اخر الليل .........بس نهار

[الثعلب * الحقيقي]

حبايبي الحلوين ..

لحظه لحظه...انا عارف ان الموضوع شايفينه طويل..وناوي تطلع...لكن انا قلتلكم من العنوان..اخر الليل
...بس نهار<==( ماقصرت)...صراحة هالموضوع تمصعت فيه لين قلت بس...فاذا كنت ناوي تقراه..اقطع الاتصال واقراه على رواقه..او ارجع وقت ثاني وحاول مرة اخرى

وانا صراحه بعد هالموضوع ناوي اعتزل..وبسوي حفل اعتزال ليس بصاحي <==(( يقاله فصيح)..

عموما مااطول عليكم لان الموضوع ماهو ناقص..

------------------------------------------

ادخل الى غرفتي..انظر الى جوانبها..اخرج مفكرتي..اسرح بعيدا..واكتب..

يوم الخميس بعد صلاة الجمعه..

اجمل الاوقات لدي هذا الوقت..

يوم الخميس بعد صلاة الجمعه..

لاادري لماذا احس في هذا الوقت براحه نفسيه كبيره..وبراحة بال وبراحة ان تي سي

يوم الخميس بعد صلاة الجمعه..

مالسر في اني اشعر ان الحياة حلوه في هذا الوقت بالذات..

يوم الخميس بعد صلاة الجمعه..

احس ان الدنيا تتغير..الناس فيها غير الناس..البشر غير الحيوانات<==(لا ياشيخ)

يوم الخميس بعد صلاة الجمعه..

في هذا الوقت..انسى كل همومي...كل مشاكلي..ولااعرف فيه سوى الراحه..الراحه فقط

يوم الخميس بعد صلاة الجمعه..

(( بس خلاص...وجع))

احم..

نخش بالموضوع<===(( ماقلتلكم طويل..مابعد خشينا))

قبل ايام قليله سمعت من احد الاصدقاء ان قريبا له تزوج..بعد قصة حب دامت شهر وتسع ايام<==(( من يوم الخطبه))....وبعد الزواج وحفل الزفاف بأربعة ايام فقط..تخيلوا أربعة ايام..أربعة ايام فقط...سافر بها الى شهر العسل

ولكن..رجعوا من شهر العسل وهم يحملون لقب..( مطلقين) .. تخيلوا..طلاق في شهر العسل..ياللمصيبه..بل ياللكارثه..بل ياللفشله<==( هذي جديده)..

وفي الاخير..كل واحد منهم يقول بأنه لايوجد تفاهم..وكل واحد منهم..يضع اللوم على الاخر..ويقول..لايصلح لي..

بعد هذا الخبر..اللذي سمعته ضاق صدري..وشعرت بالحزن والاسى...لكني فجاه..تذكرت ان اليوم هو الخميس بعد صلاة الجمعه..فأجلت ضيقة الصدر والحزن..الى بعد العصر..

بعد العصر..جلست افكر في هذا الموضوع..وبعدها..وقفت افكر في هذا الموضوع ..وبدأت اسأل نفسي...ليش اغلب الازواج السعوديين مابينهم تفاهم ابدا؟؟...ليش مابينهم حب حقيقي<==(( يمكن علشانهم مايسمعون محمد فؤاد)...

تصدقون اني احس انهم يتزوجون..عن كره..مو عن حب!!..

احس الخاطب يجلس ويا خطيبته مع بعض..

الخطيبه:- خالد...

الخطيب:- مـهـا...

الخطيبه:- اكرهك...

الخطيب:- وانا بعد..اكرهك..

الخطيبه:-!!! غريبه!!!!

الخطيب:- ايه والله غريبه!!!...معقوله انا وانتي عندنا نفس الاحساس...

الخطيبه:- هههههه...متفقين في احساسنا تجاه بعض..

الخطيب:- يعني انا وانتي متفاهمين...

الخطيبه:- صح....متفاهمين..حبيبي

الخطيب:- طيب ومتى تبغين نحدد موعد الزواج..حبيبتي؟؟

!!!!!!!!!!!!!!!!!!!

------------------------

والله من جد احس كذا...احس انهم يتزوجون بدون ادنى درجات التفاهم....بس اللي قاهرني...انه برضاهم!!!

لا..وتعالوا شوفوهم بعد الزواج..في شهر العسل..

------------------------

الساعه الثانيه عشر ليلا..الاضواء خافته..خلفيه موسيقيه رومانسيه...الزوج جالس يتصفح الجريده..تدخل الزوجه بكامل اناقتها..وبكامل زينتها وحلاها وجمالها...تجلس بجانب الزوج بكل دلع...تنظر اليه قليلا..

الزوجه:- حبيبي...حياتي..

الزوج:- خير؟ <==(( والله من شين النفس))

الزوجه:- حبيبي خالد..

الزوج:- قلنا خير؟

الزوجه:-...اموت فيك

الزوج:- خير انشالله...شايفتني مقبره.. تموتين فيني!!

