كيــف الحـال . . ؟ !

[عـــهـــود]

بسم الله الرحمن الرحـيم . .



زخـم اعلامي . .

تصريحات وصور وبعض من اجـزاء المحتـوى . .

نجـوم على اعلى مستـوى . .


والجــميع من محب للافـلام . .

و محب للاسمـاء والاقــلام . .

حتى محبين الفـن انظموا لهـم . .

حكم ان فيه فنان مزعوم بيمثل لاول مره . .


اول فيلم سينمائي سعودي . .

وبالتأكيد سيكون على اعلى قـدر من الجـوده . .

والسيناريو الجيـد . .

والتمثيل المتقـن . .

خـرج لنا فيلم كيف الحال . .



وعُـــرض في الكثير من الدول الشقيقه مثل مصر ودبي وغيرهم . .


سعودييـن وسعوديات قطعوا الرحلات والديار من اجله . .

والكل متلهف لهذا الفيلم . .

حتى من زود التفائل بالنجاح سووا له اغنيه خاصه . . :d: :d:


بعد مـده ليست بالطويله . .

تم عرض الفيلم على احدى القنوات الفضائيه وسط دهشه ممن لم يشاهدوه . .

أجل ماكمل شهرين من بدايه عرضه في السينما . . :angel:


وينعرض في التليفزيون

شـاهدت الفيلم . .

فيلم لا محتوى ولا مضمون واحد . .

فيلم يحمل رسائل للشعب السعودي . .

يحمل امور غبيه لا تحدث هنا . .


من الرسائل التي يحملها هذا الفيلم :


•دعـــوه للســفور ونـزع الحجاب . .

حكم ان البنت تقدر تسوي اللي تبي وتطلع مع اللي تبي وهي موب خايفه من احد . . لانها محجبه بالكامل . .


•دعــوه لقيـاده المــرأه . .

من خلال مشهد غبي حينما يصاب الاب بأزمه قلبيه وتحتار الفتاه في كيفيه نقله للمستشفى . .

قصر يحوي العديد من الخدم والسواقين . .

شارع يعج بالليموزينات . .

ولكن يأبى النص الا ان تقود هي . . :rolleyes:


•دعـــوه صريحه لاقـامه دور للسينمـا . .

وانا اقول ليتكم تسوون افلام مثل الناس همن فكروا بالسينما . . :angel:


من الاشيـاء الغبيه التي شاهدها :

الفتاه سحر تعمل صحفيه في جـريده . .

بإسم مزيف . .

وبدون علم من اهلها . . ! ! :req:


شـعب ليس لديه شئ مهم يهتم فيه غير السفريات والاهتمامات السطحيه . .


شعب يحتوي على فئه ملــتزمه صورها بكل دنـائه على انهم متعجرفين ومجرمين . .

وهمجييـن . .

والصفه الاخيره اتضحت عندما دخل تركي اليوسف على مجلس الشايب مع صديقه الملتزم وبدأ بتفتيش

اشرطه الشباب وهو يبحث عن شئ مخل او ملفت للانتباه . .

فلم يجـد وسط ضحكات الاخرين . .



في نقطه لبس الفتيات بالخـارج . .

قـد تكون صائبه قليلاً ويمثلها البعض القله من فتياتنا . .


ولكـن النقطه المضحــكه في الامــر. .

هي سكوت الاخ عن اخته عندما رأى لبسها في الفندق . .

استغربت من الموقف . . :rolleyes:



احياناً تشك ان اللي كاتب النص سعودي ! !


في الاخـير فيلم لايستحق المشاهده ابـداً . .

والشرهه على اللي مــول للفيلم . .

وتركنا نظهر للعالم بصوره سيئه . .

أسواء مما نحن عليه الان . .



هو بياخذ المركز الاول . .


