TURKI330
19/3/2007, 00:06
السلام عليكم
مقدمة
اولا انا كنت قاعد اكتب هالموضوع وقاعد اكثر من نصف ساعة واخرتها ضاعت الصفحة
المهم بحاول اختصر بقدر الامكان
نبدا بسم الله
بعد ماقريت موضوع زراق عن سيارته حنيت وتذكرت الماضي وسقطت دمعاتي :cry:
فقلت خلني انفس شوي بالشبكة واخفف من هالمعاناة :N:
طبعا كاي واحد في افراد اسرتنا لا يفكر في السيارة الا بعد الثانوي :slv:
طبعا انا تخرجت من الثانوي بتقدير امتياز ولله الحمد
نهاية عام 1421
وسجلت في جامعة الملك سعود كلية الهندسة
المهم بعد التسجيل بدا حلم السيارة يراودني
وبديت ادور لي على السيارة اللي بتناسبني
وادور منا ... ومنا الين اقتنعت بالهوندا الاكورد
المهم كتب لي الوالد الشيك بــ79500 ريال
فل كامل فتحه وجنوط ومثبت ولون رصاصي مدري موفي :love:
ورحت وطلع سيارتي
ان كاني مانيب واهم في شهر ستة او سبعة من عام 1422هــ
وطبعا لابد من حركات التظليل والتستيب وفك اللوحة الامامية وانواع المفالفات <<< يعني بالعربي مراهق :d:
تشابتر ون
المهم جاء ذاك اليوم في شعبان من ذاك العام
كنت توني مغسل سيارتي بالمغسلة ولا شاري لهم علبة ستوب علشان ستوبهم تجاري :angel:
ولبقت عند البيت دق علي واحدن من اخوياي
هو:تركي اطلع ابوصل انا وياك مشوار
انا : طيب طيب بس لبق موترك بنطلع على موتري <<< بازن بموترة :fghty:
المهم واشغل الموتر واطلع مع شارع حارتنا وقبل مااطلع على الشارع العام
كان فيه وايت شفط (وانتوا بكرامة )ماسك الايسر في نهاية الشارع على شان ياخذ اللفة كبيرة :ignor:
انا يالضعيف جيت مع اليمين ابي بس راعي الوايت يمشي في حالة واطلع بعدة :jhgy:
المهم الشاحنة اللي تسحب الوايت تاخذ اللفة صبعة اما التانكي نفسة يلف على طول (rambo)
يعني ياخذ اللفة على طول مهوب زي الشاحنة نفسها :hgfd:
انا طبعا واقف احتريه ينقلع
واناظر يساري احسن ان كفر والوايت يقرب لمي :eek:
ياولد لا لا يمكن ان الدعوة فيها لبس بالموضوع :jhgy:
والكفر كل ماله ويقرب زيادة :zael:
معقول ياتركي انت متاكد من الموضوع :jhgy:
ماحسيت الا قزاز سيارتي يتطاير علي :cry:
والكفر كل ماله ويقرب
حاولت اوخر ولكن في ذيك اللحظة جتني حالة اسمها ام الركب :fghty:
يعني بالعربي تهنق ولاعاد تقدر تتحرك :ignor:
طبعا الحمد لله وقف سواق الوايت حسبي الله عليه
بعد صراخ اللي كانوا عند البقالة
ولكن المصيبة مهيب هنا
المصيبة في هذي اللحظة
كان ابوي شاري خبر ولاف مع الشارع باامان الله :eek:
وشاف الحادث ومالقى له بال لانه من النوع المسالم :d:
طبعا ابوي ماشي في حال سبيلة ويوم لف وهو مقفي ناظر بالمراية :eek:
كن هالموتر مهوب غريب علي :confused:
مهوب هذا موتر تركي ................. :ignor:
ويلبق سيارته في مكانها بنص الشارع وينزل
يوم وصل الى اني قاعدن اهايط على الهندي عقب مااستوعبت الموقف :lkj:
وقعد يهديني والحمدلله مادامك طيب الحديد يتعوض :love:
ولااخفيكم اني في هاذيك الليلة جلست اصيح من القهر :cry:
سيارتي توني بازن بها مالي شهرين يجي هذا وبغمضة عين ....... :slv:
المهم طبعا الصدمة جت في باب السواق وفي الرفرف الامامي وفي الصدام الامامي
المهم الحمدلله عدت بخير وسلمت انا وخويي :mad:
وطبعا بعد التقدير السيارة تكلف 9000 وبعد الطقاق يالله حصلت 3000 بعد ماجاء الكفيل عند ابوي
والباقي دفعة ابوي :ignor:
تشابتر تو
مرت الايام وصرت مااحب سيارتي :fghty:
حسيت انها خلاص مصدومة وماهيب اللي انت تبي
راحت الايام ولازالت الهوندا مستمرة معي
مابقى مكان الا سيرت عليه سيارتي
تبي تطعيس تبي طمر ارصفة
المطبات شايلها من قاموسي :d:
الا ان جاء ذاك اليوم
قبل حوالي ثلاث سنوات
الساعة احدعش باليل رحت اجيب سيارتي من المغسلة
( طبعا لاتحسبون اني اغسل سيارتي اربعة وعشرين ساعة بالعكس سيارتي ماتتغسل الا بالشهر مرة او مرتين )
جيت ولبقت عند الباب
رقيت انام
كان عندي دوام بالجامعة ثمان الصباح طلعت وكان الطريق زحمة شوي
ولكن فجاة :eek: وقفت السيارات اللي قدامي
انا طبعا قدرت اتحدكم بسيارتي ولكن اللي وراي الله يعطيه العافية ماكان مركز :slv:
شكله ماافطر او انه غاط في نومه عميقه :d:
المهم بعد ماسمعت الفرامل سمعت التشميعة :d: وحسيت بارتداد في كامل جسمي :cry:
نزلت مرتاع :eek: ويجيني راعي الددسن الستة وثمانين اللي صدمني :eek:
سلامات سلامات يالشيخ عسى مافيك شئ :jeng:
معليش واسف ومن هالكلام الواجد :req:
طبعا انا فيني وطنية زايدة واحب الخير للناس :slv:
نزلت وناظرت السيارة انكسر الاصطب وانعفطت الشنطة مع الصدام
وجاني راعي الدسن امر وش تبي بس انت (rambo)
قلت بس خلنا نوخر عن الشارع علشان مانسبب ازدحام الناس تبي تروح دوامتها <<< هذي اللي يسمونها روح المواطنة وحب لاخيك ماتحب لنفسك ولكنها زايدة حبتين :jhgy:
المهم الرجال وقف وعطاني رقم جواله وقالي رح قدر سيارتك وكم بتكلف ومابنختلف
رقم جواله بجوالي
وكان معاي شريحتين سوى وعام :req:
المهم كان اللي بالجوال العام وكان استقبال :d:
وكنت ابي اكلم واحد من العيال علشان يخفف علي الصدمة شوي ويواسيني :fghty:
المهم يوم حطيت شريحة السوا واتذكر رقم الرجال اني ماحفظته :cry:
قلت في نفسي عناد ماراح اصلحها وشريت اصطب اما العفطات اللي بالشنطة والصدام على حالها :slv:
تشابتر ثري
راحت الايام والهوندا لا زالت مستمرة بالعطاء
مابقي بر ولانفود ولا مدينة ماطبتها
مابقي مطب وولا حفر الا ماكلتها
حتى اتذكر موقف كل ماذكرته انفجرت ضاحكا (himo)
هذا كنت في شارع بالروضة
وكنت ناوي امر واحد
وقاعد مدري وش اضبط بالمسجل
المهم وانا امشي كان قدامي حفريات :eek:
طبعا الحفريات تكون على اليمين وعلى اليسار وفي النص يحطون ممر
طبعا هالممر ماكان متواسي مع الارض كانوا رافعينة بشحة حصبة لا تسالوني ليه
يعني مطب ( ابن يهود ) وحفرية في نفس الوقت :angel:
وانا جاي على سرعتي بدون اي فرامل
طبعا انا انتبهت قبل الحفرية بحوالي نصف متر ومادريت الا وانا وسيارتي طايرين بالسما :mad:
صدقوني لو اني مسرع شوي ان كان ماوقعت الا برماح :jhgy:
المهم نزلت السيارة على الكفرات كني برالي ولكن .......