(( يلعن ابو الاسلوب اللي تعرفه))

تقوم الزوجه..منكسرة القلب..مجروحة الفؤاد<==( يقال فرقت عن القلب يعني)....حابسة دموعها في عينيها<==(( اجل خشمها))...

يعود الزوج الى قراءة الصحيفة..ولاهمه شئ..ينتهي من قراءة الصحيفه..يجلس قليلا..يتذكر الموقف اللذي حصل بينه وبين زوجته..يحس بالندم والخجل والسخافة من فعلته..يفكر ان يعتذر لها عن الموقف البايخ<==( لا..ويفكر بعد)...ولكن تخطر بباله فكرة..ان يقدم لها هديه صغيره<==( والله من البخل)...ويطلب منها الصفح والسماح..

يذهب الزوج الى زوجته..يجدها جالسة حزينه..يجلس بجانبها..تلتفت هي للجهة الاخرى..يقترب الزوج منها قليلا...تنظر اليه الزوجه بطرف عينها<==( اجل خشمها)....ثم تعاود النظر للجهة الاخرى....يقترب منها قليلا ويجلس بجانبها...تبتعد الزوجه عنه قليلا..ويبقى الزوج مكانه..وهي تقول في نفسها..( اقرب شوي الله ياخذك)..

الزوج:- احم..اا..حبيبتي..انا..انا..اا. .يعني..بصراحه..ماادري وش اقول..لكن..اا..والله ماكان قصدي اضايقك حبيبتي..ولا كنت اقصد زعلك..حبيبتي لاتزعلين مني..ارجوك..

الزوجه(( وهي تنظر للجهة الاخرى)):- لا..ماني زعلانه..وليش ازعل..فيه شئ يزعل

الزوج:- حبيبتي..انا عارف انك زعلانه..بس انا صراحة..كنت امزح معك..(( عاش مصرف ))...صدقيني والله اني اموت فيك..وفي حلاوتك..وفي عيونك..

انتي قلبي..حياتي..عمري..روحي..

الزوجه:- وين اروح؟؟؟؟؟؟

الزوج:- لالا..قصدي روحي..يعني..روحي..يعني يعني..خلاص خلاص..انتي عمري وحياتي وبس...انتي اغلى شء عندي..بعد سيارتي الكورولا طبعا..(( والله الاسلوب بعد))

الزوجه(( بعد ان عورتها رقبتها من كثر ماتناظر الجهه الاخرى)).:- من جد تتكلم؟؟..ولا تمزح مثل قبل شوي يابايخ..

الزوج:- اكيد جد..اجل عم ..انتي عندي اكثر من كذا..حبيبتي..ياليت تتقبلين هالهديه البسيطه..حبيت اعبرلك عن مشاعري الفياضه ناحيتك..

الزوجه:- وش الهديه حبيبي؟..(( الحين حبيبي هاه))

الزوج:- وش دخلك؟..اا..قصدي..أا..عطر ياحبيبتي..

الزوجه:- وشو؟؟..عطر!!!...وش قصدك يعني...ريحتي خايسه!!!!

!!!!!!!!!!!!!!!!!!!!!!!!!!!!!!!!! (( اقول..الله يلعن اللي زوجكم واللي جمعكم ويلعنكم معه على هالرومانسيه اللي تعرفونها))

-----------------------------

المهم..

وأنا افكر بهالموضوع..رحت وفتحت ادراج مكتبتي الصغيره..وبدأت اقلب في اوراق لي قديمه..وجدت بينها..صورة جدي الله يرحمه..

جلست اتأملها..ملامحه ملامح انسان هادئ متزن..ملامح انسان وقور...توفى جدي الله يرحمه وابوي مابعد تزوج..يعني ماشفت جدي ولاشافني...اللهم مابقى منه الا هالصوره اللي مشققه اطرافها...

جلست اناظر صورته..وهو لابس ثوب شتوي بيج<==( كان عنده ذوق الله يرحمه)...بس صراحة..شماغه قديييييم..قديم قديم من جد قديم...(( الظاهر هالشماغ كانوا منزلينه نسخه تجريبيه في المملكه...علشان يعرفون ردة فعل الشعب السعودي تجاه هذا الاختراع الجديد اللي اسمه الشماغ....عاد جدي الله يرحمه ماصدق على الله خلع العمامه ولبس الشماغ وراح يصور فيه))

المهم...

رجعت الصورة مكانها وجلست افكر...كيف كان الحب اول...ايام جدي وجد جدي...

كنت اتخيل جدي ايام خطوبته مع جدتي الله يخليها...انه يسوي مثل مايسوون في الافلام الرومانسيه...

الحبيبه تكون تطل من على البلكونه..والحبيب يكون تحت البلكونه ويلقي عليها اشعار الحب والغرام..

تخيلت جدي وهو يمر عند بيت جدتي ايام الخطوبه..ويلقاها متعلقه في جدار بيتهم<==(( ماعندهم بلكونه اول ))...

وجدتي عاد استحت وكانت ناويه تنزل من على جدار بيتهم الطين...لكن جدي استوقفها..(( حلوه استوقفها))..بقصيده من قصائده الغراميه قائلا:-

ونيت ونه..مابعدها ونه..

ونيت من حبك...وعذابه..

ونيت من عذابك...ياعذابي...

ونيت غمارتين..موديل 67.. <==( لحد يقول ماانجريت على وجهي)

عاد جدتي من النوع الرومانسي...

ويغمى عليها من التأثر بالقصيده..فتقع من على الجدار..فيهب لها (( سوبر جدي))..لنجدتها والتقاطها قبل ان تقع..وينجح في التقاطها...فتعطيه جدتي بوسه..تقديرا منها لمجهوداته السخيه في خدمة المواطن<==( وش دخلها ذي)...فيقول لها جدي وهي بين يديه:- لا ادري..هل الشوق الذي اجبرني على فعل ذلك...<==( اخس ياجدي..صاير جدي قباني)..ام غلبة الهوى هي من جعلتني....ام الشوق الملتهب.....ام قلبي المتعذب.......ام فؤادي الغائب........ام محمد وام سليمان يسلمون عليتس <===( لحد يقول ماتسحبت على خشتي)

ومن رومانسية جدي الله يرحمه...انه كان يحاول يرضي جدتي بكل الاساليب..ويحاول انه مايزعلها..حتى لو كان زعارف ان زعلها دلع بس<===( احلى ياجدتي..ام الدلع)...

في مره من المرارير...كان متواعد وياها انهم يتقابلون عند نخله ورى الحاره...وكان جدي قايل لاهله انه بيروح عند مرزوق علشان يشوف عنده البلاي ستيشن(2)...وجدتي قالت لامها انها بتروح لبنت الجيران اللي ورا الحاره..(( وش جاب الجيران ورى الحاره..مدري))...المهم

كان جدي وجدتي عند النخله..وغارقين في كلام الحب والغرام..

جدتي:- حبيبي مراد..انت تحبني؟

جدي:- عيب يانيفين..وش هالكلام؟؟..افا عليتس بس!!

جدتي:- قللي..انت تحبني؟؟.<==( لا..جاي يقابلتس علشانه يكرهتس)

جدي:- انتي حياتي..انتي عمري..انتي دنتيتي كلها..انتي..

جدتي:- اقول لايكثر..سألتك سؤال..انت تحبني ولالا؟

جدي(( بعد ماطاح وجهه)):- احم..اكيد احبك..

جدتي:- طيب..قد ايش تحبني؟؟<===( عاد جدتي اذا تدلعت..وخر عنها)

جدي قام يفتح يدينه مثل البزارين ويقول:- قاااااد كذا..(( اصيب جدي بعدها بتمصع وانكسار في العظام وانفصام في الشخصيه )

جدتي:- بس؟؟؟؟!! اجل انت ماتحبني..

جدي(( ويدينه ناشبه..ماعرف يرجعها )) :- لالا..والله احبك..وش دعوه..حبي لك كبيييييير...اكبر من بيتنا..

جدتي:- عاد من كبر بيتكم..

جدي:- اخ..بس لو الفيصليه موجوده..كان قلت اكبر منها..

جدتي:- لاياشيخ..اصلا انا قايله من اول انك ماتحبني..خلاص..انا زعلانه..

(( مدت جدتي بوزها شبر..واسندت ظهرها للنخله..والتفتت للجهة الاخرى ...بس من القراده سفطت على وراها...سفطه بنت كلب...ماوازنت ظهرها على النخله ))

قامت جدتي وعدلت من وضعها..ووازنت ظهرها على النخله...واسندت ظهرها عليه وهي ماده بوزها شبر...

جدي:- طيب قوليلي..وش اللي يرضيك..كيف اعبرلك عن حبي...وش رايك اجيبلك تلفزيون جديد...نظامDVD توه نازل في السوق..هو صحيح غالي..بس يرخص لعيونك..

جدتي:- تلعب علي...اصلا مابعد اخترعوه يالذكي..

جدي:- اخ بس اخ..انا وشوله مولود في هالزمن الاغبر..

جدتي:- وبعدين انت ناسي ان امس عيد ميلادي..ولافكرت تباركلي او على الاقل تقوللي (( هابي برص داي))..ولاارسلتلي ورد..ولا حتى ايميل يابايخ..

(( الظاهر بدينا بالشلخ..وطلعنا عن موضوعنا))

الله يرحمك ياجدي...الله يرحمك رحمة واسعه...

ياليتك ياجدي تجي تشوف الحب في هالزمان..حب ماهو حب..(( حب شباب))..حب بلاستيك...ماعاد فيه شئ اسمه حب<==( متأثر بالمسلسلات المصريه) ...خلاص..انتهى زمن الحب.. الطلاق صار اكثر من الزواج...والزواج يمشي بخلافات