصر يفتح الاكو والماكو

الجهاز يجي موديلات

ارخص واحد فيهم سعره 800 ريال تقريبا واعلى واحد يوصل ل 2700 ما فيه ذاك الفرق الكبير اللهم النسخ الكبيرة فيها هارد ديسك تقدر تسجل عليه الي تبي وكل ما زاد حجم الهارديسك ارتفع السعر

كل الي تحتاجه انك تشتري الرسيفر وتشترك مع محل وسلك انترنت موصل للرسيفر وهب ( جهاز توزيع اتصال الدي اس ال )

الاشتراك يحتاج لاشتراك انترنت وحتى لو كان اشتراك بطيء اعتقد يمشي حاله يعني 64 كيلو بايت على الاقل

للعلم الاشتراك كويس يقطع احيانا وكل الي عليك تضغط زرين ريفريش يعني عملية بسيطة وايضا نقطة ثانية النظام ليس كسر شفرات بل هو sharing للقنوات يعني المحل يشترك في كل هالباقات ويوزعهم عن طريق سيرفر
يعني تقريبا كل نص ساعة يبي لك تسوي ريفريش ما ياخذ ثلاث ثواني

[سامي19]

^
^
وش موديل الرسيفر اللي تنصح فيه ياالعيون ؟ لان الدريم بوكس يجي موديلات

[ندووي الهلاليه]

الدوري الانجليزي على الشوتايم

والدوري الاسباني والايطالي على الجزيرةالرياضية

وفيه بعض المباريات الدوري الايطالي على art

هذا الي اعلمه :noo:

[HENRY 4ever 14]

شوتايم دخلت وسوت بلاوي :jeng:

[HENRY 4ever 14]

حكم كسر الشفر حرام ولا حلال ،،
تخبرون الشي الحرام ما يجوز :)

[spanish eyes]

^
^
وش موديل الرسيفر اللي تنصح فيه ياالعيون ؟ لان الدريم بوكس يجي موديلات


كنت ارسلت الرسالة على الخاص الغالي لاني نادرا ما اجي منتدى الرياضة العالمية فان شاء الله ما تأخرت عليك

عموما المسئلة ما هي نصيحة بقدر ما هي حاجة

اذا انت راعي سيديهات وتحب تسجل الافلام وتتابعها فتحتاج نسخة من الحجم الكبير الي تجي مع هارديسك وتقدر تسجل فيه برامجك وافلامك ومبارياتك

اما اذا انت راعي مشاهدة بس وما لك بالتخزين والنسخ فالنسخة الصغيرة هي العملية وهي الموجودة عندي وهي فئة ال 500 بدون هارديسك وسعرها مع الاشتراك السنوي 900 ريال بالكثير لانك لو شريت النسخ الكبيرة بتكون شريت شي بميزات لا تستفيد منها وفارق السعر تقريبا يوصل للضعف


طبعا اهم شيء ان تبحث عن الجهاز عند موزعيه المعتمدين

ولا تغتر لو شفت محل يبيعه بفارق كبير وارخص لانه تأكد ان النسخة تجارية وتقليد والتقليد لا يختلف عن الاصلي بشيء ما عدا في جودة الاتصال وفي الوضوح واذا شريته خلاص بتكون وقعت في المحظور فتأكد من سعر السوق وابحث عن الجهاز بسعر السوق فسعره موحد

[سامي19]

مشكور يالعيون

[قانون الجاذبيه]

الرياضيه :d: :d: