رحت بشتري ملابس للعيد ..وراحت فلوسي كلها في الشروخه...

[الطيرالهلالي]

بسم الله الرحمن الرحيم...

السلام ....

زرقت اليوم للمعيقليه بشتري لي ملابس للعيد..معن اني ماني متعيد بس بلعب على نفسي اني بتعيد(يطقع ام الدوام في العيد)

ورحت اتمشى في سوق الحمام القديم اتذكر ايام الصبا يوم كنت اطير لسوق وابيع واشتر ي في الحمام...

سبحان الله من يتذكر الرجه في ذاااك السوق خصوصاً في رمضان....جاااار عليه الزمن ذاك السوق..

المهم كل ماشافتني حجيه من اللحوج الي فيذاك ....قالو لي تبي شروخ ولا طرطعان...يالعن ام الذكاء الشروخ هي الطرطعان..المهم انا عاااد خواااف من الشرطه كثير اخاااف اشتري ويتم القبض علي ...وخصوصاُ اني عندي سابقه في بيع هااللالعاب ...ومسجل على محظرين في الشرطه...(يعني مسجل خطر)

اخاااف امسك ويفتحون ذي الملفاااات....واروح فيها محاكم...
ولكن وانا امشي لقيت واااحد معرفه قديمه ..لقيته يدور على شروووخ قلت له شف ها الي هنا يبعون اشكااال والوااان غريبه...قال لا ابي نااااس يبعون في البيوت لانهم ارخص قلت انت ابخص(حلوه القافيه)
المهم جاااه واحد شاااب لطيف ..قال بشويش ولا كنه يناظرنا ترى عندي الي تبونه ..قلت عندك جزمه سوداء وخيوطها بنيه..وارضيتها زهريه من ماركه جيزانيه..
قااال انا عندي الي تبي تعالو لمكان الفلاني عشان محد يسمع..قلت اخاااف ذا يبيع مخدرات ...قااال خويي هذا الي انا ادوره..قلت تدور على المخدارت قال لا الشروووخ قلت الحين كل ذا الحرص منه والخوف عشانه يبيع شروخ...قااال ايه لو امسك بيروح في ابو نكله.....
رحنا مع الرجااال في بيته..عاااد انا جااااي ابي اشتري اغراض للعيد عشان اصور معها اربعه في اربعه في يوم العيد...
بس لقافتي الا محدوده ..(اقسم بالله ان فيني لقافه تخسى ام هلال توصل مواصيل لقافتي)...

عاااااااد..يوم وصلنا لبيت الرجال.....
دخلنا عنده وفتح لنا غرفه اقسم بالله انك ما تلقى ماطى لرجلك من كثر البضايع والكراتين ...وانواااع اول مره اشوفها ..تصدوقون ان شف جرو منطول قلت وخر ذا الجرو الله لايهنك وحطه في الثلاجه لياه يخرب(تخبروني توني قايلكم ملقوف)
قاااال ياحبيبي هذا ماهوب جرو هو شكل الجرو بس له فتيله ..ويبيلك ماسوره 9بوص عشان تتطلقاه ولها صوت يهز الارض....قلت بكم قااال 700 ريال..وانا عاااد حبيب شريتها ..لقافه ابي اشوف وش يسوي ..والله يستر بشبها بكره في البر..
بس اخاااف اذا طارت في السماء ونثرة نجوم ..تميل علي البي 56 الامريكيه وتضرب المخيم حقنا...
وشفت عنده شي مدري وش سماه هو عابر القارات ولا عابر الحاراة ...
ولقيت عنده شي عنده زي الكور ولها قاعده تطلق وتنثر في السماء نجوم قلت حلو بقلب ام المخيم بكره احتفلات مسبقه قبل العيد..
بس راحت فيها ملابس العيد وراحت فيها غترة القنت الي ناااوي اشتريها ....
تصدقون اني طلعت من عنده شااااااااااري بحوالي 1500 ريال ..ايه ولد نعمه ومعي لكزس الفين وثنين..:D :D
من قدي ..

وخويي الي يدور على هالاشكااال ماشرى الا 850ريااال..
يعني انا لوني مدروه اكيد بطلع 4000 ريال...

بس شوفو اشلون هالنصاب اقصد هالتاجر كيف كسب مخفات زينا اكيد شافنا من جنبها في الاسعاار ودبل علينا ...اخاااف واحد منكم يطلع الحين ويعطيني الاسعاار الحقيقه ..والله لابلغ عليه..
بس الظاهر اني بستقيل وبروح لجبل على بدبي وبجيب لي كم من كرتون شورخه ..واهربه من المنذ حق البطحه ..وابيع بلاسعاار الي ابيها كااان اغير الكزس واشتري فياقرا 2003 ....

الحين اشلون اعبي بنزين لسيارتي عشان اروح للمخيم ..والله مشكله طفرت ولا فيه احد في الرياض يسلفني ..

تكفون ابي سلف (وبعطيكم دوره بالكزس) :D :D

الله لاتبلنا.....

اخوكم
الطير سداااح:cool:

[الصبحي]

اقولك شوف انا عندي لك حلق اقلب اللكزس اجره وشوف فلوس بالهبل بس ها لاتقولهم سعودي قولهم ايس فيه كلام:D

[نايف]

يقـلع ام المخفـات ياخوي اللي اشتريتها انت تسمى ( كمثرى ) بـ 150 قبل رمضـان يبيعونها.. .

ليتني داري عنك انت وخشتك كااااااان علـوووووووم...قسم بالله لعب علي العام واحد زررفني زررررررررف مهوب صاحي

ماردني الا شنطة موتره المليااااااانهههههههههههههههههههههه:D :D :D الله لايعاقبنا.. .

اذا بغيت شيء رخيص وعليه الكلام قلي ولاعليييييييييك;) ;) .

[هاوي الهلال]

هلا سداح ..

الواضح انك تعبت وانت تكتب هالموضوع ..

بس الواضح .. انه 100% ن .... ص ...... ب .... :D


اما لكزس 2002 وبتداوم يوم العيد .... قويه شوي ..
بس لاتخاف سرك في بير:D


الشاطر يبي .. يتاكد من المعلومات ...
تراه ازعجني


يالشاطر وش فيك مستكثر على الطير سداح اللكزس .. عيب عليك ;)


تحياتي
خالد
:)

[الشاطر]

هلا سداح يانصاب:D


من جدك الحين تبي تمشي علي كل هالهرج هذا

لا ماراح يمشي علي

اجل لكزس 2002

وشروخ بالف وخمس ميه


مافيه امل اصدق:D

[3boud]

وش رايك اشتري منك الشروخ بالفين
بس بشرط

اسلمك الالفين و تسلمني اللكزس و الشروخ
و الا ما فيه:D :D

لا وشرط تكون اللكزس فيها قير ودركسون و مسجل ومكيف
ترى هذي اهم شيء
اذا ما فيها هالاشياء
انسى:D

[زعيم القرن]

كخخخخخخخخخخخخخخخخخخخخخخخخخ :D :D :D

الله يرجك يا سداح :D :D

أثريك مخفه :) ... وأنا أحسب مافيه مخفه بهالدنيا غيري :p :p

أجل .. مخفات وتجمعنا المودة :p :p

أما الجرو اللي بـ 700 ريال .. أوجعن راسي يوم قريت الرقم :eek: :eek:


بس علمنا وش سوى فيكم الجرو في المخيم :D

[ابو حابس]

ههههههههههههههههههه


والله ضحكتني بالحيل يا بعدي

وشف وانا اخوك هلي شريته رح بعه في اي سوق اذا ما طلعت لكزس ثاني بحق اونا اول من يشتري منك :p :p

[ابو الذهب]

الطير سداح ......

يا انت رهيب .. عنديلك صواريخ وشروخه على كيفك ولو تبى صاروخ يوديك للدوام لا وينتظرك الين تخلص

دوامك تراه موجود ..:eek:

اجل لكزس 2002 ;) ياخوفى انك مستاجره تكشخ فيه فى العيد :(

[زعيم الهلاليين]

هههههههههههه

الله يرجكم

[الطيرالهلالي]

السلام..

اخوي الصبحي..اوه والله انك جبتها بس منهو الغبي الي بيشر للكزس يحسبها لموزين..

اخوي نايف..خلاص لاشورخة بعد اليوم..

اخوي هاااوي..عااد الحين دريت ان معي لكزس ..يعني ماهمك في الموضوع ا اتلكزس (شكلك رااااعي مصالح)

اخوي الشاطر..دامك ماصدقت ليه ترددد ..انت ما رديت الا عشانك مصدق :D :D :D

اخوي .. ..3boudاقول هالشروخ صاااارت مخدارت الي الوااحد يبدل بها بلكزس ..

اخوي..زعيم القرن...ايه المخفات واجد والي على شاكلتي ياكترهم ...والرقم عور راسك اجل الي دافعها وش بيصر له..

اخوي ابو حابس.ماضنيت القى ناااس مخفات زيي :(

اخوي...الله يهديك مستأجر وانا مالقيت حق البنزين..:(

اخوي زعيم الهلالين..هههههه ويرجك بعد

[جـــلال]

هههههههكخخخخخخخخخخخ....
بصراحه وانا أخوك لاتزعل مني انك صادق في القصه تراك مخفه :D وعندك طفوله متأخره..:p
الله يرجك أحد يشتري ب2000 أصلا من يوم ماسمعت سالفة الجرو وانا غاسل يدي منك;)
على العموم انت داج من الطراز الرفيع ولافيه أمل لعلاجك...
مشكور يالغالي..

[الطيرالهلالي]

السلام.....

اخوي...جلال....

معليك زود:D :D

[بـحـر]

اخوك حاضر و ممنون

اذا تبى اشتراك للكرسيدا .:D :p