حلمت..حلم!

[برنسيسة الهلال]

صباحكم ورد جميعا شباب وصبايا!
بمااني عضوه من اعضاء الشبكه البارزين لقيت من واجبي ان اتحفكم بموضوع مسكت كالعاده
خاصه اني صاحيه بدري وماعندي اختبارولا شغل ولا مشغله :qw:
دورت شمال يمين مافي راسي مواضيع بس تذكرت حلم حلمته قبل فتره قلت اذكره لكم
بس إنشاءالله يعجبكم وتستفيدون...
قبل سنه او اقل :jhgy: الحلم قديم بعد..في هذا الوقت من ايام الاختبارات اتوقع كان
يوم الاربعاءفي ذاك اليوم رجعت من الكليه ميته تعب لان كان عندي اختبار ومواصله
ماجاءني نوم الظهر فجلست اذاكر مادة السبت لغاية العصر وبعدين نمت وبدأالحلم
(حلمت اني كنت نايمه :jhgy: وفي عز النوم وحلاوته جتني (اتت الي)عجوز شكلها
يروووع مرره :q: وصحتني يوم شفتها انفجعت ورجعت انام لكنها صحتني واخذتني
بيدي وصرت امشي وراها وانا مرعوبه والغريبه قابلت اخواني في الحلم بس كان
الامر عندهم عادي ماحاولوا يساعدوني!المهم يوم وصلنا الى نص الدرج اتركت يدي
وقالت راح اتركك الحين بس راح ارجع في يوم... واخذك معي واليوم الي حددته
كان اخر يوم في الاختبارات الي هو السبت)انتهى الحلم...
المهم صحيت بعد المغرب مفجوعه مدري ايش السالفه قلبت الحلم في راسي مالقيت
له الا تفسير واحد هو اني والله اعلم بموت في اخر يوم من الاختبارات ....
لحظتها بديت :cry: :cry: :cry: :cry: :cry: :cry: :cry:
وفي غمرة الدموع تذكرت اني ما صليت المغرب :hgfd: ونزلت بسرعه اصلي
لكن هالفكره عجزت اشيلها من راسي اعوذ بالله حتى في الصلاه!
وبعد ماخلصت الصلاه جلست في الركن الي عادة اذاكر فيه وجبت الكتاب وقلت اذاكر
احسن يمكن انسى لكن بدون فايده شريط حياتي كان قدامي في صفحات الكتاب (كلام قوي)
لدرجة ان صفحات الكتاب صارت سوداءضاقت الدنيا في عيوني وكرهتها وكرهت المذاكرهّ
*اوف توك صاحيه وعلى طول دخلتي جو المذاكره ايش خليتي للخميس والجمعه!!
*فارس الله يرجك من وين طلعت؟
*من صفحه234 يهب عليك يالدافوره ماتفوتين يوم!
*من قالك اصلا اني اذاكر انا جالسه افكر في الدنيا واعمالنا فيها!!
*ايشبي بصدقك كل هذا خوف من العين يالدافوره؟
راح اخوي فارس يذاكر وطنشني اختبارات الوزاره وصعوبتها نسته ابسط حقوق
الاخوه والا ايش فيها لو جلس معي ساعه يسولف...الله يهديه...
رجعت لنفس التفكير لكن هالمره بصوره اعمق لاني حددت اخطاءي وطريقة
تصحيحها...
ريمي...ريم ...ريم ووجع وراك ماتردين علي؟
يوم ناظرت لقيت امي واقفه عندي وانا ماادري يوم شفتها اخنقتني العبره كان
ودي احضنها واقول ياامه سامحيني بس ماقدرت!!! خفت تحسب العيد جاء :jhgy:
وبديت فعلا اصيح للمره الثانيه ويوم امي شافتني اصيح قامت تقرأ علي!!
وهنا دخل الاخ ياسر وهو في بداية حياة العربجه (himo) وقال انتي صدقتي هالكلام
هالريم شاربه الكتاب شرب وهالحركات تمويه عشان مانحسدها!!
وهنا اضطريت للانسحاب الى غرفتي وجلست مع نفسي اقلب أوراق حياتي!
اصعب شيء في الحياه يوم تلقى نفسك مجبرانك تخطط لبداية نهايتك.......
خاصة اني اكتشفت ان معظم عباداتنا نسويها بحكم العاده الا من رحم ربي
لاننا تربينا على هالاعمال من صغرنا وعمرنا مااستشعرنا عظمتها وحلاوتها
الا في اوقات معينه مثل رمضان او في او اوقات المرض والضعف والخوف
من الموت او اذا نبي ننجح ونحقق هدف او حلم ...الله المستعان...
لاأحد يقاطعني ويقول هالكلام مو صح انا جالسه اتكلم عن نفسي وأشباهي
الاعتراف بالخطاء مو حرام او عيب!!
***جاء يوم السبت.. بالقوة لبست واخذت كتابي ونزلت انتظر السواق في الحديقه
او بمعنى اصح الحوش.وبالصدفه قابلت اخوي فارس يراجع في الحوش كان اول
يوم له في اختبارات الوزارة وانا اخر اختبار في الكليه .وخطرفي بالي أسأله هالسؤال
...فارس لو مت بتكمل اختبارات الوزاره...وكان جوابه :zael: :lkj: :jeng:
مدري ليه عصب الله يسامحه...
المهم جاء السواق ووصلت للكليه واختبرت بس اول مره مااكون فرحانه بالاجازه
ومر اليوم والحمدلله ماصار في شيء بس بصراحه تعلمت من هالكابوس او الحلم
ان الحياه مهما طالت فينا نهايتنا بنموت وبعد الموت فيه الحساب فالدنيا دار العمل
والاخره دار المقام والجزاء على كل شيء سويناه خير وشر كبير وصغير...
أسفه على الاطاله بس الكتابه بالكيبورد طلعت وناسه!


