المساعد الشخصي الرقمي

مشاهدة النسخة كاملة : من المسؤول ؟؟ 86% من الطلاب تقديرهم أقل من 80% في الإنجليزي و63% في الرياضيات !

إعتزلت مع الثنيان
17/6/2007, 09:40
كشفت لـ "الاقتصادية" مصادر تربوية من داخل أروقة وزارة التربية والتعليم عن نتائج إجابات الطلاب في اختبار مادتي الرياضيات والإنجليزي، التي عبر عنها بأنها محبطة وغير مطمئنة.
وعلى عكس ما تردد على لسان مسؤولي إدارة تعليم الرياض قبل عدة أيام في تصريحات نشرتها "الاقتصادية" أن نتائج الطلاب في هاتين المادتين مطمئنة وتمت بسهولة ويسر، لتأتي مصادر فضلت عدم ذكر اسمها لتؤكد, وبالأرقام, أن نتائج المادتين غير مطمئنة.
وأوضح مسؤول تربويأن الاحصائيات التي أجريت خلال اليومين الأولين من بدء الامنتحانات كشفت أن تقديرات 63 في المائة من الطلاب التابعين لتعليم الرياض أقل من 80 في المائة في مادة الرياضيات، مشيرا إلى أن 37 في المائة من الطلاب ممن تخطوا نسبة 80 في المائة من الدرجات.
وعاد ليكشف المصدر عن نتائج مادة الإنجليزي لطلاب الثالث الثانوي، مؤكدا أن 14 في المائة فقط من تخطوا حاجز 80 في المائة من الدرجات، ليتبقى 86 في المائة من الطلاب بنسب متدنية تتأرجح ما بين 80 في المائة نزولا.
وطالب المصدر بالعمل على أعلى مستوى في الدولة لحل ما يمكن حله، وتدخل مسؤولي الوزارة في عملية توزيع الدرجات، متسائلا: "ألا يدرك مسؤولو الوزارة والمعلمون والتربويون ما سنجنيه من حصول الطلاب على نسب متدنية في أهم المواد، فلا جامعات وكليات ستقبلهم، والمصير البطالة والجريمة".
في حين علمت "الاقتصادية" أن لجنة سرية مهمتها مراقبة سير عملية الاختبارات ممثلة من عدة جهات حكومية وأمنية تسعى إلى تدارك الوضع بمخاطبة وزارة التعليم لإعادة النظر في كثير من مواد الطلاب والطالبات وإعادة توزيع الدرجات.
ولم يخف الطلاب امتعاضهم من اختبار مادتي الرياضيات والإنجليزي الذي نشر في كثير من الوسائل الإعلامية، ولم تكن الطالبات ببعيدات عن صعوبة الأسئلة فلحقهن ما لحق الطلاب خاصة في مادتي الإنجليزي والرياضيات، في حين أكد كثير من المعلمات أن مدرسات مادة الرياضيات لم يستطعن حل الأسئلة فكيف بالطالبات.
من جهة أخرى، يعمل في مركز اختبارات الثانوية العامة في الرياض، 891 معلما في تصحيح إجابة 42989 طالبا، ويشمل المركز تسع إدارات تعليم، الرياض، الأفلاج، الخرج، الحوطة، الحريق، الدوادمي، القويعية، وادي الدواسر، ومنطقتي الجوف والقريات، إضافة إلى المدارس السعودية خارج المملكة التي تبلغ 20 مدرسة بنين وبنات.
في حين تمر عملية التصحيح بعدة مراحل، حيث تدقق لجان الرصد الأوراق بعد تسلمها من المدارس، ويتم فرزها على شكل مجموعات، وكل مجموعة فيها عدد من المدارس المختلفة وترقم بالأرقام السرية، ثم توضع في ظروف خاصة داخل حقائب خاصة مرقمة بأرقام سرية، ثم تسلم إلى رئيس لجنة تقدير الدرجات للمادة، التي تتفرع إلى لجان تتكون من مصححين ومراجع ومدقق، وبعد انتهاء التصحيح والمراجعة والتدقيق تعاد إلى لجان الرصد ليتم فتحها ورصد درجاتها في الحاسب الآلي عن طريق اسم الطالب ثم تكرار الرصد للتأكد من صحتها. وتصل أوراق إجابات الطلاب من المحافظات بواسطة البريد الجوي والبري، ويبلغ عدد المدارس التي تتبع لمركز الرياض 429 مدرسة. ويتم اختيار لجان التصحيح عن طريق مدير إدارة الإشراف التربوي، حيث يتم اختيار رؤساء لجان لتقدير الدرجات ومساعديهم الذين يجتمعون لاختيار المعلمين أصحاب الكفاءة والدقة والجودة من معلمي الصف الثالث الثانوي.

المصدر من هناhttp://www.aleqtisadiah.com/news.php?do=show&id=83228
السـامـر
17/6/2007, 11:55
وربي قهـــــر

كل سنه نفس المــــــوال

نفــــــس الشـــــيء

ما يبون الطلبه والطالبات يجيبون مجموع

كل شيء تعقيد بتعقيد

يا اخوان انا اذا ماجبت نسبه كيف ابدخل الجامعه

ليه هذا يصير عندنــــــــــا

اسئله وربي لو اسرائيلي مايكتبها زي كذا

وربي ناس تقهـــــــــر

كل سنه نتكلم كل سنه حالات انتحار

والسبب وزارتنا

وربي هذي الوزاره ضيعت شباب وشابات

اسئله من خارج المنهج ليه يعني

وش السبب؟

رياضيات ادرس 280 صفحه

دفترين بو 200

واخر شيء صفحه كامله اسئله من خارج المنهج

ليه كــــذا؟

ليه الارتجاليه بكتابة الاسئله؟

وش الهـــدف من هذا الشيء..!!!

ياناس يامسؤلين ياعالــم

كل سنه نتكلم كل سنه واحد ينتحر

ينقل لكم حالت الطلبه وانتوا ماتسمعون

رياضيات من خارج المنهج ليه ليه..!!

وربي قهــــر

شيء يحز بالقلب

نسبتي تنزل من الى

والسبب الاسئله الي مادري من وين تكتب

مايبونـــا ندخل الجامعات يعني

ليه الجامعات لمن بانينها؟

الجامعه تبي معدل

الكليه تبي معدل

الوظيفه تبي معدل

العسكريه تبي معدل

كل شيء يبي معدل..!!

والوزاره تبي التحطيم والضياع .!.!

ترا احنا عيالهم ومنهم وفيهم وربي

ليه كل هذا الظلم

ليه كل هذي الاسئله

الطلاب تتحطم

وربي فيه طلاب تمشيء بشارع وتردد

ضاع المستقبل ..ضاع المستقبل

والسبب بأسئلة الوزاره

وربي قهر

كل سنه نردد كل سنه نقول

ولاحد يسمعنا ولا يعبرنا

الحمدلله على كل حال

بس عندي استفسار

متى نرتاح من هذا النظام الظالــم؟
مـ ج ــرد حلم
17/6/2007, 13:28
السـامر الولهان كفـى ووفى
ابو دعـاء
17/6/2007, 17:03
:d:
بم ان لي خبره وقد تخرجت السنه الماضيه فانني انصح الطلاب في كل صلاه يدعون على وزير المعارف :d: قصدي التربيه والتظليل :angel: واذا باقي في الدعوه شي (طالبكم طالبكم ) تضربونها في الصميم على المانع وزير الصحه ترى قسم بالله هالاثنان انا اكرهما والود ودي امسك كل واحد واحط المانع في النسافه اليمين واحط وزير التظليل بالشماليه ( واقدم السياره لوافي ) واخليه ينسفهم تفحيط :d:

والله يعينكم :(
DieGo
17/6/2007, 17:54
بالله
ثــامـر
17/6/2007, 18:13
ناس مايدرسون ويبون يجيبون درجات :confused:
[ TaReQ ]
17/6/2007, 18:16
المسؤل الطلاب

ليه هم جايبين اساله من برا المنهج ؟ :amle:
السـامـر
17/6/2007, 18:33
ناس مايدرسون ويبون يجيبون درجات :confused:


دكتور ابوتوتا انت تتكلم بدون ماتجرب

انت سنه كم يا ابوتوتا؟

وربي اني قبل 3 سنوات جاء لي ولد عمتي

وقالي اختبارنا الرياضبات صعب ونار

ومادري وشو ومن هالكلام

:) تسبمت له وقلت له لو انك درست زين كان حليت

يعني اسئلة الوزاره من وين بتجي.؟

سكت الرجال ولاكلمني

بعدها انا صف ثالث ثنوي

مجتهد طول السنه الدراسيه

يوم وصلنا وقت الاختبارات النهائيه

ومتحمس على الاسئله اني فاهم وبحلها بسهوله

اول ماحط لي الاسئله

وانا اقراها يارجال غير بدل

من وين هالاسئله ماعمري شفتها في الكتاب :confused:

تذكرت ولد عمتي ساعتها وكيف رديت عليه

عرفت بعدها انه الله حق وانه الي صار لكل الطلبه الي قبلي حقيقه

ماهو افتراء على الوزاره

يا اخي عندنا طلاب نسميهم البرافسوريه

اول ماحطو لهم اسئلة الاختبارات قاموا يبكون بالقاعه

وتقولي لو ذاكروا

ان شاء الله انك بتجرب اذا وصلت ثالث ثنوي

وان شاء الله انك بشتكي وراح اذكرك

واذا عديت ثالث وتقول سهل

اكيد كبريائك مايسمح لك تعترف بالحق..!!

ياخي 98 % يقولون صعبه نكذبهم يعني..!!

ولا انت الي تكتب الاسئله :angel:

الله لايوفق الي يكتب الاسئله :(
السـامـر
17/6/2007, 18:36
المسؤل الطلاب

ليه هم جايبين اساله من برا المنهج ؟ :amle:

وربي انهم يجيبون اسئله من خارج المنهج :slv:
ثــامـر
17/6/2007, 18:48
دكتور ابوتوتا انت تتكلم بدون ماتجرب

انت سنه كم يا ابوتوتا؟

وربي اني قبل 3 سنوات جاء لي ولد عمتي

وقالي اختبارنا الرياضبات صعب ونار

ومادري وشو ومن هالكلام

تسبمت له وقلت له لو انك درست زين كان حليت

يعني اسئلة الوزاره من وين بتجي.؟

سكت الرجال ولاكلمني

بعدها انا صف ثالث ثنوي

مجتهد طول السنه الدراسيه

يوم وصلنا وقت الاختبارات النهائيه

ومتحمس على الاسئله اني فاهم وبحلها بسهوله

اول ماحط لي الاسئله

وانا اقراها يارجال غير بدل

من وين هالاسئله ماعمري شفتها في الكتاب

تذكرت ولد عمتي ساعتها وكيف رديت عليه

عرفت بعدها انه الله حق وانه الي صار لكل الطلبه الي قبلي حقيقه

ماهو افتراء على الوزاره

يا اخي عندنا طلاب نسميهم البرافسوريه

اول ماحطو لهم اسئلة الاختبارات قاموا يبكون بالقاعه

وتقولي لو ذاكروا

ان شاء الله انك بتجرب اذا وصلت ثالث ثنوي

وان شاء الله انك بشتكي وراح اذكرك

واذا عديت ثالث وتقول سهل

اكيد كبريائك مايسمح لك تعترف بالحق..!!

ياخي 98 % يقولون صعبه نكذبهم يعني..!!

ولا انت الي تكتب الاسئله

الله لايوفق الي يكتب الاسئله

قصدك ولدي توتا :d: :d: :jhgy:

انا بسنه 2 جامعه واختبرت رياضيات ..

لكن اذا حنا نتشكى من المنهج والاختبارات اجل المصريين وش يقولون :amle: , شف مناهجهم واختباراتهم وتعرف الفرق .. ومع ذلك يجيبون درجات كويسه ..

ليش المصريين وش فرقهم عنا :amle:

الفرق في اسلوب الحياة ;)

وبعدين انا ماقولك ان الاختبار سهل .. فعلا الاختبار فيه صعوبه لكن مب لدرجه ان 63 % يبجيبون اقل من 80 :confused:
Nesta 13
17/6/2007, 18:55
الحمدالله اني مخلصها السنه اللي راحت .!!

ما اقول الا ... الله **** وزير هـ التعليمـ .. !! :jeng:
هلالي اكاديمي
17/6/2007, 18:57
دام النسب متدنيه بهالشكل .. ليتهم يخلوها معدّل أحسن
الصراحه ... وصمه عار على الطلاب و مدرسين الانقليزي والرياضيات :rolleyes:
السـامـر
17/6/2007, 19:00
قصدك ولدي توتا :d: :d: :jhgy:

انا بسنه 2 جامعه واختبرت رياضيات ..

