مشكله بالدي اس ال مسببه لي ازمه :( [الأرشيف]

مشاهدة النسخة كاملة : مشكله بالدي اس ال مسببه لي ازمه :(

سآم9

12/11/2006, 00:34

مساكم الله بالخير ..

ماني مطول عليكم ابختصر موضوعي بكم كلمه بس

انا ركبت دي اس ال بعد معاناه لمدة كم سنه :jhgy: :yuupy:

المهم بديت احمل الملفات ..

نضرب مثال علشان توضح الصوره .. << لا تلومونه متاثر بالفيزياء :cry:

مثلا ابحمل ملف فديو او مقطع فديو مدته عشر دقايق ويبلغ من الحجم ماالله به عليم :d:
المهم بالدي اس ال يوصل التحميل الا 70 % ويوقف بعدين يكتمل التحميل كله بدون ما يكمل الـ 30 % الباقيه :(
وبكل ملف تجيني هالمشكله :(
يعني الدي اس ال طال عمره مسوي تخفيضات بكل ملف يحمله يشيل كم ميقا من عنده :d:

الحل يا جماعة الخير .. :(
وربي معاناة ما تصدقونها .. يعني احمل ملف كامل حجمه 20 ميقا لو وصل لـ 18 ميقا يخرب التحميل ومو يخرب يعني ينقطع لا لا يجيء التحميل كانه مكتمل بس جزء من المقطع ما يجيء :(

بانتظار الشنب او الشنبه اللي معه الحل (himo)

سلاااااام :noo:

[[ عبود ]]

12/11/2006, 00:39

اهاا ..

طيب وش نوع اشتراكك ...

+

اقترح عليك تطرح هالمشكلة بالموضوع المثبت ,, لأن بور أخبر :yes:

الزعيـALZAEEMـم

12/11/2006, 00:40

سآم9

12/11/2006, 00:41

عاشق سامي

اشتراكي سعودي نت :rolleyes:

والموضوع المثبت خفت احط فيه المشكله ولا احد يدري فيني :cry:
قلت خل احطه هنا عشان القى الحل اسرع

الزعيم

مشكور وما قصرت يالغالي ..
وابجرب البرنامج وان شاء الله يحل هالمشكله :kello:

وردة الهلال

12/11/2006, 01:01

يقولون و العهدة على الراوي ان سعودي نت سريعة في التصفح بس في التحميل شكله يحوق السالفة (himo)

يعني المرة الثانية اشترك مع اول نت علشان تحميلهم سريع و انت كـ ( هلالي ) لا بد تحتاج التحميل اكثر :d: :d:

انا اتوقع ان هالمشكلة صارت لك مرة وحدة .. كذا احساسي .. :fghty:

لأنها صارت لي مرتين يمكن بينما الباقي يضبط و يمشي عادي ..

يعني لو اعدت التحميل خصوصاً انك دي اس ال يعني منت خسران شي :d: :d:

وش رايك تجرب هالبرنامج ؟

Download Accelerator Plus

هذا انا دايل اب و احمل اللي ابي و احياناً ( اللهم لك الحمد بس :d: ) احمل ستين ميغا :angel:

كله من فضل الله ثم هالمملوح اللي عطانياه اجودين نسيت من هو الله يجزاه بالجنة

محمد الهلالي

12/11/2006, 01:15

<< توه ماله ثواني جت له هالمشكله :d:

نصيحه لك وللكل اذا بتحمل ملف اكثر من 2 ميغا حمله عن طريق برامج التحميل مثل داون لود اكسيليريتور << كل واحد يسوي دعاية لبرنامجه :d:

واكيد انك بتسألني وش اشتراكي فبقول لك هو اول نت :angel:

هو مره بايخ ومره حليو بس مشكلته انه مزحه ثقيل وبايخ :jhgy:

وشد حيلك حمل الين تقول بس اهم شي تحلل الاشتراك مثلي :fghty:

هلالي مغرور

12/11/2006, 01:19

هذي مشكلة عندي برضو

لكني أنا دايل أب

وحليت المشكلة ببرنامج ملعون أبو جد شغالتهم :d:

إسمه فلاش جيت وأكيد تعرفه

مميزاتة

1 - يكمل التحميل :eek:
2 - سريع بالتحميل :cool:
3 - يكمل التحميل بعد إنقطاع الإتصال . يعني إذا جاك النوم وتبي تصك الكمبيوتر صكه وتقدر تكلم الباقي باتسر < == خش جو :angel:

وتسانك تبي البرنامج (himo)

دور بجوجل وإكتب هالصيغة ;)

" برنامج FlashGet " :q:

وأتمنى لك الفايدة

وربـي تـوي بكتـب عـن البرنامـج :d:

بـس سبقنـي أخـو غالـي :yes:

أيضـاًً أنصـح ببرنامـج إينترنـت داونلـود مانجـر :yes:

وإن شـاء اللـه أخـوي سلطـان بيكتمـل معـاك التحميـل :yes:

حتـى لـو إنقطـع الإتصـال ;)

تحياتـي :noo: :magkiss:

POWER

12/11/2006, 01:27

بارك الله فيكم ،، :)

سآم9

12/11/2006, 01:28

ورده ..

احساسك غلط :rolleyes:
ليته مره وحده جتني هالمشكله او مرتين او مهب مشكله ثلاث ..
بكل ملف احمله تجيني هالمشكله واضطر اعيد التحميل خمس مرات او احيانا اكثر عشان يتحمل الملف كامل :(

الهلالي محمد

توني مركب برنامج داون لود اكسيليريتور وطلع ابن اللذين العن من التحميل العادي ..
اقولك طلع يحب يمزح :d: لا وصل التحميل الا 50 % قام عاد التحميل من اول شيء :yuupy:

وردة الهلال

12/11/2006, 01:38

حرام عليك و الله انه فلة .. :yes:

و هو اول برنامج احمله و آخر برنامج ..

واضح و صريح و حبيب و حليو .. هالبرنامج كما يجب ان تكون البرامج .. (himo)

على فكرة كنت بسأل لما تتصدق عليك شركة الاتصالات باشتراك دي اس ال لازم تغير المودم ..؟؟ و لو توهقت معه تقدر تدخل دايل اب و لا خلاص راحت عليك ؟؟

دودي99_98

12/11/2006, 01:45

هلا اخووووي
سبب الانقطاع في الغالب شركاتنا العزيزة والقديرة التي لاتوفر مساحات كافية في السيرفر ويضطر السيرفر الى قطع التحميل
وفي بعض الاحيان يكون بسبب الاعدادات
عالعموووم مالك الا برنامج flash get
من جد جربه ورااح تعرف الفرق

سآم9

12/11/2006, 02:13

على فكرة كنت بسأل لما تتصدق عليك شركة الاتصالات باشتراك دي اس ال لازم تغير المودم ..؟؟ و لو توهقت معه تقدر تدخل دايل اب و لا خلاص راحت عليك ؟؟

هلا ورده ..

اذا ركبتي دي اس ال اصلا لازم تشترين مودم خارجي جديد :) ..
وتوصلين سلك التلفون بالمودم ومن المودم توصلين سلك للجهاز :cool:

واذا بغيتي تدخلين دايل اب عادي ما في مشكله .. توصلين سلك التلفون من الفيش للجهاز على طول زي اول يعني ;)

دودي 99_98

مشكور اخوي ويعطيك العافيه وابجرب البرنامج :kello:

هلالي بريده

12/11/2006, 02:42

انا اشتراكي اول نت وسرعة الدي اس ال عندي 128 وعندي البرنامج Download Accelerator Plus .

ومثل ما قالت ورده البرنامج اكثر من رائع ومميزاته ولااحلى ...

الحمد لله مافيه مشاكل عندي بالتحميل ..

لكن احيانا تكون المشكله ليست في برنامج التحميل وليس في الاتصال سوا كان دي اس ال او اتصال عادي . وانما في نفس الملف المراد تحميله قد يكون تالف او ان الموقع الذي تم رفع الملف منه مغلق او عليه ضغط ..

بعض الناس يتسرعون ويقومون بتغيير بعض الاعدادات في المودم او شبكة الاتصال عند وجود بطء او تقطيع في التحميل وينسون ان المشكله كما ذكرنا سابقا ..

سآم9

12/11/2006, 03:56

^
كلامك صحيح ميه بالميه اخوي ..
لكن انا والله تصير معي بكل المواقع ..
يعني بشبكة الهلال ومواقع ثانيه كثيره والله فيها نفس المشكله ..
يعني انا متاكد ان المواقع ما فيها شيء لاني كنت احمل قبل بالدايل اب من شبكة الهلال ولا كد صار معي كذا ابد ..

مشكور اخوي على مداخلتك (himo)

خـ777ـاص

12/11/2006, 05:28

اخوي الدي اس ال ماله دخل أعتقد أنك تسوي الأشياء التالية

تأكد من مساحة القرص عندك يمكن تكون ممتلئه .

تأكد من الفلم من الأصل ليس مقطوع .

أفضل انك تركب برنامج اسمه Dap كما قالك أخوي وردة الهلال وهو برنامج سريع ويحفظ التحميل حتى مع انقطاع الاتصال .

سلف ودين

12/11/2006, 14:48

حيى الله الباش مهندس سلطان :) ..
عليك ببرامج استكمال التحليل ..
أفضل برنامج بهالمجال الداونلود مانجر .. شفه بهالرابط :
http://www.alhilalclub.com/vb/showthread.php?t=95650
..

Num.Lock

12/11/2006, 16:13

يعني حمل البرنامج وتنحل مشكلتك

[[ عبود ]]

12/11/2006, 16:34

وردة .. البرنامج اللي حطيتيه يهودي :) ,,

سآم9

13/11/2006, 20:07

عافاكم الله جميعا ..

والحمد لله التحميل صار كويس بعد ما نزلت برنامج التحميل داب :yes:
اللي بموضوع عاشق سامي اللي حط رابطه اخوي بدر ( << هلالي >> )

لا عدمناكم :kello:

برايفت بدر
"بدر .. وين اللي يبي يجيب لي البرنامج " :nrey:

تحيتي للجميع :noo:

سلف ودين

16/11/2006, 23:55

عافاكم الله جميعا ..

والحمد لله التحميل صار كويس بعد ما نزلت برنامج التحميل داب
اللي بموضوع عاشق سامي اللي حط رابطه اخوي بدر ( << هلالي >> )

لا عدمناكم

برايفت بدر
"بدر .. وين اللي يبي يجيب لي البرنامج "

تحيتي للجميع
بالطريق بالطريق :kello: