مطار الملك عبدالعزيز يتقدم مطارات العالم في التقييم الأخير..

[أخو دلال]

بيق سلام من أخو دلال :)

اليوم وأنا قاعد أدوج بهالنت طحت لكم بموضوع موب بعيد عن تصنيف الجامعات اللي فضح بنا قدام الله وخلقه .. بس هالمرة موب متعلق بالتعليم لا متعلق بالمطارات .. وبما إن فيه سلاتيح وعواطلجية بيسافرون بهالصيف << حاقد عاللي بيسافرون علشانه موب مسافر :d: اقول بما ان فيه ناس تبي تسافر وتدج بهالصيف قلنا خل نجيب لهم أفضل عشرة مطارات بالعالم بالصور ..

قبل ما نبدأ ياليت حقين الدايل أب يتوكلون على الله مع أقرب مخرج ويروحون للغرفة اللي جنبنا فيها تشات من أحسن ما يكون وفيه معسل وفلة حجاج أما زملاي أفراد العصابة الموقرة حقين الدسل يجلسون معنا وعين فراش وعين بطانية والرموش مكيفات علشان الجو حار الله يكفينا شر الحرارة .. على ذكر الحرارة يجب أن يهتم الانسان بتهوية الاماكن اللي تحتاج تهوية علشان ما تطلع ريحتها وتخيس العالم << خخخ بلاش احراج لحد يسألني وشي هالاماكن :d:

يالله نبدأ بأول المطارات ;)


http://www.l4l4.net/up/get-6-2007-iy7bd3p1.jpg

بالمناسبة هالمطار رحت له الصيف اللي طاف وسكنت بهالفندق الملكي اللي يقولون .. يحلفون أن سعابيلي قامت تقوطر وبغيت أبوس البلاط حقه والأثاث وكل اللي بالفندق ما عدا العاملات حكم إن الداخلية معي :d: لا ومن زود الفلة جانا مطر صبح اليوم الثاني ذكرني بأيام المطر والثلوج اللي كانت تهطل علينا يومنا في الرياض << اقول سقها بس :d: :d:


خلونا نشوف الثاني ;)


http://www.l4l4.net/up/get-6-2007-sxhrd9rv.jpg

هالمطار كل اللي فيه علمانية والا ليش يحطون فيه سينما :jhgy: :d: مساك الله بالخير يا دمعة :d:


طيب نطلع نشوف الثالث .. برستيج تكفى لا تقعد تميلح وتقول الثالث مطار الملك عبدالعزيز بجدة :d:


http://www.l4l4.net/up/get-6-2007-8ddqc6au.jpg

هاه برستيج أياه وايا خوينا اللي بجدة :d:


اللي بعده ;)


http://www.l4l4.net/up/get-6-2007-8sfxdmvw.jpg

الباحة اللي بالنص تذكرني ببهو جامعة الملك سعود << اقول انقلع بس و لا عاد تشبه يالباصق انت وجامعتك اللي مدري وش تبي :d:


اللي بعده .. لحول جانا الثاني أبو سعد يقول شكله مطار الملك خالد :d:


http://www.l4l4.net/up/get-6-2007-l29z5yzx.jpg


طبعا هالمطار أبو نورة قد راح له حكم إن خواله يابانيين حتى بالمارية يقول إنه ماكل سندوتش ضعافد في الكافتريا اللي اول ما تدخل تجي على حجاجك الأيمن :d: :d:


http://www.l4l4.net/up/get-6-2007-qvvtfo15.jpg


يا كثر اللي راحوا لهالمطار ورجعوا وهم كذا :jhgy: :jhgy:



اللي بعده ;)


http://www.l4l4.net/up/get-6-2007-nsczmvdn.jpg


هههه هالمطار حلت عليه مصيبة الجرذان أول ما فتحوه ومؤخرا حلت عليه مصيبة الضبان يوم انكبوا السعوديين على ماليزيا :d: :d:




http://www.l4l4.net/up/get-6-2007-ht15tef9.jpg


هذا في هولندا ديرة الورود .. وزي منت عارف يا أبو معتوق هذا فيه كازينو وبالتالي يصلح لل :sheto: و (himo) و :qw: ثم :jhgy:



اللي بعده .. جت عهود هالبثرة تقول شكلوه مطار القصيم .. أقول تقلعي بس :d:



http://www.l4l4.net/up/get-6-2007-nubqv4hl.jpg

هذا ينفع للنسوان حكم فيه أسواق فخمة لكن الرجاجيل ما يدانونه علشانه يخليك تسحب أم أم الفيزا والماستر كارد :d:


http://www.l4l4.net/up/get-6-2007-zdff2fjp.jpg

أقول يالبى سيدني ومطار سيدني وأهل سيدني واللي مروا على سيدني واللي يحبون سيدني واللي قد أعطبوها في سيدني ورقصني يا جدع :d: :d:

<< قسم يموت في سيدني وأهله ينادونه السيدناوي :d:

طبعا بالمناسبة لا يغركم التقرير يوم إنه يقول إن موظفينه عدوانيين ترى إشاعات مغرضة وبعدين مهما بلغت عدوانيتهم ما يجون ولا ربع عدوانية ربيعنا اللي ما يدرون وين الله حاشرهم .. ولا يعرفون من مصطلح " خدمة العملاء" الا اسمه :d:

طيب وين مطار الملك خالد .. وين مطار الملك فهد اللي الشركات راحت لمطار البحرين وسحبت عليه .. وين مطار الوادي والا الدوادمي :d: كل هذولي ولا دخلوا في التقييم أصلا :p :p قسم ان اللي سوا التقييم بطل وعرف لهم أجل ذولا مطارات أصلا :d: الطريف واحد من اللي ردوا على الموضوع اللي طحت فيه يقول لو فيه تقييم يحسب المطارات الأكثر تكلفة يمكن تصير مطاراتنا في المراتب الأولى :d:

بالمناسبة مطار دبي اللي يمر بتحسينات حاليا ومطار جبل علي اللي تحت الانشاء ومطار الدوحة الجديد من المحتمل أن تحتل مراتب متقدمة في التقييم القادم ولا عزاء لمطار أبها ولا لصندقة نجران :d:


وبيق سلام من أخو دلال مرة ثانية :)

[blueblood_999]

I'll back

[السـامـر]

وين مطار الملك فهد ههههههههه

الله يعطيك العافيه

وتعليقات مضحكه ههههههههههههههه

[برستيج]

هلا برناوي ..

قصدي بالسيدناوي .. :jhgy:



أقول يالبى سيدني ومطار سيدني وأهل سيدني واللي مروا على سيدني واللي يحبون سيدني واللي قد أعطبوها في سيدني ورقصني يا جدع

<< قسم يموت في سيدني وأهله ينادونه السيدناوي

لا حوووووووووووول ..

ياشين اللي عمره ما سافر الا لديرة ما عندهم الا طيارتين .. وكل شوي صاجنا فيها .. :d:



وسلم لي على سنغافوره .. (himo)

[alkateb]

وين مطار الملك عبد العزيز..! (himo)

[عـــهـــود]

معليش اسـمح لي . .

تصنـيفك ذا من وين انت ( جــايبــوه ) (himo)


ابــداً وعار من الصـحه هالحـتسي . . :ignor:


اللي صـدق كلام ماعليه كــلام . .


ان مـطـار القـصيم الاقــليمي يحـتل المـرتبه الـ 100 تـحت الصــفر

وما اظن ان فيه مطار بـالعالم الناس تروح للطــياره على ( رجــولها ) :d: :d:



الا الحين نـعنبوا بليسك انت واليوم اللي رحت في لـ سيدني :jhgy:

ذبــحتـن بـ سيدني وسـيدني تقول مابوه ديـرتن زييه . . :rolleyes:


يعني ان كتب لي الله ورحت لـ روما بـ قول مثل اللي انت تقولوه !





يعـطيك العافيه على الصور وانا عـجبني مطار سنغافوره . .

رهـيبه الالـوان والتصميم الرومانسـي . . :qw:

[blueblood_999]

I'll back

هلا والله أخو دليّل ..

الصراحة .. إن مطاراتنا سياحيّة لأبعد الحدود ..

والله يوم زرت بعض المطارات الاوروبية ومطار dulls اللي بواشنطن .. قلت مالت علينا وحنا ومطاراتنا ..

بأقولك قصة صارت لي قبل سنتين .. بمطار ابها الظريف :zael:

كانت رحلتي السبت الساعة 7:05 من أبها - الرياض .. بس كانت انتظار ..

الجمعة .. وأنا مزبط وضعي .. ومكلم ناس يأكدون لي حجزي ..

المهم .. جاني العلم إن حجزي أوكي ..

رحت للمطار .. إلا وألقى العالم مختبه .. أنا قلت وش سالفتهم .. أثر الدعوة للي يبي يأكد حجزه لازم يمسك سرى .. أنا كلمت خويي .. قال لا رح أكد حجزك من عندهم :zael:

قلت أوكي .. وأروح هناك .. أشوف المنظر اللي ضيّق صدري / رفع ضغطي / حزّني / أضحكني ..!

لقيت العالم تقول بمكة .. ومزدحمين عند واحد يوزع عليهم خبز وتمر قبل المغرب ..

يا ناس ما فيه سرى .. ما فيه انتظام .. والله ثم والله إنهم مجتمعين حول الكاونتر ..

كلمت اللي بمطار الرياض .. قال عطني أي واحد بمطار أبها .. شف لك أقرب سوبرفايزر ولا شيء خله يكلمني .. شفت واحد .. قلت بيكلمك فلان الفلاني من الرياض .. قال ما أعرفه .. فلت طيب كلمه .. قال لأ .. وراح ..!

المهم .. مسكت سرى ومضارب لين وصلت الكاونتر .. يوم وصلت .. وشاف إني منب من أهل الجنوب .. قال من عنده عائله .. قلت يبو الشباب خلّص شغلي .. بعدين شف لك عائله تخلص أمورهم .. قال أنت عزوبي .. وشخص واحد .. فيه عوائل أحوج منك .. قلت ومن قال إني فاضي .. المهم ما بين شد وجذب .. انطقيت بالمطار لين الساعة حول 4 العصر ..

وطلعت ع الرحلة ولله الحمد ..

الزبدة .. إن شغل ربعك .. شغل شختك بختك .. لا نظام ولا شي ..


تعبت من الكتابة يااااااااخي ..

بس الله يعطيك العافية .. اللي رزيت لنا الصور .. اللي رفعت الضغط شوي .. :jhgy:

[نوااااااااف11]

اما صندقة نجران هذا وشو مطار ولاحوش

ياخو منااااير قصدي اخو دلال لو يحطون سينما بالمطار اللي عندنا

ان تشوف نص الرياض معسكرين بالمطار

[هلالي اكاديمي]

>>> نص الصور مب راضيه تطلع له :(


هلا اخو دلال ..