لكن اذا حنا نتشكى من المنهج والاختبارات اجل المصريين وش يقولون :amle: , شف مناهجهم واختباراتهم وتعرف الفرق .. ومع ذلك يجيبون درجات كويسه ..

ليش المصريين وش فرقهم عنا :amle:

الفرق في اسلوب الحياة ;)

وبعدين انا ماقولك ان الاختبار سهل .. فعلا الاختبار فيه صعوبه لكن مب لدرجه ان 63 % يبجيبون اقل من 80 :confused:

وانا وش دخلني بالمصري...!!

المصري له منهجه ولد وزارته وهم حريين فيها

انا طالب ادرس طول السنين

اخر شيء يضيع مستقبلي بأختبار واحد بس

لا وضرب عدد الحصص في الدرجه

شوف كم بتنزل من نسبتي

يا اخي الفصل الاول

نسبتي 99%

الفصل الدراسي الثاني تصير 91%

ليه ياخي مو ظلم

يا اخي مدرسي يدرسني ويعلمني طول السنه

والاسئله تجي من بره

ياخي يجي واحد من الوزاره يدرسنا على الاقل يطلعنا على الاسئله الي بتجي

مو مدرس مايعرف شيء

وكل مدرس وله اسلوبه

والوزاره اسلوبها غيرهم كلهم

يا اخي المصري يدرس كلينتون مادري وشو

دراساتنا اشرف منهم

ياخي لاتزيد علي المواجع :(
السـامـر
17/6/2007, 19:03
دام النسب متدنيه بهالشكل .. ليتهم يخلوها معدّل أحسن
الصراحه ... وصمه عار على الطلاب و مدرسين الانقليزي والرياضيات :rolleyes:

والله وصمت العار وزارتكم :slv:

واسئلتها الي مادري من وين تجيبها :lkj:
السـامـر
17/6/2007, 19:06
الحمدالله اني مخلصها السنه اللي راحت .!!

ما اقول الا ... الله *** وزير هـ التعليمـ .. !! :jeng:

آميـــن

الله يسمع منك ان شاء الله من بوءك لباب السماء :lkj:

والي يقولي مسلم مادري وشو

اقوله ماهو مسلم الي يحطم الطلبه ويعمل على رسوبهم

المسلم رحوم :cry:
أبناء الحرية
17/6/2007, 19:11
الساهر الولهان

اسمحلي الاسئله مستحيل تكون خارج المنهج مستحيل بتاتا

انا كنت اقول العام الماضي ان اسئلتهم نار ومدري كيف الخ الخ الخ

لكن اانا الحين بالجامعه واشوف الوضع من بعيد واكتشفت ان العله مو بالاسئله
العله بالطلاب لانه يواجه ضغط نفسي كبير جدا عليه فما يقدر يحل الاسئله
وثالث صعوبتها مو بالاسئله الوزاره صح اسئله الوزاره فيها شي من الصعوبه

لكن المعيار الحقيقي لثالث هو من يتغلب ع الضغوط النفسيه الي يواجها

بدليل ان كل سنه الكليات الصحيه والهندسه والحاسب تسقبل عدد كبير جدا من طلاب الحاصلين ع امتياز وكذلك جامعه البترول والمعادن تسقبل سنويا
اعداد مهووله الحاصلين ع امتياز كيف ذولا جابوا الامتياز ؟؟؟؟

انا اقولك ليه لانهم تغلبوا ع الضغوط النفسيه الي واجهتهم

واسئله الوزاره عمرها ماكانت خارج المنهج انا بسالك سوؤال واحد فقط

انت قد حليت نماذج ااسئله الوزاره حقت السنوات الي راحت ؟؟؟

لا تقولي ان مدرسكم يعطيكم سؤال ويقولك هذا سوؤال وزاره وتحله وتحسب انك حليت سوال وزاره تراه يلعب عليكم هالمصري

انا اقصد انك رحت المكتبه وشريت النماذج ع الاقل حقت ال10 سنوات الي راحت
وحليتها وفهمتها صح لو سويت كذا ولا عرفت تحل باختبار الرياضيات هالسنه
اتوقع ان مذاكرتك كانت غلط بغلط
ابوسعد الهلالي
17/6/2007, 19:14
الانجليزي الى الان اشوفهم يصححون ..

