..:.. شمّر كذا من خلقت الدنيا ولا فيهم ردي ..:. (صور)

[M~shari]

السلام عليكم ورحمه الله وبركاته



هذي صور لكشته لرالي حائل ونخليكم مع التفاصيل :::

خط سير الرحله كان من الدمام لوحدي الى الرياض ومن ثم مرافقتي كل من سلطان نجد وثلاثه من ابناء العم الى

ابن العم عز الخوي وكان الوعد في محطه العتش على طريق القصيم

طبعا تحركنا من الرياض الساعه 11ونص بالليل والمبيت الساعه 4 قبل حائل بـ 80 كيلو

والصباح الساعه 8 وحنا محركين الى عروس الشمال الى مدينه الكرم الحاتمي وكان في استقبالنا احد الزملاء وخذ يافرفره على حااائل وبعدها عنده في البيت للغداء والراحه وبعدها تمشيه على مدينه حاائل من بعد صلاه العصر حتى صلاه العشاء ،، ومن ثم الى موقع الفعاليات(( فعاليه رالي حائل 2007)) على طريق الجوف والمبيت في النفود
المهم

لو اكتب عن الرحله يبي لي صفحات بس بخلي الصور تتكلم عن رحلتنا ومكشاتنا في حائل ،،كل مافي حائل

مميز ومشرف،،

ولا انسى الكرم الحاتمي في كل مكان وخاصه في موقع المخيمات على طريق الفعاليات على طريق الجوف

وكل قريه يتم نصب الخيام بجهود ذاتيه منها احتفاء بزوار المنطقه والمشاركين بالرالي وفي الصور تحت خير دليل

على كرمهم ،،

قبل دخولنا حائل هذا التشكيل الطبيعي


http://www.graaam.com/up/p6ic/ba25a27b8e.jpg

منظر عام لحائل ،، اعتقد من فوق شعيب الاديرع اذا ماني ناسي

http://www.graaam.com/up/p6ic/0602b2f57c.jpg

كتابه اثريه

http://www.graaam.com/up/p6ic/3879b3d013.jpg

موقعنا في نفود حائل على طريق الجوف

http://www.graaam.com/up/p6ic/bc57cc6ad8.jpg

وهذا فطورنا الصباااااااح قرص اللي لايخليني من سلطان نجد ،، هو اللي ضبطها لنا

http://www.graaam.com/up/p6ic/c074c76580.jpg


تجهيز سياره متسابق وبالصدفه طلع احد الزملاء واخذ المركز الثالث

http://www.graaam.com/up/p6ic/7b5e61ec61.jpg


مخيم قريه التربيه

شوفو كيف الكرم ،، جالس اطالع فيه امكن جلس 3 ساعات ينادي اللي بالخط للقهوه والغداء

وصورته بين السيارات

http://www.graaam.com/up/p6ic/09c27ce8fb.jpg

http://www.graaam.com/up/p6ic/9615c12a7d.jpg


قصر النايف الاثري بجبه

http://www.graaam.com/up/p6ic/c5fda49ac1.jpg

المرحله الاخيره من الرااالي

http://www.graaam.com/up/p6ic/312fd845a2.jpg

هذا خوينا داعسسسسسسسسس


http://www.graaam.com/up/p6ic/947710083b.jpg

قبر حاتم الطااائي في قريه توارن

http://www.graaam.com/up/p6ic/c633f41ef5.jpg

شعيب توارن

http://www.graaam.com/up/p6ic/66c07dffac.jpg

غدانا في نفس الشعيب

http://www.graaam.com/up/p6ic/2ff1e1839a.jpg

ابوعلي اعتقد اسمه هذا في كل مهرجان تحصله قدامك واكيد اللي بيروح مهرجان الجنادريه بيحصله

قدامه ،، طبعا الصوره من منتزه مشاااااااااار

http://www.graaam.com/up/p6ic/cdbfbeba8b.jpg

هالصوره هذي انا خاقن معها احد مثلي وبما اني خاق تعتبرهديه لبعض العرب من العربااان وهو بيفهمها

http://www.graaam.com/up/p6ic/20f1122fd3.jpg

الحقوق محفوظة لأبن عمي اللزم النجم الهاوي عبر شبكة قبيلة السهول

تقبلوا تحياتي اخوكم "مشاري السهلي"
بعدسة النجم الهاوي

[خالد المهدرس]

ياحيي وميتي يامشاري <<< يعلمكم أنه من حايل . وراك ماعلمتني أخلي الزقرت

يعزمونك باالشبه ياحيي المرة الثانية علمن وأنا أقول حايل منورة بوجودك يامشاري

تُِِّْسٌِِّلمً آخٌِوٍيَ

على الصور :noo: :magkiss:

[M~shari]

يسلمك ربي يالقرم


لاهنت يابعدي


حايل هي حيي وميتي يابعدي ان عشت ولا مت بحول الله مردي لها يالقرم



شاكر لك ياولد شمر :kello:

[ابوعايد]

ونعم بالسهول وكل القبايل
وهاذي حايل دار الكرم والجود
وليه ماعلمتن استقبلكم واذبحلك >مهايط بس صادق
ومرحبا بك بحايل مره ثانيه وونتظركم مره ثانيه

[M~shari]

مهيب غريبة عليكم يالأجواد :)

[رائد فضاء]

مادمك قربت ليش ماجيت للجوف كلها 300 كيلو :)

[الملك الازرق]

شكرآ عزيزي على هالصور الجميله ..



حائل هذه المدينة التاريخية والمؤثرة بسيـٌـر أجزاء كبيره من جزيرة العرب قبل أكثر من قرن ..

قدم إليها كثير من المستشرقين ودوٌنوا عنها بصدق ملاحم وإنجازات كادت تـُـطمس بسبب

رحيل ( شيبانها ) من جهه وبسبب أشياء أخرى من جهة ثانيه لا أريد الخوض فيها ..

فالشكر ( للإنترنت ) الذي خرج وحفظ حقوقها ( التاريخيه )

((

//

))


حائل

جميله في شعبانها

رائعه في نفودها

كبيره بفعول أهلها ..

وستظل أجا وسلمى مع كل جبالها إنتماء وعشق وفخر ..

أمـٌـا ترابها ( فالراحة ) بتقبيله كلـما ذهبت الى تلك الأرض ..



"
"




"
"


أحب حايل


"
"

[الكاسب الهلالي]

حايل حبهابقلبي حط ترحاله تكفى ياقلب قفل عليه بارقام سريه

[نوااااااااف11]

يازين الكشته والله مبطي عنها :yuupy:
ماشالله صور حلوه
خاصه الصوره اللي تحت الشجره :fghty:

http://www.graaam.com/up/p6ic/c633f41ef5.jpg

الا ابسألك الحين صدق هذا قبر حاتم الطائي
وليش طالع كبير القبر :req:
والشي الثاني هم محددين القبر يعني معه قبور ولابس بلحاله

ويعطيك العافيه

[abdulmajeed_1]

مشكور ياغالي ع الصور والنقل الراائع :love:

:
.

والنعم والله فيك .. !
والنعم والله بشمر (خوالي) .. !

.
.

تسلم يالغالي

[ابوسعد الهلالي]

هلا بــ مشاري :)

شوقتنا بهالصور ع المكشات بس الحر يخوك يصلخ الجلد هالايام يعني مادونك ودون الضب وصيده ;)

واشوف ورى قبر حاتم قبر ثاني من قبره !!

والنعم بديار شمر واهلها وياحوبني لهم :yes:

تحيتي لك يالغالي ,,,

[نايف 15]

يالبى حايل :magkiss:

[العـــاشق]

هلا والله نورت حايل :magkiss:



بالنسبه للمنظر هو من فوق جبل السمرا



ومالك حق ثاني مره اذا بتجي عطنا خبر

[M~shari]

شاكر لكم ياخوان على الأطراء تستاهل حايل


بالنسبة للحر يبو سعد التصوير مبطي على ايام الشتى شفنا لابسين ثياب سود


بالنسبة للي سأل عن قبر حاتم والله وانا اخوك انا اهبلت قلت الرجال هذا طولة ماصدقت بس قلت يمكن له مقصد ثاني الله اعلم


تحياتي للجميع

[هلا لي من جد]

والنعم بالجميع
الطيب مو خص لاحد دون احد
وتسلم على الموضوع يالسهلي وانا اهدي البيت اللي بالعنوان للسهول وبالاخص سهول الرويضه عزالله مافيهم ردي

[M~shari]

ماعليك زود يابعدي :kany:

لاهنت يالقرم :magkiss:


شي اكيد الكرم ماتخص قبيلة دون غيرها القبايل كلها فيها خير عن غيرها سهول شمرسبيع عتيبه عنوز مطير حرب دواسر كلهم والله فيهم الخير :yes:


وكلنا ربي لك الحمد تحت راية محمد رسول الله صلى الله عليه وسلم :)

[السد الازرق]

ما شاء الله صور أكثر من رائعــه

وحايل فعلا مدينه تدخل القلب بقوووووووه

مشكوور يالغلا

[هلال مدريد..]

حايل والعقال المايل

لاهنت على اصور

[ماجد الناصر]

موضوع ماتع ورائع جداجدا ورحله مميزه مدعمه بالصور الرائعه ايضا سلمت يداك والشمامره معروفين من زمان .

[M~shari]

:magkiss: ألف شكر لكم

اخوكم مشاري :yes:

[زيـزوم]

حياك الله بحايل يالسهلي نورتنا ، والمره الجايه خبرنا علشان نقوم بالواجب ...


إكتشفت إكتشاف هام بالشبكة !

كل الأعضاء خوالهم شمر :d:

[حبي سدير]

مهيب غريبة عليكم يالأجواد

[M~shari]

مهيب غريبة عليكم يالأجواد

شاكر لك يالسديراوي :rolleyes: