ما أحلى الـــدوام اليوم ... (له طعم) ،، غيييييير عن كل الدوامات [الأرشيف]

هلالي اكاديمي

27/3/2007, 17:41

صباحكم دراسة
صباحكم عــمل
مسائكم فـــرفـــرة
مسائكم لفلفه :d:

اليوم وبغير العاده حسيت بطعم الدوام
حسيت بالفرق بين اني انام واني اداوم
اليوم كان الدواااااااام غييييييييييير (himo)

تصحى الصبح وتفطر مستعجل .. تروح تلحق على الكلاس الأول .... وتخاف تتأخر ،،،
فيه زحمه صح .. بس هالزحمه حلوه وممتعه :cool:
تحس بمتعه اليوم ووناسته ،،،
تجلس في الزحمه والجو الربيعي السحابي الشبه ممطر في أجواء الخبر الساحرة ما تحس إلا وانت في الجامعه .. وودك انك تتأخر بعد :d:

ما أحلى الدوام اليوم ... له طعم غيييييير عن كل الدوامات :d:

تحظر الحصه وتجلس وتسمع الدكتور يتكلم ويشرح تستفيد من العلم .. ما تكون نايم وتتلحف من البرد . تخلّص الحصه تسلم على الدكتور تسولف معاه شوي وتروح للحصه الثانيه ،،
بس فيه ناس نايمين للحين .. ما صحوا .. ضيّعوا أجمل لحظات حياتهم في النوم الي ما يفيد ولا ينفع :hgfd:

أكيد كل واحد منا يحمل شعور إحساس لان اليوم غييييير ... فياليت كل واحد يآخذ السؤال حقه ويجاوب عليه ويترك اللقافه :d:

1 -وش شعوركم يوم انكم تعطلون اليوم وباقي المدن مو معطله ( إذا كنتم من أهل الرياض رضي الله عنهم) :d:

2 - ووش شعوركم يوم أنكم تكونوا من غير أهل الرياض وداومتم اليوم واستفدتوا من وقتكم وكمان تستمتعوا بالفرفره في الشوارع براحتكم لا سجن في البيت ولا خرابيط ..:p

دمتم مداومين (himo)

POWER

27/3/2007, 17:43

يارجال هذاني توني واصل البيت طالع من الدوام

لفيت الرياض كلها الين وصلت بيتنا

صح ان الشوارع فاضية الصباح لكن وقت الطلعة من الدوام على العصر ياشيخ كل الطرق الرئيسية مسكرة وتخيل تروح لبيتكم عن طريق الحارات وربي مسخرة

ياخي لو فيه واحد معه حالة مستعجلة بيروح للمستشفى او شي او عياله داقين عليه بالبيت عندهم مشكلة او محترق البيت المفروض يفهمون

او انهم يجبرون اصحاب القطاع الخاص مرة ثانية بوجوب الاجازة وتعميمها للجميع .

ياخي بالعادة المشوار نص ساعة موب ساعتين واعتقد اني محظوظ عند غيري اكيد فيه غيري للحين ما وصلوا .. والمشكلة الكبرى انه طريقي بعيد كل البعد عن مؤتمرهم والمكان اللي بيمر فيه كبار الشخصيات والقادة العرب .!

يعني تسكير هالشوارع مالها داعي

فعلاً .. الدوام اليوم له طعم غير :rolleyes:

TURKI330

27/3/2007, 17:49

انا من ناحيتي نمت نوم حق اسبوعين

وقمت منكتم وضايقن صدري

قلت ياليت فيه دوام كان قمت من الصباح وافطرت واروح للدوام وانا مبسوط زيك :jhgy:

هلالي اكاديمي

27/3/2007, 17:49

بور ..
وش تسوي عاد هذا ما جناه عليك القطاع الخاص :d:
طيب انتم بعيدين عن المؤتمر ... مقفلين الطرق ليه يا حسره .. لا يكون يخافون من بازوكا تنتفهم هم ومؤتمرهم :d:

تركي ..
شفت ان الدوام له طعم غير (himo)
عاد بكرة عندكم أجازه ولا قضيتوا؟ :d:

ابوسعد الهلالي

27/3/2007, 17:59

ابوكدم :magkiss:

تبي تقهرنا انت وخشك :d:

المشكله ان الفطور حدك فلافل ابويمن اللي تحت شقتكم بالثقبه.. اللي يشوفك يقول مفطر في بيتكم :angel:

تبي الجد فاتك نومه :N: يحبها قلبك :p

المشكله زي ماقال بووور رحت اذان العصر بلحق على مسجد عتيقه بنصلي على جد واحد من الشباب الله يرحمه والقى الشوارع مسكره حتى طريق الملك فهد صاكينه .. واقعد احوس بالحواري لين وصلت واشوى لحقت :)

القلق اني رحت المقبره ولقيت مديري هناك قلت في نفسي ماصدقت افتك من خشتك بالدوام القاك قدامي هنا :d:

جد الرياض ولابريال هاليومين والمشكله عندي مشوار بعد شوي وناوي ازورواحد من الشباب في مركز الامير سلطان ولاني عارف وشلون بوصل له !!

طيب لو فيه حالات طارئه وش الحل !!

ليتني رايح مكه ولا الشرقيه ومفتك من الرياض وحوسته :jhgy:

يمدحون النومه يابوكدم بكره الصباح وانت رايح تدرس (rambo)

نوااااااااف11

27/3/2007, 18:04

ابو كدم

انت تداوم ولا تدرس

انا ماقهرني الا اكسيمو معطلين ناطل جوالي عندهم
ولقيتهم كاتبين ورقه مافيه دوام الا السبت
شركه ويعطلون :confused:

عـــهـــود

27/3/2007, 18:06

ولقيت مديري هناك قلت في نفسي ماصدقت افتك من خشتك بالدوام القاك قدامي هنا

:d: :d: :d: :d:

انا من الحقد على اهل الرياض غبت اليوم :angel:

هلالي اكاديمي

27/3/2007, 18:08

ابو سعد ..

الفطور حدك فلافل

كنك مفطر معاي اليوم :d:

جد الرياض ولابريال هاليومين والمشكله عندي مشوار بعد شوي وناوي ازورواحد من الشباب في مركز الامير سلطان ولاناي عارف وشلون بوصل له !!

علشان كذا معطينكم إجازة :d:
والله انصحك لا تزور أحد اليوم ولا شي .. دام الأمور مقفله والطرق مقفله خلك بالبيت وريّح نفسك وريّح موترك خله ياخذ إجازه معاكم :d:

و الله يرحم موتاكم وموتى جميع المسلمين ..

يمدحون النومه يابوكدم بكره الصباح وانت رايح تدرس

عاد عندي إختبار بكره :slv:
بس أهم شي أني أسوي شي مفيد بحياتي .... مو انام :p

هلالي اكاديمي

27/3/2007, 18:12

ابو كدم

انت تداوم ولا تدرس

انا ماقهرني الا اكسيمو معطلين ناطل جوالي عندهم
ولقيتهم كاتبين ورقه مافيه دوام الا السبت
شركه ويعطلون :confused:

عادي .. انا دايم اسمي الدوام .. دراسه :d:

ههههههههه وش دعوه عاد شركه ويعطلون !!!
الظاهر انهم فالينا مع مديرهم :d:
كلم بور يشتغل معاهم كود انه يلحق على إجازة الربوع :rolleyes:

عهود ..
انا من الحقد على اهل الرياض غبت اليوم

أجل فاتك نص عمرك (himo)
وليش تحقدي عاد .. نايمين وجالسين بالبيت .. تلقيهم اللحين طفشانين ... مساكين يكسرون الخاطر :d:

ابوسعد الهلالي

27/3/2007, 18:17

ابوكدم

تصدق عاد اني حمدت ربي قبل شوي ان فيه دوام وسط الاسبوووع لان الطفش قاتل :cry: والشوارع مسكره :confused:

ماينعرف لنا ان عطونا اجازه قلنا ليش وان دوامنا قلنا يازين الغياب (himo)

هلالي اكاديمي

27/3/2007, 18:19

^

ههههههههههههه شفت يبو سعد ان الدوام له طعم غيير (himo)
الله لا يحرمنا منه .. بس لو عطونا إجازة كلنا كان أحسن ....
حنا نفلها وانتوا جلستوا بالبيوت :kany:

عاد تخيل الواحد يكون عاطل او يداوم يوم ويسحب عشرة مثل القفل .. حالته تصير مزريه :d:

عـــهـــود

27/3/2007, 18:22

وليش تحقدي عاد .. نايمين وجالسين بالبيت .. تلقيهم اللحين طفشانين ... مساكين يكسرون الخاطر

كل اللي اعرفهم بالرياض هجوا منها . .

لو حنا معنا اجازه مثلهم كان هجينا معهم :d: :d:

هتلر الرياض

27/3/2007, 18:23

ابو كدم

والله يا الرياض و الشرقية هاليومين واحد

كلهم الجو فيهم رطوبة

بـ النسبة للاجازة

انا عندي اوف باتسر

وعندي اختبار

السبت و الاحد و الاثنين و بحث اسلمه يوم الثلاثاء

يعني الاسبوع الجاي

حريقة بـ النسبة الي

بس تبي الصدق

اخاف اقوم باتسر اروح اصلي الجمعة :jhgy:

كل من شفته قلت له اليوم الخميس و تمشي عليه :p

كل الشكر لك يا بعدي ..

خالد المهدرس

27/3/2007, 18:27

:d: الله يلعن بليسك عينك في الأجازة عشان كذا قالو لنا دوام تدري ولا ماتدري طالع الصبح رايق أول مرة أمشي على راحتي الشوارع مافيها الا مطافيق ودي أعرف وين رايحين من قو الشطفه الموتر يهز الله لايبلانا .
على العموم

1 -وش شعوركم يوم انكم تعطلون اليوم وباقي المدن مو معطله ( إذا كنتم من أهل الرياض رضي الله عنهم)

هذا أنا وPOWER في الرياض ومداومين طالع من الساعه تقريباً 4 ولاوصلت الا الساعه 6وربع ولاخليت شارع الا دخلوني فيه حسيت انهم بيخطفوني أثر كل اللي صار من عينك :jeng: المرة الثانية لاتعودها قل الله يهنيكم

2 - ووش شعوركم يوم أنكم تكونوا من غير أهل الرياض وداومتم اليوم واستفدتوا من وقتكم وكمان تستمتعوا بالفرفره في الشوارع براحتكم لا سجن في البيت ولا خرابيط ..
:d: أحس ذا السوال طالع من قلب محد قالك أسكن في الخبر تعال أسكن عندنا عين فراش وعين لحاف لاتقول وين المخده (himo) احمد ربك وتعال

(( شـٍٍمـٍري وأفٍٍتـٍخـٍر ))
شمر بياض الوجه يوم أنه غبـاش * شمر هل الطولات نيف السوايـــا
ميل عقالك وأتـرك الــكون يهتـاش * وابشر بفزعات الزحول الطنايــا

هلالي اكاديمي

27/3/2007, 18:32

عهود ..
هههههههههه المشكله كلهم راحوا الشرقيه .. يعني بتصير الرياض الثانيه :d: وكنك يبو زيد ما غزيت :d:

هتلر ..
ايه خبرك الأجواء تطيب مع المؤتمرات والقاده العرب :jhgy:

وعندي اختبار

السبت و الاحد و الاثنين و بحث اسلمه يوم الثلاثاء

والله عليك اسبوع ناري الله يعينك ويوفقك يارب :)

كل من شفته قلت له اليوم الخميس و تمشي عليه

هههههههههههه حلووه الحركه :kany:
بس ما تتطبق عندنا :d:

وحياك الله هتلر ..

هلالي اكاديمي

27/3/2007, 18:37

الله يلعن بليسك عينك في الأجازة عشان كذا قالو لنا دوام تدري ولا ماتدري طالع الصبح رايق أول مرة أمشي على راحتي الشوارع مافيها الا مطافيق ودي أعرف وين رايحين من قو الشطفه الموتر يهز الله لايبلانا .

اووووووه عيني عليها من يوم ما نزل الخطاب وشفته بعيني :slv:
هههههههههههههه بس يقولوا الرياض بدون زحمه ما تسوى ريال وفي روايه ريالين :d:

هذا أنا وPOWER في الرياض ومداومين طالع من الساعه تقريباً 4 ولاوصلت الا الساعه 6وربع ولاخليت شارع الا دخلوني فيه حسيت انهم بيخطفوني أثر كل اللي صار من عينك :jeng: المرة الثانية لاتعودها قل الله يهنيكم

ههههههههههههههه والله وصرت أعين أهل الرياض كلهم (rambo)
اللي يبيني أعين له شي أبد يحول فلوس وماله إلا نخليه يخر صريعا :d:

:d: أحس ذا السوال طالع من قلب محد قالك أسكن في الخبر تعال أسكن عندنا عين فراش وعين لحاف لاتقول وين المخده (himo) احمد ربك وتعال

لااااا يا رجال .. خلني بالخبر .. والخبر نفس الخبر :love:
وتسلم لي يا بعدي ما تقصر واهل شمر أهل كرم وجود .. وهذا الحق ما أجاملك والله :)

حياااك يا بعدي :)

مستقيل

27/3/2007, 18:39

أبو كدم ...

لا تقهرني يا شيخ :slv: ...

اليوم يوم اصحى الصبح علشان أداوم إلا البيت "يهتز" من قوة الشخير ...

يعني بالعربي "إشبع نوم"، لا دوام ولا يحزنون ...

و أنا يا هالمسيكين صاحي مبكر علشان ما انتكب بالطرق المقفلة و اتاخر عن الدوام ...

و اللي قهرني زيادة إن الموية اليوم "بااااااااااااااردة :q: "، يعني بالعربي جسمي وده يصفقني :lkj: ...

بس بصراحة احلى ما في اليوم الشوارع الصبح "فاضية" ...

يعني مشوار العمل أول ياخذ "30 دقيقة"، واليوم ما خذا اكثر من "5 دقايق" ...

و اللـه يعيننا على الطلعة، يقولون كل الشوارع مقفلة :cry: ...

شكلي بنام هنيا الليلة بالمكتب و بكرا يحلها ربك ...

----- الزبدة -----

1- كونك بالرياض "محجور" عليك و الشوارع مقفلة، بس اليوم اجازة = حلو ...

2- كونك منت بالرياض و ما عندكم إجازة، بس شوارعكم مو متقفلة = حلو ...

3- كونك بالرياض و عندك دوام و الشوارع المقفلة = اللـه آبوها حالة :jeng: ...

قلبها ازرق

27/3/2007, 18:40

:rolleyes: :rolleyes: :rolleyes:

<< نظرات وحده ناقده على اللي عندهم دوام واللي ماعندهم دوام :angel:

تصدق اللفيسات اللي فوق حسيتهم خواتي :d:

واللي حياتها نوووم وقوم وعلى كيفك قوم ونووم :kany: :jhgy:

هلالي اكاديمي

27/3/2007, 18:47

مستقيل ..

اليوم يوم اصحى الصبح علشان أداوم إلا البيت "يهتز" من قوة الشخير ...

ههههههههههههههههههه :d:

عاد انت حطيت حرتك في من أنا إلا تجيبه :d: .. كمل جميلك ونام بالعمل علشان تفتك من دوام الصبح والطرق المقفله :d:

----- الزبدة -----
1- كونك بالرياض "محجور" عليك و الشوارع مقفلة، بس اليوم اجازة = حلو ...
2- كونك منت بالرياض و ما عندكم إجازة، بس شوارعكم مو متقفلة = حلو ...
3- كونك بالرياض و عندك دوام و الشوارع المقفلة = اللـه آبوها حالة ...

ههههههههههه أهنييييييييييك من قلب على هالزيده :d:
الحمد لله اني ماني من الرياض :sheto:

قلبها ..
وش تستفيدي من حياتك كانها كلها قوم ونوم :jhgy:
على الأقل غيرك ينجز شي في الحياة .. وانتي ما غير نايمه ما تفرقي عن العجايز :d:

قلبها ازرق

27/3/2007, 18:56

ابو كدمه لو حصلك روتين حياتي ماقلت لا :cool:

بس انا اسوي شيء بحياتي اسير وازور الاصدقاءات والاقارب :angel:

ابوعايد

27/3/2007, 19:08

ان من سكان الشرقيه
اليوم وبكرى غياب تعاون مع اهل الرياض
المهم اهل الرياض شرفوا عندنا بالشرقيه وملوا الفنادق :jhgy:
واليوم انواع الهجوله على الكورنيش والخميس والجمعه هافمون :kany:
الاربعاء الكورنيش للزحف الشرقاوي وبرا ياهل الرياض الا كان تبون تشوفون عادي نخليكم تشوفون :fghty: :p

بس اليوم الصباح جو رهيب غائم وممطر

نايف 15

27/3/2007, 19:43

ارررررررررررحب يا أبو كدم :kany:

ياخي اليوم كان ودي أقوم من الصباح الباكر تدري ليش (rambo)

لا خطأ مو علشان أشوف رؤساء العرب الله يحفظهم ويخليهم لعين ترجيهم :hgfd:

علشان أكفخ للشرقية :kany: << أكفخ = أمشي وبقوة :d:

لاكن ماقمت للظهر :jhgy:

فيه واحد من الشباب مشى للشرقيه أمس بعد مباراة الهلال ..

دق علي اليوم الساعة 3.17 دقيقة عصرا

ويقول للحين ماحصلنا لافنادق ولاشقق :cry:

يعني شكل أهل الرياض كلهم مداومين عندكم :d:

الزبدة (himo)

الوعد الواجهة البحرية اللي بالخبر (himo) << مايدل غيرها :d:

أمزح تراني أعرف مجمع الراشد (himo) << بشّر زراق :d:

بصراحة أنا أعتبر الأجازة هذي زيادة خمول وكسل :rolleyes:

يعني لو أنها شهر .. قلنا تستاهل (himo)

السد الازرق

27/3/2007, 19:47

هلا أبو كدم ,,

أولا بما اني من أهل الأردن فالصراحه ماحسيت بأي شي ,,, وكل الأأحاسيس اللي داخلي هي من ترجمة العيااال :angel: بالريااااض :kany:

لكن أعجبني شي هو شعب الرياض رضي الله عنهم :d: :d: :d:

المهم أهم شي تعللمون زراق لا يطلع بالكبرس حقه تراااه شبه بقووه (rambo)

يالله سلاااام ياشباب وهاااف فن

:kany: :kany:

[[ عبود ]]

27/3/2007, 19:53

أهل الرياض رضي الله عنهم .. فالين امها و حنا هنا صاحين من الصبح :yuupy: ..

عموما ً .. جعل كل واحد بيروح للشرقية من (الرياض) تستغرق رحلته 9 ساعات ممتعة :amle: :kayf: < تراني مب حاقد :cry:

لو انها شهر يا نايف كان سوينا مظاهرات :d:

ثــامـر

27/3/2007, 19:55

والله الصراحه مافرقت معي داومت وكأن شيئا لم يكن < متبلد الاحساس :jhgy:

فنان

27/3/2007, 19:56

شوف حبيبي انا اشتغل فى القطاع الخاص يعنى مافيه اجازه مثل الحكومي

واليوم الصراحه الدوام فله ، العادة الواحد يرتفع ضغطه من الزحمة

بس اليوم وصلت فى 10 دقايق والخط فاضى وانا طاير بسيارتى احس انى راكب صاروخ مابسماء احد غيري والجو فله ماناقصنا الا كورة سله

بس المشكله يوم ختيت من الدوام الساعه 10 للبيت كان كلش تمام بس المصيبه

يوم جيت ارجع للدوام 1 الظهر لقيت الشرطه مسكرين المخارج وكل مارحت

لمخرج لقيته مسكر والشرطى ماغير مطير عيونه فى الى يناظر فى المخرج يبى يخش

جلست ساعه افرفر كنى فى لعبه الاتارى بك مان والاشباح ، لين وصلت

مخرج 10 الدائرى ومنها على طريق الملم عبدلله ومنها للدوام

ومنها على بوابه العمل ومنها على مكتبى الا حضرة المدير يقول وينك طاس :angel:

o0o زراق o0o

27/3/2007, 20:09

السلام عليكم ماشاء الله عليكم الله يخليكم :jhgy:

طيب واللي معطل على طول وش يسوي :angel:

الكابرس عنده تمرين 1000 كيلو بحكم ان ركبت له مكينة جمس جديدة :d:

السـامـر

27/3/2007, 20:25

اسكت بس لا تخليني اتنرفز

قال ايش حلو الدوام

وربي اني تمنيت اني من اهل الرياض واكمل النوم هههههههههههه

نبي قمه عربيه بعد شهرين في الشرقيه ههههههههههههههههههههههههه

قلب الشلهوب

27/3/2007, 20:50

يا شيخ يقطع أم الزحمة ..!
أبو دسمس أجل أول اشارة للخبر واصلة المواتر لين الكوبري :(

فعلاً دوام غير لأنك تطلع الساعة 5 وتوصل بيتكم 6 ونص (وجه يبكي)

مالت عليك يبو دسمس عطنا حل ومخارج سرية !!.

تبي تروح مع اشارة مجمع الظهران ولكزس تبي تآكلها زيادة :(

abdulmajeed_1

27/3/2007, 20:51

واااااااااههههههههههههههههههههههههههههههههههههههههههه
ههههههههههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههههههههههه

واا

واااا

وااااااا

وااااااااااع

(اصبر .. باقي وحده)

وااااااااااااااااهههههههههههههههههههههههههههههههههههههههه :d: :d: :d:

<=- سلامات اخوي .. اذا عندك نزله معويه ماعندنا حمامات ترا :d: :d: :d:

/

ابو كدم .. أجل عاجبك الدوام اليوم أقول تكفى إنقلع بسسس :d: :d: :d:

يانصاب شايف يوزرك كان هنا ومخفي بعد

ابو كدم تصدق إني غايب من يوم الأحد وكله من زود الحماس للإجازه :d:

الله يستر من الإنذارات بس (himo)

لا والله الصراحه غيابي علشان جايتني إصابه بالظهر وياحسافه من يوم الأحد وانا

على ماغير تسدح على الفراش (تسدح إجباري :d: ) ولا إنبطاح على الكمبيوتر :d:

تصدق والى الحين وانا اعاني من هالإصابه

وسبب هالإصابه طال عمرك شفت عمي شارين تلفزيون جديد كبييييييير

ويشله مع الهندي من سيارة إليكترو عشان يدخلونه

قلت بنفسي أفا ياذا العلم تشوف عمك يشيل تلفزيون وتناظره

وانا اسوي في أمها وأتهور وأفز فزة ذيابه وأشيل التلفزيون لحالي :d:

وتطق خمس عضلات ويطق عرقين خضر وواحد بنفسجي :d: :d: :d:

والله يجيرك من يومها وانا ماغير إنسداحات وانبطاحات ومهدئات

وتصدق بعد إن كل الزكرتيه متجمعين الحين بالإستراحه والحين بيحركون

للخبر ، قالولي تعال معنا .. قلت : قدااااام ، و كنت منسدح على السرير

يوم قلت قدام وانا أقوم وتجيني ذيك الصعقه الكهربائيه وانا أنطفس بالسرير

ساعتين من قوة الصعقة حتى عجزت أتكلم :d: :d:

ولا زال خوينا على التليفون .. ويعطيني من الإغراءات

حتى إنه قال (تعال وقطتك علي :d: ) <=- ياخي قسم بالله ماعمره سواها

وفاتتني روحه للخبر .. وبدون قطه بعد :d:

وهــ .. خلصت :d:

/

بعدين تعال .. مساكين حسني مبارك ماجا عندكم مساااكيييين :d: :d: .. !!

abdulmajeed_1

27/3/2007, 21:04

^

ههههههههههههه شفت يبو سعد ان الدوام له طعم غيير (himo)
الله لا يحرمنا منه .. بس لو عطونا إجازة كلنا كان أحسن ....
حنا نفلها وانتوا جلستوا بالبيوت :kany:

ههههههههههههههههههههههه على طاري جلسة البيوت تصدق يبو كدم
إن ودي أروح للحلاق أزبط الدقن لكن بعد ماقريت موضوع زراق حق المرور
خفت أطلع وأتبالش معهم .. ووالله إني رحت (كعابي) للبقاله بس شريت الرياضية ورجعت :d:
دخلت النت شوي ثمن كفختها نومه :d: وكل من دق علي أقوله (ياويل من المرور لا تطلع :d: )

ياخي مرورنا ذا كنه الف بي آي الله يدفع البلا :d:

وردة الهلال

27/3/2007, 22:14

حبي سدير

27/3/2007, 22:22

انا من ناحيتي نمت نوم حق اسبوعين

وقمت منكتم وضايقن صدري

قلت ياليت فيه دوام كان قمت من الصباح وافطرت واروح للدوام وانا مبسوط زيك

TURKI330

27/3/2007, 23:16

بالعكس هاليومين فرصة للمذاكرة و إعادة ترتيب جدولك الدراسي و إنجاز قدر كبير من البحوث المتراكمة * .. هذا للي يبي يستفيد ;)

هالترم زحمة كله و ما فيه اجازات نقدر نتنفس .. تقدر تقول هالاجازة نعمة من الله للي يبي يقدرها حق قدرها >> صارت موية :d: :d:

ماشاء الله ماشاء الله

المفروض ماكتبتي مثل هالاشياء

عند هالاوادم اللي ماقد شافوا خير :eek:

اذكري الله وامسحيها ولا رقعيها

ان تسانتس تبين تواصلين دراستس

اما ان تستانتس بايعتها ومخربتها

فالله يستر عليتس :jhgy:

abdulmajeed_1

27/3/2007, 23:16

بالعكس هاليومين فرصة للمذاكرة و إعادة ترتيب جدولك الدراسي و إنجاز قدر كبير من البحوث المتراكمة * .. هذا للي يبي يستفيد ;)

* متراكمة عليتس انتي لحالتس

لا والله مب عليتس لحالتس ، ناس وراهم ثلاث أختبارات ورا بعض
السبت & الأثنين & الثلاثاء .. !

مار الله يعين ويوفق ، !!

POWER

27/3/2007, 23:39

ابو اكاديمي يا حليلك اجل انت ونواف تقولون وراه شركتنا ما عطو اجازة لنا بهاليومين :d:

ياحليلك انا يومني اطالب بأن الموظفين يروحون بدري خلال هاليومين طبعا لاني عارف انه بيكون زحمه واقترحت انه يكون نص دوام لثلاث ايام متتالية ( الثلاثاء + الاربعاء + الخميس ) تدري وش ردو علي الادارة ؟ :rolleyes:

رسمو لي وصف للشركة للي وده يجي عن طريق وسط الرياض او عن طريق الشمال او الجنوب او الشرق والغرب .

يعني فيما معناه الفقه يا بور وخل الموظفين يجون لو على بعارين :rolleyes:

والبنك الامريكي بالادارة العامة بطريق الملك عبدالعزيز " المطار القديم " بحكم ان الطريق مسكر الادارة راسمه لهم كروكي وشلون يجون عن طريق الحارة من ورا .!

يعني كل هذا وانت تقول يطالبون باجازة او يعطونهم هاليومين .. الا قل عسى ما يشغلونك يوم الجمعة بس !! :rolleyes:

وينك يا وحيد الجزيرة بس تعال ترى ما يشفي غليلي من هالشركات الا انت :d:

غصـ أحبك ياسام ـب

28/3/2007, 00:52

ناوي تقهرنا يالحبيب

على العموم بالعافيه عليكم تستاهلون يا أهل الرياض

<<<<<< الله يكون بعونكم يا أهل الشرقيه على زحمة أهل الرياض

أبو خالد 200000006

28/3/2007, 01:31

أما أنا __ هل الشرقية__
الجو كان روعة وهو اللي خفف معاناة الدراسة

9smsm9

28/3/2007, 02:14

أما انا الصراحه ما تفرق معي سواء عطوكم اجازه ولا ما عطوكم <<<< احلف :d:

قمت وافطرت ولله الحمد وسريت للجامعه

ودارن درى ودارن ما درى <<< هي كذا تنقال :d:

وكل هذا كان بعد الاجازه لمدة اسبوع في الاسبوع الماضي :kany: :kany:

ابو كدم تصدق الجامعات الامريكيه ماخذين افكار البترول <<< اقول انقلع بس

يعطوننا اجازه اسبوع بوسط الترم لتجميع القوى

امحق قوى ,,, اعنبوا دارهم هالدكاتره ما تحلى الواجبات والمشاريع إلا اذا جت الاجازه :slv: :slv:

يعجبك واحد من الشباب كويتي هنا على وشك التخرج (( ما شاء الله )) ماستر إعلام

عاد ابو الشباب كاتب البحث حقه وعطاه الدكتور المشرف عليه قبل الاجازه بيومين ,, قاله المشرف اجازه وشلون تبيني اقراه :rolleyes:

رد عليه : كل عمركم تعطوننا واجبات بالاجازه وبحوث ,, الحين دوركم تقرون بالاجازه :fghty: :fghty:

اكل تبن الدكتور واخذ البحث (rambo)

سلام ياحلو :sheto: ....

برستيج

28/3/2007, 02:24

هلا ابوكدم

سؤال على الماشي ..

اليوم وش هو .. الاربعاء والا الجمعه والا الخميس .. ؟؟

تعرف من طول الاجازه ضيعنا الايام .. <<< مو اسلوب قهر ابد .. :d: :d:

بالعكس هاليومين فرصة للمذاكرة و إعادة ترتيب جدولك الدراسي و إنجاز قدر كبير من البحوث المتراكمة * .. هذا للي يبي يستفيد
ورده .. احسن شي انك لحقتي كلامك بهالرمز ( * ) .. :angel:

تحياتي يا اجازة .. (himo)

الصياد الازرق

28/3/2007, 02:35

هلا ابوكدم

سؤال على الماشي ..

اليوم وش هو .. الاربعاء والا الجمعه والا الخميس .. ؟؟

تعرف من طول الاجازه ضيعنا الايام .. <<< مو اسلوب قهر ابد .. :d: :d:

.. (himo)

خخخخخخخخخخخخخخخخخخخخخخخخخخ اسلوب خيالي

انا وانا في الرياض انقهرت :d:

كيف اللي برى :cry:

مـ ج ــرد حلم

28/3/2007, 02:36

GAHERHM

28/3/2007, 03:17

يقولون السبت اجازة :d:

مـ ج ــرد حلم

28/3/2007, 03:43

قررت التالي

1-غياب عن الجامعه واخذ اجازة لمدة اسبوع عشان اقهر اهل الرياض
2-لان ابرح الشبكه 7 ايام بلياليها واستقعد لاهل الدراسه والدوام
3-سلامتك نود لك سلامتك

صلبوخ

28/3/2007, 08:59

نوم في نوم (himo) :p

ودي يخلون القمة أسبووووع :kany: :d:

خلنا نفلها ونبسط شوي وبرضو يا أبو كدمه أنت تصير مبسوط أذا أنت داومت وحنا لا :p

ياخي متى ودهم يفتحون الشات :d: :d:

Il Fenomeno

28/3/2007, 10:43

هلالي اكاديمي

28/3/2007, 12:12

أرحبوااا والله ان ترحبون كلكم :d:
عندي إختبار اليوم أدعوا لي يا أهل الرياض لانكم واسطات وفاضين وما عندكم إلا النوم .. :d:
ولا يهون العاطلين والي ما غير يصلحون كوابرس ولأ يسيرون على الصديقات :d:

طخمه سريعه على المااشي ..

سؤال على الماشي ..
اليوم وش هو .. الاربعاء والا الجمعه والا الخميس .. ؟؟
تعرف من طول الاجازه ضيعنا الايام .. <<< مو اسلوب قهر ابد ..

برستيج ..
حنا ناخذ الإجازة من راسنا اما انتم إلا بأمر من السلطات العليا :fghty:
يقولوا يا برستيج انك ضد قمه العربيه ... ولا تهتم بمصلحه الأمه العربيه ولا في إجتماعها .. والدليل حتى في منتداك ما تحاول تجميع الشباب على شات مثلا .. أو من هالقبيل .. :rolleyes:

فمدري وش صحه هالمعلومه طال عمرك .. (himo)

طخمه ثانيه علشان الحلو سمسم :d:

ابو كدم تصدق الجامعات الامريكيه ماخذين افكار البترول

مصدقك وربي مصدقك .. البترول هذي حاقه حلوه أوي أوي أوي :slv:

راجع لكم :kany:
سلام

puma

28/3/2007, 15:22

هلالي أكاديمي
وش فيك نسيت ان اهل القصيم معطينهم إجازة بس حنا بنات وأولاد القصيم قلنا لا ما نبي .؛.
ودنا نتعلم :rolleyes: .؛.
علشان نخلص المنهج قبلكم ونختبر قبلكم ونعطل قبلكم <<<<<أو الله من الدباشه :angel:
بس تعال ما قلت لنا وشلون العطله بالرياض تلوع الكبد صح ;)

بس اليوم الإربعاء يا ويلي خلصت العطله عليكم :p <<<<قسمن تقول بزران

لا واليوم الصباح جالسين نعد كم بقا من ساعه ونطلع وتخلص عطلة الرياض<<<<<أنواع النذالة :fghty:

على فكره موضوعك أصلاً ما قهرنا :d:

سلملم

زيـزوم

28/3/2007, 15:30

والله عاد مافرقت معي بالحيل ..

بالرياض والا بحايل

أساساً انا أداوم يوم الأحد والإثنين وساعة وحده يوم الثلاثاء بالمغرب بس :d:

آآآآبوك يالجدول المضبوط

sonblboy

28/3/2007, 16:34

الرياض اجازة
واهل القصيم بعد اجازة من باب التعاون مع الرياض

abo wdee3

28/3/2007, 19:52

ابو كدم

يوم جت القمه العربيه بمكه ماعطونا اجازء العام والحين يوم جت للرياض عطوهم لــــــــــــــــــــيه :slv: :slv:

يازين الدوام بلا نوم بلاهم

بس من جد الرياض هل عشان زحمه والا عشان الواسطه :angel: :angel:

لأنكم ماشاء الله بمكة كل يوم عندكم قمة اسلامية والوضع عندكم عادي جداً ولله الحمد :)

<< ملقوف رد بدل ابو كدم :angel:

abo wdee3

28/3/2007, 19:53

يقولون السبت اجازة :d:

لا لا لا الله لا يقوله وشوله الاجازات البايخة هذي ؟؟

ليش تبي تحرمنا من متعة الدوام يالله من فضلك :angel:

يارب انها اشاعة بس :angel:

<< ما قلت لك ملقوف :angel:

abo wdee3

28/3/2007, 19:57

قررت التالي

1-غياب عن الجامعه واخذ اجازة لمدة اسبوع عشان اقهر اهل الرياض
2-لان ابرح الشبكه 7 ايام بلياليها واستقعد لاهل الدراسه والدوام
3-سلامتك نود لك سلامتك

والله أهل الرياض ما طقو لك خبر ان نجحت والا سقطت فهو لنفسك وخلهم هالخايسين محبوسين ببيوتهم يتمنون الدوام المساكين :angel: , وقل الحمدلله على نعمة الدوام اللي أنت فيها :d:

حياك ومشكور على المرور :)

<<< لا اللقافة زايدة :angel:

abo wdee3

28/3/2007, 20:01

نوم في نوم (himo) :p

ودي يخلون القمة أسبووووع :kany: :d:

