أوْرَاق صَــيْـــفِــــيَــــهـ ....!!

[ذيب آسيا]

المشهد الأول – حر وقرادة حظ :

الزمان : نهاية شهر August عام 2003 ... عقارب الساعة تشير إلى الواحدة ظهرا .ً.
المكان: الرياض ... على بعد كيلومترات بسيطة من جامعة الملك سعود ..

كان عدد السيارات التي أراها أمامي يتراوح بين القليل والمتوسط .. وهذا بالطبع لا يحتاج إلى تبرير فأنا كما يقولون في آب اللهاب، وأغلب الطلاب في إجازة إلا من ابتلي بـ (( قرادة الحظ :d: )) وسوّا فيها مجتهد وأخذ تيرم صيفي :d: .. علاوةً على أن الوقت (( عز القايلة )) .. وبينما كنت أهوجس : (( لو أخذت B بالريض ... بيرتفع المعدل ولا لا ؟ )) ...فجأه وبلا مقدمات ... امتلأ المكان بالضجيج ... وبدأت الدنيا تدور في عيني ... ولسبب لم أعرفه في تلك اللحظة، بدأ عدد السيارات يتضاعف بشكل غريب !!!
.
.
.
حاولت استدراك ما يمكنني استدراكه من قواي لكي أتمكن من فهم ما يجري حولي .. لكن محاولاتي باءت كلها بالفشل ... إلى أن هدأ المكان إلا من صوت (( الراديو ))
- إذاعة القرآن الكريم من المملكةِ العربيـ ............ طااااااااااااااااااااااااااااااااااط !!
- بييييييييييييييييييييييييييييييييييييييييييييييب

أهاا .. بدأت الصورة تتضح في ذهني قليلاً ... ذلك الضجيج كان مصدره كفر سيارتي العزيزة ، وذلك الدوار ... كان بسبب الدورات العديدة التي (( دارتها )) سيارتي على محورها ... وذلك العدد ..... بالطبع سيتضاعف .... لأني صرت أشوف اللي قدامي واللي وراي :d: !!! أما الطاااااااااااااااااااااااااااااااااااط والبييييييييييييييييييييييييييب فلأن سيارتي الغثيثة، استقرت في منتصف الطريق وباتجاهٍ معاكس !!!!!

انتهى ذلك الصيف بحره وخيره وشره ... وكلفتني السيارة مبلغاً وقدره ,,,, والأهم إني نجحت وبـ D :angel:


المشهد الثاني – وداع / غربة / فرحة وبرد :

الزمان : منتصف شهر June عام 2004 ..
المكان : الرياض .. مطار الملك خالد ... صالة الرحلات الدولية ..

المذيع الداخلي : تعلن الخطوط الجوية العربية السعودية عن موعد إقلاع رحلتها رقم .... والمتوجهة إلى مطار هيثرو في لندن ... فضلاً على ........ الخ.
التفت علي الوالد الله يطول بعمره : الله يسهل عليك .... مثل ما قلت لك ... الله الله بالصلاة ... حافظ على دينك وانتبه لنفسك ... كلها 3 شهور ولازم تستفيد من كل دقيقه فيها... فمان الله / فمان الله ... حبيت على راسه وتوجهت إلى البوابة ..


انتهى ذلك الصيف أيضاً ... كان الوداع في بدايته مؤلماً ... وكانت الغربة أشد ألماً ... ولكن الفرح كان عامراً في كثير من اللحظات ... وكان البرد والمطر شاهدان على كثيرِ من المواقف:) !!


المشهد الثالث – منك المال ومنها العيال / (( كل نفسٍ ذائقة الموت )) :

الزمان : بداية شهر August عام 2005 ..
المكان : جامعة الملك فهد للبترول والمعادن ..

بعد أسبوعٍ حافل بالمناسبات السعيدة – أدام الله أفراحكم – وبعد أن نفد ما في جعبتي من مصطلحات التهنئة ... وبعد أن امتلأ بطني بما لذ وطاب من أصناف الأكل والحلويات ... استيقظت باكراً ذلك الصباح وكالعادة أخذت كوب القهوة وركبت سيارتي متوجهاً إلى المحاضرة ... اعتدت أن أتسلى خلال الطريق ببرامج الصباح لإذاعة البحرين أو صوت الخليج .... ولكن على غير العادة تفاجأت أن كل الإذاعات كانت تبث تلاوةً للقرآن الكريم !!! انتظرت قليلاً حتى توقف البث .... ثم خرج صوت وزير الإعلام السعودي :
بيانٌ من الديوان الملكي .. انتقل إلى رحمة الله تعالى خادم الحرمين الشريفين الملك فهد بن عبدالعزيز آل سعود ملك المملكة العربية السعودية .....


الله يرحمك يا أبو فيصل .. :(



صباح / مساء الخير جميعاً :) .... لكلٍ منّا في فترة الصيف ذكريات مختلفة .. كان ما سبق جزء بسيط منها .... فالصيف بالنسبة لي يمثل خليطاً من الذكريات .. منها الجميل ومنها الحزين ... منها الخالد والباقي ... ومنها ما نتمنى زواله ... حينما يذكر الصيف ... تخطر في بالي أمورٌ كثيرة .. قد يكون بعضها متناقضاً .. ارتبط بالفضاوة سابقاً ثم بالأترام الصيفية وغثاها تالياً ... ارتبط بالجمعات العائلية وفي فترات أخرى ارتبط بالغربة !! يذكرني بالأفراح والزواجات ... كما يذكرني بأحداث محزنة وصعبة لاتفارق البال !!
للصيف طعمٌ رائع في زوايا (( الهايد بارك )) ... وأرصفة الشانزيليزيه ... كما أن له طعماً مختلفاً في إستراحات الرياض :d:

كانت هذه بعضاً من أوراقي ... خطرت في بالي مع قرب الصيف ... فتصفحتها معكم ... بانتظار مواقفكم وذكرياتكم ... ومرادفات الصيف في أذهانكم ..



تحياتي للجميع .. وآسف على الإطالة ..

[AWACS الهلال]

الزمان / شهر شوال 1413

المكان / بيت العائله بالروضه في الرياض

يوم الخميس مناسب كبيره وعشاء وسعة صدر ومقابلة ناس من زمان ما شفتهم (( عشان دراستي بالمنطقه الشرقيه ))

المهم أخوي الكبير يقول لي لا تتطول في السهر عشان رحلتك بكره وانا أقول لا تشيل هم (( مسوى فاهم وواثق بانه راح يقوم بسرعه من النوم ))

المهم رجعت البيت على صلاة الفجر وسويت نفسي توني مصلي بالمسجد وراجع للبيت عشان انام وأحطه نومه حتى الساعه 11.45 دقيقه صباحا او ظهرا مدري المهم الاقلاع الساعه 1300 ظهرا وقمت مثل المجنون لان ما في رحله بعدها ok واركب مع اخوي الصغير السياره وانا اسوق وما شي مليوووووون (( مسوي على بالي عبدالله خشب )) المهم وصلت الصاله وانا قاطع البوردنق من يوم الخميس المساء وأتجهت للبوابه (( 36 )) ما نسيتها من 14 سنه ووجدت الكارثه ...


















الطائره ترجع وراء وموظف الخطوط اول ما شافني بشنطتي وجاي اركض قال لي (( اكيد انت فلان الفلاني ))

قلت ايه وش دراك ...


توقعت بأنه راح يتوسط لي ... هههههههههههههههههه

قال




انت الوحيد في الطائره المتأخر وجميع الركاب حضروا في الوقت المناسب الا انت ..




تخيلوا الموقف وانا ودي أصيح وأبكي وطائره ترجع للوراء ببطء شديد ....












الزمان / 18/ 3 / 1419

المكان / الرياض


المناسب ليلة العمر

وانا جالس أحضر نفسي بالشقه والبس البشت وأنتظر (( السواقيين )) (( ولد أختى + خال زوجتى وهو صديقي في نفس العمل (( خالها اخو امها ))

المهم وانا أدق جوال عليهم وينك يا سب وانواع الاهانات فيهم عشانهم تاخروا على (( وانا مكبر الموضوع زعاطه بس ))

وكل شوى أقول لهم بالجوال (( بسرعه يا سواقيين يا عزوبيه ))

المهم وصلوا والابتسامه على وجيههم مليوووووووون والكلام الحلو والكلام المعسل يعني مسوى (( ولد شيوخ )) وهم الخدم عندي ..

المهم نزلت الى السياره (( BMW )) جديده وهم يفتحون لى الباب حق السياره (( عشان ما تخرب الشخصيه ))

المهم ونحن في الطريق من الشقه الى قاعة الاحتفالات حسيت بأن مسار (( الموكب )) ههههههههههههه تغير وانا (( والموكب )) نتجه نحو طريق الثمامه هههههههههههههههههههههههههههههههههههههههههههههههههههههههه

وخذ من الكلام والاهانات على وقلة الادب ورفع الظغط وقالوا الشباب يبون يباركون لك وهم ينتظرونا الان في المخيم في (( الصمان )) ههههههههههههههههههههههههههههههههههههههههههههههههههههههههههه

لا تفوتكم (( مخيم في عز الحر وعز الصيف )) وكله رفع ظغط لي عشان أسلوبي معهم وكلامي عليهم في الجوال ...

وفي نصف طريق الثمامه وبعد الاعتذارات التى قدمتها لهم (( حنوا على )) ورجعوني لقاعة الاحتفالات وانا وجهي (( أحمر من الزعل والحر )) ههههههههههههههههههههههههههههههههههههههههههههههههههههههههه

المصيبه بأن في نفس يوم زواجي صادف مباراة العمر بين (( فرنسا والبرازيل )) وفازت فرنسا فيها عام 98م بهدفيين لزيدان وثالث مدري منه يلي جابه ههههههههههههههههههههههههههههههههههههههههههههههههههههههه


المصيبه وقت العشاء (( الضيوف يتعشون )) والعريس انا (( في مكتب قاعة الاحتفالات )) أتفرج على الشوط الثاني وناس يبحثون عني وانا ناسيهم وناسي بأني عريس ومتحمس مع فرنسا حتى جاني اخوي الكبير وقال لي بالحرف الواحد (( والله انك مهبول ومنت بصااااااااحي ))ههههههههههههههههههههههههههههههههههههههههههههههههههههههههههههه

الضيوف يبحثون عنك وانت (( تتفرج على الكوره يا الخبل )) هههههههههههههههههههههههههههههههههههههههههههههههههههههههه


هذه أهم الاحداث في حياتي في فترة الصيف ولا أنساها ...

وتحيتي لكم

[ذيب آسيا]

^
^

:d:

مدزدين فيك بصراحه :p :d:

بس كويس اللي رحموك :jhgy: ... يعطيك العافيه على مرورك أخوي AWACS الهلال وبانتظار البقية ..



تحياتي :noo:

[عاشق العثرات]

المذيع الداخلي : تعلن الخطوط الجوية العربية السعودية عن موعد إقلاع رحلتها رقم .... والمتوجهة إلى مطار هيثرو في لندن ... فضلاً على ........ الخ.


الصيف صيف اللي مقضية طربان ... مطار هيثرو خاتمين جوازه :d:


راجع لك يا مبدع .. :)

الا تراني مرسل الرد من المغرب واشيك قبل شوي ما حصلته :yuupy:

[ذيب آسيا]

^
^

هلا هلا ... بانتظار عودتك ياغالي :magkiss:

[الأسبوعيـــــــــــهـ]

مشكرا لك موضوع جميل والصيف مواقف لاتنسي

[برستيج]

هلا بالذيب



يعنى لازم تذكرنا يالشين .. :d: .. سجل عندك ..

اليوم / صيف يوم الثلاثاء 1425هـ ..

الساعه / 2 الظهر ودرجة الحراره ( مليون ) .. :jhgy:

المكان / طريق الرياض البحرين .. :ignor:

اخوك في امان الله .. وماسك ذاك الخط وانواع المشروبات البارده مع التكييف اللي يحبه قلبك

وبعد ما سمعت صوت غريب في السيارة .. قلت اوقف اتطمن ..

واخوك وقف على جنب يشيك على السيارة .. وكان ( كتف ) الطريق مايل شوي .. شوي الى وباب

السيارة تقفل من الهواء ..

المفترض انه ينفتح لان ما فيه صاحي يقفل الابواب في مثل هالموقف .. لكن الواقع طلع مختلف عن

المفترض .. :eek:

تحاول تفتح السياره .. والا ما تحاول .. انسى .. :cry: .. تاشر لاحد يوقف .. والا ما تاشر .. انسى .. :cry:

ربع ساعه .. نص مع الرز ( قصدي ساعه ) .. :angel: .. ما حولك احد .. !!

للتذكير .. درجة الحراره ( مليون ) .. :jhgy:


طبعا ما يبيلها .. اقرب حصى وعليك بالدريشه .. خاصه ان الموتر شغال .. والحمد لله تمت العمليه بنجاح .. وهديت الاعصاب .. :asno:


كلها نص ساعه .. الا وامن الطرق ياشرون .. لا حووووووووووووول .. ويصرفون لاخوك تذكره ذهاب ( مخالفه ) .. :cry:


للتوضيح .. تذكرة المخالفة شملت سرعه + استمارة منتهيه .. وياقلب لا تحزن .. :cry:

تصدق ..

بغيت اعطي العسكري سالفة توقيفة الخط .. يمكن يحن علينا شوي .. ويخليها مخالفه وحده .. :angel:


اعتقد احلى من كذا موقف ما فيه .. (himo)

[الدعيــ ( 1 ) ــع]

هلا أبو حميد :magkiss:

مشاهد صيفية أجدت في وصفها وعيشتني هالمواقف معك ، مع أني شاركتك جزء منها :d: :d: بالذات الحادث :(
أنت تقول أن الصيف فيه تناقضات كثيرة .. أوفقك الرأي في هالشي ..
ولكني أزيدك أن الحياة بشكل عام هي مزيج من المتناقضات ..
الحياة فيها الخير والشر .. الصالح والطالح .. الحب والكره .. الحزن والفرح .. والكثير الكثير من المتناقضات ،،
<< عسى ما طلعت عن الموضوع بس ؟ :angel:


بالنسبة لذكرياتي مع الصيف ، فأجملها السفر .. وأتعسها الفضاوة والحر :d: :d:
تحيتي لك ، والله يعينك على هالصيف ..

[ذيب آسيا]

هلا بالذيب



يعنى لازم تذكرنا يالشين .. :d: .. سجل عندك ..

اليوم / صيف يوم الثلاثاء 1425هـ ..

الساعه / 2 الظهر ودرجة الحراره ( مليون ) .. :jhgy:

المكان / طريق الرياض البحرين .. :ignor:

اخوك في امان الله .. وماسك ذاك الخط وانواع المشروبات البارده مع التكييف اللي يحبه قلبك

وبعد ما سمعت صوت غريب في السيارة .. قلت اوقف اتطمن ..

واخوك وقف على جنب يشيك على السيارة .. وكان ( كتف ) الطريق مايل شوي .. شوي الى وباب

السيارة تقفل من الهواء ..

المفترض انه ينفتح لان ما فيه صاحي يقفل الابواب في مثل هالموقف .. لكن الواقع طلع مختلف عن

المفترض .. :eek:

تحاول تفتح السياره .. والا ما تحاول .. انسى .. :cry: .. تاشر لاحد يوقف .. والا ما تاشر .. انسى .. :cry:

ربع ساعه .. نص مع الرز ( قصدي ساعه ) .. :angel: .. ما حولك احد .. !!

للتذكير .. درجة الحراره ( مليون ) .. :jhgy:


طبعا ما يبيلها .. اقرب حصى وعليك بالدريشه .. خاصه ان الموتر شغال .. والحمد لله تمت العمليه بنجاح .. وهديت الاعصاب .. :asno:


كلها نص ساعه .. الا وامن الطرق ياشرون .. لا حووووووووووووول .. ويصرفون لاخوك تذكره ذهاب ( مخالفه ) .. :cry:


للتوضيح .. تذكرة المخالفة شملت سرعه + استمارة منتهيه .. وياقلب لا تحزن .. :cry:

تصدق ..

بغيت اعطي العسكري سالفة توقيفة الخط .. يمكن يحن علينا شوي .. ويخليها مخالفه وحده .. :angel:


اعتقد احلى من كذا موقف ما فيه .. (himo)


هلا بمشرفنا الغالي :magkiss:

على نياتكم ترزقون يابربر :angel:
بالله وش هالمسكه !
لحالك ، صيف ، وسط الأسبوع ، الظهر ، ورايح للبحرين !! :eek:
الله يعطيك مسكات بس :d:

بس اعترف .... مريت مدرعم قبل ماتوصل الجسر ولا لا ؟ :angel:


تحياتي لك ولردك الحلو :magkiss:

[أخو دلال]

جايك يالمليون جايك (himo)

[hilal.com]

الزمان / صيف عام 1407 هـ :angel: << تراي منيب شايب

المكان / بيتنا في الديره

في ايام الصيف بدأت السهرات الطوال والليالي الملاح

ومع بداية الإجازه قرر جارنا ابو سلطان زيارتنا في الديره

هو وعائلته وتم ذلك وفرحنا بمقدمه وفليناها مع عيال الجيران

ولكن كانت الطامة في اول يوم وصل فيه الجار وعائلته

استقبلت عيال جيراننا واخذتهم الى سطح المنزل اعلمهم لعبه جديده

في زعمي انني اول من اكتشفها (rambo) الا وهي التزحلق على الدرابزين

وكان الدرابزين خرساني دائري املس يعطيك طراوه وانت ماغط

البداية تكون من السطح وانتهاءً بالقبو يعني 3 ادوار كامله غير منقوصه

بدأت بتعليمهم كيفية طريقة التزحلق وكيف لازم الواحد ياخذ عزم وهو

مدحدر :d: المهم تونا مسمين وبادين اخذت لي لفتين وانواع التشجيع

والحماس :mad: المهم اللفه الثالثه وانا نازل من السطح تزلق يدي من

الدرابزين ولا وقفت الا في القبو وعينك ماتشوف الا العصافير فوق راسك

مثل حقت توم وجيري :zael: المهم انفلق راسي وانكسرت رجلي اليمين

من الفخذ وشهر كامل في المستشفى وخربت على عيال جيراننا اجازتهم :cry:

لا ومن زين الطبايع مسوي فيها ( احسن واحد يتزحلق ) :angel:


وباقي الافلام تأتي تباعاً في الحلقه القادمه :noo:

[ابوسعد الهلالي]

انتظرني يالذيب بس لين صحيت من قيلولتي باذن الله (himo)

لان مخي الحين مافيه الا زحمة طريق الملك فهد والشمس اللي تقطع القلب بحرارتها :(

[ذيب آسيا]

هلا أبو حميد :magkiss:

مشاهد صيفية أجدت في وصفها وعيشتني هالمواقف معك ، مع أني شاركتك جزء منها :d: :d: بالذات الحادث :(
أنت تقول أن الصيف فيه تناقضات كثيرة .. أوفقك الرأي في هالشي ..
ولكني أزيدك أن الحياة بشكل عام هي مزيج من المتناقضات ..
الحياة فيها الخير والشر .. الصالح والطالح .. الحب والكره .. الحزن والفرح .. والكثير الكثير من المتناقضات ،،
<< عسى ما طلعت عن الموضوع بس ؟ :angel:


بالنسبة لذكرياتي مع الصيف ، فأجملها السفر .. وأتعسها الفضاوة والحر :d: :d:
تحيتي لك ، والله يعينك على هالصيف ..


<< مادّ راسه .. عشان تطبع قبله على جبيني :kello: :d: :d:

كلامك صحيح ... بس لاتطلع من الموضوع مره ثانيه :angel:

آمين .. شاكر لك مرورك ياحوبي :kello:


تحياتي .. :noo: :d:

[ذيب آسيا]

أخو دلال ... وفي رواية أخرى (( حبيب برستيج )) :d:
بانتظارك ياغالي :magkiss:




الزمان / صيف عام 1407 هـ :angel: << تراي منيب شايب

المكان / بيتنا في الديره

في ايام الصيف بدأت السهرات الطوال والليالي الملاح

ومع بداية الإجازه قرر جارنا ابو سلطان زيارتنا في الديره

هو وعائلته وتم ذلك وفرحنا بمقدمه وفليناها مع عيال الجيران

ولكن كانت الطامة في اول يوم وصل فيه الجار وعائلته

استقبلت عيال جيراننا واخذتهم الى سطح المنزل اعلمهم لعبه جديده

في زعمي انني اول من اكتشفها (rambo) الا وهي التزحلق على الدرابزين

وكان الدرابزين خرساني دائري املس يعطيك طراوه وانت ماغط

البداية تكون من السطح وانتهاءً بالقبو يعني 3 ادوار كامله غير منقوصه

بدأت بتعليمهم كيفية طريقة التزحلق وكيف لازم الواحد ياخذ عزم وهو

مدحدر :d: المهم تونا مسمين وبادين اخذت لي لفتين وانواع التشجيع

والحماس :mad: المهم اللفه الثالثه وانا نازل من السطح تزلق يدي من

الدرابزين ولا وقفت الا في القبو وعينك ماتشوف الا العصافير فوق راسك

مثل حقت توم وجيري :zael: المهم انفلق راسي وانكسرت رجلي اليمين

من الفخذ وشهر كامل في المستشفى وخربت على عيال جيراننا اجازتهم :cry:

لا ومن زين الطبايع مسوي فيها ( احسن واحد يتزحلق ) :angel:


وباقي الافلام تأتي تباعاً في الحلقه القادمه :noo:




هلا فيك هلالي دوت كوم :angel:

أول شي ... الحمدلله على سلامتك :)
ثاني شي .. ههههههههههههههههههههههههههههههه :d:

قطعت بطني من الضحك ...