بس تدورن بإيش ؟


بـ أول فيلم سينمائي يعرض على التليفزيون بعد شهرين تقريباً من عرضه بالسينما . . :d: :d:


اسم على مسمى . . :angel:


للجمــيع تحياتي . . :)

[السجين بتهمة حب الهلال]

صباح الخير


اتفق معاك تماما


الموضوع بدون فكرة وبدون مضمون!!


الفيلم صاحبه حملة اعلامية كبيرة تصورها البعض ان الفيلم مرشح لجائزة في مهرجان اوسكار!!

بصراحة شاهدته في البحرين بالسينما

وحينما عرضته قناة الا ل بي سي اللبنانية نبهت الشباب الى ان الفيلم فاشل بالدرجة الاولى!!!

ولكن لان روتانا الداعم الرسمي صاحبه زخم اعلامي كبير اضافة الى هشام نجم اكاديمي الذي كان البعض ينتظر منه نجومية مطلقة في الفيلم ولكن امكانيته لاتسمح !!

المشكلة ان الفيلم تطرق لتوافه امور لا اكثر


تحياتي لك

[عاشق الهلال حسون]

فعلاً كتبتي فأصـبتـي الهدف ..

والله طلعتي الي في قلبي كله على ذا الفلم السامج ..

صورونا باقبح الصور التي ظهرت الى العالم العربي من حولنا ..

جعلونا أعتقد (( سامجيـن ))


يعطيك العافيه وفعلا كتبتي فأصـبـتي الهدف ،، :yes: :yes:

[GAHERHM]

والله عن الفلم انا ماشفت الا لقطه منه بس :d:

بس فلم فاااشل بكل ماتعنيه الكلمه

الفلم مافيه ترابط في مشاهده

اجل الفلم كله موسيقى يذكرني بافلام (rambo)

هالفلم هو على اسمه كيف الحال

والمضحك انه معروض بعد شهرين على قولتك بقناه

وش يدل عليه ذا

على دلاخه الفلم والقائمين عليه

الافلام ماتنزل الا بعد سنه تقريبا على اشرطه فديو

وبعد سنتين على التلفزيون

الله يخلف بس

عافاك الله ياعهود

[نوااااااااف11]

فلم بايخ وخجول حتى في اعلاناتهم له تحس انهم مغطين وجيهم من الفشيله اللي تنتظرهم بس قالوا نجرب
فلم ماله مضمون ولا هدف تسرعوا فيه مثل اللي جالس
يبني قصر من خشب عشان يقول شوفوني بنيت قصر
ويكتشف بالاخير انه باني له عشه حطوا كلمة فلم
والفلم بريئ منهم شوهو كلمة فلم بفلمهم وهم حدهم
الكاميرا الخفيه وتخب ... ومن تخبطهم مالقوا وش يحطون
عنوان وتوهقوا وزين مالطشوا من الافلام المصريه باب خمسه
او المتسول واخر شي كيف الحال :angel:

عوافي عهود

[gntlman]

اشوف انه فلم

عادي

و الفكره حقته قديمه

و السيناريو سخيف

و هشام في الفلم طالع مصري ولا سوري

بس المطيري مبدع في شخصيه المطوع

و خالد سامي كالعاده مهستر

[ازرق هلالي حتى الموت]

والله فشل
هؤلاء مناصرين
للعلمانين والليبراليين
هم يرودون هذا قيادة المرأة للسيارة
ووجود سينما
و....و............و...........

اشياء يرودونها لتخريب المجتمع الأسلامي

لا حول ولا قوة الا بالله

[هلاليss]

بكل امانه السيناريو ومضمون القصه تافه وكأنك يريد نقد المجتمع السعودي لمجرد النقد وليس شي آخر ,

همسه :-

بغيت ادق على المخرج اقوله ترى بتزوج ميس :d:

[شـب]

ماش حظك ياعهود اليوم مب زين ..

تدرين ليش ؟؟

لاني ماشفت الفلم ولا اقدر اعلق على موضوعك ..

لكن سود الله وجه ولد ديرتنا هشام الهويش .. وترانا متبرين منه حنا يالعنيزاويين ..


سلام ..

[o0o زراق o0o]

هالفيلم ذكرني بايام الكشافة في المدرسة :angel:

ياشين اللي يسوي افلام سينمائية وهو مايعرف يسوي حلقات مسلسل :d:



عوافي عهود :)

[عـــهـــود]

ماش حظك ياعهود اليوم مب زين ..

تدرين ليش ؟؟

لاني ماشفت الفلم ولا اقدر اعلق على موضوعك ..

لكن سود الله وجه ولد ديرتنا هشام الهويش .. وترانا متبرين منه حنا يالعنيزاويين ..


سلام ..


نصيحه لوجه الله . .


لاتشووفه . .

والله يجيب النوووووووووم وكأنك تتابع كلمات متقااطعه :d: :d:


افلام كرتون ازين :angel:

[Dr. 2'S]

:
عهــود لـي عودة :rolleyes:

سبقـتيني بالموضوع :magkiss:

:

[abo wdee3]

الله من السماااااجة اللي بهالفلم ,,

باختصار لو إنهم كاتبين ببداية الفلم " يا بنات العالم افتشوا ويالمطاوعة توبوا لربكم من الغلو اللي أنتم فيه "

أقسم بالله أسقم شي تابعته بحياتي بعد مباريات كاس الخليج هالفلم ,,

اللي يقهرك إنه أول فلم يعني أنا أضمن لكم إن على القليل 5 أفلام يحملون نفس الطريقة ونفس المنهج إلا في حالة النقد الصحيح وهالشي ماراح يصير بوجود العلمانية اللي لو ما اقتنعوا بالفلم فهم أكيد راح يطبلون له عشان الأفكار الفاسدة اللي فيه ,,


بالله وش الفلم اللي مافيه إلا 4 سعوديين ويقولون سعودي ولا المخرج والكاتب أو واحد منهم أجنبي بعد :jhgy: ,,


يعطيك العافية يا عهود :yes:

[ابوسعد الهلالي]

نصيحه لوجه الله . .


لاتشووفه . .

والله يجيب النوووووووووم وكأنك تتابع كلمات متقااطعه :d: :d:


افلام كرتون ازين :angel:

سجلي عندك واحد ماشافه بعد رغم اني كنت عارف وقته بس قلت اطلع اتمشى واحضر فلم الكتكوت للخبل مدرعم :d: اقصد محمد سعد اصرف :angel:

بس دام كنه فلم كرتون اجل بشوفه لاني احب عدنان ولينا وزينا ونحوول وفلونه وهايدي ولولو الصغيره وسالي :d: <<< ياحليل أفلام كتونا لازم فيها اسم بنت :qw:

(himo)

احرقتي الفلم علينا ياعهود << قالك متحمس :d:

[gunner for life]

سلااام

والله يالفلم يجيب المغص :yuupy:

لا وتمثيلهم مررره بارد يجيب النووم :o

[تذكار المحبة]

والله ان لسه ما شفت الفيلم بس مدام تقولون انه يرفع الضغط مو لازم نشوفه ..

بس الشرهه على اللي مولوا الفيلم واساؤوا الى سمعه السعوديه والسعوديين :lkj: ..

اذا شفت الفيلم لي عوده للتعليق على احداثه :) ..

وعوافي عهود على الموضوع ..

[قناص عنيزة]

يعطيك العافيه

عين الصواب

[عـــهـــود]

تحيه لكل من شــارك . .

ويعطيك العااافيه . .

وبإ نتظـار عوده ريـم . .



هالفيلم ذكرني بايام الكشافة في المدرسة

ياشين اللي يسوي افلام سينمائية وهو مايعرف يسوي حلقات مسلسل

:d: :d: :d:

والله كبيره عليه يا زراق كلمه فيلم سينمائي :angel:



يا بنات العالم افتشوا ويالمطاوعة توبوا لربكم من الغلو اللي أنتم فيه

كلام سليم . .



احرقتي الفلم علينا ياعهود << قالك متحمس

:d: :d: :d:


يااخي المسلسلات الكرتونيه فيها دراما . .


فيها قصه حب حتى لو هو كراتين تطلع كأنها واقعيه . . :d: :d:


ولك في هايدي خير مثال :qw:


على الاقل تطلع بشئ . .


موب كيف الحال :d: :d:




عــ ـزوز . .

الحين انت اخو قرقو . .

والا هو بس متعيجر تدخل بيوزرك :angel:



المشكله انه سبحان الله . .


على كثر ماشفت افلام اجنبيه . .


بحياتي ما شفته فيلم يمس العقيده حقتهم . .


وحنا تقول مسببه لنا عقده . . :yuupy:


بكل مسلسل والا فيلم لابد يناقشون هالقضيه . . !


عجيب . .


يسلموو شبااب . .

[ذيب أبانمي]

أغبى فيلم شاهدته بحياتي

دلاخة ما بعدها دلاخة تشويه لسمعتنا وتحريض على السفور

مدري على ايش سموه سعودي ممثلين أغلبهم من برا والتصوير أغلبه برا والمخرج أجنبي

شكرا عهود

[** { برنس الزعيم } **]

الفيلم قصصه واقعيه وخصوصا السفر :)
وغيره الشقيق على شقيقته موجوده باغلب الدور الاسلاميه وليست العربيه :jhgy:

أما عن الوجوه المصريه فلا اعتقد يوجد شخصيه مصريه بالفيلم بل ~ اردنيه :qw:

ولا ننسى بان المنتج هي روتانا :N:

[الــــنــــاقــــــــد]

مشكلى هــ إل بي سي :angel:

راهنت .. وتحدت .. وعلى فيلم سعودي .. وطلع (( فاشل )) !!

بصراحة ماتابعت منه الا لقُيطات فقط ..,,
وعرفت إن الفكرة لاتبتعد كثيراً عن أفكار طاش ( إنفتاحية وتشدد .. الخ )) !!

وشي آخر ملفت للنظـــر .. هو طفرة المذيعات السعوديات اللي صارن يقدمن برامج في الفضائيات !!

بصراحة .. شي يفضح !!

فأنا اسمع إن هناك مذيعةسعودية في قناة جرس يقولون الشباب عنها إنها (( مسترجلة )) !!
ماحصل لي الشرف في شوفتها ,,
بس برنامجها صار حكايا عند الشباب !



وعوافي أخت عهود :)

[أبوخليل]

والله من ناحيه الفلم كان اخراجه بايخ والسناريو بايخ ........ :nrey:

بس كقصه صادقين فيها وبعض الاشياء اللي جت في الفيلم كان واقعيه :rolleyes:

[سآم9]

اهلين عهود ,,
بصراحه انا شايف الفلم من زمان محمله من النت وشفت اول عشر دقايق وشفت اخر عشر دقايق برضو وعرفت ان الفلم ما عندك احد ودايركت كليك يمين وابوزه لسلة المحذوفات :angel:

:noo:

[هلالي اكاديمي]

ما شفت الفيلم والحمد لله شبعان افلام هالإجازه .. من بعد الرؤيه لدنزل ما ودك تشوف اي فيلم (himo)

بس كيف الحال اتوقع انهم يبون يسجلون اسمهم للتاريخ فقط كأول فيلم سعودي ... مثل فيلم الصرخه اول فلم سينمائي بحريني ... واللي نزل مع كيف الحال !!

الصراحه : المفروض ياخذوا أذن من ابو يعقوب لان كيف الحال حق حصري لبو يعقوب :angel:


بعدين الفلم لم يكن انتاجه للماده فقط علشان يجلس سنه او سنتين ما ينعرض .. الفلم مجرد تسجيل للتاريخ بأن اول فيلم سينمائي سعودي هو : كيف الحال .. واللي مخرجه الوليد يعني مو محتاج كم مليون علشان يمنعه من العرض ..


الغرض الأساسي من الفيلم تحفيز المخرجين لعمل أفلام سعوديه لتكون قاعده لهم في انشاء سينما في السعوديه .. وهذا اللي أشوفه ...

[برستيج]

هلا عهود

أنا ملاحظ ان البعض يقول : الحمد لله اني ما شفته ..!!

ليش هالعبارة ؟؟

يجب ان نطلع ونشاهد .. حتى نقول نعم او لا ..

لذا .. اتوقع ان يتغير مسار وخطط كل من قام بدور في هذا الفلم .. بعد معرفة الاراء

والانتقادات المحلية والخارجية تجاه العمل ..

يعنى بالعربي ..

هالعمل درس لهم ولغيرهم بعدم قدرتنا في الوقت الحالي لانتاج عمل سينمائي سعودي ..

وهم اول من اكد ذلك بعنوان الفلم .. (( كيف الحال )) .. :)



ولكـن النقطه المضحــكه في الامــر. .
هي سكوت الاخ عن اخته عندما رأى لبسها في الفندق . .
مو مضحكه وبس .. الا دليل انهم من جنبها .. :d:
لاني كنت انتظر جلد او مطاقه .. لكن حتى حرف انتقاد لها ما سمعنا .. !!


ولك تحياتي .. (himo)

[عـــهـــود]

اهلاً بالجــميع . . :)

شكـراً للمشاركات الممتعه . .


برنس الزعيم . .


ممكن توضح لي وش الاشياء الواقعيه بنظـرك في الفيلم . . ؟


غير نقطه السفر اللي انا وضحتها . .


هلالي اكاديمي . .


بالعاده اللي يبي يسجل اسمه بالتاريخ . .

يجتهد عشان يكون العمل شئ فعلاً يستحق ان يدرج في التاريخ . .


وبالنسبه لنقطه العرض ممكن . .

كل شئ جايز . .

لكن انا اعتقد انه فشل الفيلم ساهم بشكل كبير في عرضه بهذه السرعه . .


برستيج

اتفق معاك . .

الانسان لابد يحكم على الشئ من نفسه . .

وانا بصراحه قالوا لي عنه كثير . .

لكن ما اقتنعت :angel:


شب رح شف الفيلم :d: :d:


يمكن يعجبك :angel:



والانتقادات المحلية والخارجية تجاه العمل ..


ولك في انتقاد الادعشري خير مثال . . :d: :d:

ظنتي ابو الهش لاقراه ما عاد هو ممثل ابد :angel:


لاني كنت انتظر جلد او مطاقه .. لكن حتى حرف انتقاد لها ما سمعنا

ويقولون هذولا هم السعوديين . .


والله ما فيه سعودي مسلم ومحترم يسوي كذا :req: . .



لا وملتزم بعد :d:


كل الشكر لكل من شارك . . :)

[Blue Wings]

أهلين عهود ...

بصراحه ماشفت من الفلم الا جزء ابسط من البسيط
لما دخل اليوسف عليهم وقعد يفتش ... وبصراحه اكثر ماقدرت اكمل
يعني مافيه شئ يخليك تكملين ... فشل * فشل ............

وترا ملينا من سالفة المطاوعه ، وان السعوديات لازم يسوقن ، وافتشوا و و و

يعني اي احد يبغا يشتهر عنده موضوعين لازم يكتب فيهم ::

اولا: المطاوعه لازم يحش فيهم ويقطع جلودهم ..
ثانيا: البنات السعوديات لازم يتعرض لهم بأي شئ سواء كان (( بالحجاب , او
قياة السياره ، او بعفتهم وتربيتهم واسلوب حياتهم )) ورواية بنات الرياض
خير دليل :rolleyes:

واخيرا << مابغيتي :d:

تبغون الاخراج الصح والمؤثرات الصوتية والرسم والشخصيات اللي
تقطع القلب ؟؟؟؟

شوفو الانيميشن الياباني .. والله ياعندهم قصص :cry: .. شئ خيالي ..

شكرا عهود وآسفه على الاطاله .. :kello:

[شموخ]

هلا عهود..

أنا كنت أقرأ بالجرايد عن الفلم والكل هاب فيه والكل يمدح فيه وأنه عمل نقله نوعيه في الدراما السعوديه وهو أول فلم سينمائي ويناقش قضايا حساسه وراح يكسر الدنيا الى آخر هالكلام ..
وبعد ما شفت صور أستقبال الوليد لهم في مخيمه وهم كانوا تسعه وإهدائه لكل ممثل وممثله سياره أخر موديل ...قلت بس بياخذ جائزة أفضل فلم على مستوى العالم ... :d:

بس طلع اسم على مسمى ( كيف الحال) :angel:

[الهنـوووف]

حمستوني اشوفه

:angel:

بس وقتي من ذهب كانه مو حلو ماله داعي لاني ماحب المصاله :fghty:

عموما احس السعودين بالتمثيل لك عليهم لامسلسلات ولا افلام فالحين فيها وهذا شي يبيض الوجه والحمد لله :)
وعلى هالحال واردى
مو فلم او مسلسل الي بيرفع اسم السعوودية :req:


تشكرات خيتو

[electrical]

الحمد لله ما تابعته


ومثل ما قال أخوي شب حنا متبرين منه يا أهل عنيزة


لا حول ولا قوة إلا بالله عقب ابن عثيمن يجينا السربوت

[البركان الأزرق]

هلا عهود :)

الصراحة مالكم حق ماضحكتوا !!
حنا من بدا الفلم وحنا قاعدين متبطحين وماغير نكركر تبجدت مصاريننا من الضحك :d: :d: :d:
مع العلم اننا شفناه من النص وتسدحنا ضحك الين خلللص صراحة وسع صدورنا :d: :d:
ومن زود الانسجام شفناه الين الكاست اللي من زود التخلف كله اغلاط املائيه :d: :d:
وكلن بوه حشى قطة يتامى موب فلم :d:
مخرج ومنتجين وهيفاء المنصور قاطة بس شلون و ليه الله اعلم :d:
تدرين ليش نضحك >> وجه يسوي دعايه :d:
قبل كم من شهر قريت موضوع ابو دمجه اللي بالاقلاع :d:
انا وربعي وكل من يعز علي حتى من زود ما العالم خقوا معه نزلوه بفواصل بس مقطع شوي :d:
قسم بالله طول الفلم نضحك على ذبات ابو دمجه موب على هالفلم الخايس
وكل ما جا مشهد نقول اييييييه ابو دمجه يقول كذا وهات ياضحك :d: :d:
>> صح نصراوي بس نكته ابن اللذينا :d:

كلووه كووم وهشام قصيمي بكرتونه ويقول جدّي جدّي >> بالفتحه
مدري ليش حرام يحتسي قصيمي يعني :d:
الولد لهجته قصيمية ويقول مصطلحات اهل الرياض وحنا متسدحين مووب رااااااااكب ابببد :d: :d:
ترا مافات شي بكزوه لتس برايفت وانتي اللي بتمصعين من الضحك في ليلة السبت هذه :angel:


شوفو الانيميشن الياباني .. والله ياعندهم قصص .. شئ خيالي ..

ايــــــــــــــــه والله يا عليهم كرتون رسم صح بس معبر ويصيح وتتأثرين كرتون دراما ماشاء الله عليهم هالفعطان مبدعين بكلش اخر فلم شفته انواااع الخقوق اسمه سبيرتد أواي - وهاولز موفينق كاسل غير مسلسلات الكرتون شي يهيل ويعبر الله يخلف علينا بس :angel:

[عـــهـــود]

يعطيكم العاااااافيه جميعاً . . :)

[BREEZE]

الفيلم قصصه واقعيه وخصوصا السفر :)
وغيره الشقيق على شقيقته موجوده باغلب الدور الاسلاميه وليست العربيه :jhgy:

