المساعد الشخصي الرقمي

مشاهدة النسخة كاملة : قولوا لبو متعب ترى الشعب مقهـور ** ياخـادم البيتيـن امسـك عصـاهـا

عجران
17/10/2006, 08:23
قولوا لبو متعب ترى الشعب مقهـور ** ياخـادم البيتيـن امسـك عصـاهـا
--------------------------------------------------------------------------------

قولوا لبو متعب ترى الشعب مقهـور ** ياخـادم البيتيـن امسـك عصـاهـا

ضاعت فلوس الناس مع كـل هامـور ** ومثلك يعرف البير ويعـرف غطاهـا

من سي لاسوأ وبين عاثـر ومعثـور ** وسهمك وهو سهمك رموه بخلاهـا!

كيف اشكي العله علـى كـل دكتـور ** والطب عندك وانـت تعـرف دواهـا

ماخافـو الله خالـق النـار والـنـور ** حتـى الأرامـل شاركوهـا بعشـاهـا

ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا

سوقك بلون الـدم باسبـاب مغـرور ** يضغط علـى سابـك وكسـر يداهـا

في عشر اواخر نرجي الذنب مغفـور ** قامـوا علينـا قومـة ٍ مـا وراهــا

واعمار صارت دمهـا اليـوم منثـور ** وخاب الرجاء باعمار واللـي رجاهـا

ياما بنينـا فوقهـا ابـراج وقصـور ** وراحت سدى والسوق دحـدر معاهـا

كم شاب قال ابغى اتزوج مـن الحـور ** وافلس وبيره جف مـا شـاف ماهـا

وكم راعي أسره أصبح الصبح مفقور ** العيـد بكـره واسرتـه مـا كساهـا

وقمت اتفكر وادرس الـراي والشـور ** قلت ازبن لصقر العروبـه .. ذراهـا

بكلمه تجي من عنده اليـوم مسـرور ** والسوق يرجع عشب يـروي ظماهـا

يادرعنا لا صـار بالكـون عاصـور ** كم صرخـة ٍ للنـاس تسمـع صداهـا

يالحر 00 يابن الحر 00 والحر مخبور ** قاد الحـرار الشامخـه فـي سماهـا

ما يلحقك يا سيـدي شـك وقصـور ** لكـن رسالـه ياصـلـك محتـواهـا

انـك ابونـا والرجـا فيـك موفـور ** عدلـك شمـل كـل الديـار وغشاهـا

جوني يعزوني على السـوق ماجـور ** قلـت البقـا بالشيـخ يطفـي لظاهـا

ويرد لون السوق عشبـي ويخضـور ** مثـل علـم دار السعـود وصفـاهـا

خيرك عميم وشاكر النـاس مشكـور ** ومـزن الحيـا عـم البـلاد وسقاهـا

انت الرجا بعد الولـي تدفـع الجـور ** واسلم عساك تـدوم وتحمـي حماهـا

منقول لا أعرف قائلها
.ღ. هــيــبــة مَـلِـكـ .ღ.
17/10/2006, 08:26
ياعمري عليه والله ..

مسكين تحس انه يعااني ... :cry: ..

الله يخلف على كل اللي خسروا بالاسهم .. :) ..
[[ عبود ]]
17/10/2006, 08:30
معبرهـ .. :( وواقعية للأسف :( ..
شلاخ بن كذيبان
17/10/2006, 08:33
صح لسان قايلها وناقلها


مثل ماقال عاشق سامي مؤثرة وواقعية
الهلالي أبو فراس
17/10/2006, 08:35
صح لسان من قالها ..

والله يعوض اللي خسروا بالاسهم خير إن شاء الله .
روبن هود 20
17/10/2006, 08:38
صح لسان من قالها ..

والله يعوض اللي خسروا بالاسهم خير إن شاء الله .
ابو دعـاء
17/10/2006, 08:42
صح الله السان من قالها ولكن اتوقع اقفالها
خالد سعود
17/10/2006, 09:45
قصيده تعبر عن حالتي للأسف :cry: وحال أغلب الشعب ,,
لاعـــب كاراتيه
17/10/2006, 10:01
ما أقول إلا حسبي الله عليهم هوامير


يا جعلهم ما يتهنون في نومهم ولا في صيامهم ولا في عيشيتهم كلها

ولا في حتى فطورهم ولا في شوفتهم لأولادهم

ويارب أحرمهم الفرحه والسعاده والسرور

وسكنهم يارب خلهم يذوقون الديون والمرض في أنصاف الليولووول

وجعل بطونهم ما تريحهم حتى وهم في مستشفى العيون :jhgy:

ويا عساهم يشوفون فلوسهم الي خذوها من (بغير حق)
تتحرق قدامهم أو ترجع لاصحابها وهم في مويه أسيــــد يتحرقون

هذا أنا دعيت عليهم فيارب نتمنى منك أنك تستجيب

لاعب كاراتيه :(
sami aljaber
17/10/2006, 13:08
شعب مسكييين والله شي يحزن كأننا عب.. حتى حقوقنا نترجى فيها عشان ترجعلنى الله يخلف بس.
و الناس الي ضاعت فلوسهم يدعون الله وربنا يستجيب بمشيئته الرحيم

سلام.
هلالي مغرور
17/10/2006, 13:18
صـح لسـان قايلهـا .. وعوافـي علـى النقـل :magkiss:




إن شـاء اللـه تصـل لأبـو متعـب :yes: :love:



















تحياتـي لـك :noo:
السجين بتهمة حب الهلال
17/10/2006, 14:58
صح لسان من قالها


وابو متعب قد قال مرة في مؤتمر صحفي/ فيه شركات خسرانة حسب ما اسمع والناس تشري فيها!!! ليه يا اخوان حرق الفلوس!!


لكن بعض الناس عماها الجهل
هلالي أخلاق
17/10/2006, 15:29
صح لسان قايلها وناقلها


مثل ماقال عاشق سامي مؤثرة وواقعية
عجران
17/10/2006, 18:36
ما أقول إلا حسبي الله عليهم هوامير


يا جعلهم ما يتهنون في نومهم ولا في صيامهم ولا في عيشيتهم كلها

ولا في حتى فطورهم ولا في شوفتهم لأولادهم

ويارب أحرمهم الفرحه والسعاده والسرور

وسكنهم يارب خلهم يذوقون الديون والمرض في أنصاف الليولووول

وجعل بطونهم ما تريحهم حتى وهم في مستشفى العيون :jhgy:

ويا عساهم يشوفون فلوسهم الي خذوها من (بغير حق)
تتحرق قدامهم أو ترجع لاصحابها وهم في مويه أسيــــد يتحرقون

هذا أنا دعيت عليهم فيارب نتمنى منك أنك تستجيب

لاعب كاراتيه :(
..........................................................
شــكــلك مــعــانــي مـــنهـــم يــا لاعب كاراتيه :d: ولا لا

وتـــرى خــســارة الأســـهـــم طــالــت الـــلاعبيـــن بــعــد ,,

ولا مــا عندك خــبــر بــنــكــبــة سامي الجابر فيــها , حــط 6 مليون مدري أزود بعد وراحــت كلــهــا بــطــيــحــه وحده :)
...........................................................
اللــــــــــه يــــكفينـــا شـــر هــالأســـهـــم , وصــح بدن الــجميــع ..
نايف 15
17/10/2006, 19:13
صح لسانك وصح لسان قايلها ..

والله يعين الشعب السعودي كله ..

اللي كان حاط الأمل بعد الله في إعمار ..

اللي كان ناوي يشتري أغراض للعيد ..

واللي كان ناوي يسافر ..

واللي كان عازم أخوياة على سحور .. :d:

بس ماجت إعمار على ماكانوا يبون .. :cry:


ههههههههههههههههههههههههههههه
هههههههههههههههههههههههههههههه

صح لسانك يا علااااااااوي ( لاعب كاراتية ) .. :yes:

تراك شاعر وأنا ما أدري ..
لاعـــب كاراتيه
17/10/2006, 19:35
عجران أنت ونايف

والله من الي بقلبي بس خلها على ربك

أجل سامي خسر 6 ملايين

أجل بيكتب هو معلقه على ذا الخساره فيهم :angel:

آآآآه بس أأأه
نوااااااااف11
17/10/2006, 20:31
ياخي ابومتعب الله يطول عمره

ماطق على يديكم وقال لكم بيعوا اراضيكم وبيوتكم

وطلعوا دراهمكم وروحوا اخسروا قصدي ساهموا

كل واحد يتحمل ماجاه
ابوسعد الهلالي
17/10/2006, 20:57
صح لسان قايلها ..

هذا القصيد اللي يطرب لها السمع :yes: موب تصفيف الكلام اللي موب يم قلم :angel:


ويرد لون السوق عشبـي ويخضـور ** مثـل علـم دار السعـود وصفـاهـا

تشبيه رائع في هالبيت :yes:

مشكور اخوي :)
جنوني الهلال
17/10/2006, 21:04
صـــح لســانك
الــهــاوي
17/10/2006, 21:07
الله يعين اهل الاسهم<<<======مسوي مهب منهم :d:
ن م ر 015
17/10/2006, 21:11
صح لسان قايلها..

عوافي ع النقل :magkiss:
هلالي سفير
18/10/2006, 02:20
شكل ما خسر


لاعبينا في كاس العالم الا ذا الاسهم اللة لا يبارك فيها :lkj:

كلة من ذا الهوامير ياكلون فلوس ذا الضعوف


حسبي اللة عليهم ونعم الوكيل
سعــــــــــ14ــــــــــود
18/10/2006, 02:35
محلك سر ,,
ماجد الناصر
18/10/2006, 02:55
مشكلة شعب يلهث خلف المال اينما كان مصدره حلالا اما حراما وتارك الدين خلفه ؟؟؟
صلبوخ
18/10/2006, 03:32
الله يلعن أبو الاسهم :angel:
<<<<مسوي فؤاد :d:

الله يعينه شكل كل الي معه راح في الاسهم
فتى الدوحه
18/10/2006, 04:25
صح لسانك و لسان قايلها



و قصيده جزله و رائعه بكل ما تحمله الكلمه من معنى




و إن شاء الله توصل لأبو متعب
بقلم المستشار
18/10/2006, 06:32
لماذا نحمل المليك . . .
أخطائنا . . . سوق الاسهم اخي العزيز اشبه بمحرقه للمال من الخطاء ان الشخص يدخل برزق ابنائه ومستقبلهم في عالم الاسهم لم مانع بان يدخل بجزء يسر لايؤثر على دخله ولا على قوت ابنائه . . .
مشكلتنا نحن شعب عاطفي اكثر من الازم