خوش لعبه والله :angel:

ماينفع الحين نلعبها ؟ :d:


تحياتي لك .... وبانتظار باقي أفلامك (himo)





انتظرني يالذيب بس لين صحيت من قيلولتي باذن الله (himo)

لان مخي الحين مافيه الا زحمة طريق الملك فهد والشمس اللي تقطع القلب بحرارتها :(


هلا والله وغلا أبو سعد :magkiss:
مخمخ على راحتك ... وبانتظارك بعد ماتروق (himo)

[نوااااااااف11]

هلا بالذيب

الزمان في صيف متنيل بالحر
المكان منفذ النويصيب - الرقعي
كنا 3 بسياره راجعين من الكويت للسعوديه وخوينا حاط رجله المهم
كان ماسك الخط اللي بالنص ومع السواليف كان الخط في حديده طايحه من تريله
مدري وش سالفتها المهم خوينا وطا طرف الحديده وسمعنا شي قال دب :q:
الا ونشوف عداد البنزين نزل تحت ونوقف على جنب ياولد الحديده
جابت العيد بتانكي البنزين وطلع البنزين كله زين ماقبع الموتر بشرار كان صرنا
3حبات على الفحم :angel: المهم وقفنا السياره والطريق قطعه مافيه احد وبالليل
ونلقا راعي جمس جاي ونأشر له ويوقف قلنا له اسحب السياره لين نطلع بها من الكويت
لان باقي شوي على المنفذ الرجال ماقصر سحب السياره لين الجمارك وقف نزلنا ورحنا نختم الجوازات خروج بس باقي المشكله السياره هناك ونرجع ندفها لين وصلنا جمارك السعوديه
شافنا العسكري قال هيه انتم رايحين ولاجايين :jhgy: قلنا لاجايين بس سيارتنا خربت
وندف السياره لين دخلنا الرقعي الباقي موب لازم سواليف تضيق الصدر ومرمطه :confused: لين وصلنا الرياض
الحين الموضوع سواليف ولا ايش :d:

[هلالي اكاديمي]

حي الله الذيب الكي اف يو بي امي :angel:
نورت الساحه .. مع ان موضوعك يبي له تفكير ومثل عارف نكره نفكر قبل الفاينلات :d:


الزمان : صيف سنه من السنين قبل سنتين :angel:
المكان : ما

قدر الله علي وسافرت لجده قلت ابي اروح لخالي واجلس معاه وخصوصا ان لي فترة عنه ولا اعرف شكله مزبوط :d: رحت لجده واطب المطار وادق عليه ما يرد .. عاد دقيت على واحد من اخوياي (يبي يضمن يلقى احد يقابله بالمطار :d: ) ولا رد خويي :yuupy: قمت ارسلت له رساله وقلت له انا بالمطار .. تأخر علي هو بعد ما دق علي :yuupy: قمت دقيت على واحد ثالث من الشباب وقلت له انا بجده بالمطار بتجي ولا ارجع الشرقيه :d: قال لي انا بالصفااا ربع ساعه واانا عندك .. جلست ربع ساعه نص ساعه ولا احد جا :yuupy:
قمت كرهت جده واهل جده كلللهم وطلعت برا المطار باخذ لي شقه لين القى لي حجز .. وانا برى إلا والقى خويي راعي الصفا ... قلت له وينك ياخي ترى انتظرتك نص ساعه (عصّبت عليه مسكين :angel: ) قام طالعني يقول يا خوووووي من اليوووووووم ادق على جوااااااالك يعطيني مفصووووووووووول :angel: :angel:
عاد توني تذكرت اني محول الجوال على رقمي الثاني علشان اشغل البلوتوث بالطايره :d: :d:
عاد افك التحويل شوي ويدق خالي ويدق خويي الثاني يلعنون ويسبون ..لين جوني المطار كلهم و خلوني أكره جده من قلب :d:
عاد تكفي هالسالفه ما ودي اكمل لان صارت سوالف هناك تجعل الولدان شيبا :angel:



الله يعطيك العافيه يالذيب ما قصرت :d:

[abdulmajeed_1]

في البداية :
ذيب آسيا .. ، قَلم عامض وعقلا ً يُخفي وراءه الحكمه والحنكه والمكر والدهاء والعديد من الإبداعات ولكنه للأسف في قمة البُخل :lkj: ،
نسأل المولى عز وجل أن ينفع به دينه وأهله ووطنه ، وينفع به ساحة النبلاء الساحه العامه ، رُغما ً عنه ! http://www.asmilies.com/smiliespic/crazy/008.gif

\

المشهد : - (( مــشكلة اللي يسافر مع أهله )) - !!
الزمان : الخميس مساءا ً ، أحد خميسات عطلة الصيف الماضيه .. !
المكان : الخبر ، شقه خمس نجوم ورايقه مره .. !

يوم من ايام الاجازه الصيفيه الماضيه جاء لي الوالد وقال تخاوي معنا للخبر ؟ قلت قدام يابو داحم :angel:
< تلاحظون فالها مع ابوه شوي :d:

! قال على موترك ولا نروح بموترن واحد ؟ قلت لا معكم ! :)
وبصراحه كانت لي فتره طويله ماسافرت مع العايله .. !

وكعادة من يُسافر مع عائلته ، يقضي طول الطريق خلف مُقود اللاند ، يطرب لبكاء البزارين
ولمضارباتهم ، وإذا وَصَل للمدينة التي أراد التوجه إليها أخذ يدور ويدور في المدينه مسافة ً
كتلك التي قطعها ليصل إليها ، المُهم ، وبعد أن اسقرينا في شقة كان سعرها مبالغ فيه جدا ً
كأسعار جميع مصايف مملكتنا والمحاسب مصري لعّاب نصااب والوالد حبوب وعلى نياته ،

جاء دور التمشيات والفله ، وللأسف فاجأني الوالد ان كل تمشياته لاخته
أو بنت اخته وقضى الرحله كلها مسايير×مسايير

< اخته :confused: وين يالحبيب :d:

ومسيار هنا ومسيار هناك .. وابو نورة عيا يروح معهم للمسايير وطنقر و خاس بالشقه كم يوم :zael:
واذا قلت نبي لنش وكورنيش وفلة حجاج ، ليش بس مسايير ..