تحياتي
ريمي

[B R E E E H]

الحمدلله مر اليوم على خير ...

الله يخليك لهلك ويحفظك ان شاء الله ....


بس عندي سؤال بسيييط ومهم جداً !



ماحاولتي تفسرين الحلم ؟

[نوااااااااف11]

قابلت اخواني في الحلم بس كان
الامر عندهم عادي ماحاولوا يساعدوني!المهم يوم وصلنا الى نص الدرج اتركت يدي
وقالت راح اتركك الحين بس راح ارجع في يوم... واخذك معي واليوم الي حددته
كان اخر يوم في الاختبارات الي هو السبت)انتهى الحلم...

:eek: :q:


حلوم النهار مو مثل حلوم الليل

انا دايم كل ماجيت انوم العصر اول ماحط راسي
لازم يصير شي
اما تنفقع تفيخه بوجهي ولا مدري ايش المهم لازم يطلع شي يروع :yuupy:
لين ماعاد صرت انوم العصر


مره حلمت ان عندي اختبار فيزياء
ولا ذاكرت ولاعرفت شي يوم جيت اذاكر ونشف وجهي في الحلم
والحمدالله يوم قمت فرحت لاني اصلا ماعندي اختبارات
يمكن اني محلم بدال احد :jhgy: :angel:

[abo sager]

اختي ريما هذا اول موضوع اشوفه لك..
واسمحي لي ارد عليكي برد طويل شوي..

أولا حلم غريب..
وش معنى هذيك العجوز؟؟!
وين تبي تاخذك له؟؟!

جربتي تسألين مفسر أحلام عن تفسيره؟
( العادة ما أنصح ان الواحد يروح يفسر حلمه بس الاحلام اللي زي كذا احس انها تحتاج تفسير )

ثانيا الموضوع رائع جدا..
وصراحة عجبني نقلك للقصة بالطريقة الحلوة هذه..
حافظتي على جمال القصة مع اسلوبك الجيد في التصوير وخفة الدم.. :d:

وأخيرا أكيد أهم شي الفائدة اللي استفديتها من القصة..
"كل نفس ذائقة الموت"
الله يثبتنا على طاعته ويرزقنا حسن الختام..

تقبلي تحياتي لك اختي ريماا او ريمي :cool:

[السـامـر]

يا اخت ريما بقولك نصيحه تقولها لي امي دايم :kello:

تقولي ((الحلم الذي تحلم به وتفصح به لغيرك يتحقق لك)) حاس اني خوفتها :d: :d: :d: :d:

بمااني عضوه من اعضاء الشبكه البارزين

واثقه :d: :d: :d:

قصه جميله جدا وفيها فوائد عده

اولها تقوى الله دائما والعمل للموت

الثاني انك ستموت سواء طال الزمن اوقصر اليوم او بكره

ثالثا ان الموت سيأتي مفاجئ لاتعلم به فاعمل له

اهنيك على ابداعك في كتابتك الموضوع

وخفت ظلك الي امتعتنا (himo)

وفالك التوفيق والنجاح ;)

وسلمي لي على اخوك الزاحف :d: :d:

تحياتي :noo:

[برنسيسة الهلال]

مشكور اخوي TAMO HILAL على مرورك الي أسعدني
وتسلم وربي يخليك إنشاءالله على الدعوة الحلوة
ومن ناحية اني فكرة في تفسير الحلم أنا سألت عن تفسيره بس بصراحه
ماأعجبني! يعطيك الف عافيه....




مشكورأخوي نواااف على المرور...وتدري من بعد هالحلم مانمت
العصر!! الاحسن نوم الليل حرمت من بعد العجوز :hgfd:
و بالامانه مو روعه انك تحلم ان عندك امتحان ويوم تصحى تلقى انك
مخلص أختبارات! روعه الحلم هذا من جد له طعم :yes:
يعطيك الف عافيه..


اولا مشكور أخوي فيصل على مرورك الي من جد أسعدني
ومن ناحية تفسير الحلم سالت عن تفسيره وفعلا كان له
معنى ...
ثانيا الف شكر على اطرائك رفعت من معنوياتي الله يسعدقلبك ..
اما سالفة اكتب قصص فماعندك أحد!!
الف شكر ويعطيك الف عافيه يافيصل ..



هلا بالسامر :q: الله يسامحك روعتني !
مشكور علىالكلام الروعه بس عاد ابداع مرة وحده :kello:
تسلم على اطرائك وربي يخليك إنشاءالله..
الزاحف يسلم عليك :kany:

[ثــامـر]

بلا مجامله قصه رائعه لما تحتويه من عظات مباشره وغير مباشره .. وزياده على ذلك اسلوب جميل ..

اغبطك على هذا الحلم الي اعتقد انه غير مفاهيم عده بحياتك وكم من انسان يحتاج لمثل هالمواقف حتى تتعدل نظرته للحياة

الله يعطيك العافيه ريما

[خالد المهدرس]

هلا بك أختي ريما (himo)

الحلم اللي تحلمين فيه أذا صحيتي الله يهديك <<<< أمه تعلمه :d: قولي (( اللهم أجعله خير )) بعدين

الحلم ماينقال لأي أحدإلا أقرب الناس لك كثير ماسمعت يقولون لاتتكلم في الحلم لكل الناس اللي حولك

بس ليه؟ :req: الله أعلم .

أن شاء الله أن الحلم خير لك وطواله لعمرك ولنا جميعاً .

:noo:

[شـب]

طيب الاحد متي ولا لا ؟؟ << واحد متحمس مع السالفه ..

يمكن يكون تفسير حلمتس حلو مش وحش ..

يقول الرسول صلى الله عليه وسلم فيما معناه ..


أن الرؤيا على جناح طير إذا فسرت وقعت ..


جربي تفسيرين الحلم يمكن تصير هالعجيّز جورج قرداحي ساحبتس لمن سيربح المليون ..

ولا أي بادزعه ..



سي يو أرواااند ..

[برنسيسة الهلال]

مشكور أخوي د.ابوتوتا على مرورك الي اسعدني :qw:
ومشكور على هالكلام الرائع...
ويعطيك الف عافيه....


هلا أخوي(هذا الأزرق) مشكور على المرور...
الحلم له سنه اتوقع عادي اذا قلته مشكور على النصيحه :asno:
يعطيك الف عافيه....

مشكورأخوي شب على المرور...
بس وناسه تفسيرك للحلم كان زين يصير كذا :love:
شكلك من الشياب الفله صار سي يو :req:
ربي يعطيك طولت العمر :noo:

[علي معتـوق العمـــري]

والحمدلله ماصار في شيء بس بصراحه تعلمت من هالكابوس او الحلم
ان الحياه مهما طالت فينا نهايتنا بنموت وبعد الموت فيه الحساب فالدنيا دار العمل
والاخره دار المقام والجزاء على كل شيء سويناه خير وشر كبير وصغير...
أسفه على الاطاله بس الكتابه بالكيبورد طلعت وناسه!

هذه الفائدة من الموضوع وربي يحسن خاتمتنا جميعاً ،،،

وأنا أمس حلمت أني متأخر عن الدوام وصحيت مفزوع بس كان الوقت بعد العصر :angel: :angel:


ومشكورة يا ريما على موضوعك المفيد :asno:

[برنسيسة الهلال]

هلا وغلا ابو تركي وألف شكر على مرورك الي نور الموضوع...
بصراحه حلمك مرعب!!متأخر مرة وحده! :q:
الله يعطيك العافيه...

[عضو شرف]

:q:


خوفتيني :angel:

على العموم الحمدلله ما متي :angel:


شكرا لك


الف تحيه (( عضو شرف ))

[[[ SaMi ]]]

سلام عليكم و رحمة الله و بركاته ..

حطي هالحديث ببالك ..
الاحلام ثلاث انواع ..

اما حلم جميل فهو بُشرى من الله عز و جل ..
او حلم سيء .. فهو تحزين من الشيطان ..
او حلم من حديث النفس ..
و هو انك تكونين تفكرين بشي قبل النوم و جاكِ بالحلم ..

فأنتي يا تحزين من الشيطان ..
يا كنتي تفكرين ان الاسئله تجي صعبه و تموتين بالقاعه http://www.sqzme.com/ups/uploads/5f21c98011.png

<-- فال الله و لا فالك http://www.sl5ls.com/images/smilies/20.gif

و على وجه العموم ..
اللي يشوف حلم تحزين من الشيطان ..

يفعل اربع امور ..

1- يتعوذ من الشيطان
2- يتعوذ من شر الحلم
3- يصلي ما تيسر
4- ينام عالجانب الايمن



التسناري

[عز الرياض هلالها]

يعطيك العافيه اختي

واتمنى لك النجاح والتوفيق

وتتخيرجين

من الكليه>>>>> هو ووجهه مبسوط بيتخرج الترم هذا :d:


>>>>>>> يقهر ريماا :kany: