لــمــاذا تتعـاطــفـون مــع المنتخب السعــودي ؟؟!!

[علي معتـوق العمـــري]

بسم الله الرحمن الرحيم

أعلم أنه سؤال غريب وموضوع خطير ولكنه منطقي لوجود أسباب ومسببات توجب على الجميع عدم التعاطف مع هذا المنتخب :confused:


فأنتم من وقف خلفه في كل مكان .....

أنتم من ذهب لتشجيعه في الأردن وقطر والأمارات والكويت والبحرين ....

أنتم من زلزل مدرجات الأستاد الدولي لتشجيعه ....

أنتم سنده وسبب تفوقه .....

ولكن مع كل هذا تقابلون بالنكران والجحود :confused:

تـُــحرمون دون غيركم من مباريات كأس العالم ....

بالتخطيط والأساليب المكشوفة تسلبون متعة الكرة وتحرمون من كأس العالم .....

إنها دعوة مني لمقاطعة المنتخبات السعودية فماحدث من مهازل تخرج المرء عن طبيعته وتغبنه وتقهره فاعذروني ....


أقسم لكم بالله العظيم بأن قنوات الأوائل شغالة عندي ( في سكن الشركة التي أعمل بها )ولكنني أحس بقهر الشارع الرياضي وغبن كل محبي الكرة


وتقبلوا تحياتي ،،،، والعتب مقبول (himo)

[بنت الهلال]

حسبي ونعم الوكيل على كل من شارك في هذا التشفير
بجد انتوا شباب تقدرون تروحون مقاهي لكن
احنا يالبنات وش بيدنا نروح مقاهي مثلاً؟؟؟
مستحيل كان يعلقونا اهلنا بارقابنا
شيء يقهر في مثلي كثير يحبون المنتخب السعودي بجنون
لكن وربي مظلومه الجماهير السعوديه سواء بنات او شباب
احنا اكثر جمهور يستحق مشاهدة كأس العالم مجاناً
العالم حاطه شاشات في الشوارع لجماهيرها واحنا
الله يخلف حتى المباريات بالتشفير:cry: :cry:

[بنت الهلال]

نسيت اقول شيء كمان
انو احنا لما نتعاطف ونشجع المنتخب السعودي مانشجع عشان ضفدع كامل او ربعه
لا احنا نشجع اللاعبين اللي مالهم بكل الشغله لانو معروف الاعب مايعطي كل اللي عنده مثل لما يكون وراه جمهور
يعني انت مثلاُ لما يسجل سامي هدف تشجعه عشانهم لا تشجع عشان سامي
فهمت قصدي
واعذرني لو ماقدرت اوصل اللي في بالي لانو اعندي اختبار:D

[الرهـــيـــب]

<b><font face="Arial, Helvetica, sans-serif" size="2">تم التعديل بواسطة
على معتـوق العمـــري
إنها دعوة مني لمقاطعة المنتخبات السعودية فماحدث من مهازل تخرج المرء عن طبيعته وتغبنه وتقهره فاعذروني ....
(himo) </font></b>

وش ذنب المنتخب نقاطعه؟؟؟


قاطعوا شركة الاوائل وليس منتخبنا قاطعوها ولحد يشترك وبكذا تخسر الشركة هذي


وانا لو املك قيمة تذكرة السفر لليابان والله ما اتردد يوم في الذهاب هناك لمؤازرتهم لكن العين بصيرة واليد قصيرة :cry:


أتمنى ما تزعل مني يا اخوي علي وترى الدعوة وجهات نظر :fghty:

[عاشق الدعيع]

ليه موضوع التشفير بس عندنا في السعودية وباقي الدول من غير تشفير مثل
عمان والبحرين ومصر و....... الخ
وهم لم يتاهلوا لكاس العالم ونحن المتاهلون لا نشاهد كاس العالم بسبب هذا الباكستاني
وهو لم يفعل هذا الشي الا لمعرفة بان حال الشعب السعودي دائما هكذا :ignor: :ignor: :ignor:
والكل يعرف شركاء الباكستاني في هذي القناة وباقي مشاريعه الساقطة فمثلا

*في درة العرس وهي اكبر مكان فسق في السعودية ومع ذلك هيئة الامر بالمعروف ممنوعة من دخول هذا المكان والسبب معروف شريك الباكستاني !! ,,,

ومع كل هذا اكثر الشعب السعودي اشترك بقنوات الظفدع ناقص الله لايوفقه لا هو ولا قنواته والله يدمرهم اليوم قبل بكرة
وباذن الله ماراح ادفع لهظفدع ريال واحد حتى لو مااشوف كاس العالم والتلفزيون كله
يالله ياكريم عليك بهالظفدع ناقص وقنواته ودمرهم واقهرة مثل ماقهرنا قولوا امين
واسف ابو معتوق على الاطاله


عاشق الدعيع

[alywar]

هلا ابو معتوق..:)

التشفير والإبتزاز سببة الرئيسي هو.... الشريك الخفي وما ادراك ماهو الشريك الخفي :nrey:

[مجموعة هلال]

@@@الاخ علي..
<b><font face="Arial, Helvetica, sans-serif" size="2"> وتقبلوا تحياتي ،،،، والعتب مقبول (himo) </font></b>
بما ان العتب مقبول فالاختلاف في الرأي ان شاء الله مقبول..

اخي الفاضل انت تطالب بمقاطعة المنتخبات بسبب تصرفات ((وزارة الاعلام)) رغم انه لا يوجد هناك رابط بينهم
انا معك في ان ((الوزارة)) -حقرت- شعب باكمله وما ادت الواجب المفروض عليها وبما ان((الرئاسه)) ادارياً غير مسؤله عن شراء حقوق النقل فعلى اي اساس نقاطع المنتخب؟؟

وبما ان الشي بالشي يذكر انا اشوف ان موضوع التشفير اخذ جانب ثاني غير الجانب الصحيح -من وجهة نظري-
فالموضوع اذا اخذناه من ناحية تجاريه = سلعة ((كاس العالم)) مستهلك ((الجمهور+محطات ترغب بنقل الحدث)) بائع ((ART في الشرق الاوسط))
فانا اشوف ان الـ ART ما اخطت يوم شرت حقوق نقل كاس العالم ولا اخطت في انها طلبت مقابل لبيع الحقوق على القنوات وكونها طلبت مبلغ كبير من التلفزيون السعودي مقارنه بالقنوات الثانيه فهذا شي من حقوقها فالشركه في المقابل عرضت نقل ((جميع مباريات كاس العالم)) على التلفزيون السعودي ((مجاناً)) بشرط ان تكون الاعلانات التجاريه من حق الـ ART والتلفزيون السعودي رفض!!!
لكن غالبية الاخوان اللي قريت لهم في المنتديات اخذوا من هالموضوع حجة تبرر تهجمهم على صالح كامل مرة في اسمه ومره في عائلته وأصله ...الخ
وانا اتساءل ايش المطلوب من الرجال؟؟
هو دفع وشرى الحقوق -مو ببلاش- نجي حنا ونطلبه يعطيها التلفزيون السعودي-ببلاش- او نجردة من وطنيته ونتهجم عليه؟؟
المسأله تجارة مو اروح افاوض واشتري حقوق نقل بملايين واجي اعطيها التلفزيون السعودي -باردة مبردة-
واللي يقول ان الـ ART استغلت الموقف انا اقول وين اتحاد الاذاعات العربيه وين الاوربت عن شراء الحقوق قبل الـ ART بدل ما ندخل في هالدوامات وينحرم الجمهور من مشاهدتها ((مجاناً)) او في قناة زي الناس مثل اوربت...
لكن ياخوك "من حصل شي يستاهله" و "اللي تكسب به العب به"

الممسك الوحيد على ART من وجهة نظري هو طريقة الحمله الاعلانيه -الاستفزازية- للاوائل وتصريحات النهاري لكن في نظري الجمهور واعي ولا ينتظر احد يكشف له المكشوف!!!

اخي الفاضل العتب كل العتب على وزارة الاعلام اللي لو شرت الحقوق ولو بمبلغ غالي من الـ ART ما كانت حتخسر من الاعلانات ومثلك عارف كم سعر الاعلانات قبل نشرة الاخبار -اعيدها مرة ثانيه- قبل نشرة الاخبار في التلفزيون السعودي مو CNN :angel:
فما بالك بسعرها قبل مبارايات كاس العالم!!

عموماً اعرف باني خرجت عن صلب الموضوع لكن حبيت اقول شي في نفسي من غير ما يكون لي مصلحه لا عند ذا ولا ذاك :amle:

ختاماً اتمنى من الاخوان الترفع عن شتم صالح كامل او غيره من المسلمين يقول سبحانه :{{يَا أَيُّهَا الَّذِينَ آمَنُوا لاَ يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلا تَلْمِزُوا أَنْفُسَكُمْ وَلا تَنَابَزُوا بِالاَلْقَابِ بِئْسَ الاسْمُ الْفُسُوقُ بَعْدَ الإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ}} الحجرات اية 11

وشكراً على فتح الموضوع.
-----------------------------

@@@الاخ عاشق الدعيع للاسف 75% من معلوماتك خطأ ;)

[عاشق الدعيع]

الاخ مجموعة هلال انت تقول
الاخ عاشق الدعيع للاسف 75% من معلوماتك خطأ
اتمنى منك اخباري بهذي المعلومات الخطى لاجل اصحح معلوماتي
واتمنى الرد باسرع وقت ممكن اما في نفس الموضوع هذا او على الخاص ..

وانت من كلامك انك بصف هذا الباكستاني وحرمان المواطن لا يرضى ان يدخل بيته مثل هذي القنوات الساقطة

واتمنى منك الرد وعدم التجاهل


عاشق الدعيع

[هلالي مدور خير]

علي بن معتوق هات يمينك جعلها تسلم من كل شر والله ما قلت غير الحق قال ايه قال منتخب منتخب طل في طل
ومعك يا علي في كل حرف كلته ويمكني متاخر شوي لكن يشهد الله موفق في كل ما كتبت ويكفي اني ما شتركت واحس اني مغبون راحت علي وتبي تروح مباريات والا اروع ولكن المقاهي يمكن تأدي الغرض ..............

وتأبا انفسنا الذل .................

على فكره ليه ما يدمجون الاعلام مع الرئاسة العامة للرعاية المخاتير

:noo: :noo: :noo: :noo:
علي موضوعك هذا كل ما نزل تحت اشوي راح ارفعه فوووووووووووووووق لانه يستاهل ويحكي ما كنا ودنا نقوله

[مجموعة هلال]

الاخ عاشق الدعيع

**********



وبالمناسبه انا مو في صف صالح كامل مثل ما تفضلت لكن انا ضد وزارة الاعلام في هالموقف.

@شاكر ومقدر لادارة الموقع على الحذف فهذا ليس مجال لمثل تلك الامور.

[ميلاد]

لان اسمه المنتخب السعودي

[رهــ2000ــــيب]

مشكوووووور أخوي علي









تحياتي؛؛؛