على طــــاري .... ( 4 ) ..!!!

[المتميز]

السلام عليكم ....

هلا فيكم مع الجزء الرابع واعذروني اذا طولت عليك لكن تعرفون ظروف الدراسه ...

<=== يحضر الدكتوراه :nrey: :nrey: :nrey:

* على طاري الدكتوراه يقولون هالايام صارت تباع برخص التراب وكل اللي عليك تسويه رح لمصر وتشتري الشهاده بكم جنيه وترجع دكتور ,,ولا رح لبريطانيا ويعطونك الشهاده ماعاد يدققون لانهم عارفين انهم ماراح يتضررون أبدا بالعكس اللي بيتضرر هالدلوخ اللي يجون كل يوم للجامعه ويلقون هالدكتور توه صاحي من النوم وجايهم عيونه كلها شرار اللهم ياكافي :q: :q: :q:

* وعلى طاريهم بعد أكتشفت ان أغلبهم هالدكاتره دلوخ مع احترامي لكم مو لهم وبينهم حروب خفيه يروح فيها بالنهايه الطالب المكسين :jhgy: :jhgy: :jhgy:

* وعلى طاري الطلاب نصيحه لكل طالب في الثانوي لاتحاول تكمل دراستك صدقني انت الخسران لاوضايف ولايحزنون وشف حالتك وانت رايح تقدم اختبارات التوجيهي كانك رايح لحرب .

* وعلى طاري الحروب يقولون ان المقاطعه بدت تعطي نتائج مذهله بس المصيبه يقولون فيه ناس صاروا يشتاقون للبيبسي ومايصبرون وصاروا يشترونه بالخفاء (rambo) (rambo) (rambo)

* وعلى طاري البيبسي يازين صور سامي هاليومين بالاعلانات عند الاشارات :love: :love: :love:

* وعلى طاري سامي ياناس هذا من نمونة اللاعبين اللي كسبان في الدنيا والاخره , في الدنيا فلوس وفي الاخره حسنات من هالدلوخ اللي يسبونه :yes: :yes: :yes:

* وعلى طاري الدلوخ بعضهم يقولون ان موضوع على طاري مستواه متفاوت وردي عليهم بسيط .. طبعا يادلوخ اصلا حياتنا كلها تمشي بالنازل ( الدلخ الاكبر اللي انتقد وبشده ماراح يرد على هالموضوع اعرفوه ) (rambo) (rambo) (rambo)

* وعلى طاري النازل اي واحد هاليومين يروح للمستشفيات يكتشف فعلا ان خدماتهم بالنازل وبشكل مخيف والموظفين ينفخون تقول يحققون مع المراجع ومايقولون هذا مريض ولازم نتحمله :slv: :slv: :slv:

* وعلى طاري موظفين المستشفيات ( السعوديين ) هذولي يعانون ويتعذبون من التكتلات اللي جالسه تصير في المستشفيات من الموظفين الاجانب ومن محاربتهم وطردهم وضعف الرواتب ( والله العظيم قهر ) :zael: :zael: :zael:

* وعلى طاري الاجانب ,, شركه سيارات كبيره عندنا في المملكه مسيطرين عليها اداره من جنسيه وحده وبعد ماوصل لهم موظفين سعوديين وزاملوهم اكتشفوا اختلاسات بالهبل ,,, طبعا قبل لايفكرون يتكلمون هالموظفين السعوديين وصل التهديد لبيوتهم :noo: :noo: :noo:

* وعلى طاري السيارات يقولون السيارات الالمانيه تستورد من بلدها جديده بنص السعر اللي موجود بالاسواق الان يعني سرقه عيني عينك :ignor: :ignor: :ignor:

* وعلى طاري المانيا في امل نتاهل لدور الـ 16 بالمونديال :love: :love: :love:

* وعلى طاري المونديال كنت أتمنى احضره بس خبركم ظروف الدراسه ماساعدتني ( ايه هين ) :D :D :D

* وعلى طاري الاختبارات أنتم ياللي عندكم إختبارات وش مجلسكم تقرون هالموضوع يالله قوموا ذاكروا موضوعي ماراح ينفعكم (rambo) (rambo) (rambo)

مع تحياتي .... فيصل .

[Alghaly]

مرحباااااااااااااا

ماشاء الله عليك مبدع ومتميز على اسمك

ننتظر الجزء الخامس
<===== طماع


يامبدع

[ابورشا]

حبيب البي..
هلا والله بالمتميز..
والله انك مميز ولالك شبيه ..
وبرافوا على الموضوع الراقي جداً..
وبصراحه..
ماشدني الا موضوع..الدكتوراه..
واللي نشرت احد الصحف العربيه.. وتم التكتم عليها:
ان 85%من شهادات الدكتوراه واللي يحصلون عليها عيال النعمه او عيال الواسطات..هي شهادات مدفوعه من قبل..
اما النابغه واللي يسوي فيها وطني..فالغرب يغريه بكل شيء..حتى يتمكن من الإستفاده والا..
واخيارً ان المشكله مش باللي جالسين يدرسون الطلبه يالجامعات..ولكن المشكله باللي مترزرزين بالجرايد..ولاهطين البلد....وكل شوي يقول انا رجل عصامي..
ويخليك ربي..وعلى طاري يخليك ربي..تسلم حبيب البي..

[ياسر عبدالعزيز]

هلالالالالالا بالغالي,,:)

وعلى طاري البيبسي يازين صور سامي هاليومين بالاعلانات عند الاشارات

وانك صدق ...... محليه الرياض:) ......الله يعطيك العافيه اخوي المتميز:)

تحياااااااتي لك:yes:

[الشاطر]

على طاري الدكتوراه يقولون هالايام صارت تباع برخص التراب

كثيره تصدق دكتور بكليه التربيه البنات اكتشفوه قبل كان سباك ومشتري الشهاده:eek:

وعلى طاري الطلاب نصيحه لكل طالب في الثانوي لاتحاول تكمل دراستك صدقني انت الخسران

صادق والله

وعلى طاري الحروب يقولون ان المقاطعه بدت تعطي نتائج مذهله بس المصيبه يقولون فيه ناس صاروا يشتاقون للبيبسي ومايصبرون وصاروا يشترونه بالخفاء

:D :D

الدلخ الاكبر اللي انتقد وبشده ماراح يرد على هالموضوع اعرفوه

هذا الي مخليني ارد(himo) وكلهم اذا شافوا هالكلمه يبي يردون كخخخخخخخخخخخ

وعلى طاري موظفين المستشفيات ( السعوديين ) هذولي يعانون ويتعذبون من التكتلات اللي جالسه تصير في المستشفيات من الموظفين الاجانب ومن محاربتهم وطردهم وضعف الرواتب ( والله العظيم قهر

>>>>>>>>مجرب:jhgy:

وعلى طاري السيارات يقولون السيارات الالمانيه تستورد من بلدها جديده بنص السعر اللي موجود بالاسواق الان يعني سرقه عيني عينك

والله معروفه وفيه ناس جابوا سيارات من هناك رخيصه مره



شكرا لك فيصل:)

[نايف]

وعلى طاري الاجانب ,, شركه سيارات كبيره عندنا في المملكه مسيطرين عليها اداره من جنسيه وحده وبعد ماوصل لهم موظفين سعوديين وزاملوهم اكتشفوا اختلاسات بالهبل ,,, طبعا قبل لايفكرون يتكلمون هالموظفين السعوديين وصل التهديد لبيوتهم

الكثير والكثير من مشاكل الأجانب وتوليهم أماكن للسلطة في شركاتنا ..!!

والمتضرر الأول والأخير أبن الوطن..!!

تحياتي عزيزي..

وفي إنتظار على طاري في وسط الإختبارات..!!

[الكاسر888]

هلا أخوي فيصل...

وعلى طاري موظفين المستشفيات ( السعوديين ) هذولي يعانون ويتعذبون من التكتلات اللي جالسه تصير في المستشفيات من الموظفين الاجانب ومن محاربتهم وطردهم وضعف الرواتب ( والله العظيم قهر )


ماذبحنا الا الأجانب...


وعلى طاري التكتلات

موجوده حتى في الدوائر الحكومية



يعطيك العافيه أخوي فيصل..وشكرا لك اخوك /رائد

[هلاليه بالفطره]

[B]* وعلى طاري البيبسي يازين صور سامي هاليومين بالاعلانات عند الاشارات :love: :love: :love:

* وعلى طاري سامي ياناس هذا من نمونة اللاعبين اللي كسبان في الدنيا والاخره , في الدنيا فلوس وفي الاخره حسنات من هالدلوخ اللي يسبونه :yes: :yes: :yes:
[B]
ايه والله انك صادق :yes: :yes: :yes: :yes:
اما الطاريات الباقي مالي فيهم :angel:

سلااااام :yes:

[موكا موكا]

الى على طاري المواضيع الممله
ما تلاحضون بعض الاعضاء بدو يجزؤن مواضيعهم

<- - - عمك ومهجدك _- - -_ موك موك

[مخاوي نجد]

الظاهر ان أسمك الحقيقي هو "المتمزمز" لأن شكلك تمزمز عصير تفاح قبل ما تكتب الموضوع (rambo)

على طاري عصير التفاح يقولون أعوذ بالله الشباب العاطلين ذا اليومين في الثمامه ما لهم شغله الا هو و الي ما يحصل يشفط بتكس و الا بنزين...:noo: :yuupy:

على طاري البنزين يقولون البنزين العادي بينزل يوم 28/2 بس يقولون لازم تغير الكربريتر كل ست شهور يعني مهوب زين للسيارات...:(

على طاري السيارات شفتوا البي أم الجديد والله يهو مسكككككككككككت... :yes:


على طاري المسكت يقولون أن الرهيب 2000 أحسن منه لأن مميزاته الله يخلف... :nrey:


على طاري الله يخلف أقول الله يخلف على ام جابت واحد يرد على مثل ذا المواضيع و هو عنده أختبارات... :nrey: :D


حلوووه منك يا المتميز...:yes:



,,, تحياتي ,,,

على طاري تحياتي......:ignor:

[الغالي حسين]

تسلم .. يازين هالطواري
...وعلى طاري الطلاب نصيحه لكل طالب في الثانوي لاتحاول تكمل دراستك صدقني انت الخسران لاوضايف ولايحزنون وشف حالتك وانت رايح تقدم اختبارات التوجيهي كانك رايح لحرب .


ايه والله .. صدقت
.على طاري الدكتوراه يقولون هالايام صارت تباع برخص التراب وكل اللي عليك تسويه رح لمصر وتشتري الشهاده بكم جنيه وترجع دكتور ,,ولا رح لبريطانيا ويعطونك الشهاده ماعاد يدققون لانهم عارفين انهم ماراح يتضررون أبدا بالعكس اللي بيتضرر هالدلوخ اللي يجون كل يوم للجامعه ويلقون هالدكتور توه صاحي من النوم وجايهم عيونه كلها شرار اللهم ياكافي ....


وين تنباع بس .. خل اروح اشتري لي وحده ..


تسلم يالغالي ..

ننتظر باقي طواريك .... بس الله يخليك عقب الامتحانات ...


تحياتي ....:) :)

[برستيج]

هلا بالمتميز



هلا فيكم مع الجزء الرابع واعذروني اذا طولت عليك لكن تعرفون ظروف الدراسه
من وصل ما تأخر يا غالي .. ;)



وعلى طاري سامي ياناس هذا من نمونة اللاعبين اللي كسبان في الدنيا والاخره , في الدنيا فلوس وفي الاخره حسنات من هالدلوخ اللي يسبونه
تصدق .. فيه حمله غريبه عليه من الحاقدين .. :noo: .. لكن على قولك : هو الكسبان .. :nrey:



وعلى طاري الاختبارات أنتم ياللي عندكم إختبارات وش مجلسكم تقرون هالموضوع يالله قوموا ذاكروا موضوعي ماراح ينفعكم
وش يدريك .. يمكن يجي سؤال منه في الاختبار .. :D




مشكور ابو وندي .. وبانتظار الجزء الخامس .. :yes: :yes:

[Full Moon]

هلا والله وغلا فيصل..


اول حاجه ابيك تحدد نذاكر ونكمل دراسه ولا لا..


لانك اول حاجه تقول..