قالوا من انت طال عمرك عشان تآمرنا وتقولنا ليش ويتجمعون كل ابوهم ضدك
عاد بعض البزارين يغثك ويصير ضدك بس عشان يشبك مع الوالد :yuupy:


ختاما ً .. عذرا ً والدي العزيز لن أذهب معك مره أخرى برحله مسايير
والله لايعيده من غثى ياشيخ .. والله إن الصيفي أبرك خمس آلاف مره ! :angel:


الله عليك يا ذيب .. والله على أفكارك يامبدع :yes:

_______
تششآإوووو
_______




* ذيب ترا صار لي نفس اللي صار لعاشق :yuupy: ، مرسل الرد وقت ما كنت مواصل الساعه 8 الصبح :lkj:

[ذيب آسيا]

هلا بالذيب

الزمان في صيف متنيل بالحر
المكان منفذ النويصيب - الرقعي
كنا 3 بسياره راجعين من الكويت للسعوديه وخوينا حاط رجله المهم
كان ماسك الخط اللي بالنص ومع السواليف كان الخط في حديده طايحه من تريله
مدري وش سالفتها المهم خوينا وطا طرف الحديده وسمعنا شي قال دب :q:
الا ونشوف عداد البنزين نزل تحت ونوقف على جنب ياولد الحديده
جابت العيد بتانكي البنزين وطلع البنزين كله زين ماقبع الموتر بشرار كان صرنا
3حبات على الفحم :angel: المهم وقفنا السياره والطريق قطعه مافيه احد وبالليل
ونلقا راعي جمس جاي ونأشر له ويوقف قلنا له اسحب السياره لين نطلع بها من الكويت
لان باقي شوي على المنفذ الرجال ماقصر سحب السياره لين الجمارك وقف نزلنا ورحنا نختم الجوازات خروج بس باقي المشكله السياره هناك ونرجع ندفها لين وصلنا جمارك السعوديه
شافنا العسكري قال هيه انتم رايحين ولاجايين :jhgy: قلنا لاجايين بس سيارتنا خربت
وندف السياره لين دخلنا الرقعي الباقي موب لازم سواليف تضيق الصدر ومرمطه :confused: لين وصلنا الرياض
الحين الموضوع سواليف ولا ايش :d:







هلا حطعش :magkiss:

كويس مهوب بس أنا مقرود :angel:
من جد موقف قــــــــلــــــــــق :zael: !!!
بس أحس شكلكم عند الجمارك كان تــحـــفــه :d:

وترى الموضوع سواليف .... بس مهوب أي سواليف .... سواليف صيف بس ... يعني الشتشته برا :angel:


تحياتي لك ... وشاكر مرورك (himo)

[الذيب وبس]

حياالله السمي :magkiss: ,,

استلم (himo) ,,

الزمان : صيف 2005 ,, يعني الصيف الي قبل الي فات <<لاياشيخ :d: ,,

المكان : احد قصور الافراح ,,

السالفة ومافيها ياطويل العمر الوالد كان مشغول يومها وقالي ابيك تروح عني لزواج وتعطيهم رفد <<<عاد مدري انتم وش تسمونه :angel: ,, المهم رحت وكانت منطقة كلها قصور واستراحات ,, واخش القصر ولقيت العريس كان جالس لحاله ( وانا ماعرف الا ابو المعرس ) المهم سلمت وعطيته الرفد ,, وجلست شوي شفت واحد مو غريب علي سلمت عليه وجلس جنبي وبعدين عرفته ( خوي واحد من الشباب وقابلته اكثر من مرة ) قلت له ماشاءالله من وين تعرف المعاريس ,, قالي العريس يصير ولد خالي ,, قلت يعني ماشاءالله عم منصور يصير خالك ( هذا خوي الوالد الحين ) قالي منهو منصور ,, قلت له ابو العريس قالي لا ابوالعريس اسمه عبدالله :angel:


يعني الزبده ومافيها اني غلطت بالقصر ودقيت على الوالد قلت له بالسالفة واني عطيتهم الرفد ,, ولعن ابو خيري :angel: وحدث مالايحمد عقباه :q:

وطبعا ما قلت السالفة للرجال ( اني غلطان بالقصر ) صرفت السالفة وقلت له ان االوالدة تعرف اهل العروس وجيت معها :angel: ,, واشوا انهم حطوا العشاء بدري ,,


عساكم فهمتوا شيئ بس :angel: ,,


تحياتي لك يالسمي :magkiss:

[ابوسعد الهلالي]

المشهد : اتمشى على البحر
الزمان : في صيف احد الاعوام السابقه
المكان : احدى المدن الساحليه التي تطل على المحيط الاطلسي

طلعت من الفندق طاق الشورت وكانت درجة الحراره تقارب 15 - 20 دقريز سنتي قريت (himo)
وطلعت اشم نسيم البحر العليل وكان يوم السبت مدري الاحد يعني ويك اندز عندهم (himo)
ومعروف في هالوقت كل العالم تطلع ع البحر اللي يصيد سمك واللي يسبح واللي ياخذ حمّام شمسي :love:
مالكم بالطويله فجأه تحول الجو الى غائم ممطر خلال ثواني معدوده وكان مطر على شكل هتان خفيف من اروع ما رأيت :kello:
البحر - المطر - الخضره - الوجه الحسن :angel: اظافه للجو الرائع والعالم في الرياض فاطسين حر .. وش تتوقع الشعور اللي بيتولد عندك في هاللحظات !!

لحظات لاتنسى ..

وانتظر المشهد الاخر بس انذر تايم :fghty:

[ذيب آسيا]

حي الله الذيب الكي اف يو بي امي :angel:
نورت الساحه .. مع ان موضوعك يبي له تفكير ومثل عارف نكره نفكر قبل الفاينلات :d:


الزمان : صيف سنه من السنين قبل سنتين :angel:
المكان : ما

قدر الله علي وسافرت لجده قلت ابي اروح لخالي واجلس معاه وخصوصا ان لي فترة عنه ولا اعرف شكله مزبوط :d: رحت لجده واطب المطار وادق عليه ما يرد .. عاد دقيت على واحد من اخوياي (يبي يضمن يلقى احد يقابله بالمطار :d: ) ولا رد خويي :yuupy: قمت ارسلت له رساله وقلت له انا بالمطار .. تأخر علي هو بعد ما دق علي :yuupy: قمت دقيت على واحد ثالث من الشباب وقلت له انا بجده بالمطار بتجي ولا ارجع الشرقيه :d: قال لي انا بالصفااا ربع ساعه واانا عندك .. جلست ربع ساعه نص ساعه ولا احد جا :yuupy:
قمت كرهت جده واهل جده كلللهم وطلعت برا المطار باخذ لي شقه لين القى لي حجز .. وانا برى إلا والقى خويي راعي الصفا ... قلت له وينك ياخي ترى انتظرتك نص ساعه (عصّبت عليه مسكين :angel: ) قام طالعني يقول يا خوووووي من اليوووووووم ادق على جوااااااالك يعطيني مفصووووووووووول :angel: :angel:
عاد توني تذكرت اني محول الجوال على رقمي الثاني علشان اشغل البلوتوث بالطايره :d: :d:
عاد افك التحويل شوي ويدق خالي ويدق خويي الثاني يلعنون ويسبون ..لين جوني المطار كلهم و خلوني أكره جده من قلب :d:
عاد تكفي هالسالفه ما ودي اكمل لان صارت سوالف هناك تجعل الولدان شيبا :angel:



الله يعطيك العافيه يالذيب ما قصرت :d:





هلا والله أبو كدم :magkiss:
هههههههههههههههههههههههههههههههه
ياخي يوم بعد يوم أكتشف إن عندنا عاهات بالشبكه :ignor: :d: ههههههههههههههههههه

والله ياموقفك بااااااااااااايخ :d:
شفت كيف ؟ ... هذا اللي طلعت فيه من البلوتوث :angel:

أبو كدم .... عطنا عطنا من هالسواليف تكفى خل نضحك :d: :d:


تحياتي ياحلو :magkiss:

[ابوسعد الهلالي]

نمبر (2)

المشهد : طاقتني الغلقه
الزمان : الصيف الماضي
المكان : في بيتنا بالرياض

مع بداية الاجازه الصيفيه والعالم يودعون بعض للسفر طقتني الغلقه وجتني صخاين الدنيا والاخره لدرجة اني قلت هذاالحق الله يعين على الدنيا بخير !!
صرت بيتوتي اقصد ما افارق الفراش .. والسياره معاد تحركت من القراش .. ومعاد ادري وش اللي يوجعني .. رحت المستشفى قالي الدكتور شكلك مافيك شي .. قلت منيب اكل شي .. وعطاني علاج .. وبرضوا ماهنا شهيه للاكل !!
صار زواج ولد عمي قلت لاخواني روحوا وانا ان قدرت اشيل نفسي الوعد القصر وان ماقدرت تعذروا لي منه .. جت الساعه 10 مساء قلت ياولد ابن عمك مابدهاش وانقز من السرير واخذ دش واروح القصر حتى اتذكر انه في الطريق كنت اتناقش مع احد الاخوان من مشرفين الشبكه بالجوال عن اوضاع الهلال .. اخر الاجازه حسيت نفسي خفيت واخذت الوالده وعلى مكه ((دوغري :angel: )) لمدة اسبوع وارجع وادز لي اسبوع((دوغري ثاني :angel: )) للشرقيه .. ومع بداية الدوام داومت الحمد لله ولا كأنه كان فيني شي !!

الله لايعيدها من غلقه (himo)

[برستيج]

حي الله الذيب الكي اف يو بي امي :angel:
نورت الساحه .. مع ان موضوعك يبي له تفكير ومثل عارف نكره نفكر قبل الفاينلات :d:


الزمان : صيف سنه من السنين قبل سنتين :angel:
المكان : ما

قدر الله علي وسافرت لجده قلت ابي اروح لخالي واجلس معاه وخصوصا ان لي فترة عنه ولا اعرف شكله مزبوط :d: رحت لجده واطب المطار وادق عليه ما يرد .. عاد دقيت على واحد من اخوياي (يبي يضمن يلقى احد يقابله بالمطار :d: ) ولا رد خويي :yuupy: قمت ارسلت له رساله وقلت له انا بالمطار .. تأخر علي هو بعد ما دق علي :yuupy: قمت دقيت على واحد ثالث من الشباب وقلت له انا بجده بالمطار بتجي ولا ارجع الشرقيه :d: قال لي انا بالصفااا ربع ساعه واانا عندك .. جلست ربع ساعه نص ساعه ولا احد جا :yuupy:
قمت كرهت جده واهل جده كلللهم وطلعت برا المطار باخذ لي شقه لين القى لي حجز .. وانا برى إلا والقى خويي راعي الصفا ... قلت له وينك ياخي ترى انتظرتك نص ساعه (عصّبت عليه مسكين :angel: ) قام طالعني يقول يا خوووووي من اليوووووووم ادق على جوااااااالك يعطيني مفصووووووووووول :angel: :angel:
عاد توني تذكرت اني محول الجوال على رقمي الثاني علشان اشغل البلوتوث بالطايره :d: :d:
عاد افك التحويل شوي ويدق خالي ويدق خويي الثاني يلعنون ويسبون ..لين جوني المطار كلهم و خلوني أكره جده من قلب :d: عاد تكفي هالسالفه ما ودي اكمل لان صارت سوالف هناك تجعل الولدان شيبا :angel:



الله يعطيك العافيه يالذيب ما قصرت :d:




حلوه تكره جده .. :d:

شين وقوي عين .. :amle:







حياالله السمي :magkiss: ,,

استلم (himo) ,,

الزمان : صيف 2005 ,, يعني الصيف الي قبل الي فات <<لاياشيخ :d: ,,

المكان : احد قصور الافراح ,,

السالفة ومافيها ياطويل العمر الوالد كان مشغول يومها وقالي ابيك تروح عني لزواج وتعطيهم رفد <<<عاد مدري انتم وش تسمونه :angel: ,, المهم رحت وكانت منطقة كلها قصور واستراحات ,, واخش القصر ولقيت العريس كان جالس لحاله ( وانا ماعرف الا ابو المعرس ) المهم سلمت وعطيته الرفد ,, وجلست شوي شفت واحد مو غريب علي سلمت عليه وجلس جنبي وبعدين عرفته ( خوي واحد من الشباب وقابلته اكثر من مرة ) قلت له ماشاءالله من وين تعرف المعاريس ,, قالي العريس يصير ولد خالي ,, قلت يعني ماشاءالله عم منصور يصير خالك ( هذا خوي الوالد الحين ) قالي منهو منصور ,, قلت له ابو العريس قالي لا ابوالعريس اسمه عبدالله :angel:


يعني الزبده ومافيها اني غلطت بالقصر ودقيت على الوالد قلت له بالسالفة واني عطيتهم الرفد ,, ولعن ابو خيري :angel: وحدث مالايحمد عقباه :q:

وطبعا ما قلت السالفة للرجال ( اني غلطان بالقصر ) صرفت السالفة وقلت له ان االوالدة تعرف اهل العروس وجيت معها :angel: ,, واشوا انهم حطوا العشاء بدري ,,


عساكم فهمتوا شيئ بس :angel: ,,


تحياتي لك يالسمي :magkiss:

:d: :d:

دامك غلطت في القصر وتجملت مع ناس ما تعرفهم .. كان سكت انت وخشتك

والا متعود على الجلد :angel:

[قلبها ازرق]

^^^^

برستيج حتى انت صرت مثل ابو نوره ملقوف تقط بالردود بمواضيع الاعضاء :angel:


اهلين ذيب

الزمان : صيف من الاحوال الجويه

المكان : ارض على الكُره الارضيه :jhgy:

كنا طالعين الاستراحه من الفجر وبعدها نروح للاستراحه الثانيه لانا معزومين على حفله :jhgy:

المهم مافيه الا حنا واهل عمي وبس ننتظر اختي متى تجي وناخذ بعضنا ونروح للاستراحه اللي فيها

الحفله << تشرح من قلب :d: وجت وياليتها ماجت :angel: وقعدت تسولف علينا وقالت

السالفه وهي انه فيه حرمه عندهم يحول نسًايه يعني تنسى على طول << يابنت كملي شايفتهم مثل

فهمتس :jhgy: وهاذي الحرمه سيرت عند ناس بس هي لحالها حطها ولدها من العصر ورجع لها

العشاء المهم ولدها ينتظرها بالسياره وطلعت له هي وركبت وتتوقعون وش نست :yuupy:

جزماتها :ignor: وانتم بكرامه << ماتابت للحين تضحك المهم انا بس سمعت السالفه قسم بالله بس

امسح دموعي :d: من الضحك الله لا يبلانا راح الصبح والضهر والعصر وكلن يتجهز على شان

نروح للاستراحه الثانيه :jhgy: المهم اللي خلصت تروح للسياره وتوكل انا خلصت وطلعت ابي

البس جزمتي وش صار والله العظيم اني مالقيتهم :yuupy: وعلى طول جا ببالي سالفة الحرمه

:yuupy: واروح اقلب الاستراحه فوق تحت وامي راحت وقالت الحقينا اذا لقيتيها كلهم راحوا :yuupy:

الا بنت عمي وانا بس ومافيه الا سياره وحده ومافيه امل اني اروجع للبيت لا نه مشوار واروح

ادور يمكن والله 20 مره قلبت الاستراحه وقالت لي تستاهلين هاذا جزاتس لا عاد تضحكين على احد

المشكله اني مااتعظ :angel: والاستراحه مافيها جزم قالت مافيه الا انتس تروحين بدون جزمه

مثل الحرمه النسايه :yuupy: قلت الا وش رايتس تعطيني جزمتس وحده وانتي وحده ونلزق بعض

ونجلس مع بعض عشان مااحد يشوفنا :jhgy: المهم راح العصر وجا المغرب والسياره يالله امشي

انتي وياها وانا البس عبايتي بدون جزمه واناظر لرجولي :yuupy: واضحك :d: وابكي :cry:

فجأه مرً راكان ولد عمي عمره 5 سنوات وسبحان الله بس سألته كذا ماشفت جزمات بيج لونهم قال

الا :yuupy: وااقف انا وبنت عمي وناظر له من وين يطلعهم والا حاطهم تحت الزرع حق

النعناع :jhgy: قلت له تعال ليه تاخذهم وكنت وقتها ماسكه اعصابي :) قال انا مريت عند المجلس

اللي انتم جالسين فيه وشفت الجزمات اللي جزماتي واخذتهم لانهم اعجبوني وقلت ارفعهم عن البزارين

عشان مايوصخونهم لان جزماتس احلاهم انا استانست :angel: وعصبت بنفس الوقت << طلعت

سندريلا << سندريلا تضيع فرد واحد من الجزمه مو الجزمه كلها << سندريلا السعوديه :jhgy:

المهم اني انفجرت عليه وركض بالاستراحه طردي وراه :angel:

وانا اقولكم لا تضحكون على شيء عشان الله مايبلاكم << علمي نفستس ماضيع مستقبلتس الا هالشيء :angel:

[magnooooon samio]

السلام عليكم
الزمن / الصيف الماضي
المكــان / ضواحي لندن
المشـــهد /
كنت ادرس في بريطانيا وعندما انتهت الاختبارات وانتظرت النتجيه وبعدها قررت العودة الى الرياض .
في يوم الاربعاء الاول من شهر يوليو 6 ميلادي تدق ساعة الصفر عندما اعلنت مذيعة الصاله الثانيه في مطار هيثرو عن فتح البوابه رقم 54 والمتجهه الى مطار ابوظبي الدولي عندها كنت انا في طابور طويل لا ترى اخره عند رجال الامن .
وبعد لحظات لم اخطو بها سوى عدة امتار وكان الاعلان الثاني .
وعندما ايقنت ان طائرتي قد تذهب بدوني فاذا بالمضيفة تنادي على نفس الرحلة المتجهه الى ابوظبي ولسوء حظي لم انتبه لها في المرة الاولى ولا في الثانيه (الحين اللي يقرأ يقول وشلون )
الجواب سهل وهو /
في المرة الثالثه قالت لي بالعربي : اانت اماراتي ؟ فقلت لها : لا سعودي ولكن لماذا؟
فقالت : لاني انادي كل رجل اشك في ذهابه الى مطار ابوظبي ولكن لا احد يجيب ؟
فقلت لها بكل برود : وعن من تبحثين ؟
فقالت : اسمــي الرباعي كاملا .
فقلت : انا هو .فقلت : اتيت اليك وقلت واعلنت باعلى صوتي طائرة ابوظبي اكثر من مرتين وثلاث ايضا ولم تجب.
فقلت : ان بالي ليس مع احد .
فأسرعت بادخالي الى طابور المضيفين والمضيفات في جميع الرحلات وتم تفتيشي وووقتها كانت قد سبقتني بالذهاب .
وعند وصولي الى مقر التفتيش تأخرت هناك بسبب استعجالي فقد نسيت ان اخرج الحزام وايضا الكمبيوتر المحمول .
وعندما خرجت من التفتيش رأيت اللوحه تشير الى ان بوابه 54 تبعد مسير 15 دقيقه من السوق الحره .
فما كان مني الا ان ركضت ركضا كانه ركض هادي صوعان (معليش لازم اثاره)
وعندما وصلت الى بوابه 50 فأذا بالمضيفه اتت وقلت في نفسي ان الرحله قد غادرت ولكن رددت على نفسي :
اولا : كيف تغادر الطائرة والمضيفه امامك .
ثانيا : لايمكنه المغادرة من دونك اذا كنت قد اودعت امتعتك وقصصت بطاقه الصعود .
بعدها قامت المضيفه وقالت لي اركب على السيارة فقلت لها :
بدري ... لقد تأخرتي كثيرا ...
فتركتها خلفي ذهابا الى الطائرة .. فعندما دخلت وجدت شخصا سعوديا قد التقيت به في السابق فقال لي : انت الي مأخرنا ..
فقلت : وش اسوي !! نصيب ....
وانا متجهه الى مقعدي لا ارى سوى اعينٌ تنظر الي بكل مااوتيت من تعال وحقد ...
واسف على الاطالة ...

[ذيب آسيا]

بااااااااااااك :angel:
غربلتنا الاختبارت الله يغربلها :jhgy:





في البداية :
ذيب آسيا .. ، قَلم عامض وعقلا ً يُخفي وراءه الحكمه والحنكه والمكر والدهاء والعديد من الإبداعات ولكنه للأسف في قمة البُخل :lkj: ،
نسأل المولى عز وجل أن ينفع به دينه وأهله ووطنه ، وينفع به ساحة النبلاء الساحه العامه ، رُغما ً عنه ! http://www.asmilies.com/smiliespic/crazy/008.gif

\

المشهد : - (( مــشكلة اللي يسافر مع أهله )) - !!
الزمان : الخميس مساءا ً ، أحد خميسات عطلة الصيف الماضيه .. !
المكان : الخبر ، شقه خمس نجوم ورايقه مره .. !

يوم من ايام الاجازه الصيفيه الماضيه جاء لي الوالد وقال تخاوي معنا للخبر ؟ قلت قدام يابو داحم :angel:
< تلاحظون فالها مع ابوه شوي :d:

! قال على موترك ولا نروح بموترن واحد ؟ قلت لا معكم ! :)
وبصراحه كانت لي فتره طويله ماسافرت مع العايله .. !

وكعادة من يُسافر مع عائلته ، يقضي طول الطريق خلف مُقود اللاند ، يطرب لبكاء البزارين
ولمضارباتهم ، وإذا وَصَل للمدينة التي أراد التوجه إليها أخذ يدور ويدور في المدينه مسافة ً
كتلك التي قطعها ليصل إليها ، المُهم ، وبعد أن اسقرينا في شقة كان سعرها مبالغ فيه جدا ً
كأسعار جميع مصايف مملكتنا والمحاسب مصري لعّاب نصااب والوالد حبوب وعلى نياته ،

جاء دور التمشيات والفله ، وللأسف فاجأني الوالد ان كل تمشياته لاخته
أو بنت اخته وقضى الرحله كلها مسايير×مسايير

< اخته :confused: وين يالحبيب :d:

ومسيار هنا ومسيار هناك .. وابو نورة عيا يروح معهم للمسايير وطنقر و خاس بالشقه كم يوم :zael:
واذا قلت نبي لنش وكورنيش وفلة حجاج ، ليش بس مسايير ..


قالوا من انت طال عمرك عشان تآمرنا وتقولنا ليش ويتجمعون كل ابوهم ضدك
عاد بعض البزارين يغثك ويصير ضدك بس عشان يشبك مع الوالد :yuupy:


ختاما ً .. عذرا ً والدي العزيز لن أذهب معك مره أخرى برحله مسايير
والله لايعيده من غثى ياشيخ .. والله إن الصيفي أبرك خمس آلاف مره ! :angel:


الله عليك يا ذيب .. والله على أفكارك يامبدع :yes:

_______
تششآإوووو
_______




* ذيب ترا صار لي نفس اللي صار لعاشق :yuupy: ، مرسل الرد وقت ما كنت مواصل الساعه 8 الصبح :lkj:






:kello: << راح وطي مع المكر والدهاء :d: :d:
ياحبي لك ياأبو نورة :magkiss:
منور والله ..

وبالنسبة لسالفتك .. الواحد يتعلم من أخطاؤه .. أنا آخر مره سافرت مع أهلي يوم كنت بثالث متوسط :kany:

بس بصراحه أعجبتني موانتك على أبو داحم :d: :d: :d:

مشكور على مرورك ياحلو :magkiss:

[ذيب آسيا]

حياالله السمي :magkiss: ,,

استلم (himo) ,,

الزمان : صيف 2005 ,, يعني الصيف الي قبل الي فات <<لاياشيخ :d: ,,

المكان : احد قصور الافراح ,,

السالفة ومافيها ياطويل العمر الوالد كان مشغول يومها وقالي ابيك تروح عني لزواج وتعطيهم رفد <<<عاد مدري انتم وش تسمونه :angel: ,, المهم رحت وكانت منطقة كلها قصور واستراحات ,, واخش القصر ولقيت العريس كان جالس لحاله ( وانا ماعرف الا ابو المعرس ) المهم سلمت وعطيته الرفد ,, وجلست شوي شفت واحد مو غريب علي سلمت عليه وجلس جنبي وبعدين عرفته ( خوي واحد من الشباب وقابلته اكثر من مرة ) قلت له ماشاءالله من وين تعرف المعاريس ,, قالي العريس يصير ولد خالي ,, قلت يعني ماشاءالله عم منصور يصير خالك ( هذا خوي الوالد الحين ) قالي منهو منصور ,, قلت له ابو العريس قالي لا ابوالعريس اسمه عبدالله :angel:


يعني الزبده ومافيها اني غلطت بالقصر ودقيت على الوالد قلت له بالسالفة واني عطيتهم الرفد ,, ولعن ابو خيري :angel: وحدث مالايحمد عقباه :q:

وطبعا ما قلت السالفة للرجال ( اني غلطان بالقصر ) صرفت السالفة وقلت له ان االوالدة تعرف اهل العروس وجيت معها :angel: ,, واشوا انهم حطوا العشاء بدري ,,


عساكم فهمتوا شيئ بس :angel: ,,


تحياتي لك يالسمي :magkiss:


ههههههههههههههه أجل منصور ؟ :d:
ياشين العروس بس ... إلا أقول .. وش معنى رفد ؟ :req:
تحياتي لك يالسمي :magkiss:

[ذيب آسيا]

المشهد : اتمشى على البحر
الزمان : في صيف احد الاعوام السابقه
المكان : احدى المدن الساحليه التي تطل على المحيط الاطلسي

طلعت من الفندق طاق الشورت وكانت درجة الحراره تقارب 15 - 20 دقريز سنتي قريت (himo)
وطلعت اشم نسيم البحر العليل وكان يوم السبت مدري الاحد يعني ويك اندز عندهم (himo)
ومعروف في هالوقت كل العالم تطلع ع البحر اللي يصيد سمك واللي يسبح واللي ياخذ حمّام شمسي :love:
مالكم بالطويله فجأه تحول الجو الى غائم ممطر خلال ثواني معدوده وكان مطر على شكل هتان خفيف من اروع ما رأيت :kello:
البحر - المطر - الخضره - الوجه الحسن :angel: اظافه للجو الرائع والعالم في الرياض فاطسين حر .. وش تتوقع الشعور اللي بيتولد عندك في هاللحظات !!

لحظات لاتنسى ..

وانتظر المشهد الاخر بس انذر تايم :fghty:


<< هذا المستخدم توقفت عنده المشاعر والأحاسيس :angel:
ياعيني عليك ياأبو سعد :magkiss:
من جد أنواع الأجواء الرومانسيه :qw:
هذا الخوي اللي يصلح ... مهوب واحد الله يستر عليه يقول الوعد باريس وهو ماتعدا جده :angel: :p

تحياتي لك ياحلو :magkiss:

[الهنـوووف]

تراني راده ومدري وش السالفه :d: كلنا نذكر مواقف يعني :angel:

الساعه :: مدري كم :d:
التاريخ :: برضو نسيت :angel:
المدينة ::الرياض :angel:

متوجهين لمطار الملكـ خالد الدولي :d:
كان السواق جديد مايعرف المطار واخاف نروح معاه مايعرف يرجع :d:
اضطرينا نركب الليموزين

لما قربنا نوصل خلص البنزين حق السياره :q:
وش السواه :eek: بس كنا قريبين للمطا رتعدينا هذيك الي مكتوب عليهاا الملكيه ومدري وشو :d:

المهم جلسنا بعز القايله والشموس وجانا الليموزين ثاني وركبنا ورجع لخويه
مايفيد الا عيال البلد (اقصد الهندي للهندي :d: )

ووصلنـا والحمد لله الطياره ماطارت :angel: لان الوالد الله يحفظه يحسب حساب لكل شي يطلعنا قبل موعد الاقلاع بساعتين او اكثر :angel:



عوافي اخوووي :yes: :yes:

[جابر العثرات سام]

اهلا ذيب اسيا

عندي سؤالين
1) ليش اذاعة البحرين بالذات وهل لهذا علاقه ( بت....) << البطن في معنى الشاعر او كما يقال
2) يقال انك قابلت في الهايد بارك شخصيه كبيره وانها تنزلت وسلمت عليك ممكن تحدثنا عنها