أما عن الوجوه المصريه فلا اعتقد يوجد شخصيه مصريه بالفيلم بل ~ اردنيه :qw:

ولا ننسى بان المنتج هي روتانا :N:

هل واحد( متشدد) وحط خطين تحت متشدد بيخلي اخته تطلع في السهره بنفس اللبس اللي في الفيلم
يا شيخ (اللي رايح فيها) ما يطلع شغالتهم بنفس اللبس اللي شفناه
وغير كذا دايما الافلام تنسب للمخرج يعني المخرج اجنبي الفلم اجنبي

[محمد الدوسري]

ماشفته

ولاأبي اشووفه :angel:

[هلاااااااااالية]

بااااااااااااااااايخ مع مرتبة الشرف :angel:

انواع المصالة وثقالة الدم والسماجة :jhgy:

الله يخلف علينا بس

الحين صار كل فلم او مسلسل يبونة ينجح يقعدون يتهزون في الدين والمطاوعة ويبون الحرمة تسوق وتفتش ...إلخ :lkj:

مشكووووورة عهود يسلموووووو :yes:

سي يو :kany:

[Dr. 2'S]

:
عــودة ..

بالبـدايـة وقبيـل عرض الفـلم كـنت " متحمسـه "
كون " المسلسلات وَ الأفلام " أحد الوسائـل التـي نستطيـع أيـصال مشاكل مجتمعنـا عبرهـا ونخـرج منهـا بحلول أو " الألهـام للحلول " ..

:

وَ ممـا زاد حماسـي " الكـل " تقريباً تحدث عن هالفلـم من صُحف ، مواقـع .. الخ
فتوقـعت أن " الفـلم " ناجـح من كل النواحي كُونهم " أعطوهـ " حجمـاً كبيراً..

:

"للأمـانة لم أشـاهد الفلـم "
لكن نقـل لـي أكثـر من شخـص صورة عن الفلـم وعـن أفتقـاره للأخراج وَ أفتقـاره أيـضاً للهـدف ..

:

" الأفكـار " بنظري ليـست جديدة ..

" دعوة للقيـادة ، التعـرض لأهـل الديـن "

بنـظري ياعهـود ..
أن التمـرد على الديـن أصبح وسيـلة لكـل من يجري خلف الشهـرة ويبحث عن الصعـود ..
والقيـادة .. للأسـف أصبحت شغلـنا الشـاغـل ..

للتنـويـه أنـا مـ ع النقــد ..
لكـن النقــد البنـاء الـذي من خلالـه نستطيـع التوجـه لمشـاكلنـا أوالأمسـاط بأطراف الحلول ..
لا النقـد الذي يُهـدف من خلالـه التشهـير والطعـن ..

"أعتـذر للأطالة عزيزتي "

ودي وَ وردي
ريـوّم

[السـامـر]

يعطيك العافيه

الصراحه رجونا بها الفلم

وانا الصراحه من الناس الي سافروا لمتابعته

بس ياليتني ماسويتها وسافرت

فلم بايخ ويهدف الى الكثير من الاشياء المخله

مثل قيادة المراءه

بس في اشياءصحيحه وتحدث للاسف مثل سفر بعض النساء

السعوديات الى الخارج انها تتخلى من عباءتها

وعلى ما اعتقد انك كل شيء بخاطري

ونفسي قلتيه وكتبتيه وبينتيه

يعطيك العافيع مره ثانيه

[عـــهـــود]

يعطيــكم العااافيه كــلن بإسمــه . . :)



الحين صار كل فلم او مسلسل يبونة ينجح يقعدون يتهزون في الدين والمطاوعة ويبون الحرمة تسوق وتفتش


هذي هــي . .


التمـرد على الديـن أصبح وسيـلة لكـل من يجري خلف الشهـرة ويبحث عن الصعـود


ومو اي تــمرد . .

الا يطلعون الملزم انسان متحــجر لابعد الحدود . .



شكــراً لكل من شـارك بـرأيه . . :)