اذيه وازعاج ..!!

[هلاليه والنعـم]

السلام عليكم ..

اخباركم

ان شاء الله بخيــــــر .. :rolleyes:

..

بدون مقدمات بدخل بالموضوع :jhgy:
.....


لما يجي احد ويأذيك !!

ومو اي اذيه !

اول شي يأذي امك ويتوعدها وغير هذا يسبها !!

ثم يجلس يأذيك انت واهلك !

ثم يعلن اذيته على الي معه !!

:yuupy:

..

ادري مافهمتوا شي :angel:

انا افهمكم :d:

..

السالفه هذي صارت لنا من اسبوع واكثر وللحين وهي معنا :yuupy:

..

يوم الاثنين الماضي الي كان بوقت الاختبارات ..

الصباح !

رجعت انا من المدرسه وكان اخر يوم بـ اختباراتي ..

رجعت مبسوطه طبعا ..

دخلت على امي وحضنتها وباركت لي على الاجازه ..

بــس .. لاحظت فيها شي غريب !

كأنها خايفه من شي ..

سألتها : امي وش فيتس ؟!

مافيني شي مبسوطه عشانتس ..

ابتسمت وقلت وانا اكثر ..

دخلت غرفتي وانا افكر بـ امي والي فيها ..

بدلت ملابسي ورجعت لها .. ولقيتها تمسح دموعها !!

خفت ورحت لها امي وش صاير !

قالت لا ولا شي !!

وجلست عندها لين خليتها تتكلم !

اسمعوا وش قالت ..

تقول اليوم الصبح < الاثنين ..

دق واحد على البيت ..

يقول لامي حوليني على الاسعاف بسرعه !!

>( توضيح : رقم بيتنا ( كان ) يشبه رقم احد المستشفيات والناس يعتقدون ان

الرقم الي ( يشبه ) رقم بيتنا هو رقم المستشفى . (<
ردت امي عليه يا ولدي غلطان ..

قال لها وبكل وقاحه !!

اصلا انتم كذابين !!
انتوا يالحريم الي تشتغلون هنا ساعه تردون علينا بعدين تقولون غلطان !

امي مره ثانيه : ياولدي انت غلطان هذا بيت عائله انتم دايم تغلطون تحسبون هذا المستشفى !!

رد عليها : بيت عائله هاه طيب انا اوريك !!
وقفل السماعه بوجه امي !
امي سكرت ..
..
بعدها بـ عشر دقايق رجع دق ..

وردت عليه امي .. قالت له نعم ؟
قال لها قلت لك ابي الاسعاف !
قالت امي ياولدي غلطان هذا بيت عائله !!
قال لها اقولك حوليني على الاسعاف << يكلمها وهو يصرخ عليها :( ..

ردت عليه امي ياولدي والله انت غلطان تأكد من الرقم !

وقفل السماعه بوجهها ..

..

تقول امي رجع يدق ويدق ويدق ويدق وانا اذا شفت نفس الرقم بالكاشف

مارديت ..
وبعدين جلس مده مارجع دق .. تقريبا حول الـ ساعه الا ربع ..

ورجع دق !!

تقول امي انا نسيت اصلا انه كان يدق وتقول كنت احسبه صدق غلطان ويبي الاسعاف !!

رجع دق وامي ردت ..!

امي رفعت السماعه وهو على طول صرخ وقال بكــل وقاحه وقلت ادب !!

( وين العجوز الي كلمتني من شوي ) !!

>( توضيح : امي فيها سكر وضغط . )<

امي سكتت للحظات وقالت انا ..

قال لها وانتي يا ( عجوز النار ) << حسبي الله عليه وربي اكتبها وانا فيني العبره ..

يقول وانتي يالعجوز ماعندك اسلوب بالكلام !!
قالت له امي لا خليت الاسلوب لك .!
رد عليها ليه ماتعرفين تهزئين وتصرخين !

