الفرزدق
23/5/2002, 18:42
حدث هذا الموقف ..لأحد الأصدقاء..وفيه يقول (في أحد الأيام خرجت من العمل ..لاحضار الأولاد من المدرسه كاالعاده ..وكنت اوفف السياره بالشارع المجاور (مثل كل الزملاء ) لان مبنى ادارتنا عماره على أحد الشوارع الرئيسيه .وعندما وصلت للسياره لقيت الكفر مبنشر ...!!وكانت الدنيا حر ..وأنا تأخرت على البزران ..ولازم ارجع للدوام بعد توصيلهم للبيت ..المهم رجعت بسرعه للمكتب وأخذت مفتاح سيارة اطرف واحد من الزملاء..ونصيتها على الوصف ..وطيران على مدارس العيال ..اللي بالشرق.. واللي بالغرب !!عذاب يومي ..!!المهم ..وصلتهم للبيت ونزلتهم عند الباب ..وطيران للعمل ..وقبل اوصل للمكتب ،قلت ياولد خلك ذرب ..وعب السياره بنزين ..خصوصا أن هذا الزميل شباب وتوه متعين ..وهو اللي عرض سيارته علي عندما وجدني أسأل عن أحد الزملاء ولم اجده وقتها ..المهم وقفت عند محطة البنزين وقلت للعامل عبي فل ...العامل ..طلب مني المفتاح ..حيث ان السياره مازدا 626وكانت وقتها التانكي حقها يفتح بالمفتاح المهم عطيته المفتاح ..ورجع لي وقال هذامفتاح مايفتح ..!!وشلون ..!!وأنزل وأحاول ..ومافيه فايده ..!!قلت بلا أصول بلا ذرابه ..!!مايحتاج بنزين ..وأحط المفتاح بالسويتش ..ويعيي يدور ..!!وأحاول ..مره مافيه فايده .!!!ويقفل الدركسون !!واحاول ويحاول معي كل عمال المحطه ..وبرضه مافيه فايده ..!؟ المهم دفيناها ..جنب المحطه ..ونصها طالع بالشارع بسبب الدركسون ..وكانت المحطه مامن بعد عن ادارتنا وادقها رجل ..وانا أفكر وش أقول للرجال ..؟؟مهيب زينه تأخذ سيارته وترجع تقول له شفها مرميه بنص الشارع ..!!المهم وصلت وعلمته بالسالفه .وكان الدوام على وشك ..ورحنا سوا نشوف وش السالفه ..وراح معنا زميل علشان يوصلنا ..ويوم طلعنا من الاداره ومشينا شوي ..قال الرجال هذي سيارتي ..!!موقفه بمحلها..!!وشلون ...!!؟؟ وكانت سيارته بارده بالظلال ..اجل وش السياره اللي اخذتها ..!!وشلون فتح المفتاح ؟؟المهم اكتشفنا ان السياره لمدرس مصري ..يسكن بشقه بالعماره اللي بجنبنا ..!!وأنا فعلا شفت دفاتر طلاب واجد بالسياره ..وقلت يمكن زوجة زميلي مدرسه ..؟؟هالحين وشلون نتصرف ..؟أصلا حنا مانعرفه ..واللي قال لنا ان السياره للمصري هو أحد الزملاء ..قد شافه صبحيه وقعد يحتريه يطلع علشان يوقف محله ..!!يعني حنا فعليا ماندري من هو صاحبها ؟؟واتفقنا على حل ..نحاول نشغلها ..وان ماقدرنا ..نسحبها بونش ونرجعها لمحلها ..والله يعفوا عنا ..مافيه غير هالحل ..ورحنا للسياره ..وحاولنا ..بدون فايده ..وشلون شغلتها بالأول ..؟؟الى هالحين ماأدري ..؟؟؟ المهم تلفنا قوايل ..وحر ..ونسابق الزمن قبل الصلاة ..لا يطلع الرجال يصلي ولا يلقى سيارته ..!!وتصير نكبه بجد ..!!منين نجيب ونش ..؟؟كل يوم أشوفهم ..بكل عاير وسكه ..وهالحين ..مامر من عندنا ولا ريحة ونش ..!!المهم راح زميلي وجاب ونش ...وسحبنا السياره ..والسواق مطفوق ...يوم وصلنا عند العماره ولا مافيه ولا موقف ...وأنا اللي كنت حريص اننا نحطها بمحلها ..!!المهم لفزناها ..بذاك المحل وحنا مثل الحراميه ..!!ويوم جاء ينزلها الونش ..وأثر الصدام مكسور ..!!الله يكسر رأسه ..!!وشلون نعوض الرجال ..؟؟يقول :كل يوم أمر من عند السياره ..ابغى أشوف وش صار عليه ..ولا قد قابلته ...؟االى يومك .......