الحين هالمطارات مستأجرتها شركات الطيران صاحبه الأكبر أسطول داخل البلد ولا الحكومه تسويها :jhgy:
لان مطاراتها ترفع الضغط وتغث .. من المسوؤل عنها ؟ الخطوط أو الحكومه >> الطيران المدني الظاهر ،،،

لان الي يشوف هالمطارات يقول ولييييييييه ما لنا بالطيب نصيب دام حنا نصدر لهم البترول وأغنى بلاد العالم ومطاراتنا مثل وجيها .. وباقي نمشي للطيارة على رجولنا :ignor:


بس ما جبت لي مطار اندنوسيا ولا مطار تايلند :d: .. علشان كذا شكلي بأزور سنغافوره :love:


تسلم ابو دلال وعوافي ،،،،

[Nesta 13]

يا اخووي مطاراتكـ فاشلهـ هنا .. ما فيه نظامـ..

فـ الخارجـ نظااااااااااامـ...

عندكـ آيرلندا .. انا قد رحت لها ... نظااااااامـ .. محد من الناس يفتح فمهـ .. ماشين صحـ. .
هنا شعب همجي للاسف انا ما اعممـ ..لكن العالمـ اللي تشتغل هنا .. اعرف فلان ايه ايه مشه بسررعهـ.. ما اعرفهـ خله ينطق شووي.. :jhgy:

[الملك الازرق]

مساء الدلال لأخو دلال

موضوع وصوٌر رائعه تحمٌس الشخص لترتيب حقيبته وم ثم التحليق عبر أحد طائرات مطار الملك خالد ..


شوقتنا لجو المطارات بصفه عامه :)
تحيتي لك عزيزي ..





:::: //::::://:::::::

blueblood_999

المهم .. مسكت سرى ومضارب لين وصلت الكاونتر .. يوم وصلت .. وشاف إني منب من أهل الجنوب .. قال من عنده عائله .. قلت يبو الشباب خلّص شغلي .. بعدين شف لك عائله تخلص أمورهم .. قال أنت عزوبي .. وشخص واحد .. فيه عوائل أحوج منك .. قلت ومن قال إني فاضي ..


أجد هذه القصـٌه تنتشر في كثير من مطاراتنا بالسعودية إن لم يكن جميعها من شمالها الى جنوبها ومن شرقها إلى غربها ..

مع الأسف تحدث بعض الأمور بتفضيل ركـٌـاب على آخرين لأسباب شخصيه مما يـُـضعف نوعية الخدمه !!








كل الود ..






















أحبك ياهلال

[ابوسعد الهلالي]

صح ياخالي :yes:


شف فيه كم مطار غير دبي قد زرتهم من هالمطارات..

ياخي انا اذبحني وعطني مطار خياس بس عطني تعامل صح مع الموظف وابتسامه حلووه قسم ان تضيع علومي وارووح كل ابودايم :d:


وعلى فكره تكاليف مطاراتنا
يقولون عاليه بس بدون خدمه !!

ورغم ذلك يلعن ابوشكلهم ماعمري جيت الا تفتيش شخصي << شبهه :d:

الوعد سيدني (himo)

وماقصرت اخودلال على هيك تقرير :)

[Blue Moon]

السلام عليكم ورحمة الله :

بالعكس اخوي انا أشوف ان برج الفيصلية وبرج المملكة أفضل

وأوسع ونقله حضارية لا يمكن تجاهلها <<<<< :jhgy:

إلا أقول ماتلاحظ أن مطار امستردام سارق خمس خيام من خيام استاد

الملك فهد الدولي :d:

سافرت قبل اسبوع من مطار الملك عبدالعزيز صوب أبها البهية :cool:

المهم ونا انتظر نداء الرحلة طلع واحد عنده لحمية ويقول : تعلن سما للطيران

عن قيام رحلتها رقم ( ) والمتجهه الى ( ) وعلى الركاب التوجه الى البوابة

رقم ( ) :zael: والله اني ضحكت من من هالشركة الجديدة وبكيت من الإحتكار

اللي صاير في شركات الطيران وعرفت وقتها بأن :

سما + ناس = السعودية وياغلابة (( نعتز بخدمتكم ))

مع تحيات الكابتن عصير :noo:

[الــــنــــاقــــــــد]

هلا بأبو دلال ..,,


يبق مطار جدة من اسوأ المطارات في العالم ..,
من ناحية النظافة .. ومن ناحية التنظيم . !!
أجل اللي ينزل من الطيارة يركب باص .. ويجلس واقف فيه .. والفلبيني يأخذ اللفات يمين ويسار والعالم تتسدح في الباص !!
بجد .. أعتبره فضيحة على السعودية .. فمطار دولي .. وواجهة رئيسة للدولة .. من المؤلم أن يدار بهذه العشوائية !

قبل ست أو خمس سنوات.. أتذكر إن الجارالله رئيس تحرير جريدة الوطن الكويتية .. شره علينا من هالمطار !!
ونقده بعنف .. !
ورغم تلك الفترة التي مضت من مقاله ذاك .. الآ إنه لايزال مكانك سررر !!
ولو تروح الصالة الشمالية تلقى العجب العجاب !
إستغلال .. سوء أخلاق من بعض العاملين .. !
وليا رجعت من الخارج واحتجت ليموزين .. ستضظر لــدفع أقل شي 100 ريال .. علشان توصل اقرب حي من المطار .. والذي لايبعد عن 25 كيلو !!
فمن سمح لهؤلاء ..أن يسرقوا المواطنين .. ويستغلوا وضعهم !!

وأما من ناحية الأفضلية ..فصعب جداً إن المطار يدخل ضمن قائمة أفضل المطارات في العالم .. مادام الحرامية (( صاحين )) .. وجالسين يعبثون بأموال الدولة .. ويهدرونها في رحلاتهم السياحية .. ومشاريعهم الخاااصة !!

الف شكر لك ياغالي على هيك موضوع :)

[شموخ]

أهلا أخو دلال..


بصراحه الله يحلل مطار الملك خالد عند مطار جده ...

المفروض يسون تقييم لأسوء مطارات في العالم كود المسئولين يتفشلون ويعدلون مطاراتنا ..

[عاشق العثرات]

اخو دلال ..
مستحيل نتطور لا من ناحية بنيه تحتيه ولا مطارات او اي شيئ يخطر على بالك .. مادام القطاع الخاص ما اخذ فرصته ..
في اندونيسيا شفت شي ضيق صدري ..
الهاي ويز عندهم شي عجيب سفلته غير طبيعيه وتنظيم ولا احلى بسبب ان اغلب الطرق الرئيسيه والمهمه ماسكتها شركات .. طبعا على طول الطريق توقف بعض الاحيان عند نقاط تدفع مبلغ بسيط مقابل انك تمر في الطريق ..بمايعادل ربع ريال او بالهلل حتى وتقدر تشترك بمبلغ في الشهر ويحطون كرت على القزاز بمجرد ما تمر يخصم من حسابك عندهم ..
عموما الدولة صعبه تقدر تحدث بشكل يتواكب والتطور المستمر في العالم ..
خصوصا انها ما قدرت تفرض الرقابة اللازمه على الدوائر القائمة الآن ..وحتى الصيانه اللي لا تقل اهمية عن اهمية انشاء القطاع نفسه ، مستواها تحت الصفر .. شف الجوازات تحس انك داخل عزبة هنود شف المطارات شف الجامعات ..
فلذلك اتوقع ان العهد القادم سيكون افضل بفضل الله ثم بفضل القطاع الخاص .. مع الاخذ بعين الاعتبار انضمام المملكة لمنظمة التجاره ..

[9smsm9]

هلا اخو دلال

قريبا سيتم تسليم جميع المطارات السعوديه لشركات خاااصه

حتى ان الموظفين بيكونون من الشركات هذي


ونتمنى ان الحال ينصلح بالتغيير هذا


اما مطار الملك عبدالعزيز فالجميع غاسلن ايده منه :(

الكبير والصغير ... السعودي والاجنبي

لكن

نقول ان شاء الله مع اعتماد المطار الجديد لعل وعسى نرى التجديد ....

[أخو دلال]

بيق سلام من أخو دلال :)

هلا بالجدعان (himo)

السامر الولهان..

الله يعطيك العافيه

وتعليقات مضحكه ههههههههههههههه

تسلم الله يخليك :)


برستيج..

هلا برناوي ..

قصدي بالسيدناوي ..

:d: :d:


لا حوووووووووووول ..

ياشين اللي عمره ما سافر الا لديرة ما عندهم الا طيارتين .. وكل شوي صاجنا فيها ..

مو طيارتين وبس لا وعندهم غبار بعد :d:


وسلم لي على سنغافوره

قصدك المطار والا الديرة .. إذا المطار يبلغ ان شاء الله اذا الديرة شرايك نفلها ونطلع جميع حنا وبعض الشباب الجحلط اللي هنا بمناسبة الاشراف الجديد والتمديد للقدماء :cool:


الكاتب..

وين مطار الملك عبد العزيز..!

صبح صبح يا عم الحج (himo)


عهود..

معليش اسـمح لي . .

تصنـيفك ذا من وين انت ( جــايبــوه )


ابــداً وعار من الصـحه هالحـتسي .

أنا (جايبوه) من مخي الله يجزاتس خير .. و(تراو) (كولوه) فقش بفقش :p


ان مـطـار القـصيم الاقــليمي يحـتل المـرتبه الـ 100 تـحت الصــفر

وما اظن ان فيه مطار بـالعالم الناس تروح للطــياره على ( رجــولها )

خخخخ احمدي ربك ما يقولون لكم دفوا الطيارة خل ننتعها :d: :d:


الا الحين نـعنبوا بليسك انت واليوم اللي رحت في لـ سيدني

ذبــحتـن بـ سيدني وسـيدني تقول مابوه ديـرتن زييه .

طيب إنتي وش حارق رزك ذالحين .. يختي خلي كل واحد يعبر عن مشاعره .. ترى الحبر مجاني من ادارة المنتدى الله يعزهم وما لأحد منه الله اللي عزنا << قام يخبص :d: :d:


يعني ان كتب لي الله ورحت لـ روما بـ قول مثل اللي انت تقولوه !

تف على بوزك .. يا شين اللي يحلم أحلام فوق مستواه .. ما سمعتي الفارس يوم يقول : أقول احلم على قدك :p ترى قدك معناها هنا بريدة وعنيزة ورياض الخبراء والرس وما حواليها :d: قال روما قال :p


يعـطيك العافيه على الصور وانا عـجبني مطار سنغافوره . .

خلاص احجزي معنا في رحلة برستيج وكثري القطة بس جيبي محرم معك ترى الاختلاط ممنوع (himo)


وبيق سلام من أخو دلال مرة ثانية :)

[تسبريت]

من اقبح الاماكن في الكره الارضيه مطار جده .. مخيس الى ابعد درجه
كان الله في عون كل من حدته الظروف واضطر انه ينزل في ذالمطار :(

شوكرن اخو دلال .. على هالمطارات اللي تفتح النفس

[العـــاشق]

اهلين اخو دلال

ياخي خل شكل المطار بس نبي على الاقل تنظيم وتعامل زي الناس


مطار الرياض كل ماجيته قالولي بوابه 36 وبعدها يغيرون البوابه 3 مرات :jhgy:



وما اظن ان فيه مطار بـالعالم الناس تروح للطــياره على ( رجــولها )
فيه مطار حايل :d:

[الذيب وبس]

هلا اخو دلال :magkiss: ,,

ياخوك على قولة الشباب نبي بس تعامل محترم مع الركاب وكثر الله خيرهم :) ,,


المشكلة انك تشوف مطارات راائعه بدول (اقل ) من دولتنا من ناحية الدخل ,, او بمعنى اصح دولتنا اغنى منهم ,, مثل سنغافورة :( وغيرها ,,


خخخخ احمدي ربك ما يقولون لكم دفوا الطيارة خل ننتعها

ههههههههههههههههههههههههههههههههههههههههههههه الله يرجك ,, وربي لو تصير لاعتزل ركوب الطيارة نهائيا :kany:

[أخو دلال]

بيق سلام من أخو دلال :)

بلو..

هلا والله أخو دليّل ..

الصراحة .. إن مطاراتنا سياحيّة لأبعد الحدود ..

هههه ما جبت شيء جديد وأنا أخوك .. وحنا من الصبح وش قاعدين نقول الله يصلحك :d:

بأقولك قصة صارت لي قبل سنتين

وأنا فاضي لك إنت وقصصك :kayf:

اللي بعده .. خخخخ امزح هات هات وش عندك :)


بأقولك قصة صارت لي قبل سنتين .. بمطار ابها الظريف

كانت رحلتي السبت الساعة 7:05 من أبها - الرياض .. بس كانت انتظار ..

الجمعة .. وأنا مزبط وضعي .. ومكلم ناس يأكدون لي حجزي ..

المهم .. جاني العلم إن حجزي أوكي ..

رحت للمطار .. إلا وألقى العالم مختبه .. أنا قلت وش سالفتهم .. أثر الدعوة للي يبي يأكد حجزه لازم يمسك سرى .. أنا كلمت خويي .. قال لا رح أكد حجزك من عندهم

قلت أوكي .. وأروح هناك .. أشوف المنظر اللي ضيّق صدري / رفع ضغطي / حزّني / أضحكني ..!

لقيت العالم تقول بمكة .. ومزدحمين عند واحد يوزع عليهم خبز وتمر قبل المغرب ..

يا ناس ما فيه سرى .. ما فيه انتظام .. والله ثم والله إنهم مجتمعين حول الكاونتر ..

كلمت اللي بمطار الرياض .. قال عطني أي واحد بمطار أبها .. شف لك أقرب سوبرفايزر ولا شيء خله يكلمني .. شفت واحد .. قلت بيكلمك فلان الفلاني من الرياض .. قال ما أعرفه .. فلت طيب كلمه .. قال لأ .. وراح ..!

المهم .. مسكت سرى ومضارب لين وصلت الكاونتر .. يوم وصلت .. وشاف إني منب من أهل الجنوب .. قال من عنده عائله .. قلت يبو الشباب خلّص شغلي .. بعدين شف لك عائله تخلص أمورهم .. قال أنت عزوبي .. وشخص واحد .. فيه عوائل أحوج منك .. قلت ومن قال إني فاضي .. المهم ما بين شد وجذب .. انطقيت بالمطار لين الساعة حول 4 العصر ..

وطلعت ع الرحلة ولله الحمد ..


هاه ارتحت الحين يوم سمعنا لك << شغال تحطيم اليوم :d: :d:


الزبدة .. إن شغل ربعك .. شغل شختك بختك .. لا نظام ولا شي ..

صح لسانك مع تعديل بسيط على عبارتك لتكون .. شغل شختك بختك لا (تطبيق) نظام ولا شيء .. لأن النظام موجود وانا والعياذ بالله من كلمة أنا لي زميل عزيز جدا ماسك بيق بوزيشن في السعودية للتموين اللي هي بنت الخطوط السعودية يقول فيها سيستمز ومانوالز تاخذ العقل لكل شيء لكن المشكلة في التطبيق من الموظفين وللأسف..


تعبت من الكتابة يااااااااخي ..

بس الله يعطيك العافية .. اللي رزيت لنا الصور .. اللي رفعت الضغط شوي ..

:d: :d:


نوااااف..


اما صندقة نجران هذا وشو مطار ولاحوش

خخخخ هالسنة خذ لك سياحة داخلية بديزني قصدي نجران ورح شف مطارهم صدقني بتقول صدق أخو دلال الله يمسيه بالخير :d: :d:


ياخو منااااير قصدي اخو دلال لو يحطون سينما بالمطار اللي عندنا

ان تشوف نص الرياض معسكرين بالمطار

زادوا العلمانية واحد في هالمنتدى :d:


أبو كدم..

>>> نص الصور مب راضيه تطلع له

ما قلنا لكم في البداية أهل الدايل أب مع الباب بس الله يهديك ملقوف وما تطيع :d:

بس ارتح مطار الشغالات ما دخل ضمن القائمة وبالتالي ما راح عليك شيء :d:


الحين هالمطارات مستأجرتها شركات الطيران صاحبه الأكبر أسطول داخل البلد ولا الحكومه تسويها
لان مطاراتها ترفع الضغط وتغث .. من المسوؤل عنها ؟ الخطوط أو الحكومه >> الطيران المدني الظاهر ،،،

<< قاعد يحك راسه مافهم وش تقول :req:

بس بأخبص من عندي ويمكن أكون فهمت وش تقصد .. أعتقد الحل لكثير من الأمور الخصخصة الخالية من الكلسترول << ترى ما يقصد الأمراء :d: بمعنى تطرح الامور مناقصات سواء بناء مطارات أو تشغيلها أو الخطوط الناقلة الخ الخ مع فرض التنافسية عن طريق وضع أكثر من شركة .. ووضع جهة رقابية حكومية كهيئة الطيران المدني وتعيين ناس أكفاء فيها ومنحهم كامل الصلاحيات لضمان أعلى جودة من الرقابة .. بالمناسبة الوضع هذا نظريا مطبق بالمملكة لكن الكليسترول ما خلوا شيء والدليل إن مطار الملك خالد لا زال يؤجر على الحكومة سنويا بملايين الريالات من قبل واحد من الكليسترولات :d:

هاه عساي فهمت عليك أبو كدم :d:


بس ما جبت لي مطار اندنوسيا ولا مطار تايلند .. علشان كذا شكلي بأزور سنغافوره

خخخخ موقلت لك بالبداية ان مطار الشغالات ما دخل ضمن المراتب الاولى .. بس تعال اذا ناوي سنغافورة يبي لك تفتح حساب ونتبرع لك قبل ما تروح لأن الديرة ناااار شابة .. إذا قوطي بيبسي بثلاثة ريال فما بالك بغرشة ماء << يسمع بالتمويه :d: :d:


عاشق الذيب..