بس الرياضيات خلصوا من يوم الاربعاء الماضي واعتقد انهم بيرجعونهم يعيدون توزيع الدرجات عشان تتعدل الدرجات ,, بس موب اكيد لاني ماشفت المصاريا اللي عندنا بالمدرسه وراحوا للتصيحيح !!

انا بصرحه قد عانيت من اسئلة الرياضيات تخيلوا كانت درجتي فل مارك في الفصل الاول وكانت الدرجه عندنا من 300 موزعه على الفصلين لكن بعد اسئلة الوزاره نقصت 50 درجه وماكفانا الوقت نخلص اجابات وزودها المدير نص ساعه من عنده يعني 3,5 ساعه وماكفت !!

حسبنا الله عليهم وها هنا المأساة تتكرر ,,,

بالتوفيق لجميع الطلاب ..
هلالي اكاديمي
17/6/2007, 19:22
والله وصمت العار وزارتكم :slv:

واسئلتها الي مادري من وين تجيبها :lkj:


خلني اتوظف بالوزاره وبعدين قل وزاتنا :d:
طيب أسئله الوزاره .. من يكتبها ... مو مدرسين ؟ :rolleyes:


والله يالغالي ان الانقليزي سهل جدا .. لو بس فيه مدرس فتح الله عليه وعلّم الطلاب زين .. كان تلقاهم جايبين درجات زينه .. والطلاب لو يذاكروا ويجتهدوا تلقاهم ما عانوا من الانجليزي ،،

يعني الامر بين هذا وذاك ..
والله يكون بعونك .. الظاهر انك جبت العيد ،،،
السـامـر
17/6/2007, 20:24
الساهر الولهان

اسمحلي الاسئله مستحيل تكون خارج المنهج مستحيل بتاتا

انا كنت اقول العام الماضي ان اسئلتهم نار ومدري كيف الخ الخ الخ

لكن اانا الحين بالجامعه واشوف الوضع من بعيد واكتشفت ان العله مو بالاسئله
العله بالطلاب لانه يواجه ضغط نفسي كبير جدا عليه فما يقدر يحل الاسئله
وثالث صعوبتها مو بالاسئله الوزاره صح اسئله الوزاره فيها شي من الصعوبه

لكن المعيار الحقيقي لثالث هو من يتغلب ع الضغوط النفسيه الي يواجها

بدليل ان كل سنه الكليات الصحيه والهندسه والحاسب تسقبل عدد كبير جدا من طلاب الحاصلين ع امتياز وكذلك جامعه البترول والمعادن تسقبل سنويا
اعداد مهووله الحاصلين ع امتياز كيف ذولا جابوا الامتياز ؟؟؟؟

انا اقولك ليه لانهم تغلبوا ع الضغوط النفسيه الي واجهتهم

واسئله الوزاره عمرها ماكانت خارج المنهج انا بسالك سوؤال واحد فقط

انت قد حليت نماذج ااسئله الوزاره حقت السنوات الي راحت ؟؟؟

لا تقولي ان مدرسكم يعطيكم سؤال ويقولك هذا سوؤال وزاره وتحله وتحسب انك حليت سوال وزاره تراه يلعب عليكم هالمصري

انا اقصد انك رحت المكتبه وشريت النماذج ع الاقل حقت ال10 سنوات الي راحت
وحليتها وفهمتها صح لو سويت كذا ولا عرفت تحل باختبار الرياضيات هالسنه
اتوقع ان مذاكرتك كانت غلط بغلط

انت قد حليت نماذج ااسئله الوزاره حقت السنوات الي راحت ؟؟؟

وربي حفظتها :(

يا اخي وربي اسئله من خارج المنهج صدقني

ياناس اسئلوا كل الطلاب اسئله من خارج الكتاب

واذكر السنه الماضيه فحمتهم قناة المجد

دق مسئول منهم قال الاسئله الي من خارج المنهج

عباره عن اختبار لذكاء الطالب..!!!

طيب ياذكي ليه حاطين لنا اختبار قدرات..!!!

