حنينة الشوووق
13/5/2002, 01:33
بسم الله الرحمن الرحيم
والله يا طويلين العمر مكتبنا هذا يستقبل طلبات العرس ، يعني اللي يبي يعرس ومستحي يقول لأمه تخطب له لا يتردد ويرسل لنا الطلب مع المقادير التاليه ..
(1) صورة الخشه:
ابيض واسود للسعوديين ( عشان الفضايح ) ، وملونه لغير السعوديين ( عشان لون العيون والشعر ) ، ايه عاد تروشوا قبل ماتصورون نبي نشم ريحة الصابون في الصوره..
بالنسبه للبنات : كدوا ذا الشوش قبل ماتصورون عشان ما تجونا بعدين تقولون ليش محد يبينا، ولا مانع من لط الجص على الوجه لإخفاء آثار الحفر البركانيه الظاهر على بشراتكن ، ويفضل استخدام الفير لتهبيط الشوشه عشان مانضطر ناخذ مقاس صوره اكبر لأظهار الشوشه باكملها .
هذولا البنات اما العيال عاد :لاتطقون لنا ذا اللطمه اذا جيتوا تصورون ، يعني مهوب عيب يكون خشمك متسدح على ذا الخدود وماخذ راحته ولا منحرف عن موقعه الاصلي تسعين درجه جنوبن ولا براطمك تصير مثل براطم عتاب .. الوضوح اهم شي عشان البنت اللي بتقابل ذا الخشم والبراطم طول عمرها <-- الله يرحمها .
(2) صورة من بطاقة الاحوال للبنات ، والتابعيه للعيال ( اجل هي الدعوه لعب ) ولغير السعوديين نكتفي بالاقامه بس مهوب تصير منتهيه .. اما اللي في الخارج فقريبن بنفتتح فروع دوليه جنبكم .
(3) معلومات عنك ..
مثلن : طولك ، محيطك ، كثافتك ، عدد شعيرات راسك ( هذا ان كان بوه شعر اصلن )، خشمك كم متر ؟ ، كم ضرس عندك محشي وكم ضرس مقلوع وكم ضرس مسوس ، والبنات يضاف لهم لون الركب .
(4) شهاده حسن ( حسن ولا محمد ) سيره وسلوك مصدقه من الهيئه ، واثبات من المطار بانك ماقد تعديت حدود ديرتك<-- هذي لازم عليها عشر اختام مصدقه ،ولازم بعد ترسل لنا معروض تحلف فيه بالله انك ماقد حبيت ولا قد كلمت ولا بنت ولا غازلت ابد .
(5) وش بعد .. الظاهر مابقا شي ماقلناه ، عاد تحت بتلقون بعض الطلبات اللي وصلتنا عن طريق وسائل الاتصال الخاصه فينا <-- شخصيات ، اللي عاد اعجبه واحد او وحدتن منهم فماعليه الا يشق الصوره وتقول هذي هي اللي ابيها ولا امها .
اسمر حليوه ( امحق حلاوه )، معصقل ويلقبوني بالمسواك لطول كراعيني ، رومنسي مرره واقدر الحياة الزوجيه مرره (ايه طيب ) ،ابي زوجه تعرف تطبخ مرقوق مثل مرقوق امي ، وتعرف تلف سنبوسه مثل ذيك السنبوسة المثلثه حقت رمضان ،وياريت بعد لو تصير تشبه مادونا بس على ملامح خليجيه(هاااه ) وشكرن .
رقم الطلب : هذا يستاهل صفرين على هالخشه السنعه
بنيه سعوديه ، حنطية اللون ،عمري ثلاث وعشرين سنه واربع شهور ونص يوم ، فيه اثر فلقتن قديمتن في راسي يوم اخوه يكمخن بحصاة وحنا صغار(علامه فارقه ) طولي ميه وربع ، يقولون اني اشبه باسكال بس انا اقول انها تخسي لأني احلى منه ( يقولون مداح نفسها ... )، ودي برجلن ينقلن من وظيفتن بالخرخير، وذا مابوه فواحدن يسكنن فيها اقرب لي من هالمشاوير ( عرس مصلحه ) وسلامتكم .