(* وعلى طاري الطلاب نصيحه لكل طالب في الثانوي لاتحاول تكمل دراستك صدقني انت الخسران لاوضايف ولايحزنون وشف حالتك وانت رايح تقدم اختبارات التوجيهي كانك رايح لحرب . )

وبعدين في الاخير تهاوشنا وتقول..

(* وعلى طاري الاختبارات أنتم ياللي عندكم إختبارات وش مجلسكم تقرون هالموضوع يالله قوموا ذاكروا موضوعي ماراح ينفعكم )


وشوله نذاكر دام انك تقول اتركوا الدراسه:req:


بس تعرف يمكن موضوعك يفيدنا اكثر من هالاوراق اللي نحوس ونبحلق عيونا فيها على غير سنع:yuupy:


بس تراني انتظر رايك اكمل دراسه ولا اتركها مابعد ذاكرت تراني:angel:


ومشكور فيصل..
وربي يوفقك ويخليك..


تحياتي..
شمس الغنيه..

[مغرور]

.

[جـــلال]

مســــلســــل (على طــــاري) من المسلسلات الجميله والمتميزه في نفس الوقت,,

وعلى طاري المسلسلات أصبحت أثراً بعد عين وصدق من قال (راحت عليهم),,;) ;)

وعلى طاري اللي راحت عليهم أقولها لكل من تلطخ باللونين الاصفر والازرق لأنا تركنا لهم البربره اللي مالها سنع,,:yes:

وعلى طاري البربره ماأعرف برباره في هالدنيا مثل أبو خالد الله يحفظه ذخر للكره السوداويه,,:D :D

وعلى طاري الكره ماتشوفون أن وقت المونديال جا هالمره مضبوط 100%----> خلصت اختباراته قام يتفلسف:D

وعلى طاري الفلسفه لن نجد فيلسوف مبدع مثل (يوسف الثنيان),,

وعلى طاري ابو يعقوب ماتلاحظون أنه أكثر لاعب متميز مر على تاريخ الكره السعوديه,,:yes:

وعلى طاري المتميز وش أخبار بو وندي,,(himo) (himo)

تحياتي لك,,

[علي معتـوق العمـــري]

على طاري موضوع على طاري جبت طارينا في موضوعك فعلى طاري انك جبت طارينا في موضوعك سجلنا ردنا (himo) (himo) (himo) (himo)

[بـحـر]

هلا بالمتميز بكل شي

<=== يحضر الدكتوراه
وشو فية حبيبي ... نصيحة اذا ما بعد تخصصت .. ترى يقولون فيه دكتره فى الدنبوشي لا تطوف عليك .. ترى عليها طلب :eek:

بس المصيبه يقولون فيه ناس صاروا يشتاقون للبيبسي ومايصبرون وصاروا يشترونه بالخفاء
اجل خلاص ... البيبسي صار تهريب ... اكيد بيرتفع سعرة (rambo)

وعلى طاري المانيا في امل نتاهل لدور الـ 16 بالمونديال
:req: :req: :req: :req: :req: :req: :req: الله يسمع منك:yes:


كوكتيل انما ايه رووووووووووووووعه :yes:

تسلم ابو فيصل.


بااا:yes: اااي

[هاوي الهلال]

هاااياات

هلا فصولي ..

معليش تاخرت في الرد :D


بس الموضوع كالعاده رائق .. (himo)

[عاشق العثرات]

اقول يا المتميز هذا صار الكابتن ماجد عيت لا تخلص اجزاءه .. كل يومين طالع لنا علللللى طاااري .. :angel:


ههههههههعهعهع .. ترا موضوع يا حلو حلو :yes: وتسلم .. وعلى طاري تسلم يقولون ان الاسلام منتشر في المريخ ،، وعلى طاري المريخ يقول مدرب فولر مدرب المانيا ان المنتخب مهوب فايز علينا لو يطير المريخ ..



ولك تحياتي .......... ;)

[مغرور]

.

[جحة]

موضوع خرافي
الله يعطيك العافيه

[المتميز]

شكرا للجميع ....

وبإذن الله تعود الطواري بعد فترة الامتحانات .....

تحياتي .... فيصل .