المشكله انتوا خلصتوا وشفتوها سهله وعايديه

ومسوي مثقفين :jhgy:

والطلاب مساكين حالتهم حاله :(

الله يكون بعونهم :(

مذاكرتي غلط بغلط شلون اجيب 99% الفصل الاول :(

ثاني ثنوي جايب 96 % مع الدجه :(

النص الثاني اجيب 91% قهـــــــــــــــــــــــر :slv:
السـامـر
17/6/2007, 20:34
خلني اتوظف بالوزاره وبعدين قل وزاتنا :d:
طيب أسئله الوزاره .. من يكتبها ... مو مدرسين ؟ :rolleyes:


والله يالغالي ان الانقليزي سهل جدا .. لو بس فيه مدرس فتح الله عليه وعلّم الطلاب زين .. كان تلقاهم جايبين درجات زينه .. والطلاب لو يذاكروا ويجتهدوا تلقاهم ما عانوا من الانجليزي ،،

يعني الامر بين هذا وذاك ..
والله يكون بعونك .. الظاهر انك جبت العيد ،،،

الله لايقول وتتوظــف :)

ابتعد عنهم اخير لك ;)

خل الانقليزي على جنب

كلنا نتفق انه هذي الماده تعني اجازه للطالب السعودي :d:

يعني يومها راحه نوم :d: :d:

يعني انقليزي ما ندرسه الا كم سنه

يجيبون لنا تعبير

خل نعبر بالعربي ونفلح بعدين نفلح بالانقلش :d: :d: :d:

اسم ذي السالفه :fghty:

في واحد في حارتنا نسمــيه (قنصــل) :jhgy: هذا شاب زاحف حار جاف صيفا :d: :d:

اذا انت من الشرقيه اكيد تعرفه ماباقي شارع مر فيه الا عطاه خمستين :d: :d:

يقولك وقت امتحان الي كان عليهم يوم الاربعاء

دخل عليهم احد المدرسين

قال لهم انا جاي لكم ومعي خبر جميل

فرحوا الطلالب

الي يقول اكيد بيعيدون اختبار الرياضيات والي يقول الانجليزي

المهم قالوا له عجل قل وش السالفه :req:

قال الوزاره عطت كل طالب 5 درجات بالرياضيات وفرحوا الطلاب وتحمسوا

الا يجيك قنصل يوقف يالربع الغداء علي اليوم :kany:

قال له الاستاد ليه يافلان

قال علشان جبت خمسه من 30 باختبار الرياضيات :d: :d:

:d: :d: :d: :d: :d: :d: :d: :d: :d: :d: :d: :d: :d: :d: :d:

مسكين قنصل :(

على فكره انا متخرج من السنه الي قبل (himo)

بس كل يوم قنصل يجي ويشكي لي حاله وانا اعطف عليه :( :(
الفجر الازرق
18/6/2007, 05:57
يارجال وسع صدرك
واذا تخرجت وين بتروح
هي خاربة خاربة
KHASHRMI
18/6/2007, 10:03
ياااااا شباب اللي معاه فيتامين (( و ))

هو اللي بعيش
الـفـارس الازرق
18/6/2007, 11:57
ياااااا شباب اللي معاه فيتامين (( و ))

هو اللي بعيش


هذاااااااااااااااااا الكلاااااااااااااااااااااااااااااام عليك نوووووووووووووووووووووووور






يالربع اللي نسبته زفت,,,يحمد ربه ويحاول قدر الامكان ان يسجل مع المبتعثين في الخارج ويروح يدرس له في جامعه






معاناه حقين العلمي



طيب واللي شرعي ونسبته الفصل الاول 92% <<< :angel:




وضامن مليوووون في الميه انها مدحدره للسبعينات :angel: :angel:






لكن ولله الحمد وبكل امانه ما بعد فقدت الامل ,,,,,,ان شاء الله انها خيره ,,,لكن تكفون عطوني شهادة (نجاح) وخلوني اتبطح سنه كامله راحه :angel: :angel: بعدين نتفاهم ع النسبه والوظايف
شـب
18/6/2007, 12:31
طلاب مدلعين ..


فيه طلاب تجيب ثمان وعشرين تسع وعشرين ...

واغلب الطلاب تحت المعدل هذا ...


