المساعد الشخصي الرقمي

مشاهدة النسخة كاملة : بــــاقــة الأوائـــــــــــــــــــــل و الـــتـــــعــــــــقـــــيـــــــــد

hilaly4ever
19/5/2002, 20:23
قالولنا كأس العالم على الأوائل و بس و قلنا الله يعين..طبعا الأوائل مافيها خدمة ولا إلتزام والكل عارف إنها بعيدة عن منافسة الأوربت أو أبو ظبي الرياضية..

و قرّب المونديال وأنا للحين ما اشتركت..

اليوم قلت خلني أروح أشوف شلون الواحد يشترك كود أشترك وارمي هالهم ورا ظهري..ويوم رحت..ألاقيهم عارضين تسع عروض على كأس العالم..وتسع قنوات مختلفة..

وقام المصري يشرح...القناة اللي تشوف فيها دكة الاحتياط!! قلت ما أبيها! الواحد بيشترك يناظر المباراة ولا يناظر دكة الاحتياط و خشة اللاعبين...

و كمّل المصري يقول إن فيه قناة تصوّر لك المباراة من كاميرا مختلفة..عجز يشرحلي على الجنب والا بالطول..

المهم..طلعت من المحل قبل ما ينتهي من الشرح..

يا جماعة الخير أنا طلبي جدا بسيط...أبي أتفرج على المباراة..تصوير عادي..وأبي أشوف أستوديو تحليل بالعربي للمباريات والفرق قبل المباراة و بعد المباراة و بين الشوطين..وأبي القناة اللي تنقل عليها المباراة التي تتزامن مع الأخرى...وبس!!

الله لا يهينكم واحد فيكم يقول لي أي عرض أو قناة آخذ من عروضهم أو قنواتهم التسعة؟؟ و بكم؟؟؟ مع العلم أني غير مشترك مع ال ART أو اي باقة من الباقات الأخرى..

و ليش يالأوائــل هـــــــــــــــــذا التعــــــــــــــــــــــــــــــــــــــــــقيد؟؟
ياسر عبدالعزيز
19/5/2002, 20:42
هلالالالا بالغالي.. hilaly4ever :)

مثلك راحت انا .... واشتركت يوم الخميس,,,,,,بقيمة511:( .. وفتحت عندي حولي9 قنوات ريضيه خاصه بكاس العالم.. اظهر فيه الي انت تبي.....:)


تحياااااتي لك:yes:
dedo
20/5/2002, 09:22
هلا اخوي كما قال ياسر عبدالعزيز سعر art سته شهور 511 مع الكرت طبعآ وهذة الباقه تظم اي شي فيها كلمه ART وهي :

http://www.adduniverse.com/arabic/images/bouquet_new/art/art_basic.gif

وقناه الرياضيه الثانيه تنقل كاس العالم كله .... ولكن لن تنقل تحليل هذا على كلام ضفدع ناقص بنفسه وهو نوه انهاسوف يبث المباريات قبل ان تبداء بخمس دقائق وينتهي بث بعد المباراه بعشردقائق (( بمامعناه مافي تحليل )) ...
وانصحك ان تشترك فى قنوات الحدث وهي 6 قنوات وهي تنقل المباراه من كم اتجاه مختلف فواحده تعيد الاهداف من اكثر من اتجاه وقناه على المدرب فريقك وقناه على مدرب فريق الخصم وقناه من فوق الملعب وهناك قناه تنقل المباراه عديه ويوجد فيها تحليل قبل وبعد كل مباراه وقيمه هذة القنوات 399 ريال تضاف على القيمه التى فوق فتصبح تقريبآ 910 ريال وتقدر تاخذه بقيمه 738 ريال اذا اشترك فى ART ثلاث شهور ...
وان شاء الله تكون المعلومه وصلت ....
واذا بغيت زياده هذا موقع ART اضغط هنا (http://www.adduniverse.com/arabic/wc2002/wc2002.asp)
hilaly4ever
20/5/2002, 17:26
أخوي الغالي ياسر عبدالعزيز..ألف شكر على تواصلك واشتراكك في الموضوع..لكن العرض اللي انت أخذته فيه تحليل الاستوديو الرياضي ولا لأ؟؟ يعني ال 511 ريال بتجيب التسع قنوات حقت كأس العالم كلها؟؟؟ ولاّ آي آر تي الرياضية الأولى والثانية و بس؟؟؟

الأخ الغالي dedo..مشكوووووور أخوي على الرد الوافي...والله مدري ياخوي ليش هالتعقيد؟؟..أنا ما ابي أشترك في قنوات الحدث التسع ..أبي أشترك في بعضها..هل هذا ممكن ولاّ أنا ملزم اشترك بكل الباقة؟؟؟ وهل ممكن أشترك بقنوات الحدث بدون باقة الإي آر تي؟؟؟؟
و ألف شكر..
شوشية حلاوة
20/5/2002, 19:07
نعم من الممكن الاشتراك بقنوات الحدث
hilaly4ever
21/5/2002, 18:08
مشكوووور أخوي شوشية حلاوة.
Liverpool4ever
21/5/2002, 19:43
حسبي الله عليه فاسد ناقص ياانه بهذلنا الله ياخذه هو وباقته :(

اقول اخوي هلالي فور ايفر تبي رايي اذا جت مباريات السعوديه بتشوفها ببيتكم (لأنها مجانيه)

اما اذا كان ودك تشوف مباراه مهيب للسعوديه وقويه زي انجلترا والارجنتين فرح لمقهى (انصحك كوكب الرياضه) وريح نفسك بدال بهذله الاوائل!!

والله لو ايش مايشم مني فلوس هذا عبد الدينار
hilaly4ever
22/5/2002, 01:39
أخوي ليفربول فور إفر..الف شكر على التواصل..ورأيك والله في مكانه..الآي أر تي ما يستاهلون الفلوس اللي بياخذونها..أصرفها على نفسي في قهوة أحسن..
هزيم الرعد
23/5/2002, 00:00
هلالي الى الابد اسمع وانا اخوك

انا اشتركت با الباقه من تاريخ 18 4 2002

الاشتراك با الباقه الاساسيه على اسمه اساسي

تاخذ معها الباقه الرياضيه (طبعا هم استغلوا الضروف وخلو الاشتراك 6شهور حد ادنا)

المهم وانا اخوك مسطو من جيبي مبلغ وقدره 910 ريالات

يشمل الباقه الاساسيه+الباقه الرياضيه اللي فيها الرياضيه الاولى والثانيه +قناه واحده لكاس العالم هذي لحلها

يعني حوالي الف ريال بدون الست قنوات الخاصه بكاس العالم


لا واجلس ادندن على جده والرياض لمده اسبوع علشان يرسلون الاشاره يعني خساير ×خساير

عاد يقولون الزملاء انه في الرياض عروض افضل

ونصيحتي لك لا تشترك الحين لانها ما راح تشتغل عندك الا بعد ما تنتهي كاس العالم

لان خدماتهم بيني وبينك خايسه مثل قنواتهم

ولا عندهم صراحه الا قناتين اللي الواحد يشتاق لهن reality tv و animal planit
hilaly4ever
23/5/2002, 03:06
أخوي الغالي هزيم الرعد..ألف شكر على مشاركتك في الموضوع..الظاهر اني بدندن أنا بعد بين الرياض و جدة كود يرسلون الإشارة قبل افتتاح المونديال..وش نسوي ياخوي؟ مالنا غير هالأواخر..أقصد الأوائل..ومالنا غيرها بديل..ولاّ لو كانت الأوربت ناقلة المونديال كان الحين يهشون الذبان أو يضفون عفوشهم هالفاشلين..على فكرة أخوي هزيم الرعد..ترى قناة animal planet موجودة مع باقة الشوتايم..تحياتي لك أخوي..
هاوي الهلال
23/5/2002, 03:18
ماقصروا الشباب ..

وضحوا كل شئ

وعلى فكره حتى قناة النيل بتنقلها النيل الرياضيه على الاوائل :)