رقم الطلب: الخرخير دوت كوم
فتاة عربيه ، شقرا(صبغه)، بيضا لهبا(مكياج)، زرقا العيون(عدسات) ، رشيقة القوام( انظر الصوره)، عمري شي 35 سنه ( تجميل وشد)، بتمنى اتجوز شاب خليجي عمرو فوق العشرين سنه ، مو مهم كيف يكون شكلو.. المهم يكون جيبو عمران <-- لا تعليق .
رقم الطلب :هذي بنتركها عليكم .. وش الرقم اللي تستاهله ؟
زول سوداني ( مااقرب لي لووول ديزعات ولا الدباب خالص ) <-- مهددينه ، ماداير اكتوب كتير عن حالتي آآآآي ، ليكن بقول ليك ابحس عن فتاة سمرا زات الشي<-- متعيجز يكتب الشروط اللي يبيها ،والسلامو عليكو .
رقم الطلب : ديزعه تمانيه تمانيه
فتاة سعودية الجنسيه ، عمري 28عام ، اشتغل مشرفه في وحدتن من المنتديات <-- تنفع واسطه ،سمرا بس مانيب حلوه مره .. لأن كلي ملح يكب ، ودي اعرس على مشرف من نفس الفصيله علشان نجيب مشرفين صغار يمسكون المنتدا اذا عجزنا ( ياهي نشبه ) ومايخالف لو اصير انا حرمته الثانيه او الثالثه <-- وين الحاج متولي عنها ، .. وش بعد .. ايه يقدس الحياة الزوجيه وبس .
رقم الطلب : ذي تستاهل رقم كشخه دامها مشرفه
شاب سعودي ،العب ملاكمه على خفيف بس اكثر شي احب العب بلوت مع الشباب ،معرس وودي اعرس على الثانيه ، ماهنا وقت اقعد احتسي فيه عن مواصفاتي الزينه ، بس ابي اقول اني ودي بحرمتن سنعه ، تعاون حرمتي الاوله على الذبايح والمفاطيح ،وابيها موظفه وراتبها واجد علشان تصرف علي ، ولامانع لو معها مرسدس ( حدك ونيت ويخب عليك ) .. عاد اقصرو الهرج ولا تبطون علينا .. اخلصوا <-- ذا كن وده يتطاق مع احد .
رقم الطلب : كل الارقام العربيه والفرنسيه
~~~ جــــدار الاعــلانــات الـتـجـاريـه ~~~
المكتب لا يتحمل اي مسؤوليه عن اي شي ، مهوب باتسر لين تطلقتوا تقولون كله منكم ترا مالنا دخل .. انت الثور او البقره اللي اخترتوا <-- اللي هذا اوله ينعاف تاليه
عرض خاص ولمده قصيره .. اعرس على وحده وخذ ثلاث مجانا .. اسرع فالكميه محدوده ،، لاتتردد واتصل الان ، واذا وجدت الخطوط مشغوله فحاول مرتن ثانيه ( الاعلانات مهوب احسن مننا )
بشاره للعجازين واللي فيهم عرق زوالي ( زول سوداني ) قريبن بنفتح ملحق لنا جنب كل بيت علشان ماتكلفون على انفسكم وتجون لمقرنا الرئيسي
~~~ بـــريــــد الـــقــــراء ~~~
~*~الاخ بحـــر:
صورتك ذي اللي انت مرسلها ماتنفع ، تبي المكتب يقفل من اولها ، اذا ودك حنا نتبرع لك بفلوس عملية تصلح فيها ذا الحول .. ثمن راجعنا
~*~الاخت روافد ورهام وريما:
نحنو لا نتحمل اي مسؤوليه .. دامتس شفتيه وعرفتي انه مهوب اطخم على كلامه وشوله اعرستي عليه ؟ ، الله يعينتس على اللي طاح في كبدتس
~*~ الاخ الطير سداح:
غلطان في العنوان الله يسلمك .. بيتزا هوط هي البقاله اللي جنبنا ، حنا مانوصل طلبات للمنازل ، لازم تجي انت تقدم اوراقك جعلك العجز
اختكم القمر ::::
حنينة :magkiss: :magkiss: الشووووق
والله يا طويلين العمر مكتبنا هذا يستقبل طلبات العرس ، يعني اللي يبي يعرس ومستحي يقول لأمه تخطب له لا يتردد ويرسل لنا الطلب مع المقادير التاليه ..
(1) صورة الخشه:
ابيض واسود للسعوديين ( عشان الفضايح ) ، وملونه لغير السعوديين ( عشان لون العيون والشعر ) ، ايه عاد تروشوا قبل ماتصورون نبي نشم ريحة الصابون في الصوره..
بالنسبه للبنات : كدوا ذا الشوش قبل ماتصورون عشان ما تجونا بعدين تقولون ليش محد يبينا، ولا مانع من لط الجص على الوجه لإخفاء آثار الحفر البركانيه الظاهر على بشراتكن ، ويفضل استخدام الفير لتهبيط الشوشه عشان مانضطر ناخذ مقاس صوره اكبر لأظهار الشوشه باكملها .
هذولا البنات اما العيال عاد :لاتطقون لنا ذا اللطمه اذا جيتوا تصورون ، يعني مهوب عيب يكون خشمك متسدح على ذا الخدود وماخذ راحته ولا منحرف عن موقعه الاصلي تسعين درجه جنوبن ولا براطمك تصير مثل براطم عتاب .. الوضوح اهم شي عشان البنت اللي بتقابل ذا الخشم والبراطم طول عمرها <-- الله يرحمها .
(2) صورة من بطاقة الاحوال للبنات ، والتابعيه للعيال ( اجل هي الدعوه لعب ) ولغير السعوديين نكتفي بالاقامه بس مهوب تصير منتهيه .. اما اللي في الخارج فقريبن بنفتتح فروع دوليه جنبكم .
(3) معلومات عنك ..
مثلن : طولك ، محيطك ، كثافتك ، عدد شعيرات راسك ( هذا ان كان بوه شعر اصلن )، خشمك كم متر ؟ ، كم ضرس عندك محشي وكم ضرس مقلوع وكم ضرس مسوس ، والبنات يضاف لهم لون الركب .
(4) شهاده حسن ( حسن ولا محمد ) سيره وسلوك مصدقه من الهيئه ، واثبات من المطار بانك ماقد تعديت حدود ديرتك<-- هذي لازم عليها عشر اختام مصدقه ،ولازم بعد ترسل لنا معروض تحلف فيه بالله انك ماقد حبيت ولا قد كلمت ولا بنت ولا غازلت ابد .
(5) وش بعد .. الظاهر مابقا شي ماقلناه ، عاد تحت بتلقون بعض الطلبات اللي وصلتنا عن طريق وسائل الاتصال الخاصه فينا <-- شخصيات ، اللي عاد اعجبه واحد او وحدتن منهم فماعليه الا يشق الصوره وتقول هذي هي اللي ابيها ولا امها .
اسمر حليوه ( امحق حلاوه )، معصقل ويلقبوني بالمسواك لطول كراعيني ، رومنسي مرره واقدر الحياة الزوجيه مرره (ايه طيب ) ،ابي زوجه تعرف تطبخ مرقوق مثل مرقوق امي ، وتعرف تلف سنبوسه مثل ذيك السنبوسة المثلثه حقت رمضان ،وياريت بعد لو تصير تشبه مادونا بس على ملامح خليجيه(هاااه ) وشكرن .
رقم الطلب : هذا يستاهل صفرين على هالخشه السنعه
بنيه سعوديه ، حنطية اللون ،عمري ثلاث وعشرين سنه واربع شهور ونص يوم ، فيه اثر فلقتن قديمتن في راسي يوم اخوه يكمخن بحصاة وحنا صغار(علامه فارقه ) طولي ميه وربع ، يقولون اني اشبه باسكال بس انا اقول انها تخسي لأني احلى منه ( يقولون مداح نفسها ... )، ودي برجلن ينقلن من وظيفتن بالخرخير، وذا مابوه فواحدن يسكنن فيها اقرب لي من هالمشاوير ( عرس مصلحه ) وسلامتكم .
رقم الطلب: الخرخير دوت كوم
فتاة عربيه ، شقرا(صبغه)، بيضا لهبا(مكياج)، زرقا العيون(عدسات) ، رشيقة القوام( انظر الصوره)، عمري شي 35 سنه ( تجميل وشد)، بتمنى اتجوز شاب خليجي عمرو فوق العشرين سنه ، مو مهم كيف يكون شكلو.. المهم يكون جيبو عمران <-- لا تعليق .
رقم الطلب :هذي بنتركها عليكم .. وش الرقم اللي تستاهله ؟
زول سوداني ( مااقرب لي لووول ديزعات ولا الدباب خالص ) <-- مهددينه ، ماداير اكتوب كتير عن حالتي آآآآي ، ليكن بقول ليك ابحس عن فتاة سمرا زات الشي<-- متعيجز يكتب الشروط اللي يبيها ،والسلامو عليكو .
رقم الطلب : ديزعه تمانيه تمانيه
فتاة سعودية الجنسيه ، عمري 28عام ، اشتغل مشرفه في وحدتن من المنتديات <-- تنفع واسطه ،سمرا بس مانيب حلوه مره .. لأن كلي ملح يكب ، ودي اعرس على مشرف من نفس الفصيله علشان نجيب مشرفين صغار يمسكون المنتدا اذا عجزنا ( ياهي نشبه ) ومايخالف لو اصير انا حرمته الثانيه او الثالثه <-- وين الحاج متولي عنها ، .. وش بعد .. ايه يقدس الحياة الزوجيه وبس .
رقم الطلب : ذي تستاهل رقم كشخه دامها مشرفه
شاب سعودي ،العب ملاكمه على خفيف بس اكثر شي احب العب بلوت مع الشباب ،معرس وودي اعرس على الثانيه ، ماهنا وقت اقعد احتسي فيه عن مواصفاتي الزينه ، بس ابي اقول اني ودي بحرمتن سنعه ، تعاون حرمتي الاوله على الذبايح والمفاطيح ،وابيها موظفه وراتبها واجد علشان تصرف علي ، ولامانع لو معها مرسدس ( حدك ونيت ويخب عليك ) .. عاد اقصرو الهرج ولا تبطون علينا .. اخلصوا <-- ذا كن وده يتطاق مع احد .
رقم الطلب : كل الارقام العربيه والفرنسيه
~~~ جــــدار الاعــلانــات الـتـجـاريـه ~~~
المكتب لا يتحمل اي مسؤوليه عن اي شي ، مهوب باتسر لين تطلقتوا تقولون كله منكم ترا مالنا دخل .. انت الثور او البقره اللي اخترتوا <-- اللي هذا اوله ينعاف تاليه
عرض خاص ولمده قصيره .. اعرس على وحده وخذ ثلاث مجانا .. اسرع فالكميه محدوده ،، لاتتردد واتصل الان ، واذا وجدت الخطوط مشغوله فحاول مرتن ثانيه ( الاعلانات مهوب احسن مننا )
بشاره للعجازين واللي فيهم عرق زوالي ( زول سوداني ) قريبن بنفتح ملحق لنا جنب كل بيت علشان ماتكلفون على انفسكم وتجون لمقرنا الرئيسي
~~~ بـــريــــد الـــقــــراء ~~~
~*~الاخ بحـــر:
صورتك ذي اللي انت مرسلها ماتنفع ، تبي المكتب يقفل من اولها ، اذا ودك حنا نتبرع لك بفلوس عملية تصلح فيها ذا الحول .. ثمن راجعنا
~*~الاخت روافد ورهام وريما:
نحنو لا نتحمل اي مسؤوليه .. دامتس شفتيه وعرفتي انه مهوب اطخم على كلامه وشوله اعرستي عليه ؟ ، الله يعينتس على اللي طاح في كبدتس
~*~ الاخ الطير سداح:
غلطان في العنوان الله يسلمك .. بيتزا هوط هي البقاله اللي جنبنا ، حنا مانوصل طلبات للمنازل ، لازم تجي انت تقدم اوراقك جعلك العجز
اختكم القمر ::::
حنينة :magkiss: :magkiss: الشووووق