البلا من الطلاب مهب من اسئلة الوزاره وصعوبتها ولا شيء ..

يعني لو مافيه احد جاب درجه كويسه نقدر نقول الاسئله تعجيزيه ..


لكن اذا صار احد جايب فوق الثمان وعشرين اكيد كل الطلاب يقدرون يجيبون ...


ومنتب قد العلمي لاتخش يبووو (himo)


وتراي انا بثالث ثانوي ... واختباري الرياضيات جايب فيه اقل من خمسه ..

بس استاهل .. ليش ما اراجع ؟؟

والله ووالله لو اني منتبه مع المدرس من اول شيء ومراجع اول باول كان درجتي فوق الخمس وعشرين بالراحه زي ربعي الي حالين زين ..


على العموم تعيشون وتاكلون غيره ..

واذا هي على دخولك للجامعه .. الجامعه الحين يبه ماتمشي بالنسبه .. تمشي بالوااااوو .. وياواو على الوااااو :love:
أبوحمـــ15ـــــــــــد
18/6/2007, 14:59
شب بخصوص الجامعة والواو .. مهوب صحيح وربي مهوب صحيح ..

معدلك كويس تخش غصب عن مدير الجامعة بكبره ..

تذكروني بواحد جايني يتحطم يقول : وش ذا الوسايط ما خلت العالم تمشي .. قلت وش فيك ؟ قال واحد من العيال نسبته 99% وعلمي ورفضوه الأمنية !! قلت من هو ؟؟ قال فلان .. قلت اللي يلبس نظارات ؟؟ قال ايه .. قلت شكراً غير لائق طبياً وش دخل الوسايط !!

ياخي أنا دخلت ادارة عامة وبلا واسطة وبلا خربطة .. لا ونسبتي 88 بعد !! هه .. وشرعي بعد :d:

واحد من الشباب دخل رياضيات بلا واسطة وبلا خربطة لأن معدله ماشاء الله ممتاز ، كان ماخذ 92% على ما أذكر ..

لا تفكرون بوسايط وما وسايط .. نسبتك زينة ، تدخل اللي تبي .. فيه ناس يدخلون بالوسايط هذا شئ مفروغ منه .. لكن دام نسبتك عالية فلا تشيل هم أبددددد ..
[[ عبود ]]
18/6/2007, 15:05
شب بخصوص الجامعة والواو .. مهوب صحيح وربي مهوب صحيح ..

معدلك كويس تخش غصب عن مدير الجامعة بكبره ..

تذكروني بواحد جايني يتحطم يقول : وش ذا الوسايط ما خلت العالم تمشي .. قلت وش فيك ؟ قال واحد من العيال نسبته 99% وعلمي ورفضوه الأمنية !! قلت من هو ؟؟ قال فلان .. قلت اللي يلبس نظارات ؟؟ قال ايه .. قلت شكراً غير لائق طبياً وش دخل الوسايط !!

ياخي أنا دخلت ادارة عامة وبلا واسطة وبلا خربطة .. لا ونسبتي 88 بعد !! هه .. وشرعي بعد :d:

واحد من الشباب دخل رياضيات بلا واسطة وبلا خربطة لأن معدله ماشاء الله ممتاز ، كان ماخذ 92% على ما أذكر ..

لا تفكرون بوسايط وما وسايط .. نسبتك زينة ، تدخل اللي تبي .. فيه ناس يدخلون بالوسايط هذا شئ مفروغ منه .. لكن دام نسبتك عالية فلا تشيل هم أبددددد ..

طيب نسبتي 85 و غيري 75 من يستاهل يدخل ؟ :yuupy:
ورقه بلووووت
18/6/2007, 15:16
ترى عندنا وظايف وكيل رقيب وعريف اللي يبي يراجعنا (himo)
أبوحمـــ15ـــــــــــد
18/6/2007, 15:47
عبود والله تبي الجد ولا واحد :d: كل واحد نسبته مش ولابد ..
+ R a B e 7 +
18/6/2007, 17:27
ع فكرهـ الوزير ما له دخل بالاسئله :) ..