وامي ردت عليه بكل برود لا ماعرف ..

قال لها طيب انا اوريك يالعجوز اذا ماخليت بيتكم سنترال مايوقف ليل نهار !!

بـس الوعد بالليل الوعد بالليل !

وقفل السماعه

........

والله ان امي تقولي وهي دموعها اربع اربع !

قلت لها بكيفه بالطقاق خليه يدق لين يزهق ماراح نرد عليه وان ردينا بنسكت

وخلي الصرفيه عليه !!

قالت انا مو هذا الي هامني !

انا الي خايفه منه ان انتم بنات بالبيت لحالكم وانا بس مامعنا رجال ..

ضحكت وقلت لها طيب يعني بيجي مثلا !!

قالت لا بس بيضر السمعه وانتوا توكم ..

قلت لها امي الله يهديتس هذا عادي يصير بكل البيوت كلها يومين وبيزهق ..

قالت الله يهديه يارب ..

>( توضيح : امي من النوع الخواف والشكاك عشان كذا يمكن كبرتها شوي . (<
..

طلعت من غرفته وانا اقول بنفسي انا اوريه خل يدق بـس مابقى الا هالاشكال تسب امي :( ..!

..

بنفس اليوم الليل الساعه 8 ونص ..

ابتدا التلفون يدق .. انا وخواتي نسينا السالفه !!
يعني قلنا ماراح يدق !

دق التلفون ورديت : الو .. قال وين هيفاء !!

قلت غلطان .. وسكرت ..
..

دق الي بعده وغير الرقم !!

المهم انها صارت تقريبا حول الـ 7 ارقام !!!

وكلها جوالات اما الاتصالات او موبايلي : \
..

لما عرفنا انهم ماراح يزهقون !!

اخذنا التلفون وكتمنا الصوت .. لاننا مانبي امي تدري انهم للحين يدقون لان

عندها ضغط وسكر وتوها من ثلاث شهور طالعه من المستشفى ..

نفسيتنا صارت ..... :angel:
..

وامي تسأل ماحد دق واحنا نقول لا اصلا قلنا بيزهقون : \
..

كلمنا الاستعلامات 905 ..
نبي نسأل فيه رقم يشبه رقم بيتنا لـ مستشفى ..

اختي الكبيره كلمت وسألته .. قال لها لا .. قالت رقمهم القديم !

قال لها لا ..
وبعدين قال لها ليه !
قالت له فيه ناس مزعجين بالبدايه يحسبون البيت مستشفى بعدين لما يعرفون

انهم غلطانين يبدون بالازعاج .!
قال لها آسف اختي ما اقدر اسوي شي ..
بس لو انا بمكانك بوقف التلفون شهرين وخلاص بيزهقون !!

قالت اختي مشكور الله يعطيك العافيه والله يكون بالعون ..

..

اليوم الجمعه .. وهم بدأوا من يوم الاثنين مو الماضي الي قبله ..

يعني لو عدينا الايام بتصير ( 12 ) يــوم وهم يدقون ليل صباح عصر ظهر مغرب مااااعندهم اي مشكله : \ !!

ولحد الحين التلفون مكتوووم Off .. وامي بدأت تشك بالامر ..

وفوق هذا كله !!

الاسبوع الجاي امي بتسوي عمليه .. ان شاء الله يمر هالاسبوع بخيــر ولا تدري يارب ..
..

البيت مافيه لا اب ولا اخ !

قلنا بنكلم خالي او عمي يعني يشوفون له حل ..

لاكن قلنا دام احنا مانرد عليهم خلاص هم لحالهم بيزهقون والله بيهديهم ان شاء الله ..

.....

تصدقون ..

من كثر ما أذونا نخاف ندعي عليهم : \ ..

ماغير نمشي واذا شفنا التلفون يدق يعني بس لمبه صغنونه تنور ونشوف الرقم اذا من تبعهم نضحك ونقول الله يهديهم :rolleyes: ..

طيب انا ابفهم !!

هم ماسئلوا نفسهم لو صار لهم مثل هالازعاج والأذيه

سواءً لهم او لخواتهم او احد من اهلهم !

شي غريب : \

..

بصراحه انا للحين خاطري اهزئ الي كلم امي وسبها ..

حسبي الله عليه : \

اكثر شي يحز بالخاطر ان احد يغلط على الوالدهـ او الاهل بصفه عامه : \

..

انا ماكتبت هالموضوع الا لانه شي حز بخاطري ومضايقني :( ..

..

>( توضيح : الكلام الي فيه ( تـس ) :d: .. زي ( وش فيتس ) وغيرها ترا هي زيها بـ ( الكاف ) مثلا ( وش فيك ) :d: .. للتوضيح فقط :angel: . )<

..

دعواااااتكم للوالده والعمليه الاسبوع الجاي ..

الله يخليها لي يارب ولخواتي ^_^

..

شااااكرين لكم حسن متابعتكم :kany: ..

والله يكفيكم شرهم ياارب :)





فمان الله .. :noo:

[ابوسعد الهلالي]

هلاليه ..

اول شي ماتشوف شر الوالده وتنجح عمليتها يارب ..

ثاني شي فيه اكثر من طريقه ممكن تتخلصون فيها من الازعاج وهي :

* اسهلها تكلمون شركةالاتصالات(907) وتغيرون الرقم وموب مشكله تغيير رقم الثابت الحين لان اغلب الناس استغنت عنه بعد الجوال ..

* او تقدمون شكوى للاماره وتعطونهم الارقام اللي مزعجتكم وهي تتصرف ..

* او تعطوني ارقامهم ومالكم الا من بكره تنفصل ارقامهم الموبايلي والسوا اذا هي باسماء اجانب :fghty: اما اذا باسماء سعوديين لازم تقدمون شكوى عليهم عن طريق الشركه او الاماره ..

بس الحين لاتردون عليهم ويملووون ,,,

[!! دمعة المقهور !!]

ظاهرة المعاكسات والازعاج عبر الهاتف مستمرة ولن تتوقف إطلاقاً .!

شركتا الاتصالات وموبايلي يتحملون جزء من المسؤلية خصوصاً بـِ انهم بطاقات يٌطلق عليها شرائح [ بدون اسم ] وهي عادةً تكون تحت اسم عامل هندي او بنغالي ...!!!
ومن هذا الشي يبدأ الاسخدام الخاطئ للخط الجوال وازعاج الخط الثابت .!

ولاعجب في ذلك .!
إذا ماعلمنا بـِ أن غالبية الشباب يستخدمون الايجاب في المكان السلبي ...!!!

عموماُ ..,,
غالبية العوائل تشتكي من عملية الإزعاج ..!!
والله يعينكم ويصبركم ان شاء الله ..,,
وماتشوف شر الوالدة ..

[نايف 15]

وعليكم السلام ورحمة الله وبركاته

هلا أختي هلالي :)
.
.
.
.
أول شي حطي في بالك أن اللي يدقون ويزعجون أطفال ومراهقين

حتى لو كانت أصواتهم تقول شكمان جمس :d:
.
.
.

المهم

يعني التهديد والإزعاج هذا أعرفي أن ماعندك أحد .. يعني هياط بزران
.
.
.
" وبالنسبة للوالدة "

الله يشفيها ويعافيها ويخليها لكم يا رب

والله يتمم العملية الأسبوع الجاي على خير

وبصراحة تصرفكم سليم 100 % لأنكم ماعلمتم الوالدة :yes:
.
.
.
وصدقني ثم صدقيني أنها حركات بزران توهم ما أستحقوا بطاقة الأحوال :d:
.
.


