المساعد الشخصي الرقمي

مشاهدة النسخة كاملة : واعجبي !!! العثور على 152 سياره مسروقه خلال يومين في الرياض فقط !!!!

د.هلالي
8/11/2006, 16:43
أحكمت دوريات الأمن بمنطقة الرياض خلال 48 ساعة الماضية قبضتها على سارقي السيارات بعد أن تلقى هاتف الطوارئ (999) من بعض المواطنين والمقيمين بالإبلاغ عن سرقات سياراتهم. وفي غضون ذلك قامت على الفور في مثل هذه الحالات بتعميم مؤقت وزع على شبكات الغرف الميدانية بمدينة الرياض، ومن ثم توجيه المبَلِغ إلى مركز قسم الشرطة لإعداد تعميم رسمي يوزع لكافة القطاعات الأمنية المعنية بذلك. وقد أسفرت جهود فرق الدوريات الأمنية من العثور على 152 سيارة بسائق ودون سائق في أنحاء مدينة الرياض خلال 48 ساعة الماضية.


كل يوم نشوف طرق مختلفه في السرقه والله يستر من اللي جاي


اذا كان لكم تجربه مع سرقه لسيارتك او احد اقربائك ياليت نعرف القصه وكيف كان تعامل المرور مع البلاغ وهل وجدت السياره وووو

للعلم 152 سياره تم العثور عليها خلال يومين في مدينه الرياض هذا غير السيارات اللتي لم يتم العثور عليها
152 خلال يومين في الرياض اذن كم سياره يتم سرقتها يوميا في الممكله

لاحول ولاقوه الابالله
زيـزوم
8/11/2006, 17:07
بس 152 سياره بيومين ؟ http://www.alhilalclub.com/vb/images/icons/icon10.gif
محمد الهلالي
8/11/2006, 17:09
عادي حنا شهريا تنسرق سيارة ياخذون فيها لفه الين يخلص البنزين ويوقفونها في مكانها وصلى الله وبارك :d:

وغالبا نلقاها بين مكه وجده والبنزين مخلص :angel:

اقسم بالله اغبياء يبون يروحون مكه بدون مايعبون بنزين :jhgy:
زيـزوم
8/11/2006, 17:14
غريبه سرقة السيارات عندكم !

حنا بحايل نشغل السياره الفجر مع طلعة الشمس وندخل ونتركه مفتوحه ومشغله علشان تصخن وبعد حوالي ساعه نرجع له وهي موجوده .. ويا دار مادخلك شر

الله يديم نعمة الأمن والأمان
رائد الهلال
8/11/2006, 17:25
undefinedبس 152 سياره بيومين ؟ http://www.alhilalclub.com/vb/images/icons/icon10.gif
ابوسعد الهلالي
8/11/2006, 17:25
سجل عندك واحد قد انسرقت سيارته في مواقف الجامعه :angel:

ولقيتها بنفسي في الجامعه في مواقف ثانيه مفحط بها وملعوب في حسبتها ومكسرور الدرج مع ان مافيه الا الأستماره :d:

بس اهم شي الكتب والمحاضرات مالمسوها :kello:
ابوعايد
8/11/2006, 18:14
حايل عز
والله اني اتر سيارتي شغاله وفيه عمال حبش وسوادنين ويمانيه وهنود ولا واحد يمد يده على السياره
abo wdee3
8/11/2006, 18:16
حنا بحايل نشغل السياره الفجر مع طلعة الشمس وندخل ونتركه مفتوحه ومشغله علشان تصخن وبعد حوالي ساعه نرجع له وهي موجوده .. ويا دار مادخلك شر

الله يديم نعمة الأمن والأمان
اي والله احمد ربك ,, حنا بالرياض وأنت بجنب سيارتك يسرقونها منك زي السلام عليكم :lkj: ..

أنا الحمدلله ما قد صارت لي ولله الحمد ..

بس فيه واحد من أخوياي قبل اسبوعين طلع من بيتهم الصبح لقى كفراته وأنتم بكرامة على بلك :jhgy: ,, زارفين الكفرات الله يلعنهم ,, لا المشكلة انه يقول وأنا عند البنشري جاء هاك الهايلكس اللي مغطي الحوض ونزل فك الغطاءولا الحوض مليان كفرات الله يعزكم والتموا عليه الهنودوالسعوديين سوا يشترون ويساومون بدون ما يسألونه من وين لك هالكفرات :lkj: ..

ما أقول الا يحفظنا جميع ويهدي ضال المسلمين :) ..

مشكور أخوي :noo: ..
gntlman
8/11/2006, 19:08
والله كثرت الزرفات
شلهوبي&موهوبي
8/11/2006, 23:06
هههههه

سجل عندك فيه يوم من الأيام أبوي شغل السياره وراح عند الباب حق البيت وما امداه يوصل للباب الى وفيه سياره نزل منها واحد وركب سيارة الوالد ,, المهم انه يوم شاف ابوي لف عليه حط رجله من الخوف سبق اخوياه الي بالسياره :d:
naadeer
9/11/2006, 00:55
أخي الغالي

للأسف وزارة الداخلية .. في سبات عميقــة تغرد في أحلام لم تنقطع بعد
والاحصائات الرسميــة .. تشير الى أنــا في مدينــة اللصوص
ويكفيك أن السرقة أصبحت .. ظاهرة أجتماعيــة اعتدنــا عليها ..!!
فكم من السرقات التي نسمعها كل يوم .. ولم تحرك ساكنــا في مشاعرنا لسبب بسيط
كثرة الامساس يقلل الاحساس
بل والمخجل أن السرقة تجاوزت السلع والممتلكات .. الى سرقة البشر
ولك في أبتهال .. الف مثال ..!!
والله يستر على أعضائنــا منها
نصيحة محب كل ما تصحو من النوم شيك على أعضاء جسمك .. لأنك قد تفقد أحدها ذات يوم ..!!





نـــادر
وردة الهلال
9/11/2006, 01:07
وزارة الداخلية لاهية عن الامن و منشغلة في ملاحقة الارهابيين ;)
o0o زراق o0o
9/11/2006, 01:15
يارجال خلها على ربك

كل شيء عندنا متغير للاسف

جرائم بشتى انواعها ماعرفناها الا من 7 سنوات

والله يحفظ بلادنا الغالية من شر العابثين
sami aljaber
9/11/2006, 01:18
أخي الغالي

للأسف وزارة الداخلية .. في سبات عميقــة تغرد في أحلام لم تنقطع بعد
والاحصائات الرسميــة .. تشير الى أنــا في مدينــة اللصوص
ويكفيك أن السرقة أصبحت .. ظاهرة أجتماعيــة اعتدنــا عليها ..!!
فكم من السرقات التي نسمعها كل يوم .. ولم تحرك ساكنــا في مشاعرنا لسبب بسيط
كثرة الامساس يقلل الاحساس
بل والمخجل أن السرقة تجاوزت السلع والممتلكات .. الى سرقة البشر
ولك في أبتهال .. الف مثال ..!!
والله يستر على أعضائنــا منها
نصيحة محب كل ما تصحو من النوم شيك على أعضاء جسمك .. لأنك قد تفقد أحدها ذات يوم ..!!





نـــادر
:yes:
السد الازرق
9/11/2006, 01:24
وزارة الداخلية لاهية عن الامن و منشغلة في ملاحقة الارهابيين ;)
دام كذا عذرهم معهم :angel:
ذيب أبانمي
9/11/2006, 02:33
والله اني اشغل موتري الصبح الين تحمى حول نصف الساعه وادخل البيت واطلع الحمدلله ما عمرها جاها شيء بس الحرص واجب
خـ777ـاص
9/11/2006, 05:15
والله شف يا عزيزي البارح كانت سيارة البيت واقفه برى كالعادة وانا طلعت اصلي الفجر ما شفت فيها شي ابد يوم رجعت من المسجد واتفاجأ ان لمبة السيارة مولعه فطليت جواها لقيت الدرج مفتوح والتكاية مفتوحه واوراق منثرة في السيارة بس الحمد لله ما انسرق شي منها ( جزاه الله خير لقى رخصتي اللي ضايعه لها ثلاث شهور ) ولما دقيت على 999 قالوا مانسرق منك شي ؟؟ قلت لا قال الله يستر عليك وانا حبيب اقوله تعالوا خذوا بصمات .

المفروض دوريات المجاهدين بدل ماهي فاضيه كذا تقعد تحوس في هالحارات على الاقل يعطون هيبة هذا اقتراح بسيط
د.هلالي
9/11/2006, 17:20
غريبه سرقة السيارات عندكم !

حنا بحايل نشغل السياره الفجر مع طلعة الشمس وندخل ونتركه مفتوحه ومشغله علشان تصخن وبعد حوالي ساعه نرجع له وهي موجوده .. ويا دار مادخلك شر

الله يديم نعمة الأمن والأمان


هذاك اول كنا نشغل السياره وندخل البيت ونتقهو
اما الان صار الواحد يخاف على سيارته وهو بداخلها
الــهــاوي
9/11/2006, 17:33
152 قليله في الرياض