المساعد الشخصي الرقمي

مشاهدة النسخة كاملة : كنائس في مدننا السعودية

3boud
19/12/2001, 22:06
بسم الله الرحمن الرحيم
السلام عليكم ورحمة الله وبركاته

نعم..الموضوع ليس مبالغا فيه

اليوم رحت للمستشفى..و بطبيعة الحال في جميع المستشفيات
لازم يجيك الضغط ويرتفع السكر قبل لا تقابل الدكتور
امحق مستشفيات و الله

المهم مع الوقت قعدت افكر في الممرضات
تعرفون كيف دارت افكاري

انا اقولكم
___
طبعا تعرفون الثورة اللي حصلت في جميع المجالات في السعودية خلال العقدين الماضية
و من بينها الثورة في المجال الطبي
و طبعا لعدم توفر الكوادر السعودية المؤهلة
استعانت الدولة بكوادر مؤهلة رخيصة
من الفلبين و غيرها

خلنا نركز على الفلبين
الدولة الله يرعاها متمثلة في وزارة الصحة قامت باستقدام الاف الممرضات و الممرضين من الفلبين
و تعرفون ان الفلبين متأثرة بالغرب ايما تأثر
و طبعا بطبيعة الحال فهي دولة مسيحية

و من ضمن العمالة الوافدة نسبة كبيرة جدا من المسيحيات
هذا كله متفقين عليه


طيب خلونا نشوف نقطة بعيدة عن الموضوع
اللي هي الراهبات المسيحيات
و طبعا عشان تعرفون دور الراهبة باعطيكم موجز عنها

الراهبة هي المرأة اللي وهبت حياتها للكنيسة
لا زواج و لا علاقات عاطفية او غيره
وظيفة الراهبة هي مساعدة النساء المسيحيات على تخطي المشاكل الدينية

و طبعا الراهبة المسيحية لها احترامها((هذا المفروض))
لذلك الجميع يناديها بالاخت فلانة

و هنا مربط الفرس
الاخت بالانقليزي سستر
و كلنا نعرف سستر

بقي ان نعرف ان الراهبة لها دور في معالجة المرضى سواء اللي يحتضرون او المصابين في الحروب وغيرها.
ومن هنا اصبحت الراهبة مثل الممرضة
و الممرضة مثل الراهبة اذا لم تكن هذي هي نفس هذيك بالضبط

من يدري؟؟
يمكن الممرضات اللي عندنا تلقوا تعليمهم في كنائس
و جوا يعالجون المرضى وينشرون دينهم بيننا تحت ستار العمل
_______________

الراهبة اللي ينادونها الغرب سستر
موجودة عندنا في المستشفيات و نناديها سستر

ولاحظ ان عشرات الممرضات يزعلون و يعصبون لو قلت لواحدة منهم يا نرس((nurse)) يعني ممرضة وتقول لك تناديها سستر

و هنا المشكلة
صارت الممرضات المسيحيات خواتنا
مثلها مثل الراهبة الغربية

طيب ليش نقول لهم سستر؟؟
اشمعنى سستر يعني؟؟



يا جماعة المستشفيات سارت كنائس
و احنا وش بيدنا؟؟

احنا لازم نبطل هالعادة و نوعي اهلنا و اخواننا
و ننسى حكاية سستر
و نتعود على نرس
رضي من رضي وسخط من سخط
_______
نقطة اخيرة
عرفت عن طريق الوالدة ان مو كل الممرضات يحبون نناديهم سستر
بعضهم ما يدري من وين جاء الاسم
لكن في نفس الوقت بعضهم يزعل اذا ما ناديتها سستر

و هذا بصراحة يؤيد نظريتي ان بعض الممرضات اللي عندنا تلقوا تعليمهم في الكنائس و جوا يعالجون المرضى و ينشرون دينهم تحت هذا الستار





اعطوني رأيكم

ودمتــــــــــــــــــــــــم
أخوكم عبود
صمام الامان
20/12/2001, 03:49
فعلا الامر خطير جدا


واذا استمر الحال على ماهو علية نخشى على الجيل القادم ان يتنصروا -لاسمح الله -


وانا اذكر ياعبود موقف صار لي في دبي كنت جالس في بهو الفندق ومر شايب امريكي مسيحي طبعا وجاء واحد اماراتي ينادية ( بابا)

والله يستر على جيلنا القادم
FaHooDe
20/12/2001, 05:48
هلا والله عبود :


والله موضوع خطير بالحيل بالحيل .

والواحد يحاول يقنع اهله واقرباه وينصحهم وانا من زمان واحاول اقول نيرس بس متعود على سستر :( :( بس ان شاء الله ربك يسهلها .
TOTTI- 10
20/12/2001, 12:28
بالفعل والله شيء خطير
الشاطر
20/12/2001, 12:40
هلا والله عبود

ليش هبلت بالعالم:D

ياخوي كلمه ممرضه تعني اخت اجي معك ان لها معني راهبه

لكن تاكد ياخوي ان بالفلبين جامعات تمريض وياخذون التمريض احسن منا


فيهم مسيحيين صحيح ولكن فيهم مسلمين وانا متاكد

ولااعتقد انهم يزعلون اذا ماقلت سستر قد تكون صدفه بالمستشفي اللي حولكم او حتي الممرضه نفسها

بالله عليك وش البدديل اذا ماتبي تقول سستر تبي تقول ممرضه؟؟

هي اساسا مو عربيه وبعدين ياخوي فيه مستوصفات فيها مصريات وعرب الكل يقول لهم سستر

ياليت ياخوي مايجيبون الا الفليبينيات شغلهم ميه الميه نظام وعمل مميز واهتمام

البلي اذا جابوا هنديه والا مصريه:(
ياسر عبدالعزيز
20/12/2001, 13:40
الله يستررررررر.....:(
زعيم الهلاليين
20/12/2001, 18:25
والله الامر حطير

ومشكور عليه ياعبود
3boud
21/12/2001, 01:03
شكرا لكم جميعا على الردود


تعقيب خاص على الشاطر
؟؟؟؟؟؟
والله ما فهمت منك شيء يا اخوي

سستر معناها اخت sister
و نرس معناها ممرضة nurse

انا ما قلت ان الفلبينيات كلهم جوا يبشرون
لكن لا تنسى ان انفاق الدول المسيحية على التبشير يعادل ميزانية عدة دول من دول العالم الثالث
و التبشير موجود في كل مكان
و فيه حالات ضبطت في الكويت حكى عنها الشيخ القطان

هؤلاء المبشرين هدفهم دعم المرضى و المحتاجين سواء معنويا او ماديا او طبيا حتى يسير للمبشرين قبول في نفوس الناس
وبكذا التبشير يكون اسهل

صحيح ان السعودية ماهيب دولة فقيرة ولله الحمد لكن هذا ما يمنع حقد الغرب ورغبتهم في نشر دينهم هنا
و خاصة هنا
لان السعودية بلد اسلامي مائة بالمائة((اذا افترضنا ان الشيعة مسلمين))

اما بالنسبة انهم يزعلون او مايزعلون ...انا معاك وانا قلت كذا في الموضوع
الله العالم من اللي بدأ بتسميتهم سستر
و مع الوقت سارت عادة
و تنقال للجميع حتى المصريات و الهنديات

وترى بعض الممرضات يتسألون ويقولون ليش السعوديين يقولون سستر
و بعضهم العكس تزعل اذا قلت لها ممرضة ((نرس))

اما البديل فهو ممرضة بالعربي او بالانقليزي نرس
و بلاش سستر
حبكت سستر يعني

شكرا لكم جميعا
الشاطر
21/12/2001, 06:35
هلا اخوي عبود

عموما اخوي انا عملي بمستشفي تابع لوزاره الصحه ومافيه لاتبشير ولاتنصير ولاشي


مع انه فيه ممرضات مسيحيات ولو كان هناك تبشير كان يبي يكون اكثر شي معي كموضف

وتذكر اخوي لي سنتين ونص علي راس العمل وابااكمل الثالثه ولاشفت هالشي من الفلبينيات

بل وبلعكس اتمني يزيد عدد الفلبينيات بدل الهنود والعرب

صدقني اجود واصدق واكثروفاء في العمل

وبشاره لك اذا كنت تكره هالشي الوزراه وحتي الشركه اللي تمسك المستشفي قليل الحين تجيب من الفلبين


شكرا لكم:)
منادي
21/12/2001, 06:48
اخوي عبود

بالفعل الموضوع يضيق الصدر من الخطا اننا ننادي الممرضات بسستر والمفروض اننا نناديها نرس بكيفها بتزعل بالطقاق

اخوي عبود حنا وضعنا يدينا على الجرح بس ما لقينا الدواء

وش الحل باللي يصير؟؟
Fc BaRcElOnA
21/12/2001, 17:23
حالكم حالنا :o
3boud
21/12/2001, 19:36
شكرا للجميع


الشاطر
يا اخوي وش فيك علي
انا قايل كلهم؟؟؟؟

قلت بعضهم و يمكن قليل

وبعدين حتى لو فيه تبشير عندكم بالمستشفى
طبيعي ان ما احد بيعطيك وجه:D
مو لشيء والله لكن لانك ما انت محتاج لشيء منهم
هم يدورون المحتاج يعني المريض و غيره

شكرا لك أخوي