يا اخووي مطاراتكـ فاشلهـ هنا .. ما فيه نظامـ..

فـ الخارجـ نظااااااااااامـ...

وانت الصادق ما فيه تطبيق نظام :)


عندكـ آيرلندا .. انا قد رحت لها ... نظااااااامـ .. محد من الناس يفتح فمهـ .. ماشين صحـ. .
هنا شعب همجي للاسف انا ما اعممـ ..لكن العالمـ اللي تشتغل هنا .. اعرف فلان ايه ايه مشه بسررعهـ.. ما اعرفهـ خله ينطق شووي..

برافو عليك .. مثالك هذا يأيد كلامي .. الخلل بالناس المطبقة للنظام وليس في النظام نفسه .. في ايرلندا كما تفضلت الناس تطبق النظام بينما هنا الناس لا تطبق النظام .. إذن الخلل بمن يطبق النظام وليس في النظام نفسه :)


<< تعب ويلهث وبيروح يشرب ماء :d:


وبيق سلام من أخو دلال مرة ثانية :)

[كبريــ رجل ــاء]

هههههههههههههههههههههههههههههههه

الله يعطيك العافيه اخو دلال بصراحه صور اكثر من رائعه وشي مو طبيعي هالصور للمطارات

والله يخلف على مطاراتنا اللي كانها اسواق شعبيه لها 60 سنه

[أخو دلال]

بيق سلام من أخو دلال :)

الملك الأزرق..

هلا بمشرفنا الجديد :)

مساء الدلال لأخو دلال

هلا وغلا :)


موضوع وصوٌر رائعه تحمٌس الشخص لترتيب حقيبته وم ثم التحليق عبر أحد طائرات مطار الملك خالد ..

والله إنك صادق .. تصدق ما عندي نية للخمبقة والسفر هالسنة بس عقب ما نزلت موضوعي ذا شكلي بأسافر :d:


شوقتنا لجو المطارات بصفه عامه

اي والله .. المطارات لها جو غريب .. لها ثقافة مختلفة .. هذا يقرأ .. وذاك يتقهوى .. وذا فاتح النت .. وذا يصقع له زقارة .. وذاك يهاوش حجزه انتظار وما تأكد .. وذا ياكل له وجبه .. أما ذاك قاعد يرقم ويبلتث .. وذيك طاقة اللثمة ومستعدة للسفر بالجنز اللي يالبى .. وذوليك توضوا وبيصلون قبل يطلعون الطيارة .. يالله المطارات عجيبة .. كل ما أروح مطار أتذكر حديث " كل الناس يغدو فبائع نفسه فمعتقها أو موبقها" ..


أبو سعد..

صح ياخالي

تخلخلت عظامك بلاء :d: :d:


شف فيه كم مطار غير دبي قد زرتهم من هالمطارات..

مثل ايش << فيه عرق قصيمي ذابحته اللقافة :d:


ياخي انا اذبحني وعطني مطار خياس بس عطني تعامل صح مع الموظف وابتسامه حلووه قسم ان تضيع علومي وارووح كل ابودايم

صح عليك بس يا زين لو اجتمعت الثنتين والا :)


الوعد سيدني

كثر فلوسك .. وزد عليها ملبورن وقولد كوست وبرزبن .. وبتدعي لي :)



عصير..

بالعكس اخوي انا أشوف ان برج الفيصلية وبرج المملكة أفضل

وأوسع ونقله حضارية لا يمكن تجاهلها

الله يخارجنا .. بدت العطلة وبدت الحركات اللي مدري وش تبي :d:


إلا أقول ماتلاحظ أن مطار امستردام سارق خمس خيام من خيام استاد

الملك فهد الدولي

وسارق كم حوض ورد من حديقة المنتدى :d: :d:


سافرت قبل اسبوع من مطار الملك عبدالعزيز صوب أبها البهية

المهم ونا انتظر نداء الرحلة طلع واحد عنده لحمية ويقول : تعلن سما للطيران

عن قيام رحلتها رقم ( ) والمتجهه الى ( ) وعلى الركاب التوجه الى البوابة

رقم ( ) والله اني ضحكت من من هالشركة الجديدة وبكيت من الإحتكار

اللي صاير في شركات الطيران وعرفت وقتها بأن :

سما + ناس = السعودية وياغلابة (( نعتز بخدمتكم ))

شف يا عصير .. فكرة ناس وسما حلوة صراحة وموجود في كثير من دول العالم .. لكن المشكلة القائمة حاليا هي قلة عدد الطائرات وقلة الجودة .. حتى فيه موظفين من ناس اعترفوا بأنفسهم بأن خدمتهم لازالت بدائية وطائراتهم المستأجرة من أسبانيا سيئة جدا وخفيفة في المطبات الهوائية .. لكن متفائلين خير بفك احتكار الخطوط السعودية باذن الله :)


الناقد..

هلا بمشرفنا الجديد :)

الا تعال انت وايا المشرف الجديد اللي راد قبلك .. وين العشاء ؟؟ الحين الناس لين ترقت والا اعرست والا نجحت والا دشرت تسوي عشاء تذبح ذبايح تجيب شراب تجيب ايتها حاجة على قول المصريين وانتم ما جبتوا لنا الا تشات بس .. يا عيب الشوم يا رجالة .. انا لو منك يالناقد لاطق على صدري واعزم الشباب عندي في الطائف اللي صاجنا انت وازرق اليمامة فيها وكل من جاء محفول مكفول << يبي مزانيتك تروح في خرايطها :d:


هلا بأبو دلال ..,,

الله يرحم والديك ووالدين ووالديك ترى اسمي أخو دلال مو أبو دلال .. يومني صغير ينادوني أخو دلال .. ويومني كبرت برضه ينادوني أخو دلال .. ربعي وجماعتي وهنود الحارة ينادوني أخو دلال .. قسم وجعلي أموت ترى أنا أخو دلال مو أبوها << كل هذا يبي يثبت لك إنه أخو مو أبو دلال :d: :d:


يبق مطار جدة من اسوأ المطارات في العالم ..,
من ناحية النظافة .. ومن ناحية التنظيم . !!
أجل اللي ينزل من الطيارة يركب باص .. ويجلس واقف فيه .. والفلبيني يأخذ اللفات يمين ويسار والعالم تتسدح في الباص !!

هههه والله انك صادق .. ياهالفلبيني يلعب في حسبة اللي يركبون معه ..أنواع التفحيط .. اللي يصقع راسه بالقزازة واللي يطيح على بطنه .. والا ينسدح في حضن خويه وهات يا ضحك :d:


ولو تروح الصالة الشمالية تلقى العجب العجاب !
إستغلال .. سوء أخلاق من بعض العاملين .. !
وليا رجعت من الخارج واحتجت ليموزين .. ستضظر لــدفع أقل شي 100 ريال .. علشان توصل اقرب حي من المطار .. والذي لايبعد عن 25 كيلو !!
فمن سمح لهؤلاء ..أن يسرقوا المواطنين .. ويستغلوا وضعهم !!

اللي سمح لهم هم الكيلوسترات (himo)


وأما من ناحية الأفضلية ..فصعب جداً إن المطار يدخل ضمن قائمة أفضل المطارات في العالم .. مادام الحرامية (( صاحين )) .. وجالسين يعبثون بأموال الدولة .. ويهدرونها في رحلاتهم السياحية .. ومشاريعهم الخاااصة !!

انسى يدخل واحد من مطاراتنا في القائمة .. لا من ناحية التصميم .. ولا الخدمات .. ولا عدد الرحلات من وإلى المطار ..


شموخ..

بصراحه الله يحلل مطار الملك خالد عند مطار جده ...

صح عليك .. بس ترى سعيد أخو مبارك :d:


المفروض يسون تقييم لأسوء مطارات في العالم كود المسئولين يتفشلون ويعدلون مطاراتنا ..

هههه ممكن والله .. بس مدراك يطلع واحد يشكك في التقييم زي ما صار مع وكيل وزير التعليم العالي يوم صج الدنيا علشان يشكك في تقييم الجامعات على مستوى العالم يوم انه فضح بجامعاتنا وخلاها في مراكز متدنية جدا :d:

الا شرايك تصقعين لنا مقال تحلين فيه هيئة الطيران المدني زي ما حليتي لنا وزارة الصحة :d:

وبيق سلام من أخو دلال مرة ثانية :)

[سآم9]

هي وقفت على المطارات ؟؟ :rolleyes:


والله ياخو دلال حنا متخلفين بكل شيء ليته بس على المطارات وبس :rolleyes:

[هـ لـ ا لـ ـي]

ومطارنا مطار القصيم الجديد الجميل النظيف اللي كل الخدمات بوه وينه :cool:

[أخو دلال]

بيق سلام من أخو دلال :)

عاشق ..

مستحيل نتطور لا من ناحية بنيه تحتيه ولا مطارات او اي شيئ يخطر على بالك .. مادام القطاع الخاص ما اخذ فرصته ..

مو مستحيل يا مهند .. لكن سيكون صعبا جدا أن تتطور البنى التحتية بدون إعطاء فرصة "متساوية" لمؤسسات القطاع الخاص بالدخول :)


في اندونيسيا شفت شي ضيق صدري ..
الهاي ويز عندهم شي عجيب سفلته غير طبيعيه وتنظيم ولا احلى بسبب ان اغلب الطرق الرئيسيه والمهمه ماسكتها شركات .. طبعا على طول الطريق توقف بعض الاحيان عند نقاط تدفع مبلغ بسيط مقابل انك تمر في الطريق ..بمايعادل ربع ريال او بالهلل حتى وتقدر تشترك بمبلغ في الشهر ويحطون كرت على القزاز بمجرد ما تمر يخصم من حسابك عندهم ..

حتى في يو إس الخدمات المقدمة من القطاع الخاص على سبيل المثال تنظيف الشوارع تؤخذ رسوم رمزية من المواطنين من أجل تنفيذها من قبل الشركات المعنية لكن في نهاية السنة تعقد اجتماعات مفتوحة مع المشتركين في الخدمة من أجل تقييم الخدمة والبت في تجديد العقد أو الغاؤه مع تلك الشركات ..


فلذلك اتوقع ان العهد القادم سيكون افضل بفضل الله ثم بفضل القطاع الخاص .. مع الاخذ بعين الاعتبار انضمام المملكة لمنظمة التجاره ..

بإذن الله :)

سمسم..


هلا اخو دلال

قريبا سيتم تسليم جميع المطارات السعوديه لشركات خاااصه

حتى ان الموظفين بيكونون من الشركات هذي


ونتمنى ان الحال ينصلح بالتغيير هذا

والله هذا اللي يسعى له الملحم بس عسى الله يعينه ويحقق اللي يصبو إليه ..


اما مطار الملك عبدالعزيز فالجميع غاسلن ايده منه

الكبير والصغير ... السعودي والاجنبي

لكن

نقول ان شاء الله مع اعتماد المطار الجديد لعل وعسى نرى التجديد ....

بإذن الله :)


تسبريت..

من اقبح الاماكن في الكره الارضيه مطار جده .. مخيس الى ابعد درجه
كان الله في عون كل من حدته الظروف واضطر انه ينزل في ذالمطار

:d: :d:


شوكرن اخو دلال .. على هالمطارات اللي تفتح النفس


تفتح النفس وتهيض الواحد إنه يسافر :(


وبيق سلام من أخو دلال مرة ثانية :)

[نايف 15]

هلا بخال أبو سعد :d:

بصراحة اللي يشوف الصور يتهيض للسفر :cool:

لاكن إذا شاف بعض الخدمات يغسل رجله ويتمنى يسافر عبري :d: << يمديك على المصطلح يخو دليل (himo)

على فكرة أنا أقولك على بعض الخدمات اللي عندنا بالسعودية مو برا :d:

لأن اللي برا لو خدماتهم مش ولا بد لاكن تستاهل اللي يطـّول فيها :d:

يعطيك العافيو يبو دلال << يبيك تعطيه محاظرة مثل الناقد :d:

[أخو دلال]

بيق سلام من أخو دلال :)


العاشق..

مطار الرياض كل ماجيته قالولي بوابه 36 وبعدها يغيرون البوابه 3 مرات

هههه يا حليلك مطار جدة حتى البوابةما يحددونها .. تقص بوردنق وتروح شختك بختك :d:


الذيب وبس..

ياخوك على قولة الشباب نبي بس تعامل محترم مع الركاب وكثر الله خيرهم

ان شاء تجتمع الثنتين .. مباني حلوة وتعامل طيب :)


المشكلة انك تشوف مطارات راائعه بدول (اقل ) من دولتنا من ناحية الدخل ,, او بمعنى اصح دولتنا اغنى منهم ,, مثل سنغافورة وغيرها ,,

:(


دنيا عجيبة..

الله يعطيك العافيه اخو دلال بصراحه صور اكثر من رائعه وشي مو طبيعي هالصور للمطارات

هلا بك دنيا .. وتسلم على طلتك :)


سام 9..

هي وقفت على المطارات ؟؟


والله ياخو دلال حنا متخلفين بكل شيء ليته بس على المطارات وبس

اخوي سام .. افصخ النظارة السوداء وبتلقى أشياء حلوة بمجتمعنا .. بس معاك حق يبي لنا نتطور بشكل اسرع علشان نلحق بالركب :)


هلالي..

ومطارنا مطار القصيم الجديد الجميل النظيف اللي كل الخدمات بوه وينه

قل قسم :d: :d:


نايف..

هلا بخال أبو سعد

هلا بك :d:

بصراحة اللي يشوف الصور يتهيض للسفر

لاكن إذا شاف بعض الخدمات يغسل رجله ويتمنى يسافر عبري << يمديك على المصطلح يخو دليل

وشو عبري يعني يسافر زحفا على ثمه :d: :d:


على فكرة أنا أقولك على بعض الخدمات اللي عندنا بالسعودية مو برا

لأن اللي برا لو خدماتهم مش ولا بد لاكن تستاهل اللي يطـّول فيها

ليه علشان الوجه الحسن اللي هناك (himo)


يعطيك العافيو يبو دلال << يبيك تعطيه محاظرة مثل الناقد

هههه عاد هو الناقد بلحاله :d: :d:

وبيق سلام من أخو دلال مرة ثانية :)

[Dr. 2'S]

أفلسنـا لامطارات ولا جامعـات ..
أحسـن أقتراح بنقترح عليهم التصنيف الجاي يصنفون على حسب الأسوء لا الأفضل ..
يمكن نلاقـى طرق المملكة في المقدمـة ولا شركاتها :angel:
اللي أعجبني بجـد " دُبي "
لايُعلى عليـه ..

أخوّ دلال ..
لاعدمنـاك ..

[فـتـى سـبـيـع]

مشكور .

[أخو دلال]

بيق سلام من أخو دلال :)

ريم..

أفلسنـا لامطارات ولا جامعـات ..
أحسـن أقتراح بنقترح عليهم التصنيف الجاي يصنفون على حسب الأسوء لا الأفضل ..
يمكن نلاقـى طرق المملكة في المقدمـة ولا شركاتها

:d: :d:


اللي أعجبني بجـد " دُبي "
لايُعلى عليـه ..

دبي روعة بس تور في مطار هونج كونج تنسيك جميع مطارات العالم :)


أخوّ دلال ..
لاعدمنـاك ..

تسلمين ..


ماجد الربيع..

هلا بك..


وبيق سلام من أخو دلال مرة ثانية :)

[رحيل صامت]

يالبيه ياسنغافورا

ظنكم يمديني احضر مباراة السعوديه معهم

خخخخخخخخخخخخخخخخخ

يعافيك يااخو دلال

[أخو دلال]

^

^

^

تو جيت بأرد عليك شفت صورة رابح وارتعت :d:


يعافيك يااخو دلال

هلا بك :)

[go gunners]

http://www.l4l4.net/up/get-6-2007-zdff2fjp.jpg

هالمطار شيء :love:

[خلقلق]

أنا أشك في هذا التقييم

يعني معقولة مطار جده ما دخل في التقييم !!!

وش ذا الحقد علينا يا السعوديين وعلى مطاراتنا !!

ما عليكم يا جماعة الجاي أحلى :d:

[عضو شرف]

وين مطارات المملكه؟