بالنسبه لأسئله الريآضيات .. فيها صعوبه .. ويمكن تكون تكون ثآني سنه من حيث الصعوبه ..
بس ترآ الريآضيات مآ فيها منهج تلتزم به .. الريآضيات خصوصاً حقت ثآلث .. تحتاج لطآلب ( يفكر ) .. مثل سؤال أكبر مآ يمكن اللي بالباب الأول .. اللي هو فقرهـ ( ج ) السؤال الآول .. الطلاب يقولون من برا الكتآب .. ما فيه شئ اسمه برا الكتاب .. فكره الدرس نفسه وحدهـ .. وتختلف باختلاف المسآئل .. مو معقوله بعد يقولك احفظ المسائل اللي بالكتاب بس .. لازم الطالب يفكر .. واذا ما قدرت تجيب العلاقه طبّق بأي رقم بس تبين انك فآهم الدرس ..
أمّا بآقي الاسئله .. فيها صعوبه .. وجديدهـ بعد .. وإن مآ زادوا الطلاب .. بتصير النسب منخفضه بقووهـ .. خصوصاً يوم كمّلت الانقليزي عليها :amle: .. والاحيآء بعد :zael: .. ولا الحمد لله .. الفيزياء والكيمياء عسسل :love:
بالتوفيق للجمييع ..
السـامـر
18/6/2007, 18:28
طلاب مدلعين ..


فيه طلاب تجيب ثمان وعشرين تسع وعشرين ...

واغلب الطلاب تحت المعدل هذا ...


البلا من الطلاب مهب من اسئلة الوزاره وصعوبتها ولا شيء ..

يعني لو مافيه احد جاب درجه كويسه نقدر نقول الاسئله تعجيزيه ..


لكن اذا صار احد جايب فوق الثمان وعشرين اكيد كل الطلاب يقدرون يجيبون ...


ومنتب قد العلمي لاتخش يبووو (himo)


وتراي انا بثالث ثانوي ... واختباري الرياضيات جايب فيه اقل من خمسه ..

بس استاهل .. ليش ما اراجع ؟؟

والله ووالله لو اني منتبه مع المدرس من اول شيء ومراجع اول باول كان درجتي فوق الخمس وعشرين بالراحه زي ربعي الي حالين زين ..


على العموم تعيشون وتاكلون غيره ..

واذا هي على دخولك للجامعه .. الجامعه الحين يبه ماتمشي بالنسبه .. تمشي بالوااااوو .. وياواو على الوااااو :love:

ياخي وش دخل الطلبه

اقولك اسئله من خارج الكتاب

ياخي حفظنا الكتاب صفحه صفحه

اكلته اكل وبعدين اسئله من الخارج

انت ماذكرت زينا علشان كذا تقول احنا السبب لاننا ماذاكرنا

لو انك مذاكر كل الكتاب وفاهمه كان عرفت الاسئله من بره

لاكن مذاكر صفحتين لو اجيب لك اسئلة فيزياء اكيد تحسبها رياضيات اذا ماذاكرت :d:

تحياتي :(
السـامـر
18/6/2007, 18:36
]']طيب نسبتي 85 و غيري 75 من يستاهل يدخل ؟ :yuupy:

اي اسمع هذي السالفه الي صارت لي

تخرجت السنه الماضيه بنسبة 91%

رحت اسجل بكلية المعلمين

ومعي واحد من الاصدقاء نسبته 79 %

فا اقول مايبون 79 قالي معليك :angel:

رحت الكليه قدمت ملفي واطلع

واشوفه قلت له ها اطردوك :d:

قال معليك :req:

الا جاء وقت القبول في الجرايد

رحت ادور اسمي مو موجود

فوق تحت وينه مافيـــه :(

الا ادور اسم الي معي

واحصله شلون وانا ممتاز :(

ويجي عندي العصر يقول ها شفت اسمي

قلت له مبرووووك

شلون دخلوك قال شغلت الواسطات ودخلت

وانا الممتاز مادخلوني :( :(

شرايك بالظلم

تدري متى قبلوني

بنص رمضان يمكن 10 رمضان قبلوني :(

كل شيء واسطه الله يهلكهم :(
الملك الازرق
20/6/2007, 02:49
لكل مجتهد نصيب ..


تحيتي أخي العزيز ..
السـامـر
20/6/2007, 04:27
لكل مجتهد نصيب ..


تحيتي أخي العزيز ..

والله اجتهدنا ومع اسئلتهم مافيه نصيب :(