خلنا نفلها ونبسط شوي وبرضو يا أبو كدمه أنت تصير مبسوط أذا أنت داومت وحنا لا :p

ياخي متى ودهم يفتحون الشات :d: :d:

عشان تخيس ببيتكم اسبوع , حدك تطلع الحوش وترجع داخل البيت مرة ثانية :angel:

وأبو كدمة صدقني انه مبسوووط وآخر حلاوة (himo) , وانت خس ببيتكم يالخايس <<< بفلوس ريحة خايس :angel:

وبالنسبة للشات فخلهم يفتحون شوارعكم احين بعدين تعال طالب بفتح شات :angel:

مرورك الاروع تقبل تحيات ابو كدم :angel:

يالله بو كدم هذاني رديت لك على اربعة مدري ثلاثة وما سمعتك صوت شي وين الحساب :angel:

وكل واحد مرورهـ أروع من الثاني بهالموضوع المروع :angel:

تقبلو فائق احترام ابو كدم :kany:

Il Fenomeno

28/3/2007, 20:05

^

^

صــادوه يوز الفزعه حق ابو كدم :d: << آآآآبــوك يـا الـذكــي :angel:

abo wdee3

28/3/2007, 20:08

لي عودة ان شاء الله مع بعض الردود ومنيب ناسي احد لا تخافون :angel:

ههههههههههههههههههههههه على طاري جلسة البيوت تصدق يبو كدم
إن ودي أروح للحلاق أزبط الدقن لكن بعد ماقريت موضوع زراق حق المرور
خفت أطلع وأتبالش معهم .. ووالله إني رحت (كعابي) للبقاله بس شريت الرياضية ورجعت :d:
دخلت النت شوي ثمن كفختها نومه :d: وكل من دق علي أقوله (ياويل من المرور لا تطلع :d: )

ياخي مرورنا ذا كنه الف بي آي الله يدفع البلا :d:

سلامات والله يابو نوير :magkiss:

اللي يقهرك انهم تلقاهم الحين يتفرجون على التلفزيون ومستانسين وانت منسدح ما تقوا تقوم :d: :d:

وااههههههههههههههههههههههههههههههههههههه ووااااا هههههههههههههههههه

<< ياخي احسك وحش :qw: اذا ضحكت :d:

اسعدني مرورك اللي أطلق من مرور الرياض :kany:

لي عودة لمتابعة باقي الردود :d: :d: :d:

أبو نورة درينا ان اخوياك يحبونك ويبونك تجي معهم :p :d:

يا ويلك تقول وش دخلني أرد :angel:

سلف ودين

28/3/2007, 20:16

يارجال اللهم لك الحمد دوام وسعة صدر وقومة على الصبحية وشوارع عريضة وتفرج على خلق الله من هالآوادم وتفكر في المخلوقات ..

وإلا اجازة يومين وطقة بالبيت وسجن ولا مشورة ولاهنا طلعة وتحجير ومشورة بهالحارات ..

محمد وش رايك ايهم تختار ؟ :kany:

محمد الهلالي

28/3/2007, 21:02

ايه واخبار ابو كدم ؟ :d:

انا بس حبيت اسلم واقول لاهل الرياض ولا بلاش اكيد بيزعلون :d:

لو انكم كويسين ماكان سدوا الطرق بوجيهكم وطردوكم للشرقيه :d:

يلا بس لا جاء يوم الجمعه كلن يضف عفشه قسم من كثر الزحمه نصكم استأجر بالبحرين :d:

ايه اخباركم ؟ :jhgy:

o0o زراق o0o

28/3/2007, 21:33

ابووديع .. ابو كدم يسلم عليك ويقول خذ راحتك :jhgy:

Il Fenomeno

28/3/2007, 21:52

أنـا بصراحه أخذت اجازه مع حقين الرياض :d:

وها اليومين مسوي دوريات بشوارع المدينه ما فيه حاره والا شارع الا وشيكت عليها :d:

كنت ناويني اروح لـ بريده :love: لكن الحكومه عيوا :d: ،، يقولون ما امداك رايح :d:

تحياتي :noo:

يقولون أنك بكره الصبح تبي الداوم من الساعه 7 إلى 11 :d:

هــذا جــزاء اللي يغيب يومين :d:

<< عنده اختبار قياس :slv:

دعواتكم لي بالتوفيق :kello:

برستيج

28/3/2007, 22:25

برستيج ..
حنا ناخذ الإجازة من راسنا اما انتم إلا بأمر من السلطات العليا :fghty:

اقول يالشين .. السلطات لو قالت تدوام يوم الخميس و الجمعه بعد .. فاول واحد راح يدوام هو انت ..
لانك لا انت ولا غيرك يقدر يقول لا .. :p

بس هذي مشكلة العذال .. واللي ما يطول العنب ............... ( اكمل الفراغ ) .. :d: :d:

برستيج ..
يقولوا يا برستيج انك ضد قمه العربيه ... ولا تهتم بمصلحه الأمه العربيه ولا في إجتماعها .. والدليل حتى في منتداك ما تحاول تجميع الشباب على شات مثلا .. أو من هالقبيل .. :rolleyes:

فمدري وش صحه هالمعلومه طال عمرك .. (himo)

هههههههههههههههه .. اقول .. خلنا نهتم بمصلحتكم اول وبعدين نفكر في الامه العربيه .. :d:

واذا كان لم الشمل والوحده العربيه ما راح تتحقق الا بشات .. فامحق وحده .. :angel:

انا بس حبيت اسلم واقول لاهل الرياض ولا بلاش اكيد بيزعلون :d:

لو انكم كويسين ماكان سدوا الطرق بوجيهكم وطردوكم للشرقيه :d:

:jhgy:

ابو حميد ..
راجع الكلام اعلاه .. واكمل الفراغ مع ابو كدم .. :p .. :d:

هلالي اكاديمي

28/3/2007, 22:26

ما قصرت يبو وديع :kany:

عدد الأعضاء الذي يتصفحون هذا الموضوع : 2 (2 عضو و 0 ضيف)
هلالي اكاديمي*, برستيج

برستيج ترى انا موصيه يرد بعد اذنك يعني لان افكارنا تتطابق احيانا :angel:

اقول يالشين .. السلطات لو قالت تدوام يوم الخميس و الجمعه بعد .. فاول واحد راح يدوام هو انت ..
لانك لا انت ولا غيرك يقدر يقول لا ..

