شمالي موت
19/12/2001, 20:17
بسم الله الرحمن الرحيم
قال الله تعالى (كل نفس ذائقة الموت)
الموت الحقيقة المره التي اذا تذكرتها وانت في قمة سعادتك (تنكدت) الموت الزائر الغير مرغوب فيه بتاتا (لكن والله انه جايك جايك) الموت لا احد ينكره والخوف ليس من الموت لكن من ما بعد الموت فماذا أعدد نا لساعة الرحيل؟؟
نبي نحول عامي بعد اذنكم
كل سنه تدوشنا الجرايد والمجلات والتلفزيون ويمكن الاذاعه (ما اسمعها) بالحمله المروريه وكلام مثل(لا تسرع فالموت اسرع) (وحتى لا تروح الروح) وتبدا الحملات المروريه وكل شارع تلقى فيه (كفش) والكلمتين المشهورتين واللي يقولونها لك قبل السلام (رخصه واستماره) والعباره الاشهر(لبّق على جنب) والحملات هذي معروف هدفها كل مدير شرطه يبي يدخل على الدوله فلوس واجده عشان ما يجيه تقاعد وعشان يمددوا له.
المهم طيب كل شي مطلوب من المواطن يسويه لازم يلتزم بالنظام ولازم ما يسرع ولازم ولازم .....الخ طيب وزارة الداخليه الله يخليها لنا نسوا قرايب لهم يتحملون يمكن اكثر من نص المسؤوليه عن الحوادث والوفيات والاصابات يمكن هم عارفينهم بس مستحين يقولون لهم (يا جماعه فشلتونا) والا ان الداخليه ما تقدر عليهم لذلك حطت كل شي على المواطن المسكين اللي انقطم ظهره من الحمول اللي تحطها عليه الوزارات.
تدرون من هم اللي يتحملون اكثر من نص المسؤوليه اكيد تعرفونهم هم قوم المواصلات يا جماعه والله خطوطنا فضيحه وذبحت شياينا وانتو اقروا الجرايد وركزوا على ثلاث خطوط في المملكه وشوفو الضحايا المساكين الخط الاول خط الجنوب افتحوا جريدة عكاظ الصفحه اللي قبل الاخيره وشوفا الحوادث بالله معقوله المواصلات عاجزه عنه انا ما اصدق وزارة مواصلات الدوله اللي تكون اكبر مصدر للنفط بالعالم تعجز عن خط مثل ذا؟؟؟؟؟
الخط الثاني وهو بعد فضيحه وفضيحته اكبر من فضيحة خويه وهو الخط اللي يجي من حالة عمار ويمر بتبوك ويقطع على المدينه
هذا خط دولي كل حجاج الاردن وسوريا ومصر وتركيا ويجون معه بعد حجاج دول اسيا الوسطى تخيل كل هالخليقه تجي مع خط مسار واحد (فيه مزدوج يمكن 100 كيلو بالله تخيلوا 100 كيلوا مزدوج كم ياخذ لها وقت تصدقون ان هالمية كيلوا جلست الشركه فيه اكثر من خمس سنين عشان يسوونها ويوم ان نشدت واحد متخصص قال لي يابن الحلال الوزاره حاطته على بند الصيانه وناسيته) بالله ما هي فضيحه والله يااني اعرف كم واحد راح فيه كل ما مشيت هالخط لازم اشوف فيه ثلاث واربع وخمس حوادث والوفيات عد واغلط بالله من المسؤوول علموني يا شباب والا انا غلطان؟؟
يقولون والذمه على وكالة يقولون ان الخط يا زينه وانت جاي من سوريا لكن لا دخلت الحدود ووووه فضيحه بالله من اغنى حنا والا الاردن وبعدين لا تسوونه عشاننا حنا يالسعوديين سووه عشان الحجاج بيضوا وجه حكومتنا قدام حجاج بيت الله . من غير الحجاج نسيت النقليات العسكريه بعض الاحيان تلقى لك سيارات عسكريه واكيد بعضكم بعرف الكناور تصدقون ان الخط ما يشيل كنور واذا لقيت كنور قدامك وبغيت تطوفه لازم تطلع كلك عن الخط وانا سمعت ان كنور توطى له عيله كامله بسوبربان وراحو كلهم الله يرحمهم هذا اذا لقيت كنور واحد المشكله لا لقيت عشرين ورى بعضها انصجك انك تنتظر حتى يغشاك الليل وتواصل لانهم ما يمشون بالليل (اعذروني على التطويل لكن هذي الحقيقه وانشدوا اهل تبوك والمدينه والعلا وحايل وتيما)
الخط الثالث الخط الدولي اللي يمر بعرعر وهذا يقولون عنه (لسان طير) لانه ضيق مره ودولي بعد وسوت عنه جرية الرياض تقرير عنه وعن ضحاياه والله شي يحزن من يسمع ومن يرى ومن يتكلم (من يجرؤ على الكلام)
يا جماعه الداخليه لا بغيتوا تسوون حمله مروريه روحوا للمواصلات واعقدوا لهم دورات وحملات ووزعوا عليهم منشورات وخلوهم يسوون خطوطهم ولا غدت زي الناس تعالو وحاسبونا حنا المواطنين والا وش رايكم تتوسطون لهم عن شركة الاتصالات تتبرع لهم بفلوس الجوال والانترنت لمدة ثلاث شهور واللي اظنها تزفلت السعوديه كلها بما فيها الربع الخالي .
المواطن لا صار له حادث اذا الله ستر عليه ينتظر له ساعه حتى يجيه اسعاف ولا جاه الاسعاف وداه للمستشفى اللي يتبع وزارة قلة الصحه(وهذي لها جلسه اخرى كانا حيين)
ياوزير المواصلات ياللي تشجع الهلال بقول لك بيت قاله الشاعر الكبير نايف صقر واظنك رجل تفهم :-
لا صار ما لك الى منك ركضت غبره شوري عليك اترك البيدا وكب الطراد
وانتم ياللي تقرون هالمقال ااسف على زود الهرج وهذي خواطر كتبتها مباشره من راسي الى الكيبورد واعذروني انها ماهي مرتبه واذا انا غلطان بكلامي عدلوني جزاكم الله خير.
هل تعلم ان الشمال المنطقه الوحيد بالمملكه اللي ما فيها لا جامعه ولا جريده؟؟؟
قال الله تعالى (كل نفس ذائقة الموت)
الموت الحقيقة المره التي اذا تذكرتها وانت في قمة سعادتك (تنكدت) الموت الزائر الغير مرغوب فيه بتاتا (لكن والله انه جايك جايك) الموت لا احد ينكره والخوف ليس من الموت لكن من ما بعد الموت فماذا أعدد نا لساعة الرحيل؟؟
نبي نحول عامي بعد اذنكم
كل سنه تدوشنا الجرايد والمجلات والتلفزيون ويمكن الاذاعه (ما اسمعها) بالحمله المروريه وكلام مثل(لا تسرع فالموت اسرع) (وحتى لا تروح الروح) وتبدا الحملات المروريه وكل شارع تلقى فيه (كفش) والكلمتين المشهورتين واللي يقولونها لك قبل السلام (رخصه واستماره) والعباره الاشهر(لبّق على جنب) والحملات هذي معروف هدفها كل مدير شرطه يبي يدخل على الدوله فلوس واجده عشان ما يجيه تقاعد وعشان يمددوا له.
المهم طيب كل شي مطلوب من المواطن يسويه لازم يلتزم بالنظام ولازم ما يسرع ولازم ولازم .....الخ طيب وزارة الداخليه الله يخليها لنا نسوا قرايب لهم يتحملون يمكن اكثر من نص المسؤوليه عن الحوادث والوفيات والاصابات يمكن هم عارفينهم بس مستحين يقولون لهم (يا جماعه فشلتونا) والا ان الداخليه ما تقدر عليهم لذلك حطت كل شي على المواطن المسكين اللي انقطم ظهره من الحمول اللي تحطها عليه الوزارات.
تدرون من هم اللي يتحملون اكثر من نص المسؤوليه اكيد تعرفونهم هم قوم المواصلات يا جماعه والله خطوطنا فضيحه وذبحت شياينا وانتو اقروا الجرايد وركزوا على ثلاث خطوط في المملكه وشوفو الضحايا المساكين الخط الاول خط الجنوب افتحوا جريدة عكاظ الصفحه اللي قبل الاخيره وشوفا الحوادث بالله معقوله المواصلات عاجزه عنه انا ما اصدق وزارة مواصلات الدوله اللي تكون اكبر مصدر للنفط بالعالم تعجز عن خط مثل ذا؟؟؟؟؟
الخط الثاني وهو بعد فضيحه وفضيحته اكبر من فضيحة خويه وهو الخط اللي يجي من حالة عمار ويمر بتبوك ويقطع على المدينه
هذا خط دولي كل حجاج الاردن وسوريا ومصر وتركيا ويجون معه بعد حجاج دول اسيا الوسطى تخيل كل هالخليقه تجي مع خط مسار واحد (فيه مزدوج يمكن 100 كيلو بالله تخيلوا 100 كيلوا مزدوج كم ياخذ لها وقت تصدقون ان هالمية كيلوا جلست الشركه فيه اكثر من خمس سنين عشان يسوونها ويوم ان نشدت واحد متخصص قال لي يابن الحلال الوزاره حاطته على بند الصيانه وناسيته) بالله ما هي فضيحه والله يااني اعرف كم واحد راح فيه كل ما مشيت هالخط لازم اشوف فيه ثلاث واربع وخمس حوادث والوفيات عد واغلط بالله من المسؤوول علموني يا شباب والا انا غلطان؟؟
يقولون والذمه على وكالة يقولون ان الخط يا زينه وانت جاي من سوريا لكن لا دخلت الحدود ووووه فضيحه بالله من اغنى حنا والا الاردن وبعدين لا تسوونه عشاننا حنا يالسعوديين سووه عشان الحجاج بيضوا وجه حكومتنا قدام حجاج بيت الله . من غير الحجاج نسيت النقليات العسكريه بعض الاحيان تلقى لك سيارات عسكريه واكيد بعضكم بعرف الكناور تصدقون ان الخط ما يشيل كنور واذا لقيت كنور قدامك وبغيت تطوفه لازم تطلع كلك عن الخط وانا سمعت ان كنور توطى له عيله كامله بسوبربان وراحو كلهم الله يرحمهم هذا اذا لقيت كنور واحد المشكله لا لقيت عشرين ورى بعضها انصجك انك تنتظر حتى يغشاك الليل وتواصل لانهم ما يمشون بالليل (اعذروني على التطويل لكن هذي الحقيقه وانشدوا اهل تبوك والمدينه والعلا وحايل وتيما)
الخط الثالث الخط الدولي اللي يمر بعرعر وهذا يقولون عنه (لسان طير) لانه ضيق مره ودولي بعد وسوت عنه جرية الرياض تقرير عنه وعن ضحاياه والله شي يحزن من يسمع ومن يرى ومن يتكلم (من يجرؤ على الكلام)
يا جماعه الداخليه لا بغيتوا تسوون حمله مروريه روحوا للمواصلات واعقدوا لهم دورات وحملات ووزعوا عليهم منشورات وخلوهم يسوون خطوطهم ولا غدت زي الناس تعالو وحاسبونا حنا المواطنين والا وش رايكم تتوسطون لهم عن شركة الاتصالات تتبرع لهم بفلوس الجوال والانترنت لمدة ثلاث شهور واللي اظنها تزفلت السعوديه كلها بما فيها الربع الخالي .
المواطن لا صار له حادث اذا الله ستر عليه ينتظر له ساعه حتى يجيه اسعاف ولا جاه الاسعاف وداه للمستشفى اللي يتبع وزارة قلة الصحه(وهذي لها جلسه اخرى كانا حيين)
ياوزير المواصلات ياللي تشجع الهلال بقول لك بيت قاله الشاعر الكبير نايف صقر واظنك رجل تفهم :-
لا صار ما لك الى منك ركضت غبره شوري عليك اترك البيدا وكب الطراد
وانتم ياللي تقرون هالمقال ااسف على زود الهرج وهذي خواطر كتبتها مباشره من راسي الى الكيبورد واعذروني انها ماهي مرتبه واذا انا غلطان بكلامي عدلوني جزاكم الله خير.
هل تعلم ان الشمال المنطقه الوحيد بالمملكه اللي ما فيها لا جامعه ولا جريده؟؟؟