وأفضل طريقة للي يبي يستفزك تحقرهـ (himo)

[برستيج]

هلا هلالية


في البدايه .. دعواتنا الصادقه للوالده بالصحة والعافيه .. :)


وما حز في النفس بصراحه في موضوعك هذا .. هو ما تعرضت له الوالده ( الله يحفظها لكم ) من اساءة .. :(

وما اعجبني هو حسن تصرفكم في مثل هالحالات .. :yes:

اما ما يخص الاتصالات والازعاج .. ففي ظل كثرة الاتصالات التي قد تاتي للاطمئنان على الوالده بعد العملية ..

و طول نفس هالمشاغبين ( هدانا الله وياهم ) .. ارى الاستغناء عن ( جهاز ) الهاتف في الفترة القادمة وتقديم اي عذر

لكل من يسأل عنه .. سعياً وحرصاً على صحة الوالده .. خاصة في وجود البديل ( الجوالات ) ..


ولك تحياتي .. (himo)

[هلاليه والنعـم]

هلاليه ..

اول شي ماتشوف شر الوالده وتنجح عمليتها يارب ..

ثاني شي فيه اكثر من طريقه ممكن تتخلصون فيها من الازعاج وهي :

* اسهلها تكلمون شركةالاتصالات(907) وتغيرون الرقم وموب مشكله تغيير رقم الثابت الحين لان اغلب الناس استغنت عنه بعد الجوال ..

* او تقدمون شكوى للاماره وتعطونهم الارقام اللي مزعجتكم وهي تتصرف ..

* او تعطوني ارقامهم ومالكم الا من بكره تنفصل ارقامهم الموبايلي والسوا اذا هي باسماء اجانب :fghty: اما اذا باسماء سعوديين لازم تقدمون شكوى عليهم عن طريق الشركه او الاماره ..

بس الحين لاتردون عليهم ويملووون ,,,


الشــر مايجيك .. امين : )

..

امم .. بس لو بنغير الرقم بياخذ وقت .. لاننا غيرناه قبل يعني مجربين وخذوا وقت :d:

..

هذي المشكله ان احنا مانبي نشكي :( .. ولا نبي نضرهم يعني لو بنقدم شكوى بعد احنا ماندري وش الي في اهلهم : \ .. يعني على قولت اختي .. الله يهديهم :angel:

..

:angel: .. مشكور الله يعطيك العافيه :d: ..

خلاص بنصبر واذا مافيه فايده معهم شغلهم مع الرجال :kany: ..

..

وهذا احنا ماانرد عليهم وعساااهم يزهقون :jhgy:

..

مشكوور اخوي هلالي من طفولتي :rolleyes: ..

الله يعطيك العافيــــه :kany:



:noo:

[هلاليه والنعـم]

ظاهرة المعاكسات والازعاج عبر الهاتف مستمرة ولن تتوقف إطلاقاً .!

شركتا الاتصالات وموبايلي يتحملون جزء من المسؤلية خصوصاً بـِ انهم بطاقات يٌطلق عليها شرائح [ بدون اسم ] وهي عادةً تكون تحت اسم عامل هندي او بنغالي ...!!!
ومن هذا الشي يبدأ الاسخدام الخاطئ للخط الجوال وازعاج الخط الثابت .!

ولاعجب في ذلك .!
إذا ماعلمنا بـِ أن غالبية الشباب يستخدمون الايجاب في المكان السلبي ...!!!

عموماُ ..,,
غالبية العوائل تشتكي من عملية الإزعاج ..!!
والله يعينكم ويصبركم ان شاء الله ..,,
وماتشوف شر الوالدة ..


ايه والله :( ..

امم يزعجون الثابت والجوالات بعد مايقصرون :d: ..

الله يهديهم :rolleyes:

آمين ..

الشر مايجيك .. : )
..

مشكور والله يعطيك العافيـــه .. :kany:



:noo:

[هلاليه والنعـم]

وعليكم السلام ورحمة الله وبركاته

هلا أختي هلالي :)
.
.
.
.
أول شي حطي في بالك أن اللي يدقون ويزعجون أطفال ومراهقين

حتى لو كانت أصواتهم تقول شكمان جمس :d:
.
.
.

المهم

يعني التهديد والإزعاج هذا أعرفي أن ماعندك أحد .. يعني هياط بزران
.
.
.
" وبالنسبة للوالدة "

الله يشفيها ويعافيها ويخليها لكم يا رب

والله يتمم العملية الأسبوع الجاي على خير

وبصراحة تصرفكم سليم 100 % لأنكم ماعلمتم الوالدة :yes:
.
.
.
وصدقني ثم صدقيني أنها حركات بزران توهم ما أستحقوا بطاقة الأحوال :d:
.
.


وأفضل طريقة للي يبي يستفزك تحقرهـ (himo)


هلا بك زود :angel: ..

صدق :d: .. لان الي رديت عليه وقال وين هيفاء :q: .. صوته يخووف الله يستر :d:

..

ايه ياااكثر الهياط :jhgy: ..


..

آمين .. تسلم : )

..

ياشين الورعان اذا يبون يكبرون غصب :amle: :angel:

..

هذا احنا حاااقرينهم وعساهم يوقفون : \

.. الله يهديهم :(

..

مشكور اخوي .. الله يعطيك العافيه :kany:


:noo:

[هلاليه والنعـم]

هلا هلالية


في البدايه .. دعواتنا الصادقه للوالده بالصحة والعافيه .. :)


وما حز في النفس بصراحه في موضوعك هذا .. هو ما تعرضت له الوالده ( الله يحفظها لكم ) من اساءة .. :(

وما اعجبني هو حسن تصرفكم في مثل هالحالات .. :yes:

اما ما يخص الاتصالات والازعاج .. ففي ظل كثرة الاتصالات التي قد تاتي للاطمئنان على الوالده بعد العملية ..

و طول نفس هالمشاغبين ( هدانا الله وياهم ) .. ارى الاستغناء عن ( جهاز ) الهاتف في الفترة القادمة وتقديم اي عذر

لكل من يسأل عنه .. سعياً وحرصاً على صحة الوالده .. خاصة في وجود البديل ( الجوالات ) ..


ولك تحياتي .. (himo)

هلا بك زود برستيج :angel: ..

:) .. تسلم

..

آمين .. ايه وربي يحز بالخاطر :( .. الله يهديهم : \


بنات بس نعرف نتصرف :kany: ..

مشكور :rolleyes:

مو مشكله لو اي احد يبينا بيدقون على الجوالات .. بس بعد تلفون البيت مهم ولو استغنينا عن تلفون البيت امي بتعرف :( ..!

شي يحير : \
..

ايه وانت صادق اهم ماعلينا صحة الوالده :( ..

مشكور اخوي ..

الله يعطيك العافيـــه :kany:

..

:noo:

[الزعيماوي]

والله شئ من جد يضيق الصدر :( :( ,,

والله مو معقولة , وين الضمير اللّي يردعهم , صدق إذا مات الضمير رااح كل شئ ,,

للأسف , مافيه حياء ...!

عموماً , الأهم الصبر وأنا أخوتس , الصبر , وأنتبهوا للوالدة الله يحفظها لكم , ترا أهم شئ تبعدونها عن أي شئ يضيق الصدر , ولو كان شئ بسيط ,,

وإن شاء الله هالأسبوع بيعدي على خير :) ,,

وتذكري , الله يمهل ولايهمل ,,

تحيتي للجميع :) ,,

[هلاليه والنعـم]

والله شئ من جد يضيق الصدر :( :( ,,

والله مو معقولة , وين الضمير اللّي يردعهم , صدق إذا مات الضمير رااح كل شئ ,,

للأسف , مافيه حياء ...!

عموماً , الأهم الصبر وأنا أخوتس , الصبر , وأنتبهوا للوالدة الله يحفظها لكم , ترا أهم شئ تبعدونها عن أي شئ يضيق الصدر , ولو كان شئ بسيط ,,

وإن شاء الله هالأسبوع بيعدي على خير :) ,,

وتذكري , الله يمهل ولايهمل ,,

تحيتي للجميع :) ,,


افااا .. لا مابي اضيق صدوركم :( ..

ضمير :( .. اذا لم تستحي فـ افعل ماشئت :( :(


الصبــر .. ابشـر :rolleyes: ..

ان شاء الله :rolleyes: ..

تسلـــم .. :kany:


مشكور .. الله يعطيك العاافيــه : )


:noo:

[جن الملاعب]

أولاً تمنياتي للوالدة بدوام الصحه والعافيه وعقبال ماتشوفونها بعد العمليه بصحه وسلامه ..

ثانياً بالنسبه للمضايقات الحاصله من قبل أناس لاتخاف الله ولاتحترم والدة في مقام والدتهم فهذه مصيبه ولكن لارجاء إلا بدعاء صالح بأن يهديهم الله ..

تحياتي وتمنياتي للوالده بدوام الصحه والعمر المديد



جن المـــــــــــــــــ فيصل ـــــــــــــــلاعب,,

[S U L T A N]

ماعليكي من الحثاله ذولي
اهم شيء الوالده تقووم بالعافيه

[هلاليه والنعـم]

أولاً تمنياتي للوالدة بدوام الصحه والعافيه وعقبال ماتشوفونها بعد العمليه بصحه وسلامه ..

ثانياً بالنسبه للمضايقات الحاصله من قبل أناس لاتخاف الله ولاتحترم والدة في مقام والدتهم فهذه مصيبه ولكن لارجاء إلا بدعاء صالح بأن يهديهم الله ..

تحياتي وتمنياتي للوالده بدوام الصحه والعمر المديد



جن المـــــــــــــــــ فيصل ـــــــــــــــلاعب,,


تسلـــم .. :rolleyes: ..


....

الله يهديهم يارب :( ..

..

تسلـــم .. :)

..


مشكور .. :kany: .. الله يعطيك العافيـــه



:noo:

[هلاليه والنعـم]

ماعليكي من الحثاله ذولي
اهم شيء الوالده تقووم بالعافيه


..

الله يهديهم يــارب ..


الله يعافيــك .. تسلم :rolleyes:

..

مشكور .. الله يعطيك العافيــــه



:noo:

[شهراني هلالي]

اختي الله يشفي والدتك وتقوم بالسلامه



بالنسبه للي يتصلون روحو للاماراه واذا ماتبون تتعبون اعماركم

شوفوا رقم بديل ترى احسن ترتاحون مره وحده

وتبين الصدق اذا اتصلو هذولي الشباب ادعي عليهم بصوت خشن

دعاء جامد علشان يخاف ترى فيه ناس مجربينها (himo)


وبالتوفيق اختي

[الكوكب الأزرق]

حسبنا الله ونعم الوكيل على هالعقليات التافه والتعبانه ...
الله يكون في عونكم أختي هلاليه والنعم ...
بس ليش ما تغيرون الرقم وترتاحون من منهم لأنهم أبداً ما راح يتأدبون ...
والله يقوم الوالده بالسلامه والله يخليها لكم ... يارب ...

[هلاليه والنعـم]

اختي الله يشفي والدتك وتقوم بالسلامه



بالنسبه للي يتصلون روحو للاماراه واذا ماتبون تتعبون اعماركم

شوفوا رقم بديل ترى احسن ترتاحون مره وحده

وتبين الصدق اذا اتصلو هذولي الشباب ادعي عليهم بصوت خشن

دعاء جامد علشان يخاف ترى فيه ناس مجربينها (himo)


وبالتوفيق اختي


آميــن .. تسلم .. : )


بس المشكله الوالده بتدري :( ..


:angel: .. صعبه اخشن الصوت .. واخاف اسويها ثم يدرون وينشبون :amle:

..

مشكور اخوي .. الله يعطيك العافيـــه : )


:noo:

[هلاليه والنعـم]

حسبنا الله ونعم الوكيل على هالعقليات التافه والتعبانه ...
الله يكون في عونكم أختي هلاليه والنعم ...
بس ليش ما تغيرون الرقم وترتاحون من منهم لأنهم أبداً ما راح يتأدبون ...
والله يقوم الوالده بالسلامه والله يخليها لكم ... يارب ...


الله يهديهم :(


آميييين ..

نخاف نغير الرقم ثم الوالده تدري عاد بعدين بتقول ليه ماعلمتوني من اول ووو :(


..

الله يكون بالعــــون :rolleyes:

..

آميـــن يارب .. : )

تسلــم .. الله يعطيك العافيـــه ..

:noo:

[عاشق السحر الثنياني]

كيفك اختي هلااااليه

اول شي

الله يشفي امك ويقومها بالسلامه

وحلوه طريقتكم

انكم ماخبرتم الوالده

لكن من المفرووض انكم تبلغوا

عالاقل خالك بالموضووع

واذا زادت اذيتهم وقتها يتصرف

ومثل ما ذكروا الاخواان بلغوا

عند الاماره

اااااااه لو هذوولا يزعجوني

كان شافو الوييييييييييييييل

<<<<<<--- خبير في تطفيش المزعجيين

بصراحه جتنى فتره ازعاجاات

واخووك ما قصر

خليتهم فتره وبعديييييييييييييييين

وركزي على كلمه (بعدييييييييييييييييييين)

جهزت العده والعتاااااااااااااااااااد

ووريتهم النجووم بعز الظهر

راااااااااس مالها كلمت شباااااااب

ما قصروا في توزييع الارقام وازعاجها

وبعدهاااااااااا والله ما شفنا اي ازعااااااااج.

وقبل ما انسى ان شااء الله امك تقووم بالسلامه

وطمنييينا عليها

[عاشق السحر الثنياني]

معلللللليش اختي

في طريقه سهله

تريحكم من الازعاجات

اذا ماتبغو تغيرو الرقم

حطو له رقم سري وصدقوني بترتاحو

من الازعاجاااااااااااااااااااااااات

واذا ما انتهت الازعاجاات

فهنا الامر فييييه شك

ومعليييييييييش ازعجتك

[الإسكـندر]

هلا والله ومرحبـــــــــــــــــا...

بدايــــتا: ماتشوف شر الوالده ...

وبالنسبـــــــة للإزعاج أفضل حل له إنكم تحاولن تغيرون رقمكم...

لأن هالمبزرة فاضيــن وانتم أكد عندكم أشغال يعني حاولوا تغييرون الرقم...

وإلا تلغووونه مدة من الزمن...

وبالنسبـة للتهديد فتراه مايقدر يسوي شيء...

ليش؟؟!!

لأنه بزر.. ولأنه مايعرفكم ومايعرف مكانكم...

ويقـــال (( الحقران يقطع المصران..))

تحيــاتي لك وإن شاء الله ماتشوفون أي إزعاج...

[هلاليss]

حسبي الله عليه ..

شوفي .. يا انكم تعرفون احد بالإتصالات يا تهددونه انه بيت اميره ..

وان دق بعدها انا موب اس اس :angel:


ما تشوف شر الوالده ووالله لو يمدينا نساعد ترانا حاضرين .. انا عندي مشكله اكبر .. وموعدها بكرا :( الله يستر وتعدي على خير :( :(

[مستقيل]

اولا: الحمدللـه على سلامة الوالدة، وان شاء اللـه تكلل العملية القادمة بنجاح ...

ثانيا: أكثر شي انا قاهرني في الموضوع، ان الازعاج ياتيكم من اكثر من رقم، وهذا يدل على ان الرخمة لا اخويا لا ينقصون عليه في حدة الرخامة يدرون بالسالفة و موافقين ان على انهم يزعجونكم ...

ثالثا: اقتراحاتي، بدون شكاوي ولا يحزنون، غيروا الرقم، وتغييره ما حتاخذ منكم وقت كبير، بس تحتاجون وكيل "احد خوالكم ولا عمامكم" و يمديه يخلصه بسرعة ...

و فيه عندي اقتراح ثاني و هو "شيطاني (rambo) " شوي ...

وهو انه هالرخمة لما يفككم من الإزعاج و تغيرون رقمكم، طقوا لكم كم شريحة سوا، والعنوا خامس اللي خلفه بازعاجات و اتصالات 24 ساعة ...

سلامي للجميع :noo: ...

أخوكم: مستقيل "شرنوب الشبكة" ...

[العاتي]

الله يقوم الوالده بالصحة والعافية .. وتنجح عمليتها يارب ..

وبالنسبة للمزعجين .. ما نقول إلا الله يهديهم ..ونفس ما اقالو الاخوان تقدرين توصلين الموضوع للامارة وراح يتأدبون ..

الله يعينكم ويقوم الوالده بالسلامة ..

[حبي سدير]

وعليكم السلام ورحمة الله وبركاته

هلا أختي هلالي
.
.
.
.
أول شي حطي في بالك أن اللي يدقون ويزعجون أطفال ومراهقين

حتى لو كانت أصواتهم تقول شكمان جمس
.
.
.

المهم

يعني التهديد والإزعاج هذا أعرفي أن ماعندك أحد .. يعني هياط بزران

[هلالي حتى الموت $]

هلا هلالية ,,

اولا الوالدة الله يشفيها وماتشوف الا كل خير ان شاء الله ,,

اما بالنسبة للإزعاجات فهي شي طبيعي وقد حصلت لنا بالبيت من هالتسلاب زي الي

يدقون عليكم بس الحمدلله ماوصلت للسب ,, بس مااسرع ماهجدوا بعد مااجتهدنا انا

واخواني وهايطنا عليهم شوي وهددناهم :d:

الله يكون في عونكم ,,

[شموخ]

هلا أختي هلالية...

أولاً : الله يعافي الوالدة ويقومها بالسلامة ويحفظها لكم ويطول عمرها على طاعته سبحانه وتعالى ...

ثانياً : بالنسبه للمزعجين بصراحه حركتكم كانت حلوة أنكم سفهتوهم وما رديتوا عليهم والأخوان ما قصروا عطوكي بعض الحلول ...

أنا اذكر لك قبل فتره حصلت لي نفس المشكله بس على جوالي أنا بطبعي الرقم الغريب ما أرد عليه بس ذاك اليوم ما ادري شلون رديت الا المتصل يوم سمع ان الي رد بنت خلاص استلمني اتصالات ورسالي وانا اطنش بالاخير ارسل لي يهددني اذا ما رديت بيوزع رقمي وهذا الي صار اتصالات متواصله من ارقام مختلفه وباوقات مختلفه وانا ما ارد وحطيت الجوال على الصامت وبعض الأحيان اقفله وبعض الأحيان اكون نذله وافتح واسكر عشان يصرفون (rambo) الين زهقتهم ونسوا ....



الله يشفي الوالدة ويعافيها ..آآآمين

[السد الازرق]

الله يشفي والدتك يارب ,, وتقوم بالسلامه ,,

بالنسبه للي يتصلون فعلا هالحركات ترفع الظغط خصوصا اذا ماكان به رجل بالبيت ممكن يصدهم !!

الله يعينكم يارب ,,

وممكن تعطين الرقم اللي سب أمك لأحد أقاربكم وهو ممكن يلاقي طريقه يوصل هالشكوى لأحد المسؤلين ؟؟

الله يعينكم يارب وطمنينا على الوالده ,,


تحياتي لك ,,