انا باقي طالب ومالي كفيل للحين :fghty:

لم الشمل والوحده العربيه ما راح تتحقق الا بشات .. فامحق وحده

ههههههههههههههه والله أمحق وحده :d:

وبالتوفيق تفاريس يارب :magkiss:

أخو دلال

28/3/2007, 22:31

استاذ مدرعم .. ممكن تعطي الحج برستيج وورنينق لتر حيث انه يشتشت مع الشباب ومزلب بأنظمة المنتدى (rambo)

الــــنــــاقــــــــد

29/3/2007, 02:40

ماعندهم وقت أهل الرياض .. طردوهم من مدينتهم جو سووا لنا زحمة :slv:

والله الشقق فُل .. ومكة فُل .. والطائف فُل .. وجدة فُل من أهل الرياض :jhgy:

ياكثرهم :angel:

بصراحة ودنا هالإجازات تكثر ع الأقل نستفيد منهم إقتصادياً :d:

أبو كــــدم .. كيف مع المؤشر :p

HENRY 4ever 14

29/3/2007, 03:01

ج1/<< إختبارات :d: الإجازة الخاصة بأهل الرياض أفـل لأنك لو بغيت تروح للشرقية ولا لجده ،،
احسن لانهم رابضين وعندهم مدراس ،،،

ج2/ استفدنا من الوقت ورحنا كم مكان في وقت واحد حتى اسولف مع واحد
من العيال نقول وش السالفه فاضيه التحليه والعليا والملك عبدالله،فهد،عبدالعزيز
التخصصي قلت له لان البعض معتقدين مفيش طلعه والأغلبييييييه
طاحوا فالشرقيه تسنهم مازد سافروا وخذوا إجـازة ...!!
ماقول الا الله يوسع علينـا وعليهم يا اكاديمينـا :d:
ويا رجال لا تفللها تراهم يومين وبسم الله راحوا زي السلام عليكم
شكل حقين جده والشرقيه حاسدينـا << :d: تسلم يمناك يالغالي اكاديمينا ،،
عطيتنـا فرصه نتكلم :d:

وخيك عبدالعزيز :kany: << مسوي حنس :d:

نوااااااااف11

29/3/2007, 03:04

خساره خلصت الاجازه

ان شالله القمه الجايه بعد عشرين سنه :jhgy:

TOTTI 10

29/3/2007, 07:31

هلا بالذيب .

تصدق أطفش عطلة >>>>ما أمداها تبدأ :d:

لكن عطلت الإثنين ..مشيت الثلاثاء ..للقصيم ..مع أهلي طبعاً بموتري لحالي .. :jhgy:

ماجاز لي الوضع رجعت لرياض الخير ..

وأمنيتي .والله أجي للشرقية ..القلب عندكم ذا الإسبووووع أحم أحم :love:

محمد الهلالي

29/3/2007, 20:31

ابو حميد ..
راجع الكلام اعلاه .. واكمل الفراغ مع ابو كدم

اي فراغ هاللي اكمله وانتوا خليتوا فيها فراغ :d: :d:

ابو وديع بالله رد على باقي الاعضاء وراك سحبت علينا :angel:

القيصر رهيب

29/3/2007, 20:44

1 -وش شعوركم يوم انكم تعطلون اليوم وباقي المدن مو معطله ( إذا كنتم من أهل الرياض رضي الله عنهم

شعور تحس انك فله ودك تطلع لسان للي مداومين في الخبر

abdulmajeed_1

29/3/2007, 23:13

سلامات والله يابو نوير :magkiss:

اللي يقهرك انهم تلقاهم الحين يتفرجون على التلفزيون ومستانسين وانت منسدح ما تقوا تقوم :d: :d:

وااههههههههههههههههههههههههههههههههههههه ووااااا هههههههههههههههههه

<< ياخي احسك وحش :qw: اذا ضحكت :d:

اسعدني مرورك اللي أطلق من مرور الرياض :kany:

لي عودة لمتابعة باقي الردود :d: :d: :d:

أبو نورة درينا ان اخوياك يحبونك ويبونك تجي معهم :p :d:

يا ويلك تقول وش دخلني أرد :angel:

.
.

هههههههههههههههههههههههههههه :d:
يوه قسم بالله إنك بطل يابو وديع :d:
يابعد .. ابو كدم والله .. ابو كدم عادي عادي لاترد
بس يرحم أبوك لاعاد تعودها وتقول لي عودة :d:

كمل يابو وديع يابطل كمل :d:

نوااااااااف11

29/3/2007, 23:30

يغلق (himo)

نوااااااااف11

29/3/2007, 23:38

8
8
8
خير ان شالله :angel:

هلالي اكاديمي

29/3/2007, 23:48

قلبها ..
والله الله يكفينا من هالروتين الي مدري وش يبي :d:
والزيارات بالعصر .. باقي اليوم وين عاد :d:

ابو عايد
اي والله الشقق فلللل وتوهقت مع ناس كثير جايين من الرياض خلها على ربك بس :rolleyes:

نايف (15 نقطه) :d:

خطأ مو علشان أشوف رؤساء العرب الله يحفظهم ويخليهم لعين ترجيهم

هههههههههههههههههههههه :d: :d:

يا رجال لا تكفخ ولا شي .. إذا عن الكفخ بنكفخ بدالك :angel:

إعتبارك الأخير محل تقدير وإحترام :cool:

السد ..
ما تحس بشي مررره !!
ما عرفنا لك مره جده ومره الرياض ارسى على بر :d:

عبود ..
يا رجال أنصح كل من له نفس يروح أنه يجلس ببيته ما عاد تسوى بريال الشرقيه .. :rolleyes:
توني جيت من برا الوضع ززززززحمه بقوووووووووه :yuupy:

د ابوتوتا
الله يعينك على إحسااسك :jhgy:

فنان
هذي هي المشكله عندكم الصباح الوضع فري والليل ما أحد يقدر يطلع..
والله يعينكم على الدوام وعلى مديرك :d:

زراق ..
إذا معطّل روح زور الأصدقاء والأقارب :d:
والكابرس لا تمرنها الحين ترى مالها داعي تجلس الكابرس شهر عند التوقيف بعيده عنك :d:

السامر الولهان
يا رجال شوفهم الحين .. تلقاهم طفشوا :p

قلب الشهلوب ..
والله يبو عابد اني يوم الربوع طالع والزحمه مثل ما قلت من جد ما تنطاق الزحمه ..
وهذا اني توني جاي من برا وأقسم بالله طفشت من كثر ما أوقف عند كل إشارة ربع ساعه لين اوصل الكورنيش الي فللللل
الله يعين بس هذاهم بيروحوا الحين .. أوعدك :angel:

ابو نورة شايت الكورة ..
خل ابو وديع يرد عليك :amle:
قبل ما أروح .. سلامات ما تشوف شر ==> شفت ان قلبه طيب :qw:

لي عوووووده ==> علشان أقهر ابو نورة :kany:

نواف ... لا تعلم المشرفين شغلهم :d:

الزعيماوي

30/3/2007, 13:50

صدقت يابوكدمه (himo)

وش إستفادوا من الغياب ؟وبعدين ناموا وقاموا ؟ :jhgy:

دمنا مداومين :kany:

معليش على تأخر الرد بس خبرك جالسين نهبل فيكم بمن انا :fghty: :fghty:

ابوسعد الهلالي

30/3/2007, 14:14

استاذ مدرعم .. ممكن تعطي الحج برستيج وورنينق لتر حيث انه يشتشت مع الشباب ومزلب بأنظمة المنتدى (rambo)

هذي توكل ولاتشرب يابوعابد :angel:

هلاليه والنعـم

31/3/2007, 14:25

:angel: ..

ادري اني متأخره بالرد :jhgy:

بس تراكم انتم اليوم مداومين :p

..

انا مب من اهل الرياض بـس حنا عكس اهل الرياض ..

اهل الرياض جايين للشرقيه :amle: وابد ماسووا لنا زحمه :jhgy:

بس حنا رحنا للرياض :angel: ..

بأمر من امي الله يخليها لنا قالت ابروح اشوف بنيتي هناك :d: ..

واحنا ماصدقنا على الله بنغيب معهم :kany: :fghty: << رايحين نحضر للقمه معهم :d:

ان شاااء الله الاجازه الجايه لنا يااارب :angel: ..

واهل الرياض يداومون (rambo) :p

:noo:

صلبوخ

31/3/2007, 19:28

عشان تخيس ببيتكم اسبوع , حدك تطلع الحوش وترجع داخل البيت مرة ثانية :angel:
أصلنا ماعندنا حوش :p

وأبو كدمة صدقني انه مبسوووط وآخر حلاوة (himo) , وانت خس ببيتكم يالخايس <<< بفلوس ريحة خايس :angel:
(himo) أبو وديع عسى ما شر :d:
وبالنسبة للشات فخلهم يفتحون شوارعكم احين بعدين تعال طالب بفتح شات :angel:
:jhgy:
مرورك الاروع تقبل تحيات ابو كدم
أبو وديع بنزل موضوع بعد كم يوم أبغاك ترد بدالي :kany: :d:
بس أبغاك تعامل الزباين زيييييين :d: :d:

محمد الهلالي

31/3/2007, 20:30

abo wdee3

31/3/2007, 20:41

الحين وش له تقفلون الشات اللي فوق اقصد من انا (rambo)

والله مالكم داعي توني بجهز ادلة اقصد بشارك معكم هناك ورايح مقهى ومتعني :zael:

والله ما اخلي فلوسي تروح بلاش اليوم بشتشت يعني بشتشت :jhgy:

شباب انا عندي عرض لاهل الرياض اللي يبي يجي الشرقية

يجي بشقتي تراها فاضيه مافيها الا انا ويجيب معه 500 للربوع والخميس والجمعه ولا اقول 400 بس بدل الخساير والدواره بها الشقق

وانا بدبر نفسي بنام مع ابو كدم :d: :d:

خلونا نسترزق من وراكم بدال منتوا مالكم فايده :d:

ايه اخبار ابو كدم وراه زعلان علينا منزل موضوعه وناسيه :d:

يا رجال خلك من هالموضوع تعال شف موضوعي مقفلينه يقولون انتهت العطلة !!

طيب هالموضوع عن دوام يوم الثلوث :N: , معقوله الى الحين ما انتهى :d:

وبعدين ودي ادري بس وشلون الحين يبوني اسال العالم عن شعورهم بعد ما انتهت العطلة الا والعطلة منتهية !!! وشلون اسالهم وشلون شعورهم بعد انتهاء العطلة وهم بالعطلة ما بعد انتهت !!!

يا رجال وسع الصدر بس انا من هذا المنبر اناشد معالي السلطان بريستيج وأقوله :

يا عمي السلطان حن على الغلبان القفل بايديك وابو وديع عطشان (( وانا هيففففاء )) :jhgy:

يا بريستيج فداك الموضوع ان بغيت تحذف والديه وتطير يوزري معه فداء يا رجل لكن عاملني زي ما تعاملهم عشان بس ما يحسون اني مميز بينهم :angel:

ايوه نرجع للقفل :

اسعدني مرورك حغيغتن ومافيك حيلة :angel:

هلالي اكاديمي

31/3/2007, 21:12

عدد الأعضاء الذي يتصفحون هذا الموضوع : 6 (6 عضو و 0 ضيف)
هلالي اكاديمي*, <<هـلالـي>>, **أسووم**, محمد الهلالي, محمدالغامدي, نوااااااااف11

هش هش هش :hgfd:

برستيج

1/4/2007, 09:17

يا رجال خلك من هالموضوع تعال شف موضوعي مقفلينه يقولون انتهت العطلة !!

طيب هالموضوع عن دوام يوم الثلوث :N: , معقوله الى الحين ما انتهى :d:

وبعدين ودي ادري بس وشلون الحين يبوني اسال العالم عن شعورهم بعد ما انتهت العطلة الا والعطلة منتهية !!! وشلون اسالهم وشلون شعورهم بعد انتهاء العطلة وهم بالعطلة ما بعد انتهت !!!

يا رجال وسع الصدر بس انا من هذا المنبر اناشد معالي السلطان بريستيج وأقوله :

يا عمي السلطان حن على الغلبان القفل بايديك وابو وديع عطشان (( وانا هيففففاء )) :jhgy:

يا بريستيج فداك الموضوع ان بغيت تحذف والديه وتطير يوزري معه فداء يا رجل لكن عاملني زي ما تعاملهم عشان بس ما يحسون اني مميز بينهم :angel:

:angel:

ابو وديع حبيبي .. المعاملة بين الاعضاء وحده .. لكن

هناك فرق بين موضوع تحول الى شات ( بمباركة صاحبه )

القفل وابو سعد وبور وباقي الشباب خوذو راحتكم وراجعلكم :d:

:angel:

وبين اخر لم يكون صاحب الموضووع راضي عما صار اليه ..

واعتقد عرفت الحين .. ليش واحد يتقفل وثاني لا .. ;)

هلالي من طفولتي ــ صلبوخ ــ نواااااااااااف ــ ابونوره شايت الكوره

محمد الهلالي ــ << هلالي >>

راجعو الخاص .. (himo)

لا .. وتبون موضوع شات بعد انتم ووجيهكم .. :amle:

abo wdee3

1/4/2007, 16:47

ابو وديع حبيبي .. المعاملة بين الاعضاء وحده .. لكن

هناك فرق بين موضوع تحول الى شات ( بمباركة صاحبه )

وبين اخر لم يكون صاحب الموضووع راضي عما صار اليه ..

واعتقد عرفت الحين .. ليش واحد يتقفل وثاني لا .. ;)

هلالي من طفولتي ــ صلبوخ ــ نواااااااااااف ــ ابونوره شايت الكوره

محمد الهلالي ــ << هلالي >>

راجعو الخاص .. (himo)

لا .. وتبون موضوع شات بعد انتم ووجيهكم .. :amle:

أهاااااا اجل اجازة ؟

طيب وراك ما قلت كذا يوم تقفل موضوعي ؟؟

بحكم ان الاجازة انتهت ..

فاعتقد ان هالمووضوع المفروض ينتهي ..

وهالموضوع أقدم من موضوعي والى الآن موجود على الرغم من انه ما يخلو أبداً من الشتشتة :hgfd:

وارجع وشف بنفسك وحكم ظميرك يا حكم :angel:

انا ما همني الموضوع بكيفه لكن لازم يكون فيه مقياس محدد ولجميع الاعضاء ومهب انا اللي اعلمك لكني الصراحة ما شفت هالشي فانت مشكوراً قفلت موضوعي لسبب والآن تبرر لي لسبب آخر وبعد شوي يمكن يطلع سبب جديد وتتعدد الاسباب والقفل واحدو :angel: ولا شفنا هالقفل بهالموضوع لاي سبب من الاسباب من اللي تقول ومتوفرة بهالموضوع ..

وعلى فكرة ترا كلمة خوذو راحتكم قلتها لان بعض الشباب يتحرج من انه يرد على الموضوع اكثر من مرة بس :) , وانا موضوعي حبيت يكون فيه اخذ وعطاء ونشوف انطباعات الشباب عن الاجازة :)

كل الود :)