لازالت الهوندا مستمرة بالعطاء
الى ان جاء
يوم الجمعة 28 -1-1427 هـــ
تشابتر فور
وصلت قبل صلاة الجمعة من السفر
صليت الجمعة ورحت ابحط سيارتي بالمغسلة عقب الخط
المهم رحت البيت وتغديت وخذيت لي غطة ( كنت مواصل)
المهم صحيت ولبست ابطلع
رحت للمغسلة مع واحد من الشباب
ركبت سيارتي المهم
دقيت على ولد خالي وكان وضعة نفس وضعي في مسالة النوم
رحت لم بيتهم
جلست عنده تعشينا في كودو الملك عبدالله
وحنا نتعشى بدات تمطر واناظر المطر مبسووووووط وقاعد اشتنشق الرائحة واقول يالله :yuupy:
المهم بعد ماخلصنا طلعت وقاعد انبه ولد خالي واقوله انتبه ترى السواقه الحين شينه :d:
المطر توه ينزل والارض وسخة بتصير ملعب صابوني :d:
المهم يوم رحت ابنزله في بيتهم قرابة الساعة ثنتين باليل
لزم علي على غير العادة الا تنام عندنا :asno:
يافلان اسبوع ماداومت وتبيني ماادوام بكرة
وهو ملزم الييين اقنعته اني ماشي لامحاله مهما حاول :sheto:
لان القدر ينتظرني في مكان ثاني مهوب هنا في بيتكم
المهم مشيت وكنت مثبت السرعة على سبعين ( لاتنسون اني قاعد انبه ولد خالي على الملعب الصابوني) :d:
ومن الدائري الشمالي الا الملك فهد وانا على سرعتي
جالس بامان الله ماسك النص وفي حالي :fghty:
الى ان وصلت قبل نفق العروبة
الوداعية
في هذا الوقت كنت ابي الف مع المخرج جاني قرار مفاجا (rambo) وقالي تبتل مع النفق :d:
ماامداني اتعدى المخرج الا اشوف نور داخل سيارتي :eek:
غريبة .....وش القصة ياتركي ......انت مغير الاضاءة داخل سيارتك ... بس مااذكر :req:
المهم في هذي اللحظات سمعت صوت بووووووووووووووووووووووووووووووووووووووف :eek:
انا حتى الان مااقتنعت ان سيارة صادمتني لاني شايف الشارع فاضي وماوراي احد (himo)
وتقعد السيارة تعقد تعقد وانا ادبل فرامل... احسب جلنط .....اعكس ام الطارة :angel:
ماش ... مافيه اي تجاوب :d:
طبعا انا سلمت نفسي للامر الواقع وتركت كل شئ :zael:
الين ماحسيت ان السيارة وقفت :eek:
وطبعا كل هالمسافة كنت اشوف اللي حولي كله ضباب يعني مااقدر اميز اي شئ :q:
حاولت افتح باب السواق مافتح
طمرت للباب اللي جنب السواق واشوى الحمدلله نزلت
واناظر الا لاند كروزر وراي :angel:
وانا الان في اخر النفق بعد ماكنت باوله
يعني كل هالنطقة قطعتها وانا اعقد ولا ابن امه يسويها ولو كان سعد مرزوق <<< قديم سعد مرزوق بس محاكيكم ماله بالتفحيط :fghty:
انا : وش عندك يبو الشباب
هو : عساك سالم مافيك شئ يعورك .... انت طيب
انا : الحمدلله انت مافيك شئ
هو : لا الحمدلله
المهم وحنا نتطمن على بعض اشوف سيارة تلمع جاية من بعييييييييييييييييييييييييييييد :d:
يوم شافنا ويكع فرامل... :ignor:
ويجي يتزلج................. دووووووووووووووووووووف في شنطة سيارتي :d:
وسيارتي الحين اعترضت في طريق الملك فهد
المهم انا يوم شفت الوضع كذا واطلق ساقي للريح واسابق الزمن
علشان انبه العالم اللي جايين من راس النفق ولاينتبهون
المهم يوم وصلت لراس النفق واناظر نفسي ...................................؟؟
اتذكر علي شماغ وين راح .... :d:
ولااذكر اني طالعن من بيتنا حافي .....نعالي مدري وينها :fghty:
واناظر رجولي الا كلها دمان من القزاز :cry:
وعلي ثوب ابيض والوقت الفجر ومطر وبرد... :slv:
واقعد ااشر للناس على شان يهدون
طبعا مهوب خوف على سيارتي لاني سيارتي تطلبني الحل :cry:
ولكن خوفا على حياة الناس .......<< ماقلت لكم اني وطني واحب الخير للناس :asno:
المهم يوم قعدنا شوي ويجي راعي شاص واقعد ااشر له
والرجال مفهي :fghty: واقعد اناظرة وهو يصدم في بيبان سيارتي المعترضة بالطريق :cry:
كني اشوف واحدن عزيز علي ينطق قدامي :slv:
المهم قلت ياتركي اصبر وتماسك , لم يبقى الا القليل << متاثر بقراندايزر :d:
المهم واقعد شوي ويجي راعي كامري واقعد ازاعق له ابيه يهدي
الغبي الله يهديه قام يناظرني وانا ازاعق ونسى يشوف طريقة (rambo)
ويلحق اخوياه ويكمل على باقي بيبان سيارتي
المهم انا جتني حالة هستيرية :slv:
انا ماادري الحين هالاوادم اللي صدوما تحت في النفق ماتوا ولا مصابين ولا سليمين :cry:
خصوصا راعي الكامري شايف معاه حرمته وولد صغير :cry:
المهم يوم شفت الوضع كذا وانزل للنفق وتطمنت عليهم واعود ارقى لراس النفق
وقعدت من الساعة ثنتين وربع الى الساعة اربع فجرا وانا في البرد حافي والجو مطر قاعد ازاعق في وجيه العالم حتى اني من قوة التوتر اطلع شوي في الشارع علشان يشوفوني
حتى اتذكر واحد راعي لكزس وقف عندي قال شكله فيه شئ
او من الحادث صار لمخة شئ
قلت له الحمد لله مافيني شئ بس ابيك تهدي :love:
المهم بعد ماجت الدوريات وركبوا السيارات السطحات وخلصوا راحوا وخلوني :d:
انا طبعا طلعت مع النفق من فوق ورحت رجلية وحافي احتري ليموزين مافيه
في هالفجرية
وامشي لهم حوالي اكثر من كيلو لانهم طلعوا على المخرج يكتبون تقرير الحادث
ويوم وصلت لهم لينهم بيخلصون طبعا انا كنت بردان مرة وحافي
رحت لسيارتي فوق السطحة ابي اخذ نعالي ( تكرمون ) وكان معي جاكيت
المهم يوم خذيتها وانا فوق السطحة
جيت ابنزل من السيارة اللي فوق السطحة كني بنزل من سيارة على الارض :jhgy:
حطيت رجلي ونزلت رجلي الثانية
واجي كلي مجاوب على الارض من فوق السطحة :jhgy:
الارض كلها كانت موية
وابي اقوم من مكاني ماعاد قدرت
ابي انادي راعي السطحة والشرطي ماعاد قدرت اطلع اي صوت جتني كتمة غريبة :N:
قلت شكل الله ماكتب لي موت بالحادث وكتب لي الموت بعد الحادث
يعني اشوفهم على بعد كم متر مني ومااقدر اناديهم :cry:
والم فضيع بالظهر والكتف واليد
يمكن قعدت على هالحالة نص دقيقة
وبعدين تحاملت على نفسي وقمت بعد جهد جهيد
ورحت للعسكري قلت له ودني للمستشفى وانا اتالم :jhgy:
قالي مافيك شئ توني شايفك تشر للعالم طيب :jhgy:
مااقول الا الشرهه على اللي حطك في هالمكان
المهم السالفة تقريبا انتهت وحبيبتي ماتت ...وانتهت بالتشليح يبغون يبيعون اعضائها
بعد كل هالعشرة
ولكن مااقول الا
ودعتها والشوق بينها وبينها الشوق بيني وبينها بحور
ودعتها رغم خوفي والوله مجبور
الفوائد
اولا : انتبه من عيون هالعالم يعني مهوب في السيارات بس حتى في شكلك فكل شئ يزود عن حده ينقلب ضده يعني التجمل او التزين او الغسيل في السيارات ... ولاتحقر شئ النس هالايام استغفر الله يحسدون ولو على الفقر واحرص على الاذكار
ثانيا : انتبه من السواقة بالمطر وخصوصا اوله والله شئ مرعب ومخيف الا ان كنت من الملاعب الصابونية فهذا شئ راجع لك اما انا توبة لو اشم ريحة مطر لبدت في بيتنا
ثالثا : اللي ناوي يشتري سيارة عليه بالهوندا والله سيارة عملية درجة اولى ... سيارتي مابقي مطب ولا حفرة ولا ردمية الا كليته بها والزيت يقعد بعض الاحيان عشرة الاف ماتغير والموتر مستحمل ويقول : تغلى تغلى يابعد عمري تغلى .. تغلى انا عنك حبيبي ماتخلى (rambo)
واخير اسف على الموضوع الطويل ولكن شئ بالنفس وحبيت اكتبه وهذا اطول موضوع لي طوال حياتي الانترنتية :fghty:
مقدمة
اولا انا كنت قاعد اكتب هالموضوع وقاعد اكثر من نصف ساعة واخرتها ضاعت الصفحة
المهم بحاول اختصر بقدر الامكان
نبدا بسم الله
بعد ماقريت موضوع زراق عن سيارته حنيت وتذكرت الماضي وسقطت دمعاتي :cry:
فقلت خلني انفس شوي بالشبكة واخفف من هالمعاناة :N:
طبعا كاي واحد في افراد اسرتنا لا يفكر في السيارة الا بعد الثانوي :slv:
طبعا انا تخرجت من الثانوي بتقدير امتياز ولله الحمد
نهاية عام 1421
وسجلت في جامعة الملك سعود كلية الهندسة
المهم بعد التسجيل بدا حلم السيارة يراودني
وبديت ادور لي على السيارة اللي بتناسبني
وادور منا ... ومنا الين اقتنعت بالهوندا الاكورد
المهم كتب لي الوالد الشيك بــ79500 ريال
فل كامل فتحه وجنوط ومثبت ولون رصاصي مدري موفي :love:
ورحت وطلع سيارتي
ان كاني مانيب واهم في شهر ستة او سبعة من عام 1422هــ
وطبعا لابد من حركات التظليل والتستيب وفك اللوحة الامامية وانواع المفالفات <<< يعني بالعربي مراهق :d:
تشابتر ون
المهم جاء ذاك اليوم في شعبان من ذاك العام
كنت توني مغسل سيارتي بالمغسلة ولا شاري لهم علبة ستوب علشان ستوبهم تجاري :angel:
ولبقت عند البيت دق علي واحدن من اخوياي
هو:تركي اطلع ابوصل انا وياك مشوار
انا : طيب طيب بس لبق موترك بنطلع على موتري <<< بازن بموترة :fghty:
المهم واشغل الموتر واطلع مع شارع حارتنا وقبل مااطلع على الشارع العام
كان فيه وايت شفط (وانتوا بكرامة )ماسك الايسر في نهاية الشارع على شان ياخذ اللفة كبيرة :ignor:
انا يالضعيف جيت مع اليمين ابي بس راعي الوايت يمشي في حالة واطلع بعدة :jhgy:
المهم الشاحنة اللي تسحب الوايت تاخذ اللفة صبعة اما التانكي نفسة يلف على طول (rambo)
يعني ياخذ اللفة على طول مهوب زي الشاحنة نفسها :hgfd:
انا طبعا واقف احتريه ينقلع
واناظر يساري احسن ان كفر والوايت يقرب لمي :eek:
ياولد لا لا يمكن ان الدعوة فيها لبس بالموضوع :jhgy:
والكفر كل ماله ويقرب زيادة :zael:
معقول ياتركي انت متاكد من الموضوع :jhgy:
ماحسيت الا قزاز سيارتي يتطاير علي :cry:
والكفر كل ماله ويقرب
حاولت اوخر ولكن في ذيك اللحظة جتني حالة اسمها ام الركب :fghty:
يعني بالعربي تهنق ولاعاد تقدر تتحرك :ignor:
طبعا الحمد لله وقف سواق الوايت حسبي الله عليه
بعد صراخ اللي كانوا عند البقالة
ولكن المصيبة مهيب هنا
المصيبة في هذي اللحظة
كان ابوي شاري خبر ولاف مع الشارع باامان الله :eek:
وشاف الحادث ومالقى له بال لانه من النوع المسالم :d:
طبعا ابوي ماشي في حال سبيلة ويوم لف وهو مقفي ناظر بالمراية :eek:
كن هالموتر مهوب غريب علي :confused:
مهوب هذا موتر تركي ................. :ignor:
ويلبق سيارته في مكانها بنص الشارع وينزل
يوم وصل الى اني قاعدن اهايط على الهندي عقب مااستوعبت الموقف :lkj:
وقعد يهديني والحمدلله مادامك طيب الحديد يتعوض :love:
ولااخفيكم اني في هاذيك الليلة جلست اصيح من القهر :cry:
سيارتي توني بازن بها مالي شهرين يجي هذا وبغمضة عين ....... :slv:
المهم طبعا الصدمة جت في باب السواق وفي الرفرف الامامي وفي الصدام الامامي
المهم الحمدلله عدت بخير وسلمت انا وخويي :mad:
وطبعا بعد التقدير السيارة تكلف 9000 وبعد الطقاق يالله حصلت 3000 بعد ماجاء الكفيل عند ابوي
والباقي دفعة ابوي :ignor:
تشابتر تو
مرت الايام وصرت مااحب سيارتي :fghty:
حسيت انها خلاص مصدومة وماهيب اللي انت تبي
راحت الايام ولازالت الهوندا مستمرة معي
مابقى مكان الا سيرت عليه سيارتي
تبي تطعيس تبي طمر ارصفة
المطبات شايلها من قاموسي :d:
الا ان جاء ذاك اليوم
قبل حوالي ثلاث سنوات
الساعة احدعش باليل رحت اجيب سيارتي من المغسلة
( طبعا لاتحسبون اني اغسل سيارتي اربعة وعشرين ساعة بالعكس سيارتي ماتتغسل الا بالشهر مرة او مرتين )
جيت ولبقت عند الباب
رقيت انام
كان عندي دوام بالجامعة ثمان الصباح طلعت وكان الطريق زحمة شوي
ولكن فجاة :eek: وقفت السيارات اللي قدامي
انا طبعا قدرت اتحدكم بسيارتي ولكن اللي وراي الله يعطيه العافية ماكان مركز :slv:
شكله ماافطر او انه غاط في نومه عميقه :d:
المهم بعد ماسمعت الفرامل سمعت التشميعة :d: وحسيت بارتداد في كامل جسمي :cry:
نزلت مرتاع :eek: ويجيني راعي الددسن الستة وثمانين اللي صدمني :eek:
سلامات سلامات يالشيخ عسى مافيك شئ :jeng:
معليش واسف ومن هالكلام الواجد :req:
طبعا انا فيني وطنية زايدة واحب الخير للناس :slv:
نزلت وناظرت السيارة انكسر الاصطب وانعفطت الشنطة مع الصدام
وجاني راعي الدسن امر وش تبي بس انت (rambo)
قلت بس خلنا نوخر عن الشارع علشان مانسبب ازدحام الناس تبي تروح دوامتها <<< هذي اللي يسمونها روح المواطنة وحب لاخيك ماتحب لنفسك ولكنها زايدة حبتين :jhgy:
المهم الرجال وقف وعطاني رقم جواله وقالي رح قدر سيارتك وكم بتكلف ومابنختلف
رقم جواله بجوالي
وكان معاي شريحتين سوى وعام :req:
المهم كان اللي بالجوال العام وكان استقبال :d:
وكنت ابي اكلم واحد من العيال علشان يخفف علي الصدمة شوي ويواسيني :fghty:
المهم يوم حطيت شريحة السوا واتذكر رقم الرجال اني ماحفظته :cry:
قلت في نفسي عناد ماراح اصلحها وشريت اصطب اما العفطات اللي بالشنطة والصدام على حالها :slv:
تشابتر ثري
راحت الايام والهوندا لا زالت مستمرة بالعطاء
مابقي بر ولانفود ولا مدينة ماطبتها
مابقي مطب وولا حفر الا ماكلتها
حتى اتذكر موقف كل ماذكرته انفجرت ضاحكا (himo)
هذا كنت في شارع بالروضة
وكنت ناوي امر واحد
وقاعد مدري وش اضبط بالمسجل
المهم وانا امشي كان قدامي حفريات :eek:
طبعا الحفريات تكون على اليمين وعلى اليسار وفي النص يحطون ممر
طبعا هالممر ماكان متواسي مع الارض كانوا رافعينة بشحة حصبة لا تسالوني ليه
يعني مطب ( ابن يهود ) وحفرية في نفس الوقت :angel:
وانا جاي على سرعتي بدون اي فرامل
طبعا انا انتبهت قبل الحفرية بحوالي نصف متر ومادريت الا وانا وسيارتي طايرين بالسما :mad:
صدقوني لو اني مسرع شوي ان كان ماوقعت الا برماح :jhgy:
المهم نزلت السيارة على الكفرات كني برالي ولكن .......
لازالت الهوندا مستمرة بالعطاء
الى ان جاء
يوم الجمعة 28 -1-1427 هـــ
تشابتر فور
وصلت قبل صلاة الجمعة من السفر
صليت الجمعة ورحت ابحط سيارتي بالمغسلة عقب الخط
المهم رحت البيت وتغديت وخذيت لي غطة ( كنت مواصل)
المهم صحيت ولبست ابطلع
رحت للمغسلة مع واحد من الشباب
ركبت سيارتي المهم
دقيت على ولد خالي وكان وضعة نفس وضعي في مسالة النوم
رحت لم بيتهم
جلست عنده تعشينا في كودو الملك عبدالله
وحنا نتعشى بدات تمطر واناظر المطر مبسووووووط وقاعد اشتنشق الرائحة واقول يالله :yuupy:
المهم بعد ماخلصنا طلعت وقاعد انبه ولد خالي واقوله انتبه ترى السواقه الحين شينه :d:
المطر توه ينزل والارض وسخة بتصير ملعب صابوني :d:
المهم يوم رحت ابنزله في بيتهم قرابة الساعة ثنتين باليل
لزم علي على غير العادة الا تنام عندنا :asno:
يافلان اسبوع ماداومت وتبيني ماادوام بكرة
وهو ملزم الييين اقنعته اني ماشي لامحاله مهما حاول :sheto:
لان القدر ينتظرني في مكان ثاني مهوب هنا في بيتكم
المهم مشيت وكنت مثبت السرعة على سبعين ( لاتنسون اني قاعد انبه ولد خالي على الملعب الصابوني) :d:
ومن الدائري الشمالي الا الملك فهد وانا على سرعتي
جالس بامان الله ماسك النص وفي حالي :fghty:
الى ان وصلت قبل نفق العروبة
الوداعية
في هذا الوقت كنت ابي الف مع المخرج جاني قرار مفاجا (rambo) وقالي تبتل مع النفق :d:
ماامداني اتعدى المخرج الا اشوف نور داخل سيارتي :eek:
غريبة .....وش القصة ياتركي ......انت مغير الاضاءة داخل سيارتك ... بس مااذكر :req:
المهم في هذي اللحظات سمعت صوت بووووووووووووووووووووووووووووووووووووووف :eek:
انا حتى الان مااقتنعت ان سيارة صادمتني لاني شايف الشارع فاضي وماوراي احد (himo)
وتقعد السيارة تعقد تعقد وانا ادبل فرامل... احسب جلنط .....اعكس ام الطارة :angel:
ماش ... مافيه اي تجاوب :d:
طبعا انا سلمت نفسي للامر الواقع وتركت كل شئ :zael:
الين ماحسيت ان السيارة وقفت :eek:
وطبعا كل هالمسافة كنت اشوف اللي حولي كله ضباب يعني مااقدر اميز اي شئ :q:
حاولت افتح باب السواق مافتح
طمرت للباب اللي جنب السواق واشوى الحمدلله نزلت
واناظر الا لاند كروزر وراي :angel:
وانا الان في اخر النفق بعد ماكنت باوله
يعني كل هالنطقة قطعتها وانا اعقد ولا ابن امه يسويها ولو كان سعد مرزوق <<< قديم سعد مرزوق بس محاكيكم ماله بالتفحيط :fghty:
انا : وش عندك يبو الشباب
هو : عساك سالم مافيك شئ يعورك .... انت طيب
انا : الحمدلله انت مافيك شئ
هو : لا الحمدلله
المهم وحنا نتطمن على بعض اشوف سيارة تلمع جاية من بعييييييييييييييييييييييييييييد :d:
يوم شافنا ويكع فرامل... :ignor:
ويجي يتزلج................. دووووووووووووووووووووف في شنطة سيارتي :d:
وسيارتي الحين اعترضت في طريق الملك فهد
المهم انا يوم شفت الوضع كذا واطلق ساقي للريح واسابق الزمن
علشان انبه العالم اللي جايين من راس النفق ولاينتبهون
المهم يوم وصلت لراس النفق واناظر نفسي ...................................؟؟
اتذكر علي شماغ وين راح .... :d:
ولااذكر اني طالعن من بيتنا حافي .....نعالي مدري وينها :fghty:
واناظر رجولي الا كلها دمان من القزاز :cry:
وعلي ثوب ابيض والوقت الفجر ومطر وبرد... :slv:
واقعد ااشر للناس على شان يهدون
طبعا مهوب خوف على سيارتي لاني سيارتي تطلبني الحل :cry:
ولكن خوفا على حياة الناس .......<< ماقلت لكم اني وطني واحب الخير للناس :asno:
المهم يوم قعدنا شوي ويجي راعي شاص واقعد ااشر له
والرجال مفهي :fghty: واقعد اناظرة وهو يصدم في بيبان سيارتي المعترضة بالطريق :cry:
كني اشوف واحدن عزيز علي ينطق قدامي :slv:
المهم قلت ياتركي اصبر وتماسك , لم يبقى الا القليل << متاثر بقراندايزر :d:
المهم واقعد شوي ويجي راعي كامري واقعد ازاعق له ابيه يهدي
الغبي الله يهديه قام يناظرني وانا ازاعق ونسى يشوف طريقة (rambo)
ويلحق اخوياه ويكمل على باقي بيبان سيارتي
المهم انا جتني حالة هستيرية :slv:
انا ماادري الحين هالاوادم اللي صدوما تحت في النفق ماتوا ولا مصابين ولا سليمين :cry:
خصوصا راعي الكامري شايف معاه حرمته وولد صغير :cry:
المهم يوم شفت الوضع كذا وانزل للنفق وتطمنت عليهم واعود ارقى لراس النفق
وقعدت من الساعة ثنتين وربع الى الساعة اربع فجرا وانا في البرد حافي والجو مطر قاعد ازاعق في وجيه العالم حتى اني من قوة التوتر اطلع شوي في الشارع علشان يشوفوني
حتى اتذكر واحد راعي لكزس وقف عندي قال شكله فيه شئ
او من الحادث صار لمخة شئ
قلت له الحمد لله مافيني شئ بس ابيك تهدي :love:
المهم بعد ماجت الدوريات وركبوا السيارات السطحات وخلصوا راحوا وخلوني :d:
انا طبعا طلعت مع النفق من فوق ورحت رجلية وحافي احتري ليموزين مافيه
في هالفجرية
وامشي لهم حوالي اكثر من كيلو لانهم طلعوا على المخرج يكتبون تقرير الحادث
ويوم وصلت لهم لينهم بيخلصون طبعا انا كنت بردان مرة وحافي
رحت لسيارتي فوق السطحة ابي اخذ نعالي ( تكرمون ) وكان معي جاكيت
المهم يوم خذيتها وانا فوق السطحة
جيت ابنزل من السيارة اللي فوق السطحة كني بنزل من سيارة على الارض :jhgy:
حطيت رجلي ونزلت رجلي الثانية
واجي كلي مجاوب على الارض من فوق السطحة :jhgy:
الارض كلها كانت موية
وابي اقوم من مكاني ماعاد قدرت
ابي انادي راعي السطحة والشرطي ماعاد قدرت اطلع اي صوت جتني كتمة غريبة :N:
قلت شكل الله ماكتب لي موت بالحادث وكتب لي الموت بعد الحادث
يعني اشوفهم على بعد كم متر مني ومااقدر اناديهم :cry:
والم فضيع بالظهر والكتف واليد
يمكن قعدت على هالحالة نص دقيقة
وبعدين تحاملت على نفسي وقمت بعد جهد جهيد
ورحت للعسكري قلت له ودني للمستشفى وانا اتالم :jhgy:
قالي مافيك شئ توني شايفك تشر للعالم طيب :jhgy:
مااقول الا الشرهه على اللي حطك في هالمكان
المهم السالفة تقريبا انتهت وحبيبتي ماتت ...وانتهت بالتشليح يبغون يبيعون اعضائها
بعد كل هالعشرة
ولكن مااقول الا
ودعتها والشوق بينها وبينها الشوق بيني وبينها بحور
ودعتها رغم خوفي والوله مجبور
الفوائد
اولا : انتبه من عيون هالعالم يعني مهوب في السيارات بس حتى في شكلك فكل شئ يزود عن حده ينقلب ضده يعني التجمل او التزين او الغسيل في السيارات ... ولاتحقر شئ النس هالايام استغفر الله يحسدون ولو على الفقر واحرص على الاذكار
ثانيا : انتبه من السواقة بالمطر وخصوصا اوله والله شئ مرعب ومخيف الا ان كنت من الملاعب الصابونية فهذا شئ راجع لك اما انا توبة لو اشم ريحة مطر لبدت في بيتنا
ثالثا : اللي ناوي يشتري سيارة عليه بالهوندا والله سيارة عملية درجة اولى ... سيارتي مابقي مطب ولا حفرة ولا ردمية الا كليته بها والزيت يقعد بعض الاحيان عشرة الاف ماتغير والموتر مستحمل ويقول : تغلى تغلى يابعد عمري تغلى .. تغلى انا عنك حبيبي ماتخلى (rambo)
واخير اسف على الموضوع الطويل ولكن شئ بالنفس وحبيت اكتبه وهذا اطول موضوع لي طوال حياتي الانترنتية :fghty: